岩盤牛扒ミディアムレア ステーキ (Greenery Plaza ) (已結業)

1- 門口Menu好似好均真，寫到明邊part每g幾錢。就係同藥材舖呃你一樣技倆！我買時話要3份牛柳各100g，即係$99一件。最後職員即場切完一件又一件，然後直入廚房。到俾錢時就話「頭先砌多咗俾你，所以唔係$99一件」完全係同人參打成粉局你要。最後，係堅持唔要「額外多出嘅」，職員先係廚房拎舊煎到咁上下嘅出嚟話「切番多出嘅，退番錢」。講真，食到俾人呃住嚟食，真係食到背脊骨落2- 廚餘風味嘅環境：基本上大大個「返却口」無遮無掩放咗喺門口側邊，基本上所有面向門口嘅人都冇一幸免要望住堆垃圾嚟食3- 呢度食嘢嘅玩法係唔會問你幾成熟，然後上一份近乎8成熟嘅肉俾你，果d咩juice呀鮮味呀～Sorry 點汁咪有味總結：唔會推介任何人去

今日因為工作關係去大埔走一趟！然後夜晚肚餓就周圍轉下睇睇有咩食比我搵到呢間食鐵板牛扒的，而且好似係街坊店見到都有d人係入面食緊應該唔會伏先去前面點餐區我叫咗店員切大約400g嘅牛扒！點餐果到會有埋牛扒價錢點計同埋可以加25蚊跟餐點完比哂錢拎個感應器，得果陣就可以自己得拎wooooohooooo我嘅牛扒到了我跟餐我揀咗飲料，飯同味噌湯味噌湯同飯都係正常水準呢個牛扒不得了，又大又厚，啖啖肉！我叫咗蒜油口味所以上面會有好多蒜！下面有d粟米3成熟就好似佢地個名咁medium rare steak個人覺得佢配個汁都幾好味，酸酸地！記得唔好到落鐵板而係點黎食如果唔係會彈到唯一唔係咁好係塊牛太多肥肉！我食咗少少就冇食了！但食哂所有肉！配飯一流肥肉問題應該係揀部位嘅問題，我揀嘅係西冷！如果揀牛柳可能會少d！下次可以再試試其他牛部位

今日入大埔探朋友，咁岩路過呢間自助牛扒店，見近來咁興呢類自助牛扒既舖頭，我都入去湊下熱鬧成個流程超有趣首先要好似響街市咁，揀舊生肉先，之後由店員磅舊肉幾重，再視乎自己需要，可以加白飯，salad，飲品等等既套餐～今次我揀西冷牛扒，之後就埋單等食，十足十街市+快餐店+扒房既新體驗未食已經覺得好得意，期望味道都會唔錯啦～ 舊牛扒一上，因為係用鐵板，所以未食已經好香，加埋鐵板d滋滋聲，令人好期待，好想快d食～結果個味道都無令我失望，牛肉夠棯唔會過熟，厚度適中，肉汁豐富得黎牛肉味都好香鐵板餐黎講非常難得！值得一讚係，餐廳一d都唔吝嗇，用喜馬拉雅山既粉紅岩鹽等食客自由落黎調味，鹹味唔會好似一般餐桌鹽咁死板，令肉味更香更有層次宜家回想返都流曬口水，希望呢d自助牛扒店會快d黎我屋企附近開返間啦

星期日同朋友去大埔附近行街，咁大埔其實不嬲都有好多嘢食選擇，今次就揀咗呢間食扒嘅。其實當你間鋪頭係因為佢可以揀大大份嘅肉眼扒，西冷同牛柳。咁我自己其實個食量都比較大，所以我就叫咗一份400g嘅肉眼扒，然後再配埋餐。咁個份量就真係非常之夠食，以我個friend就叫左300克件西冷扒。咁其實去到最後我哋大家都唔係好食得晒，因為其實真係好大份。要味道方面，其實你可以揀番個熟成嘅程度，而我就揀咗五成，我覺得啱啱號。價錢方面，我哋一人大概食咗$130左右，以呢個份量來講其實真係唔算貴。所以其實都推介大家過嚟試一試，因為個性價比都算幾高。

