山東餃子館

營業中

休息中

去花墟買花, 先在附近搵食.鍾意食辣嘅我, 見到個餐牌已經流晒口水見價錢不貴就入去試吓 店舖地方不大 裝修是舊了一點不過餐具總算乾淨餃子真係有好多款式, 我哋點了:白菜鮮肉 + 韮菜鮮肉雙拼餃子 (10隻) $52菜同肉嘅比例好好, 餃子唔會太實又唔會太淋. 味道都唔錯麻辣牛肉麵 $56用了牛展, 炆得好淋, 麻辣湯底惹味口水雞 $50通常都係用雪雞, 但呢碟雞, 我食到雞嘅鮮味喎! 個汁都好好味蒽油千層餅 $36酥脆, 有啲蒽香味. 如果再鬆啲就仲好我係盲中中入咗呢間舖, 宜家寫食評, 先見到咁多人彈呢間舖頭. 但我真係覺得幾好食喎!

超好食！新鮮炸起！食得好開心！超出我想像，豆沙內饀有糯感，外皮夠脆，整碟上枱熟充滿熱力！服侍員態度很好，有問必答，笑容可掬！上菜速度正常，環境幽靜有品味，價值有人性！

下午茶時間，餃子由$44至$46，雖然只有八隻餃子，但係包一杯飲品：咖啡或奶茶（凍飲加$5），或者可以選擇後面的：低糖豆漿 / 檸檬茶 / 檸檬水 / 蜂蜜生蠆茶 / 蜂蜜柚子茶 / 果糖冬瓜茶 / 可樂，凍飲加$3餃子很好吃，尤其茴香鮮肉，茴香的味道好特別，和豬肉非常夾，另外西洋菜餃子都好好味下午茶套餐，我哋叫左芝麻雞翼，兩隻$20韭菜豬肉餃(3只)轉煎餃加5元日式溏心蛋（1只）$8整體都覺得幾好味，飲品都屬於正常，下次去花墟都可以再幫襯

山東餃子館地址:太子花園街224號地下B號舖話說咁啱有一日去咗太子，突然好想食上海野！🤤🤤是是旦旦咁無所謂行咗入大姐山東餃子館，居然有驚喜😍。茴香鮮肉水餃 + 京蔥羊肉水餃🥟$54大隻餃子煙煙韌韌，好有口感，肉汁餡料比足料真係抵食🤩，肉和菜的比例差不多一半，京蔥羊肉水餃一定係必叫😎，一咬落去會有好多肉汁超級juicy，而且好濃郁羊騷味，係羊控人士必食！相反茴香鮮肉水餃就正正常常，無咩太大特別😝。擔擔麵🍜$48濃濃花生醬加少少長花生粒再配上辣辣地嘅湯底😋，幼麵掛湯力都幾足，不錯。韭菜鮮肉水餃 + 蕃茄鮮肉水餃🥟$50餃子隻隻都好夠大隻，皮唔會太薄夠煙韌，肉汁餡料豐富，肉汁不缺😝，肉和菜的比例差不多一半，雖然食得出係有新鮮蕃茄味😏，但如果比較起來韮菜啲味道會較為香同突出😙。羊肉串🐑$28羊肉串一咬落去會食得出好重羊騷味係羊控人士必食😌，但美中不足係肉質比較靭咗少少😂。蔥油千層餅🥙$36一層又一層嘅蔥油餅，蔥油香味好重，啱晒​​來配餸羊肉串😛，不錯。

🚸餃子🥟+涼拌菜正呀👍🏻🥢墨魚馬蹄水餃：爽口墨魚粒加上清甜馬蹄，成為店鋪No.1️⃣餃子當之無愧。🥢西洋菜煎餃：脆皮一咬就噴出湯汁😋，西洋菜味唔重，不過就啖啖鮮肉。🥢京蔥羊肉饀餅：中意食羊/羊羶味既人不能錯過！🥢涼拌魚皮：出奇地清爽醒胃，而且好少有，可以encore🤩🥢醉雞、青瓜粉皮：醉雞酒味香濃，粉皮彈牙，兩個冰冰涼涼好啱夏天食。 🥢黑糖黑醋排骨：類似糖醋豬軟骨。 味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）

今日中午去太子，突然之間想去食餃子，就諗起之前在深水埗食的山東餃子是十分好吃。剛剛12點入到餐廳，只有小貓2、3隻，但餐廳環境比深水埗店更加大和乾淨。我要左一個香芹餃子麵和凍黑糖冬瓜茶。有5粒餃子，餃子大大粒，份量十足，但香芹太少，食唔到香芹的味道。湯麵的麵口感似米線，但要是上法麵。黑糖冬瓜茶好味😋，解暑佳品。

