山海。さんかい (已結業)

講起屯門美食，好多人第一時間就會諗起屯門市中心🧐其實原來離屯門市中心遠少少嘅地方，都有好多大大少少餐廳選擇😊今次就去左一間離市中心遠少少🤏位於卓爾廣場的日式料理😋外內裝修為簡約的木系日式風格🇯🇵入到店內一坐低，店員立即好貼心遞上熱毛巾比我哋抹手🌝疫情期間有呢樣服務，令人感覺更加乾淨衛生👍🏻而佢哋嘅餐具亦都好別緻，就算係一張紙巾嘅質地都好有質素，相信佢哋對餐廳都有一定既要求👍🏾佢哋餐牌有好多不同種類嘅壽司刺身或海膽，不過今日想食得簡單少少😗叫咗兩個午市套餐🍽1. 特盛鰻魚飯配時令水果🐟 $168原條切件鰻魚十分肥美🤤醬汁味完全同鰻魚融合，入口啖啖肉，滿滿鰻魚的油脂感，撈埋彈牙嘅珍珠米一齊食，幸福感爆錶😋今日的時令水果是柿🤗十分新鮮香甜👍🏻2. 櫻花丼配時令水果🍣 $168本身對櫻花丼並沒有概念🧐所以就叫嚟試下，原來就是雜錦魚生飯🍚角切的魚生鋪得滿滿🌝分別有三文魚，油甘魚，赤身，蟹籽和三文魚籽🤗刺身整體都十分新鮮，可以吃到魚的鮮味，三文魚籽十分飽滿cute彈，內裡仲有青瓜，令口感更加清新，食完咁多魚生都唔會覺得好滯👍🏾

屯門有間隱世高質日本餐廳，今次來到卓爾廣場，見門面好似幾高級咁，就一於入去試吓～午市定食：🔅《壽司·烏冬定食》$148來到已覺得好吸睛，顏色配搭得恰當😊定食有8款9件壽司、一碗烏冬或綠茶蕎麥麵及時令水果。壽司有三文魚、鰻魚、魷魚、灸燒油甘魚、甘蝦、2件卷物及吞拿魚蓉卷。全部都好新鮮好味😋三文魚🍣色澤好靚，鰻魚厚切大大嚿無骨👍🏻蕎麥麵彈牙爽口。時令水果是柿子，好淋好juicy🤤🔅《咖喱吉列豬扒丼》$88份量真係十足😆好大碗，豬扒炸得金黃香脆，有咬口。咖喱味濃又不失甜味，唔係辣嗰種，味道富層次，而且汁夠多，拌飯一流！ 米飯粒粒分明，頗圓渾煙韌，不會過乾。還有配上二件厚切三文魚及水果，好抵食👍🏻🔅北海道海膽壽司$88我呢個海膽控追加咗件海膽壽司，味道香甜濃郁，甘甜細膩的海膽實在令人回味😋

🐄特盛燒牛肉丼$148午市套餐仲有兩片肥美嘅三文魚刺身🐟，碗飯叫得特盛份量當然唔少😋薄切牛肉充滿醬汁，味道濃🐟本鮪腦天$68 腦天係吞拿魚頭部嘅肉，每條魚只有四塊😱相當矜貴！包住紫菜咬落去，口腔充滿油分，口感軟滑，值得一試😌🦪廣島蠔雜炊$108如果唔想食丼飯，可以一嚐呢碗粥🥣味道非常鮮甜，感覺好似有好多唔同海鮮同肉淆出嚟嘅精華再煮呢個粥✨蠔肉唔會縮晒水，一鍋大概有五隻左右，適合兩至三個人share 食🤤

