山窿謝記魚蛋 (已結業)

個老闆娘唔算太惡la!!但D伙計好cheap!!!唔理人ga,D野食又幾好味la!!

星期日點幾兩點去到, 滿坐, 一個位都無, 好得人驚, 等左陣就有位, 細細張枱坐三家人, 拿拿聲叫左個魚蛋魚片河, 又等左陣, D魚蛋真係唔錯, 又爽又甜, 誰不知魚片仲正, D辣椒油亦都相當香. 本來諗著再食其他野, 但係後面有人等位, 所以唔係幾好意思坐咁耐, 下次啦.老闆娘都唔算惡, 如果俾著我間舖長期塞滿人, 行都行唔到, 叫D伙計又聽唔到, D人客就做極都做唔完, 我諗我惡過佢.

謝記D魚蛋而家買番泥,無以前甘好食,老闆娘好惡,

好好味，不要錯過!!

魚蛋十分爽口

魚扎,魚蛋,魚片, 魚湯, 腐皮卷, 炸魚皮....連辣椒油也有魚味......而唔係魚的墨魚丸,牛丸就唔好味...牛腩就好失敗好"un".....<br />0的野好清淡但好好味!<br />患了AP 都可以食啦!(大吉利是!)

反而我最欣賞呢度的辣椒油，食慣覺得佢夠香又夠辣，係行入條後街的主要動力。<br>當然一場來到梗要整碗魚蛋粉加支大可樂。坦白講魚蛋不是特別彈牙好吃，但勝在流量快夠新鮮。當然如果見魚片新鮮炸起都會叫多碗淨魚片的。

掂!魚蛋.魚皮鮫都好味.

雜誌話呢間野出名，入到香港仔求其問下人都識，一試，果然係喎，我連地圖都唔駛查！<br>價錢一般吧，一碗大既魚蛋粉有成十紙粒細細粒的魚蛋，再加上三四塊魚片，三十蚊，當然你可以食細碗的(我覺得份量差不多)，十六蚊。<br>魚蛋唔係食開潮式的，咬落唔腥，想必是新鮮之故，聽講係每日新鮮手打的，但唔知點解食多幾粒會覺得好似食緊豬肉丸。魚片外皮幾爽口，切厚Ｄ口感會更佳吧！<br>另外叫左鮮竹卷，唔夠熱，食落口成口油~~<br>其實我有間比呢處更好的心水選擇，就係旺角金聲戲院後面的街市，行到尾旁邊的舖仔係做批發的，你可以直接同佢買，潮式魚蛋非常Ｑ口，魚片唔係一塊塊的，係一舊舊的，黃金外皮包住爽脆的魚肉，讚！唯獨是價錢貴左Ｄ，同埋要自已煮！

這裏真是豐儉由人,由十六蚊一碗粉至到百幾蚊斤的魚'擇'等,有人用幾十蚊埋單,有人就用成四百幾蚊埋單!不過就真係好食,湯底好清好甜,我發燒都唔怕無好味的野食...魚蛋好爽,但有人就會話硬....而其他都好好,除左牛南極度'un'之外......建議賣牛筋....而我最鍾意的是自製的魚餃和魚肉腐皮卷!

呢度Ｄ魚片好似好味過魚蛋，但係點解呢度冇淨片頭湯粉o既？因為我最鐘意食o個舊魚片頭，好香，好味～！

腐皮卷，魚皮餃，魚片都好味。記住試佢o的辣醬，好正，不過唔好落太多，都幾辣o架！

係啦, 最正就係食魚片河, 同出面既一般魚片真係有分別, 特別在魚片夠爽口, 係就係多人dd, 但食好野緊係要等下喇.....都值得既!

呢度係出名lor, 人又多,日日睇住d 人為o左碗魚旦粉排餐死,認真可憐.但本人只覺得佢地自家出品的魚片最有水準最好味~我間中都會買一條咬架~(脆皮好食麻)由於歷史悠久,即使爸爸媽媽覺佢冇乜好,我都認為要帶d 細o既o黎見識下~~如果想少d d 人先食,平日下午啦...lunch time 後,teatime 前應該冇問題...^,^

謝記係幾好食丫(炸魚片!), 只不過, 下下坐車過兩條隧道食一次, 好似唔多值嘛!