有次去花墟經過，覺得餓餓地就同朋友試下呢間餃子店。估唔到都幾有驚喜！韭菜鮮肉餃皮薄餡靚夠多汁，檯面配既辣椒醬恰到好處。試了幾口朋友的炸醬麵，麵身煙韌，醬料量平衡。雖然有少少偏咸，但接受到既👌🏻再嚟係擔擔麵，自己最怕係嗰啲溝咗湯既花生醬擔擔麵。呢度既雖然就係偏香濃但冇太漏既感覺。估唔到竟然係是日MVP。✨✨檯面都比想像乾淨，可能唔係peak hour，空間好夠，食得都幾舒服。整體感覺良好價錢亦很合理會再嚟試下其他嘢食🙂

都有幾年冇食今日一個人食飯就再入來食下餐牌係咁佢D小吃 我好多都想試但係得一個人所以最後都揀左 山東手撕雞（細）味道係幾好唔算濃D雞皮都幾入味淨餃 揀左雙拼韮菜餃+ 牛肉餃餡料好味又juicy 牛肉餃D肉汁好味餃子皮就係傳統D厚身少少下次我會想試吓煎餃嘅

好耐之前食過呢到既京蔥羊肉水餃麵，記得味道唔錯今日經過，就叫咗雙拼水餃 （牛肉餃+蕃茄雞蛋餃）, 再加多杯豆漿 , total $55~豆漿好快到，但阿姐一直以為係斜對面枱既order所以畀咗人哋但唔係人哋order先再搵到係我order之後等咗成15分鐘，餃子先到，阿姐又唔肯定碟餃子係咪我既order要望多次張單（唔係入曬機既咩🙄，同埋都無搭枱）食物味道方面, 牛肉餃完全唔得，有牛肉羶味，調味較咸，仲要5隻餃入面，5隻都有筋咬唔爛鍾意重口味又有咬口既人可以一試🙄蕃茄雞蛋餃： 味道唔錯，有蕃茄酸味，所以食落唔話話覺得濟.. 不過比起第二間餃子鋪既蕃茄雞蛋餃，呢到既皮係比較厚總結： 好一般，可以不用特登一試  ，同區有其他更好的選擇，除非好想食餃子而又唔想再行遠少少

近花墟又唔難搵位本身係想試上海菜 但比佢餃子麵所吸引有好多款式 有啲比較少見好似蕃茄蛋 西洋菜鮮肉餃環境乾淨企理皮有口感 唔會一夾就散羊肉有羶味 但又唔會太過強烈麵有咬口 份量剛好

好失望，每隔幾個月都會幫襯一次。之前啲態度都唔係話好，至少唔係差。去完花墟買花，順便又嚟食餃子，今次真係零服務可言，服務員由落單到收錢都全程黑口黑面。隔離枱想拎杯水都勁粗聲粗氣：自己斟。我剔左雙餃，但唔記得剔多款餃，就勁rude 咁講：你要咩雙拼呀？淨係剔一款，係咪即係全部要同一款呀？然後仲要勁不滿咁講：雙拼就剔兩款啦。其實我以為嘅隻拼係一半煎，一半水煮🫣服務態度真係差。而且唔知係咪臨近新年，所以無左下午茶優惠😩而且有，都係平少少，少兩隻餃，其實可能除開無平到💁🏻‍♀️入要洗碗嘅員工又係勁躁咁，係咁聽到勁大聲倒碗聲，洗到發晒脾氣咁😰不過，餃子真係好味😋可以唔好堂食，叫外賣可能好啲。或都叫生餃返去自己煮。

店員態度極差，超級冇禮貌趕客。餃子so far so good，普普通通冇話特別好食，不過啲米線就林到好似煨麵咁。其實附近有好多好好食嘅餃子店，而且態度好好所以唔會再黎俾錢買難受！

話說夜晚入去食咗碗肥牛擔擔面，見到餐牌同張枱都有啲污糟，心諗算啦都入咗嚟食埋先走。碗麵其實唔差，花生醬好濃。食完夜晚都冇再食過嘢。到咗半夜4點，個肚突然痛到我醒咗，跟住就不停去廁所，最後屙咗四次，極度懷疑啲嘢唔乾淨，大家都係小心啲好🙏🏻

星期天中午，行完花墟就想食找間輕食坐下，不經不覺就行左去山東餃子店，諗住舊老店都唔會衰得去邊，點知，坐低就點左個下午茶餐係茴香餃子，熱齋啡，所謂下午茶餐係比正常平十蚊飲品加5蚊，一咬落去都唔知咩味，因為咩味都無，我心諗最低起碼都有小小茴香味，都只係我妄想，無茴香味無肉味，最後都唔知食左咩，跟住到杯咖啡，就唔洗講超難飲，係無飲到，浪費錢同食物既1餐，仲有個老板婆入餐廳罵人罵到走，你唔尊重你伙記，都尊重下d客丫，整到成個店好似死氣沉沉，得佢1個拆左個天

我喜歡包餃子又喜歡出街食，太子買完花就食一個簡單午餐，呢度餃子選擇多，又可以雙拼，也可可以放湯。我喜歡呢度香芹及白菜餃子，如果喜歡更濃味可選韮菜，佢哋肉同菜比例做得好，每一隻一定食到肉鮮味同菜口感。因為山東餃子🥟系比較厚皮，好飽肚，跟餐加$5就有豆漿。