好耐無食牛扒啦！大大啖肉既感覺真係好正！來左屋企附近既呢間自肋牛扒餐廳成件事好日式，舖面有個小小既窗口比我即場選擇肉類！三款肉簡，我今次想食得健康少少，就簡左油脂相對少既牛柳，加多$25有個set! 擔心食唔曬所以就簡左味噌湯，沙律同烏龍茶！收銀機下面就係雪櫃，店員收到order後會即刻係客人面前切肉。我叫左300g，但因為佢按重量計，所以今次佢切左319d~如果怕自己食唔曬既話真係要講定唔好切咁多先啊！睇住咁大舊肉係面前，真係好興奮！！然後店員就會係我面前灑上基本調味攞返個牌仔，坐返埋位！當佢響果陣，就拎得啦～～當日人客唔算多，等左15分鐘到就有得食！可以見到牛柳好厚好大件，上面有 蒜泥同蒜片，另外枱上面都有鹽同胡椒比我地自己灑。同時亦配備日式柚子汁，酸酸甜甜，鍾意點食就點食～好大份啊！一切開就發現到佢預設係三至五成熟左右，如果想要再熟D可以叫店員更換鐵板！但個人鍾意生生地所以感覺幾好！牛柳脂肪較少，食落唔似西冷有種爆汁既感覺，但可以食到濃郁既肉味同埋肉既質感！

欣女去完日本食左燒肉就好掛住牛肉。今日食左個大塊牛扒。餐廳係自助形式的。首先去收銀揀扒，睇下要咩部位，跟住要幾重，餐廳按重量計算價錢。揀左西冷。之後攞牌等佢響。餐廳好有日式食鐵板牛扒既餐廳feel。好快西冷就整好。哇，滋滋聲，流晒口水。西冷真係好大塊。而且價錢都唔貴。切開個西冷，入邊熟得啱啱好。牛肉好多汁，仲好熱。牛扒本身新鮮，無雪櫃味，所以整半熟完全食到個好靓既鮮味牛扒可以點西柚汁，甜味十足。如果想令牛扒再甜啲，可以自己加鹽，同埋胡椒粉。全部都係自助自己黎。食得好滿足。salad餐配埋野飲。芝麻醬好開胃，完全啱我口味。唔想食飯澱粉質，呢餐最啱自己減肥食。味增湯，好暖又開胃。好彩黎得早，之後見到有人開始排隊。呢間算係好新鮮既牛扒，價錢好，野食靓，性價比真係超高既一間牛扒店。

我叫左300g肉眼+蒜油。可樂係韓國可樂，氣無可口可樂既多。好似冇咗氣嘅可樂咁。300g既肉已經舖滿左塊鐵板，甚至要摺埋起黎，令到塊肉受熱唔平均，一啲生一啲熟。蒜油其實係生蒜蓉碎，唔係好夠味。但附有既醬可以補救到味道，令肉不至無味。建議用大塊少少既鐵板，食起上黎不至於好論盡。朋友食500g, 肉疊埋既情況比300更甚。餐廳雖然有冷氣，但抽氣系統唔算好勁，餐廳入面一直有陣肉味，如果介意會染到衫有味既朋友，就要諗諗啦～