屯門卓爾廣場開咗間日本餐廳，餐廳嘅日式裝潢及餐具猶如令人有置身日本家鄉嘅感覺，另服務唔錯之餘，食物又OK😌🇯🇵壽司·烏冬定食（$168）壽司有7款，魚生係厚切，而且都算新鮮，味道屬正常發揮；烏冬煙靭彈牙，配埋昆布及清甜嘅日式湯底，好味又暖胃😋時令果物係日本蘋果，味道清甜爽口。🇯🇵唐揚炸雞飯附他他醬（$118）炸雞熱辣辣又大件，食落無骨啖啖肉，外脆內嫩滑，配埋他他醬真係好惹味；三文魚刺身都係厚切，另同樣跟配爽甜蘋果。🇯🇵炙燒本鮪面頰壽司（$68）另外多點咗呢款較特別嘅壽司，面頰肉屬刁鑽部位，食落爽口有彈性，配柚子碎及以紫菜包住食令口感更豐富😋

繼續遊屯馬綫🚇今次去到屯門太鍾意食🇯🇵日本菜所以都係揀左間日本餐廳呢間好高質素🤩餐前會送上毛巾抹手好似返左家鄉日本咁🥺🔸壽司烏冬定食 $168定食包左9件🍣壽司、一碗蔥花烏冬及時令生果。壽司有鰻魚、灸燒油甘魚、三文魚、甘蝦、2件卷物、魷魚及吞拿魚蓉卷。每款壽司都新鮮好味！鰻魚無骨又大舊，油甘魚好香甜，烏冬好滑溜。最後仲有車厘子🍒作為飯後小食。🔸黑豚生薑燒定食 $148呢個定食仲包含左2片三文魚刺身、時令生果。黑豚薄而帶有濃濃嘅生薑味，由於燒過，仲有灸燒香氣。黑豚份量都多，醬汁甜甜地，撈埋飯一齊食好味😋 三文魚刺身非常厚切，鮮味十足👍🏼最後食埋青森蘋果飽晒☺️

今日特登入咗屯門搵朋友食晚餐去咗位於卓爾廣場嘅一間日本料理 山海門面設計有少少似日本嘅居酒屋都係日式簡約風格好彩一早book咗位晚餐時間都幾多人食日本料理通常都係散叫可以試多啲唔同種類嘅食物今晚就order左：Royal 玉子燒雞蛋香滑厚身，玉子燒一定要趁熱食而且玉子上面仲有印有餐廳嘅名本郁大拖羅單點左一件大拖羅刺身上面有啲金箔，超級豪華超級新鮮而且拖羅仲要係厚切壽司盛合（8貫）如果有選擇困難症嘅朋友不妨點一啲壽司拼盤我就叫咗8款嘅壽司拼盤：三文魚、時令鮮魚2款、平目魚貝、帆立貝、甜蝦、拖羅魚蓉海の幸、松葉蟹肉海の幸整體都非常新鮮而且刺身同飯係黃金比例3:1日本燒原隻大魷魚筒魷魚筒燒到恰到好處外皮有少少脆肉嘅部份好有咬口而且份量都幾大清酒煮廣島蠔清酒嘅味道冇掩蓋蠔嘅鮮味食完啲蠔同埋配料仲可以飲埋啲湯一餸2食蒜香牛柳粒個人唔鍾意食太熟嘅牛肉幾鍾意呢度嘅牛柳粒肉心唔會太熟而且鬆軟度適中今個季節仲有三款限定推介南高梅鹽燒本鮪下巴 / 灸燒本鮪腦天壽司/ 灸燒本鮪面頰壽司

無意中發現卓爾居多左幾間新店，呢間日本餐廳門面靚，吸引我哋嚐鮮，食物都唔錯。三葉海鮮餅⋯好香口嘅炸物，雖然有啲油但炸得好脆，食到鮮甜嘅蝦肉，又冇炸得過火。蒲燒鰻魚壽司⋯厚厚又鬆軟嘅鰻魚，分兩啖先食得晒，抵食之選。火炙本鮪腦天壽司⋯即係吞拿魚嘅天靈蓋，第一次食，油脂好豐富，比三文魚更油潤。炸軟殼蟹牛油果卷⋯每次食日本菜必叫軟殼蟹壽司🍣食落唔油膩，三文魚子夠味，唔使點豉油都好食。極上蟹粥⋯二人份量嘅蟹粥，可以分到三碗左右。粥底都算軟綿，加入無菌蛋撈勻，質地變得濃滑有蛋香味。食完壽司再食碗暖笠笠嘅粥，好圓滿。

