岩盤牛扒ミディアムレア ステーキ (Greenery Plaza ) (已結業)

今日一個人去左太和站附近試一直都有好多人話去食嘅牛扒專門台－－牛扒 ミディアムレア ステーキ。因為我未夠5點就到左，先點餐，我揀左300g西冷要洋蔥油，跟餐要左沙律忌廉鮮奶同麵豉湯。300g西冷即叫即磅再煎，西冷望落分佈都好平均。用鐵板上嘅時候D煙好勁，而且D油仲繼續滾緊，拎餐嘅時候就要小心D會彈到。西冷牛扒上面放左蒜泥同亁蒜。枱面仲有粗鹽同胡椒可以自由調味，西冷牛扒肉質都好嫩，切起上黎唔硬，切開仲見到粉紅色的部粉，食落都唔會好韌，肉汁夠多，而且配嘅牛扒醬汁好好味，帶微甜。配上胡椒更香！跟餐嘅沙律用左胡麻醬撈，十分解油膩。而麵豉湯不算鹹，味道不錯。當我差唔多食完嘅時候，雖然先到左5點幾，但已經到左幾枱客。餐廳鋪面唔係太大，但都坐得好舒服。