屋子 (已結業)

Inattentive service with mediocre food, very slow response while the waitress are unfamiliar with the menu, facilities etc. Not recommended at all. There are multiple other choices nearby such as pizza pig, NOC and fleur - any one of them will beat Uchi for sure in all aspects.

今日同屋企人嚟將軍澳行下，經過見到呢間日系純白裝修嘅cafe就入去嘆個下午茶。要留意番下午茶嘅時間淨係規定可以嗌甜品同野飲，冇得嗌熱食。餐牌甜品選擇種類都幾多，有蛋卷，戚風蛋糕，疏乎厘，芭菲，真係好難選擇🤣 草莓焙茶戚風👍🏻蛋糕造型令我諗起富士山🤣十分之討好。戚風蛋糕口感鬆軟，食落有淡淡嘅焙茶味。可惜係草莓有點酸，令到整體感覺唔太夾。桂花烏龍奶蓋茶👍🏻本身都比較鐘意飲奶蓋茶，飲落有淡淡桂花香味，味道清新，配埋柔滑嘅奶蓋，成件事好夾。😛草莓雪山吉士小鬆餅👍🏻個人比較喜歡食迷你鬆餅，感覺冇一大塊咁膩同飽肚。淋上嘅草莓吉士醬酸酸甜甜，都不錯。焙茶麻糬舒芙蕾舒芙蕾配上焙茶雪糕，每一啖都係濃濃嘅焙茶味。不過舒芙蕾口感偏濕潤，沒有想像中咁有空氣感，而且入面嘅麻糬都焗到偏軟身，相對冇咁出色。

好耐之前係馬鞍山食過一次屋子，念念不忘，但因為平時好少去馬鞍山，未必有機會再試到。最近見到將軍澳開左，作為將軍澳居民的我決定要在平日的中午再一次回味呢間餐廳。裝修一如馬鞍山的屋子，好簡潔，帶點舒適的和式風格。沒想到在平日的中午都差不多滿座。我和朋友每人叫左一份午餐。午餐包一份主食，一份甜品，一碗味噌湯 和 一杯飲品。我點的是 南蠻唐揚雞定食。 炸雞係好味道的，但因為沙律汁過多令到炸雞送到上黎已經腍左，如果分開上會更加好。我朋友點的是 鰻魚綜合茶泡丼。送上來是一碗鰻魚飯再加一碗茶湯。鰻魚的份量以午餐來說算多。茶泡丼的食法令到更加有飽肚感。每個餐都會跟一杯茶，我和朋友分別叫了桂花烏龍茶和西柚冰茶，個人比較喜歡烏龍茶，感覺更配合小清新的環境和日式料理。這樣的價錢就能享受一頓視覺和味覺都滿足的午餐，感覺是很抵。下次放假一定要再黎回味

聽講呢間cafe好出名，今次放假約咗朋友去試吓，竟然12點幾都只係等咗一陣就有位，你以為好好彩？ 帶位嘅係個講嘢有口音嘅阿姐，叫人探熱時已經勁冇禮貌，坐低咗之後，比menu係隨手pat低，嘩，我差啲以為去咗譚仔🤯 再睇下環境，我哋坐榻榻米，好似好有feel喎，但上面盞燈壞咗，即刻大打折扣。而且只係得門口呢幾張係榻榻米，入面啲枱櫈同擺位尤如canteen一般… Lunch set選擇唔係好多，而且全部都去到100蚊左右嘅價位。我揀咗油揚烏龍麵，唔熱已經先扣一半分，仲要冇味嘅，清水咁樣🤯鳴門卷係麵粉就當然預咗，但唔知點解佢咬落可以比街市貨色更一pat粉🤯烏冬口感好硬，好似未煮夠咁🤯喂，我比咗成舊水食碗暖水浸麵粉？！🤯仲未表揚完佢嘅「優質」服務，我哋一行四人一人一個餐，一開頭上餐飲係四杯，點知個個食緊嘅時候都仲有一份餐未嚟，追問之後發現竟然漏咗單！究竟係點做到？！ 今次嘅體驗真心由入門口到出門口都好唔滿意，咁嘅價錢，大把更出色嘅選擇，奉勸大家千祈唔好嘥時間排隊🤯

