山田海韓國料理

營業中

休息中

有新聞10/11/2021落下首爾初雪，得知消息思鄉情懷特別濃，成兩年無得✈️🇰🇷，上星期就來個飲食解思療法，來到觀塘區食個午餐，一入坐就見身旁剛離座既客人有6碟幾乎原封不動既前菜，不禁感嘆大叫可惜，有正執拾碗碟既阿豬媽見我有咁渴望既眼神，佢之後再送多我兩小碟泡菜😍，好好食，好食在於令我回想起好有韓國阿豬媽既人情味在裡面♥️是日午餐🔸韓式豬腸湯飯 $90香港韓食少有用豬腸作湯飯，除豬腸外，有豬耳、五花腩肉、豬肉，湯味濃郁，仲有加入紫蘇葉一齊煮湯，清香且減去油膩感👍🏽🔹石頭什菜拌飯（牛）$75配有甜辣醬自由添加，拌飯配菜十足，甜辣醬連飯菜一口進食美味可口，口感層次豐富！絕對有韓國既風味💕📍 山田海韓國料理 (觀塘)觀塘開源道60號駱駝漆大廈三座3樓U室

有同事之前食過一次，今次就帶埋我過嚟一齊食。餐廳位於觀塘駱駝漆大廈 ，由於是星期五所以餐廳好多人好熱鬧，坐低叫完嘢食之後，待應會送上8款前菜，當中茄子同泡菜都好好味。辣豆腐海鮮湯配白飯，將湯汁淋上白飯一齊食真係好夾。燒牛肋骨及燒豬肉，牛肋骨醃得好入味，燒完之後好香口 。部隊鍋，材料好豐富，辣度適中，味道亦同樣豐富。整體而言味道ok，但衛生方面有待改進。

餐廳環境一般，又貴又唔好食，我地叫左2個餐，起碼半個鐘都未黎，問店員又話冇漏單，隔住塊板聽到啲店員話即落返，跟住同佢講唔要又話好快出，當然最後都出左餐啦食物黎到嗰陣嗰湯出晒煙諗住夠熱啦，點知食物同嗰湯都係暖既，以為人地小店經營應該有番咁上下水準，質素仲衰過嗰間H甚麼甚麼KOREAN連鎖餐廳公道講句，得啲餐前係好食既。。。

呢間係觀塘街坊推介好食韓國菜，話係韓國老闆主理，要食地道韓國味，就要嚟到呢度。工廈黎講，樓底唔特別高，餐廳唔算好大，座位有啲迫，最好要訂位。前菜，有9碟咁多，好食，特別鍾意茄子同海帶。仲可以refill兩碟。辣年糕拌麵， 嗰汁有啲似韓國地道街邊小食嘅味，酸酸辣辣，好味。泡菜煎餅，唔脆，泡菜味亦比較少，有啲失望。辣豆腐海鮮湯，會跟一個飯，可惜略嫌太辣。韓式炸醬麵，味道一般。醬油炸雞， 雞肉大舊，唔會太乾，配合埋醬汁同蔥，好夾，仲少了熱氣。最推介就係白肉包心菜， 白肉係豬肉同脂肪一層一層分明，口感唔錯。 將生菜包豬肉，泡菜同少少醬汁，少咗肥膩感，增加口感，好好食。整體黎講價錢合理，每碟菜份量都幾大碟，幾好。

⋆⁺₊⋆.山田海韓國料理.每次經過都見到好多人係到等位～今次好醒目地一早book左同友人慶生日ㅋㅋ.一坐低叫完嘢食，店員就會上一大堆前菜～款式好似會跟時令而改變(˶‾᷄⁻̫‾᷅˵)基本上每一款都好好食！不過個人比較私心個碟魚糕ㅋㅋㅋ.辣年糕拌麵/ $118 / 🥨🥨🥨呢個辣年糕嘅味道個人覺得同韓國食嘅味道幾乎一樣咁！！不過一碟份量都算多～所以比較適合share食୧( "̮ )୨✧ᐦ̤.石鍋雜菜飯/ $108 / 🥨🥨🥨🥨十分推介呢個石鍋飯～另外會有一碟韓式辣醬比你加入去撈黎食！而且個底仲有啲飯焦令到成個口感豐富左( ˃᷄˶˶̫˶˂᷅ ).值得一提係係到慶祝生日嘅話，韓國老闆同店員會播歌、唱歌同你慶祝生日！！！好適合啲想比驚喜人嘅朋友去喔(´⌣`ʃƪ).事後老闆仲送左包紫菜比生日嘅朋友ㅋㅋ成件事有啲搞笑ㅋㅋ不過！！老闆都會著魷魚遊戲嘅衫同大家慶生！！（附上片段ㅋㅋ)令個生日飯變得不平凡～.*另收加一服務費喔...［滿分5個🥨］...⌫ 山田海韓國料理 (觀塘)觀塘開源道60號駱駝漆大廈三座3樓U室.#觀塘咔嚓#韓式咔嚓