有得堂食好堂食系列之食盡佢！！！因為受到咁大嘅衝擊 又要面臨最忙嘅年頭再加上難得未洗晒份糧🤣🤣🤣食返餐好少少嘅 比自己開心吓🥲見屯門呢間日本餐廳好多好評睇到啲相又吸引 就特登揀咗嚟食喇🤤鰺 (原條池魚刺身) $188 🙆🏿‍♀️本身刺身落咗類似橙皮醬汁就加咗少少蔥 同埋食到有青檸味咁 好清新而中間佢擺咗幾件原切火炙池魚除咗肥美 再加少少香口嘅焦香味 令刺身更昇華平時比較少食 覺得好特別就叫咗 幾好味😋特上壽司盛合 (10貫) $368 🙆🏿‍♀️有海膽 帶子 油甘魚 牡丹蝦 火焰大拖羅各2件其實睇圖都知 又肥美又大件 每樣都想讚海膽真係會留喺你口到迴腸蕩氣😍帶子同牡丹蝦好鮮甜火焰大拖羅更加不得了燒得香口得嚟 又有豐富嘅魚油 好肥美🤤三文魚親子盛合 (12貫) $118 🙆🏿‍♀️有4件三文魚壽司 2件三文魚籽壽司 6件三文魚小卷睇返相先發現原來兩件三文魚籽份量咁唔同可能我就係食好豐滿嗰舊 有勁多三文魚籽喺我口中爆開三文魚壽司雖然唔算肥美 但係勝在嚿嚿都差唔多冚晒成個飯而魚生佔小卷嘅比例都算多同埋嚿嚿一樣高度 呢個要讚👍🏿呢間服務又係加零一 真係有少少似日本餐廳嘅服務一坐低拎毛巾比我哋從未叫高

今日同朋友黎到屯門卓爾居這家叫「山海。さんかい」的日本菜食晚餐，我地就嗌咗以下食物。蒜香牛柳粒 - 牛柳粒醃得恰到好處，味道不會太濃不會太淡，正正突得牛柳的鮮味，而且絕不會有韌的情況。三葉海鮮餅 - 是天婦羅的一種，每塊都有大大隻蝦肉在裡面，炸得香脆可口而且又唔會好油，配合醬汁鹹淡適中，一試難忘。八貫夀司盛盒及火炙夀司 - 全部壽司都是大大塊魚片及厚切，而且全部都十分新鮮，火炙夀司也燒得剛剛好，香甜美味。加州反卷(蟹子付) - 除了賣相好外，和附上的沙律醬十分夾，非常惹味，令人食指大動。軟殼蟹牛油果手卷及炸虎蝦牛油果手卷 - 手卷內的炸物十分大件，一口咬下啖啖肉，而且鮮味十足，令人感到十分滿足。

每次入親屯公/大欖都會好認真搵餐廳🥲費事miss咗一次食好西嘅機會，今次呢間位於卓爾商場嘅日式料理裝修都幾靚，一於試試佢！.1️⃣壽司盛盒八貫（$168）握壽司有三文魚、時令鮮魚、帆立貝、甜蝦等，軍艦有蟹肉同吞拿魚蓉。雖然擺咗一陣影相，但啲紫菜仍然keep到脆口，啲料都好鮮味！唔使點豉油都唔覺差啲嘢🍣.2️⃣池魚刺身（$198）呢個同原menu唔同🥲因為當下賣晒原條池魚（$188）🤦🏻‍♂️唯有叫佢嘅刺身。面頭放咗少少柚子皮粒提升一下鮮味，雖然有提供酸汁點，但又係唔點嘢都食得出魚嘅鮮味🐟.3️⃣日式燒原隻大魷魚筒（$108）燒得幾香脆，尤其是啲觸鬚！燒汁唔會話倒得太多，唔會太鹹同時又唔會整淋邊邊脆嘅部分🦑同埋都幾多件，夠晒朋友share！.4️⃣極上蟹粥（$128）上枱時好熱‼️小心‼️會跟埋隻生蛋，倒埋隻蛋再撈勻就會令煲粥色水更靚、更有鮮味🍲間唔中會撈到一絲絲嘅蟹肉，啲精華落晒入粥底度，為今餐埋好個尾。.性價比：🌕🌕🌕🌑🌑美味度：🌕🌕🌕🌕🌗獨特性：🌕🌕🌕🌗🌑.📍山海。さんかい (屯門)🍣屯門石排頭徑1號卓爾廣場 L1樓107號舖🍣馬鞍山鞍駿街1號馬鞍山中心地下A03A-05號舖.@sankaibygetf