今天在附近工作，下班後極其肚餓，見到附近食肆林立，開始出現選擇困難症，結果沒有多想便入了這間日文名的餐廳，之後問了員工才知道鋪頭名是medium rare steak 的意思。店內只做牛扒所以只有一款餐牌，牛扒有300g 和400g 之分如果想吃軟身一點的話便選牛柳，如果想吃肉味濃一點的話便選西冷扒，由於我極其肚餓所以點了400g 西冷，然後第二步便是選擇醬料，最後便是4選3的定食，有白飯、白色麻醬沙拉、麵豉湯及飲品，選定後便先付款後享用美食。順帶一提價錢不算貴，我同事點了300g 牛柳+定食也只是$124，$124可以吃到高質肉肉算是性價比極高了。牛扒烤得很有技巧，切開後可以看到粉嫩的肉質，而且放進口口肉香四溢，肉汁富貴。再配合特製的清新醬汁，可算是絕配，而且香蒜等配料把肉味發揮至極致。環境而言，麻雀雖小，但卻井井有條，很有日本感覺，再加上這樣的食物質素，這樣的性價比在香港的確難求。

今日一個人去左太和站附近試一直都有好多人話去食嘅牛扒專門台－－牛扒 ミディアムレア ステーキ。因為我未夠5點就到左，先點餐，我揀左300g西冷要洋蔥油，跟餐要左沙律忌廉鮮奶同麵豉湯。300g西冷即叫即磅再煎，西冷望落分佈都好平均。用鐵板上嘅時候D煙好勁，而且D油仲繼續滾緊，拎餐嘅時候就要小心D會彈到。西冷牛扒上面放左蒜泥同亁蒜。枱面仲有粗鹽同胡椒可以自由調味，西冷牛扒肉質都好嫩，切起上黎唔硬，切開仲見到粉紅色的部粉，食落都唔會好韌，肉汁夠多，而且配嘅牛扒醬汁好好味，帶微甜。配上胡椒更香！跟餐嘅沙律用左胡麻醬撈，十分解油膩。而麵豉湯不算鹹，味道不錯。當我差唔多食完嘅時候，雖然先到左5點幾，但已經到左幾枱客。餐廳鋪面唔係太大，但都坐得好舒服。

尋晚同朋友係大美督終於都上完最後一日潛水堂！🥽之後教練好好，車返我地出大埔食好西！🥰😋呢間食牛好得意架！🐮🥩揀完要咩牛！🥩(有肉眼，牛柳，西冷）最少要揀300g，之後即切，磅完俾你睇明碼實價💰之後先上板食！😋🥩🐮都幾新穎！👍🏼🐮🥩😋唔錯！唔錯！👍🏼🥩#推介西冷夠牛味#MediumRareSteak

話說有一日，見佢剛開張，勁多人排隊， 誤以為好好味， 加上本身自己好鍾意食牛就決定一試，好少願意花時間排隊嘅我，都排咗半個鐘，滿心歡喜地等這牛扒之夜……未講選餐，見個職員切牛扒，收錢又係嗰隻手，已覺有點dirty。不過心想，好食就算啦…其實佢選擇牛扒嘅size，經觀察佢地總會係計多，好少計少，其實不單是錢嘅問題，更重要係食唔晒，唔想浪費。買完就入去等食，期待的心卜卜跳……終於等到了，我叫了款肉眼，size係超大塊，可借完全冇肉味，只靠個蒜汁調味，真係極度失望，永冇下次。我寧願比貴d去食牛角了。

呢間牛扒店係非一般既牛扒店🤩今日終於試到喇！點解話係非一般既牛扒店呢，首先呢到係自助既形式。店外有點餐區，餐廳只有三款肉選擇：肉眼、牛柳同西冷，選完肉之後就係選重量，分別有300g同400g。兩樣都選好後，店員會即場切牛排🥩😻等你睇到牛排新唔新鮮，仲有即場磅重量👍🏻👍🏻好多時係餐廳跟重量叫牛扒，都唔知係咪真係咁重，但呢度會磅埋比你睇，就唔驚比人呃啦🤪🤪我叫左西冷，店員會問想幾成熟，無特別order就會比3成，但由於用鐵板上，所以上菜後會再熟少少（變5成）。如果唔係食好生既，就可以叫5成，上菜時就岩岩好7成熟喇！店員介紹西冷肉味係最重，果然無介紹錯👍🏻肉味濃郁，肥膏唔算太多，有少少肥膏帶出牛肉既甘香，好好食🤤🤤