今天又和三五知己食韓國餐廳我們的餐桌地方竟然是office好特別的感覺，第一次在office晚餐在office用餐，有好有唔好，好是 這裡自成一閣，可以靜靜地傾計，出面很吵不好是出面氣氛很好，當我們食到一半，聽到出面很吵，開門八下，原來是餐廳員工幫人慶祝生日，其他食客也大叫拍手來製造氣氛。食物方面，前菜都很多，食物點了 燒牛肋骨，燒豬肉， 部隊鍋，豆腐湯牛肋骨肉質鮮嫩，很入味，但有部份有好難咬開的根位，其他3樣都是正正常常的好味啦這裡主要食氣氛，而其中一位好似好鍾意呢間同醬油蟹（今次冇點到），甘就希望下次再有機會就試下出面既氣氛

掛住韓國燒肉🤤之前去開觀塘果邊，大食仔搵到呢間唔錯既韓國料理（做到野😎👏🏻）·🐖烤五花腩（$130）抵食抵食！一大堆前菜小碟都食到飽飽地😂仲可以refill! ！！！烤5花肉真係好邪惡，一定要包生菜，再加蒜加青辣椒沾醬🤤好滿足！·🍲鮑魚牛肋骨湯（$90）大食仔好愛既牛肋骨湯！清清地唔錯，不過肉就有啲鞋口～好飽食唔哂😂😂·📍山田海韓國料理觀塘開源道60號駱駝漆工業大廈3座3樓U室

老闆係韓國人，好好客推介炸雞魷魚同生牛肉，好好食韓燒黎講 肉好靚都唔會差得去邊醬油蝦同鮑魚都好好食，小貴但值得炒粉絲份量好大食得好過癮牛肉窩好入味，仲有跟飯晚餐一定要訂枱唔係都好大機會無位

近日留意到有衣間韓國菜，好似唔錯。咁岩同老公响附近就黎試下，點知差到無朋友，而且價錢唔值。我地叫左3 樣野：石頭鍋雞肉飯、炸雞同咖喱豬腩肉。好快就上左好豐富的前菜，味道都唔錯，令我地都好期待接下來的主角們。首先上咖喱豬腩肉，賣相普通，普通到相機食先的我都無影相，類似平時燒嘢食果d肉咁。肉好難咬開，味道一般。食到一半聽到呀姐覆其他客的單時，聽到生菜，即刻諗起係喎，生菜呢？！ 又話韓國人開嘅？生菜唔係免費供應？ 唔係😢要比$55…. 基於價錢唔值同食唔晒，所以無諗住叫。衣家諗起，真係好彩無比佢賺。然後熱辣辣的石頭鍋飯到啦，但辣醬唔係一齊黎，要問人拎。等唔切個醬到的我決定撈住先，發覺同平時食開的唔同，咁黏既？我仲以為撈撈下d熱氣會令水份蒸發d,無咁濕，所以係咁撈，但都無用，個飯直情係爛飯黎。食落無晒口感，feel 唔到d飯粒，人生食過最差的石頭鍋飯。出面任何一間都好過佢！！最後係炸雞，炸雞全部都係雞塊，舊舊都係肉，送酒係一流，炸得都算脆，但炸過火左，食落好乾，無晒肉汁。價錢高少少唔代表野食會好食d🥵衣間野我相信唔會再幫襯了！

某日看了朋友介紹哩間由韓國人主理既韓國餐廳，就約左一班朋友去試下，一入到去，通風不好，很大油煙味，座位很窄，很嘈，餐牌很污糟又殘舊，價錢不平，貴得來，份量很少，最緊要係好難食泡菜餅一啲都無泡菜味，又凍，唔香，粉又厚韓式炒粉絲，又係唔夠熱，完全過甜，唔好食辣炒豬肉，我地雖然叫小辣，但係辣咪一啲都無，只食到過甜，啲醬多到好似食醬咁，啲豬肉完全無炒咁，唔香最失望是豆腐煲，貴得來係以為係泡菜湯底，但是像蕃茄湯，一啲都唔好食，甜既，啲蝦及蜆都唔新鮮奉上既免費小食，只限再fill當中兩款，仲要不可以重覆🤨，佢地有兩款泡菜，算是今餐最好食，期間濃煙極大，不能久坐，走時一身臭油煙味，沒下次了，第一次咁失望🤦

