56
2
4
港鐵屯門站 F2 出口, 步行約7分鐘
繼續閱讀
營業時間
星期一至日
12:00 - 15:00
18:00 - 22:00
以上資料只供參考, 請與餐廳確認詳情
食家推介
同老闆傾下計，問吓有咩推介，試咗好多嘢食，生蠔超正，同埋一定要試吓清酒，所有食物都好高水準，店員同老闆好好人，好親切，食得出全部都係日本直送，仲有個牛肉一定要試！
繼續閱讀
一直都知道卓爾商場有間高級日本餐廳，見到有好多好評，今晚就嚟試下餐廳地方唔太大座位唔多，我地獲安排坐響最入的一張二人枱，感覺其實有少許侷促食物款式方面唔算多，比較多壽司類。由於我地今次都唔想食壽司，所以揀咗以下食物：1. 燒原隻魷魚筒：都幾大隻，燒得唔會太乾身，亦香口2. 原條池魚刺身：幾新鮮，份量亦OK3. 海膽帆立貝丼：呢碗丼飯一拎上枱，心裡面已經沉一沉，因為海膽色澤暗啞呈啡色，望落已經覺得唔太新鮮，食落去完全冇任何鮮味同海膽味，簡單講係無乜味道的。反而幾隻帆立貝就夠彈牙同夠鮮味。其後店員解釋呢款係加拿大海膽，本身係比日本海膽顏色冇咁鮮紅，但問題係食落都冇鮮味就證明唔新鮮，而且加拿大海膽相對價錢偏平，所以呢碗丼飯以$268價錢就真心唔值 (如果海膽來貨唔新鮮其實唔應該照比客食，或者當是日特價咁做都好D)連埋加一，兩個人食咗$631，以屯門屋邨區及食物質素來講，的確好貴。而且呢晚我哋8點後先坐低，除咗我哋就只有另外一枱客人，但上菜都好慢（至少個丼飯唔駛點整呱？）所以一次就夠了！
繼續閱讀
已經返來啦但係喜歡日本菜嘅心態仍然好die hard我知道好好味嘅壽司留咗喺日本所以揀其他食物呢間有一間店係馬鞍山我係去屯門個間星期日 亦唔算多客人我嘅吉列廣島蠔 沙律另加黑豚豬骨湯蠔唔算大隻 但新鮮炸得剛剛好他的汁煮牛舌丼都係水準以上豬骨湯亦完全唔馬虎下次我會試佢嘅壽司開心其實好簡單
繼續閱讀
無意中發現屯門有間選址奧妙嘅靚仔日本餐廳Lunch 試過已知傳言非虛尋晚咁啱聽見朋友兩公婆去食完 盛讚 忍唔住（唔抵得）自己去擦返轉一坐低就見有$228原條伊佐木薄切成條刺身先228！ 只想隊夠兩條！！ 酸汁開胃伊佐木頭同骨+30蚊可整成魚湯—————一定要加！最後上個熱辣辣湯夠濃滑 滋味芳香 呢啲手勢收30蚊邊度搵日本生蠔有仙鳳趾（creamy)同厚岸（爽滑） 都係穩陣嘢 可作為清爽前菜壽司嘅用料同飯都無可挑剔海膽份量慷慨 大拖高質 入口即溶 豉油都香 下次再試真啲先蒲燒鰻魚個汁校得剛好 唔會漿糊咁 魚身厚 燒得香 又大份 口感大滿足仲有即場試食贈送成件事好日式
繼續閱讀
屯門有唔少好食嘅日式餐廳😋呢間係其中好高質嘅一間，係卓爾居商場近停車場🅿️位置。位置好唔起眼，但食過一次就對佢念念不忘🤤🤤一定要再去食！不過小貴，節日去慶祝下係ok嘅🎉環境好光猛🤩以淺色木系為主😍係我最愛嘅裝修，簡潔、闊落、舒適👍👍👍有bar枱同普通位。bar枱嘅話要早啲book，比較full booking，唔係成日有位，可能因為可以一邊睇住師傅準備食物，一邊食+同師傅傾下計，好有omakase嘅感覺而比較受歡迎啦👏食物好正😋🍴特上壽司盛合(10貫) $368 🍴火炙三文魚腩 $20🍴加州反卷。蟹籽付(6貫) $108🍴深海池魚 $48🍴北海道三文魚子軍艦$38🍴原條秋刀魚刺身(期間限定) $188 壽司盛合嘅帶子、牡丹蝦好厚肉好甜，鍾意食嘅人一定要試下👍因為呢2款係本人好好好中意食嘅嘢😂所以好推薦👏大拖羅好香，🤤但未去到日本當地食大拖羅嘅level😂不過都已經好好味👍時令魚係綠寶石油甘魚🥳好鮮好香好好味😋真係不得了架🤩🤩🤩🤩三文魚、加州卷、三文魚子軍艦係正常嘅水平，但全部都係好味嘅，鍾意食嘅朋友仔都可以食，不過我下次就會試其他種類😋本身想叫原條深海池魚刺身🐟但師傅同我講有期間限定嘅秋刀魚刺身🤩仲極力推薦。當時我未食過秋刀魚刺身，諗住期間限定就試試佢😂真係抱住嚐一鮮嘅心態，但我本身都鍾意食池魚，所以就額外叫咗兩件池魚壽司🍣結果！秋刀魚刺身真係超級好食🥳🤤🤩🧡係無得頂🤤🤤🤤要比好多好多個like👍👍真心好中意食😋如果下次再去，係一定會食嘅item🤩池魚已經放左係腦後😂😂其實佢嘅池魚都一樣好食嘅😂😂但秋刀魚太正，我忽略左池魚寶寶🙈下次想去山海而又好中意食魚嘅朋友仔，睇吓有冇緣份見到限定秋刀魚刺身，記得試下啦。不過依家係秋刀魚當造嘅季節，都好大機會會見到嘅👍希望大家可以同我一樣enjoy😋
繼續閱讀