係附近球場做完運動, 就去朋友推介既一間高質壽司店食飯, 今次坐係bar檯, 可以望住師傅整壽司。環境亦幾舒服, 待應好好服務, 會推供暖毛巾抹手, 又會自動過黎加茶。灸燒本鮪面頰 $68呢款壽司係期間限定, 而且聽講係好罕有。本鮪面頰即係吞拿魚既面豬燈位置, 呢個位置一向都好少肉但又好滑, 有彈性。壽司盛合 (8貫) $168叫左一set8件既壽司, 有三文魚、牡丹蝦、帆立貝、松葉蟹肉、火炙中拖羅、油甘魚等等。刺身又厚又大塊, 好新鮮, 飯就比較少。炸軟殼蟹牛油果卷物 $128炸軟殼蟹好脆, 而且仲有少少暖暖地, 配牛油果永遠都係最夾!另外一提d蟹籽好有咬口, 粒粒都可以咬到有pop pop聲!雜錦天婦羅 $168內有3隻大蝦天婦羅、1件冬茹、2件蕃薯。炸粉少仍有脆口感, 呢個天婦羅幾高質!清酒煮蜆 $88內裡目測有20多隻蜆, 份量都算多。清酒味唔會太濃, 不過蜆相對多沙, 有d失望。餐牌:

平時嚟親屯門都係去市中心，但係今次朋友竟然約我去卓爾居，話有驚喜喎。原來係開咗一間好骨子嘅日式餐廳。前菜我哋揀咗個玉子燒，佢個玉子燒好多層，夠晒厚，又甜甜地，唔錯。然後我哋叫咗四件壽司，分別係鰻魚，帆立貝，三文魚腩同埋牡丹蝦。佢呢度嘅蒲燒鰻魚都幾大片，而且個醬汁唔會甜唔到蓋過晒魚本身嘅味道。而佢個帆立貝都好新鮮，好鮮甜。至於三文魚腩亦都好夠肥美，火炙嘅情況下都食到魚油嘅甘香。另外我仲叫左件好特別嘅本鮪面頰，即係魚嘅面珠墩，咁大塊面珠墩到底條魚要有幾大條。職員話係包住紫菜嚟食，佢個口感比較似和牛，真係好香，入口即溶。然後我哋仲叫咗個炸軟殼蟹牛油果卷，軟殼蟹都揸得唔錯，唔會太厚粉或太硬，配埋牛油果又可以解膩，感覺清新好多。然後我哋仲叫咗個日式燒原隻魷魚筒，佢個魷魚燒到啱啱好，唔會太乾唔會太老，送酒真係一流。然後我哋仲叫咗個清酒煮廣島蠔，佢啲蠔真係好鮮甜，用清酒煮完全帶到廣島蠔嘅鮮味。最後我仲叫咗個茶碗蒸，但係佢個賣相同傳統茶碗蒸好唔同，佢好似個布甸咁，又滑又彈，加埋啲蟹肉同三文魚子，個賣相真係好吸引。