朋友之前約我食生日飯，話帶我哋去觀塘 #駱駝漆 食韓國菜😝 餐廳位處工廈所以空間好寬敞，但係平日夜晚都差唔多坐滿🙆🏻‍♀️ 一入餐廳已經見到門口貼滿老闆同客人嘅即影即有，餐廳牆上掛咗幾部電視，一路播K-pop，氣氛好熱鬧🥳 老闆係韓國人，勁熱情好客，真係好似去咗晚韓國旅行咁🤣.食物方面，全部都份量十足🤭 前菜小碟都有7-8款選擇，可以任添👍🏻 餐廳隔離有間韓國小食店，由同一個老闆主理，我哋見到泡菜小碟都賣成$40㗎，所以堂食任添前菜真係好抵🤣🤣~~~~▫️ 白切豬肉包心菜 ($278) ⭐️8/10一上枱見到個碟嘅size已經嚇親😂 豬肉每塊都係厚切，有差唔多20塊🤩 用生菜夾一塊豬肉，加泡菜配料同辣醬，一次過放入口好滿足😚 3個人share，每人都食到6-7件，真心抵食👍🏻.▫️泡菜煎餅（$110）⭐️8/10煎餅好香泡菜味，酸酸哋幾開胃🤣 本身擔心會好辣，但係就咁食偏重泡菜香，食辣嘅朋友仔可以點多少少醬汁，會惹味啲😋 好中意煎餅嘅質感，煙煙韌韌，啱晒我呢啲澱粉控😍.▫️韓式醬油炸雞（$189）⭐️6.5/10炸雞同樣好大碟，3個人食好似食極都仲有😂 不過味道就遜色啲，炸粉偏厚又炸到好硬，雞肉都比

#環境# 環境不屬於裝修精美 但勝在地道 有置身韓國小店 光線冇花巧設計茶單食物相貼滿牆身 但環境卻是挺乾淨 不過餐廳內客人說話聲都有少少嘈 前菜 $0超水準8大碟前菜 泡菜都有兩款 一款較甜 一款較辣芽菜味道剛剛好 唔會有草青味茄子青瓜魚腐都分別腌我剛剛好 絕不會太咸又或者沒有味 真係忍唔住食哂牛肋骨大醬湯 (包飯) $108牛肋骨炔到肉軟腍離骨 但仲好有肉味 雖然大醬味濃郁但仍不會蓋去牛味肉既份量挺可觀 女生絕對飽白菜充分吸收大醬湯 入哂味 送飯一流 仲有好多棵辣豆腐海鮮湯 (包飯) $118雖然得一隻蝦 但蜆比較多 配料亦好足 同入味 絕不是濫竽充數為加而加 (所以沒有菜)味道都不錯 不過大醬湯更推薦 其他上菜時間要一陣 但考慮到熱辣辣上枱同有前菜食住等就冇問題 店舖仲有燒肉 下次絕對會再去試

呢度配菜款式幾多，泡菜偏酸帶微辣，其他西蘭花、芽菜等菜類水準正常，係偏鹹咗小小；至於薯仔軟腍帶甜味，我覺得係配菜入邊最好食嘅。 🥔 至於辣泡菜炒豬肉飯，佢用咗好多洋蔥泡菜去炒，而豬肉就係五花肉嚟嘅。佢食落唔算好辣，但成個餸偏油，食咗一半之後已經開始有飽肚感，同埋好油膩…..建議同朋友嚟食可以share食，另外叫個湯類解膩會更易入口🥸佢跟餐送汽水，我揀咗韓國嘅蜜桃水，都係普通糖水咁，飲佢俾嘅茶仲好味🤣🤣🤣整體呢間韓國餐廳水準正常，我會想食佢嘅配菜多過主食…配菜真係太豐富，而喺出面真係較少見！😆

對呢度個大醬湯念念不忘呀食過一次覺得好味今次為了佢再黎另外再點左海鮮煎餅牛肋骨大醬湯仍然好味夠濃味啱我地呀本身唔太食牛只食左一舊唔會好UN湯會跟埋個飯既將個湯連埋飯食PERFECT呀海鮮煎餅質感少少淋身(但NOT BAD架)口感比較特別呀又整到香口得黎唔會好熱氣下次都可以ENCORE呀

觀塘駱駝漆大廈韓國人老板開的韓國餐廳，餐廳有唔少座位，今次叫左部隊鍋！係香港唔係咁多間韓國餐廳可以食到，之前係韓國食過，覺得好味，所以返般香港都想食返。首先比左8碟前菜，係食過咁多間韓國餐廳比的最多前菜既一間😍😊，泡菜同蛋好食，其他都唔差。至於個部隊鍋就一般，味道比較淡，但就好大煲，兩個人食會食唔晒，有腸仔、菇、豬肉、大蔥、年糕、午餐肉等等。不過豬肉太肥，煮完都唔係咁食得落。下次應該唔會再叫部隊鍋，叫返其他菜式算😵