將軍澳日式和風系cafe☕️ 休閒嘅下晝 揀咗一間位於海旁🌊附近嘅日式和風系cafe嘆番杯咖啡☕️食返件蛋糕🍰 咁就Hea左成個下晝啦😚舖頭樓底好高 空間感好舒服😚設計風格主要簡約日式木系🪵餐廳音樂主要休閒純音樂 令到個人好放鬆🤤而且佢有地仲有榻榻米位 🌾成個感覺簡直好似去咗日本🇯🇵🌟白玉焙茶戚風蛋糕🍰（$68）聽啲職員講呢個係將軍澳店嘅招牌蛋糕好鬆軟焙茶味好濃厚 🍵而且仲見到有少少茶葉喺裏面 🍂但係又唔會影響口感😋表層配上焙茶cream 滑身🍦白玉煙煙韌韌 但係本身冇味要加埋個cream一齊食先得🍨🌟烤香蕉巧克力小鬆餅 🍌🥞（$88)杏仁片增加口感🥜鬆餅蛋味好香濃🍳 而且鬆餅入邊好鬆軟烤香蕉令到香蕉甜度增加🍌 ⬆️配上朱古力醬簡直Perfect match🍫 💯🌟Latte & Americano ☕️ ($50/$45）Ps. 如果撞正平日黎會有Tea Set Offer 一杯咖啡配一個蛋糕會有優惠價💰味道 8/10環境 8.5/10推介程度8.5/10📍屋子 (將軍澳)將軍澳唐俊街23號MONTEREY Place地下16號舖

去到澳南，好多新食店進駐。曾經去過大圍幫襯過，裝修絕對吸引到我，而且仲好有意思。TKO分店入到去見到咖啡機，左邊係好日式榻榻米，行入啲抬頭就望到「屋頂」，別有用心。👏🏻讚一讚店員，我哋好懶，即管聽下介紹，店員好用心推薦😬👍🏻壽喜燒牛肉烏龍麵，98元另加30元，有味增湯、甜點同飲品。牛肉唔鞋，烏龍麵唔會過淋，料都索到湯，欣賞用鍋上。飲品要咗桂花烏龍茶，偏甜和風餃子，59元，脆，皮唔厚，有啲汁，還好牛蒡丸子，58元 味道幾特別，有小小Q彈，味道幾豐富下次，必點咖啡，仲要一定要睇拉花😎係度食完飯，趁有啲微風，出去行下都幾舒服。

今日去開將軍澳食午飯後，路過見到呢間有和式座位既餐廳，而且裝修幾靚幾舒服，仲有甜品食，所以就入黎試下喇。甜品方面就試左兩個，分別有白玉焙茶戚風及草莓純白卷蛋。白玉焙茶戚風戚風蛋糕既質感偏乾身，表面醬汁略嫌較少，白玉質感夠煙韌，不過因為醬汁唔夠，所以味道比較遜色，如果唔太好甜野既人會比較適合草莓純白卷蛋個人好喜歡，因為佢既蛋糕體厚身得黎會有少少濕潤感，配埋好鮮奶味既奶油，帶有少少甜，又唔膩既感覺，就自食完飯食都唔會太飽，除此之外，旁邊仲配左個士多啤梨乳酪，食落都好清新，兩樣加埋好滿足呢間餐廳坐得都幾舒服，而且除左有甜品，都仲有頗多正餐可供選擇，如果唔係已經食飽左，下次都想黎試埋佢既主食。

如題。一入去個接待員一聽我哋話要寫紙，就大大力拎起啲紙掉畀我哋。跟手我哋寫完，佢仲拎住張紙睇咗勁耐，差啲讀埋出嚟，講嘢語氣仲要勁冇禮貌，嗰下真的感到私人被侵犯，非常不被尊重！雖然其他員工冇乜嘢，但呢個員工真係態度好差，好失望！另外啲嘢食又貴又得兩啖，真的要改善！

今日就係俾佢個裝修呃咗入左來入到去叫咗個烏龍麵同埋豚肉山藥泥沙拉冷麵冷麵, 12:30 落單，等左45分鐘。Follow up 左四次，先至有嘢食呢個山藥冷麵完全係將所有嘢撈埋一齊,成劈屎咁。完全唔知點解要整咁耐。個烏龍麵仲誇張好似係喺屋企買來自己整咁完全冇烏龍茶味根本就係普通堅魚湯烏冬嚟㗎。跟餐加$32 水果茶，細杯到好似益力多樽最後嬲得滯連個甜品都唔要.大伏！千祈唔好嚟。

與朋友相約將軍澳午餐，去了海濱區一帶的「屋子」，行日本清新感覺，但放咗好多枱，枱與枱空間甚少，有啲嘈又感覺好擠擁。我叫了山藥泥牛肉沙拉冷烏冬lunch set ($98)，基本上都無甚特別，一般現成冷麵汁的味道，牛肉煮的時間明顯太久，薄薄的牛肉片都被煮得硬綁綁，像吃擦膠一樣，然後山藥泥好似有同無都無分別，做唔到令烏冬黏住黏住的效果。朋友叫了咖啡漢堡扒飯($92)，我無試，望落個蛋係不錯的，問朋友如何評價，佢話：「OK囉」。