屯門總叫人驚喜 有不少好食嘅餐廳 或者身處得香港太耐 不停的找尋美食 單看裝修 一看便知道是日本菜 店內好有身處日本的感覺 侍應十分體貼地招待我們二人看著餐牌 好似發光似的 分別點了 實在太多選擇 於是選擇了特上壽司盛盒10件我哋坐喺Bar 枱 可以見到師傅細心制作壽司 要開動啦盤上 海膽、牡丹蝦 、拖羅、由甘魚 帶子每樣兩件油脂滿溢的-油甘魚 加上日本蔥花點晴 味道更鮮帶子的鮮甜 有入口即溶化的感覺 好新鮮口中跳動拖羅本身名字已經好吸引 叫人一口放進口𥚃一樣 加上金箔 加添了華麗感覺 飯煮得粒粒分明 醋味適中 燒牛肉盛井 一份定食好豐富 燒牛肉味道好有火燒既感覺 加上燒牛肉汁 配以洋蔥 好出色 重有新鮮三文魚 成件事大滿足 雖然唔知道幾時可以再飛 再去當地感受文化同食物（日本）唯有在香港令自己得到一點點喘息的機會

凱都睇完戲去好近，馬鞍山有分店食串燒，屯門分店就專做壽司+少少熟食，亦有提供唔同日本酒，店面裝修有啲高級壽司店feel，店員亦會頻頻加茶，但平有平食，想質素高啲有貴啲嘅選擇，全部都係師傅即叫即喺面前整。特上壽司盛合 (10貫) $368整體壽司嘅飯同刺身比例合宜，壽司飯唔多，但刺身件件都好厚切，食落啖啖肉。🍣本鮪大拖羅脂一咀嚼已經feel倒啲拖羅嘅脂肪炸烈，夾雜左啲拖羅筋月，仲用左金箔鋪面，成件事好奢侈。🍣時令鮮魚 - 鎬鰺 (深海池魚)一千零一次omakase食過深海池魚，但上次好似薄切啲同食法唔同。哩度好厚切新鮮，哩種味道值得一試。🍣海膽海の幸啲海膽雖然食落都好新鮮，但本身嘅味道較為淡啲。🍣帶子勁厚肉！面頭加左少少柚子醬，提鮮之餘帶點清新感。🍣牡丹蝦都係好厚肉~比起彈牙，佢都有入口融化嘅感覺。🍣三文魚腩壽司 +$18食壽司唔食三文魚會唔開心，所以自己加左舊。🍣本鮪腦天火炙壽司 $136廚司推介極罕之選 - 腦天包上脆口紫菜，魚油豐厚，帶上微灼燒嘅燻香，比起大拖羅完全冇筋，同預期中一樣入口即化。

原來屯門而家都有超高質既日本餐廳啦🇯🇵🤩 餐廳的位置位於屯門市中心附近的卓爾商場 就算行過黎都好方便😆 雖然我地只系lunch time黎 但閒日的午餐時間原來都爆場🙈 我地揀左坐bar枱 因為可以同師傅有交流 好似食omakase甘😆 最想同大家推介呢到期間限定本鮪罕有部位的壽司🐟🍣灸燒本鮪腦天壽司 $68呢款壽司採用的系吞拿魚最刁鑽的位置 就系頭頂舊肉😱 一條魚只有兩塊 勁珍貴🙈 食落去口感勁滑 筋少但脂肪會多啲喔😙 灸燒本鮪面頰壽司 $68另外呢款壽司都系吞拿魚好罕有的位置 系佢地 <面珠燈> 🙉 因為有筋位 所以食落口肉質好爽口仲好有彈性😛 呢兩款壽司師傅都會用火槍輕灸 將啲魚油逼左出黎 味道更香濃😋 牡丹蝦刺身二食 $98 + $18好特別的食法😌 先食左刺身 然後仲可以飲埋用蝦頭煲的味增湯湯😋 牡丹蝦肉質軟嫩中帶點彈牙 另外個好有驚喜 好鮮😙 帶子刺身 $58雖然只有四切 但每一粒都好大粒好厚肉 口感好彈牙🤤 佐賀A4和牛(肉眼)壽司 $88入口即溶好jeng👅 食落去啖啖都系肉 而且牛肉味好濃 燒牛肉盛丼定食 $138Lunch set黎講佢的份量真系好十