之前去過呢間日式牛扒店附近食野見到呢間好似都好吸引，可惜當時大排長龍冇機會試，今日同男朋友早左係大埔附近收工，即刻去左試下。😋本身中意鋸扒，但食西式扒房多，日式多數都係食烤肉，呢種日式扒房都係第一次🤫 一入到去，鋪頭播住日文歌，成個setting都令我有一刻覺得自己去左日本咁🤤首先係門口揀餐，有肉眼，牛柳同西冷，佢會即刻攞舊肉係你面前磅，明碼實價，大件夾抵食😋😋 我地叫左一份西冷牛扒set同牛柳set，全部加埋都唔洗$400，堅係抵食。而且塊西冷扒牛味夠重，肉嘅texture夠滑夠嫩，重要超厚身，脂肪分佈亦都啱啱好，加上少少岩鹽同pepper調味再進一步帶出濃濃嘅牛味，或者點佢個韓式柚子醬汁，酸酸地溝埋啲牛味又別有一番風味。鐵板嘅特色在於佢上枱時三成熟，食個陣就差唔多五成，正正好似佢店名咁medium rare steak🐮，一切開中間粉紅色，食肉獸must trytry。環境方面，佢係日本個種自助模式，一個人食或者幾個朋友一齊食都冇問題。😎 記得最後食完擺番個盤番去就得👍

香港的飲食業有個特別的現象, 就是在某一段時間總有一股熱潮, 最近便興起一股自助速食牛扒的熱潮。說來也真的巧合，一天，因工作關係要到大埔區，途中看到此間日式小店,主打項目正是自助速食牛扒, 便決定一試。在店舖外有一大塊顯示板說明下單步驟, 圖文並茂, 第一步先選牛肉及重量, 有三款牛肉供選擇，分別是肉眼部位、牛柳及西冷部位，之後店員會切割牛肉，每cut由300g起，以重量決定價錢。第二步可以+$25 配成定食，四款中選三款，有白飯、麻醬日式沙律、麵豉湯及飲品，揀好心項目後便去櫃枱落單及付款。點完菜後, 餐廳會給你一個傳呼機, 當食物做好, 可以領取, 傳呼機會有提示通知您。個人選了500g 的牛柳, 牛扒烤得不錯,切開了後可見到粉紅色的肉質, 肉汁非常豐富, 有濃郁的肉味, 入口肉質細嫩帶嚼勁, 再配上白飯、麻醬日式沙律及烏龍茶, 整份牛扒吃完後真的滿足。在多種食材之中, 牛肉確實有一定的吸引力, 這晚的牛扒水準也不錯，在此區也算抵食。

特登入黎太和搵嘢食！緊係要搵啲出面冇得食嘅嘢啦～所以就特登嚟試咗呢款自己揀重量嘅牛扒貨真價實 咁就唔怕蝕底啦😋喺門口已經見到餐牌清楚咁樣列明收費嘅細項👍🏼我同朋友一個叫咗牛柳 一個叫左西冷加set兩個都係300g😆睇吓 每一舊牛扒都係清楚俾你睇重量㗎等嘢食～拎左之後 好香呀～👍🏼👍🏼賣相好靚 特登用咗相機影 唔係真係影唔出有幾靚牛柳都好靚切開之後 肉汁「炸炸」聲！等咗好耐先食都到好多汁我食嗰舊偏少脂肪而我本身亦唔鐘意食太肥所以對我黎講係岩岩好！跟左set嘅嘅沙律係落咗麻醬食咗咁多牛肉 梗係要解下膩沙律都就係一個好好嘅選擇而湯就比左朋友飲 朋友話好少見到咁多昆布嘅湯飲完都唔會覺得好鹹！總結兩個女仔係可以一人食300g嘅！不過男仔就可能要400或者加飯啦～