山窿謝記魚蛋 (已結業)

我就喜歡謝記的魚蛋,佢係'實而彈牙'~打得夠同埋落足料,其他魚蛋粉舖的都係彈牙,但密度低~落唔足料,所以會一咬就開.....不過都係唔同口味而已.好多魚蛋粉舖都係好好味.但講質量,只計魚類產品,謝記仲係好好多.

久聞山窿謝記的魚旦馳名香港﹐終於找到機會與甚愛吃魚旦﹐但一向不愛出外用膳的母親前往一試。本人叫了魚旦魚片河﹐母親就叫了淨魚旦河。或者當初期望太高﹐我們不約而同地覺得非常失望。實邦邦的魚旦﹐與彈牙二字實在拉不上任何關係﹐只令我想起各大超級市場均有代售的包裝急凍魚旦。未知是否老師傅放假改由他人打魚旦﹐還是已經改為用機器打造﹐總之與傳聞中的彈牙魚旦相去甚遠﹐非常失望。河粉不錯﹐精瑩通透亦有口感。反而魚片是一個驚喜﹐新鮮炸出來﹐鮮魚味十足又彈牙﹐令我母親大嘆後悔自己一碗沒有跟魚片。觀乎在場其他食客﹐似乎都對魚片情有獨鍾﹐甚至兩位老人家都叫一碗淨河粉及一整條魚片﹐相信魚片的質素都得到大家的認同。依從當日的經驗﹐我會覺得山窿謝記的魚片才是鎮店之寶(味道評分屬3分﹐魚片佔了2.5分)﹔至於魚旦嘛......還是不要問好了。本人本來周旋於給笑樣(純粹因為魚片味道奇佳)和OK之間﹐但考慮到謝記標榜的(同樣亦是傳聞推崇的)招牌是自己的魚旦時﹐本人無法給予笑樣......因為吃過這些「馳名」魚旦後﹐實在笑不出來......

Lenny 同Mei都講得!謝記好細個已幫襯，大埔的我諗不外乎臨時街市或蔡潤記吧?但他們是廣東魚蛋，食落各有各好，全港O甘多區都有靚魚蛋粉食，以大埔為例，除以上幾間，陳漢記都唔錯!但不同Style 嘛!

真係唔鍾意, 魚蛋好腥………坐得又迫, 頂唔順!

謝記係我由細食到大既,所以食左甘多出面有名既魚蛋粉之後,始終都係覺得佢最好食! 就算搬過甘多次屋, 都要耐唔耐返去香港仔食碗謝記魚蛋粉!

如果講味道好,同區的潮苑都好味過佢.有人會覺得謝記食物、湯底好淡,無黎味道. 但我吃得出其原味和少味精的好處- 少加工. 要惹味的粉麵就唔好去謝記.開鋪時間長短唔一定可以離定其味道好與否. 尤其賣粉麵的.

一直聽閒話好好味, 所以上個月去試了! 辣油及魚旦河都好普通! 如果d人都覺得個到好吃, 可能佢地都未試過更好味的魚旦魚片河!大埔分別有兩間出名, 一間只做半日生意, 每日下午1:00就收擋, 都大把人等位! 另外一間就下午4:00收擋! 好唔好食睇人地唔使做太長時間便知!

和魚無關的可以唔食......例如墨丸牛丸好普通......牛腩又唔好食,不過如果略嫌湯底淡可以加腩汁....魚餃(不夠肉汁,但係那個魚皮的鮮味搭夠)、魚蛋(爽口彈牙,清香而沒有附加過的味道,我相信係只此一家)、魚片(淨吃,無浸過湯的先會好味)、魚札(好貴,$128一斤,貴過魚蛋足足一倍)甚至辣椒油(有魚味架)都好好......腐皮卷都唔錯,係唔夠熱....而家有好多家好好味的魚蛋粉,但係謝記係我任何時候的首選!

不是太特出...當然好過好多...但亦有比它更好的....不過我覺得服務同衛生就不好啦...好似吾休做...

魚片正，全店最值得食的東西！魚蛋彈牙，但魚味很淡！炸腐皮都幾好食。最差是河粉，好"淋"，難食！

住在香港仔區，基本上都唔會唔識呢間魚蛋粉，但我已很久冇去了。昨天同老婆下午入去食兩碗粉麵，我叫墨丸魚片麵，我老婆叫魚蛋魚皮雲吞河。咁多年冇去，質數沒有改變，魚蛋仍然相當彈牙，feel唔到味精，食完唔會好口喝，冇文輝咁重手。以前成日以為好貴，但其實regular size 只係$16，又ok喎!

提起魚蛋，很自然想起香港仔那間老字號「謝記」，魚旦新鮮彈牙，絕無防腐劑，一碗魚旦麵也不過賣$16，價錢公道，若一碗麵不夠飽肚，不妨來碟炸魚皮($16)，炸得金黃的鱔皮，入口卜卜脆，用來餸麵確是好味。

食過咁多間魚蛋粉，呢間係令我最想去既一間，真係好味到爆炸，每次去親香港仔都會食佢，無食炸野呀...但係d魚片和墨魚丸真係正。

無疑, 謝記是一間有份量的老店。單從它的營業時間(下午六時休息)和沒有分店, 便知道它「唔憂做」, 門外長龍不絕, 店內長年滿座。甚至, 它的魚蛋聞名遠近, 有人便藉此開創一個「香港仔魚蛋」的品牌。但, 謝記真的偏貴, 除了魚皮餃和炸魚片, 其他東西的質素都很起伏。我不是那種「去謝記吃牛腩然後彈謝記唔好食」的蠢材, 但魚蛋極其量和德昌平手, 更不及長洲張記般有強烈魚味。值得一提的是, 買外買時最好望實廚房的人, 買到手也盡可能check一check, 因為畀錯野、畀少餸的情況, 十次有五次會發生。

炸魚片一條新鮮炸起，要幾多切幾多，厚切，外脆內甜爽，好味到呀！同跟粉麵既差好遠，不過，有人食開出邊淋既，會覺得硬。另外，魚餃都正，不過較貴，魚旦都唔錯，河粉爽滑，湯清甜。牛腩麻麻，碎濕濕。