香港呢個城市擁有全球最多嘅高樓大廈，大家應該對番話毫不感到驚奇啦。 但唔好記得香港仲有600幾條鄉村存在，其中大埔村呢條有特色吸村莊，卻隱蔽著一憧色嘅文青coffee shop。 老闆Candy同Kenny08年喺加拿大讀完書後，經常去台灣旅遊，深受台灣嘅咖啡文化影響，希望喺港開一間cafe。 12年一同籌錢，最後花了約80萬喺大圍積信街開業。 其後又喺馬駛山將軍澳開設分店。 而每間分店都有D特色，例如即將介紹嘅將軍澳分店，戚風蛋糕，抹茶小丘係呢度嘅吸引處，大圍村分店有三層，顧客需點餐後拎上二三樓去用餐。壽喜燒牛肉定食$ 98（+30有甜品味增湯飲品）賣相非常之精緻，每樣野都用咗唔同嘅器皿裝著。 先講個牛肉，竟然有驚喜wor。 份量好多，牛味香濃而充滿脂香感，質感唔柴，係近期食過最正嘅肥牛。 壽喜燒湯底甜味唔算太重，我好怕D湯甜到膩。 味道溫和而有少少高湯味。 但如果清酒同味琳嘅味再濃D就好啦，此終係有DD淡。鐵鍋入面仲有芋絲，豆腐，冬茹同我最鐘意嘅魚餅。 當中芋絲較為特別，爽彈有咬口。 醃白蘿蔔酸甜爽脆，加上柚子同糖漿，清新開胃。 其他野就正正常常啦，呢個我會俾幾高分佢。 白玉焙茶

將軍澳南多左好多各式各樣的餐廳，呢間屋子就最靚最吸引😍😍但假日成日都排長龍🥶🥶 都係平日黎比較好，唔洗等直入😆✌🏻✌🏻餐廳裝修風格十分日系，行極簡風✨好適合平日食Tea ，有分塌塌米區和普通用餐區✔️✔️另外值得一提係枱與枱之間都隔得幾開，傾計都舒服💕👍🏻下午茶有Tea Set，可選甜食或鹹食，岩哂陪女朋友來而又不好甜食的男朋友😂😂 各款蛋糕的款式都十分吸引🥰🥰蛋糕係「白玉焙茶戚風」，是輕甜口味，食落無負擔，入口有茶香🍵 蛋糕上小丸子增加了整體的口感，但始終口味較輕盈，本身嗜甜會覺得唔夠邪惡😈😈其他口味都蛋糕都想再試，賣相真係好靚✨🥰

坐底落單，過程都好快，叫左兩杯嘢飲，兩個主食一個小食同埋甜品。大概10分鐘就出咗第一杯嘢飲 （美式咖啡）點知等咗25分鐘先有另一杯嘢飲 （水果茶）終於忍唔住問吓佢啲嘢食係咪嚟緊，到30分鐘後，拉麵到咗，小食同另一個煮食都未到。最後足足40分鐘，先出埋個雞翼同埋烏龍麵（其實只係一個普通嘅烏冬）🙄🤨用10分鐘就食完個麵，叫佢上甜品，再等多10分鐘，甜品都未到，直接取消咗走人。個服務員最後仲要問我，點解唔叫佢上甜品🤯😵‍💫。比佢裝修外表呃咗，食物質素普通到不能再普通。你自己諗吓值唔值得用幾百蚊打卡，仲要等咁耐🙄。

去開將軍澳先知原來屋子喺呢頭開咗分店，見冇乜人排隊於是我哋就決定試下佢個lunch。好彩我哋早少少到(大概12點)，一入到去坐低出面就有條好長嘅人龍。🥵我哋試咗明太子綜合茶泡丼($105)同豚肉山藥泥沙拉冷麵($105)。Lunch set包前菜、麵豉湯、是日甜點同飲品。豚肉山藥泥沙拉冷麵都幾有驚喜，啲冷麵食落好煙韌，湯底酸甜醒胃，加上去嗰日都幾熱，食完即刻透心涼。明太子綜合茶泡丼相對之下就比較普通，份量對女仔嚟講都係啱啱好。飲品我哋就嗌咗西柚冰茶同桂花烏龍茶，兩杯都算偏甜。不過西柚冰茶有好多西柚粒，飲完可以慢慢食🤣雖然佢間鋪都算大，但枱同枱之間嘅距離其實都幾近，要講秘密就要留返食完飯出去先講啦🤭

超級差，未試過咁差嘅餐廳，員工服務勁差，野食又難食喎，野飲好伏，連續三次落錯單，同員工講話要兩份佢就比一份，嘢食又要等好耐先到，大約等咗20-30分鐘都未嚟，下次都唔會再幫襯，唔推薦大家嚟呢間食，係咁。