屋子生活 (已結業)

呢間餐廳係馬鞍山一開，已經名聲大噪，本身大圍都有分店既佢，開到入黎馬鞍山，其實大反應都相對地正常，因為馬鞍山真係有 美食荒漠 同 米線之都 既美譽。。。。如今有一間好feel，可達度都相對較高既新餐廳誕生，作為馬鞍山友的小編當然都感到開心👍🏿👍🏿入正題了呢間餐廳開係迎海，其實都好既，舒適既感覺都隨住呢個禁貴既樓盤而提升😂，成個感覺都無咩違和感店內既環境都以文青禁既感覺設計，舒適得黎都幾特別，坐位設計有大枱之餘，有上圖中向牆而坐既坐位。另外亦有下圖既塌塌米坐位，一共四張，今次小編就坐左呢個位，不得不先提的係，坐呢個塌塌米位係一定要除鞋先可以坐既！大家要留意喔而係塌塌米後既，正正係一大塊落地玻璃(見下圖)，天然光射入黎店內，天氣凍凍地果陣都幾舒服，(可能夏天就辛苦d...) 不過成件事好舒服，好放鬆👍🏿睇完環境，可以睇睇佢既餐單了😂，我只用兩個字黎形容 ---> 特別！係時候講下重點了！就係佢d野食啦，不過只想講，可能對佢期望相對過高，其實佢d熱食就真係比較一般。。可能正如我標題話，真係食環境，食感覺！小編同友人叫左兩個定食，一個係吉列豚肉，一個係關西牛肉。吉列豚肉相比下都還可以，

環境真不錯 真係幾舒服 好開揚。waffle都ok 選擇都多。服務都ok 快同埋都有笑容。可惜係 三人叫了三杯咖啡 三杯都水準以下 這個有點失望 感覺似即沖溶咖啡。主要食環境。

一出馬鐵之後入商場落扶手電梯就到了，好就腳！環境好舒適，適合慢慢hea時間嘅親子朋友們，可以好休閒慢慢咁聚餐！食物上菜速度感覺比較慢，不過食物卻好有水準，深得我心。一個餐有一碗湯一碗飯一小碟前菜加一個主菜，還有配一杯飲料，有身處日本咖啡館的感覺，不過飯量有點小，女性吃應該也是剛剛好，男性正常都要添吃。除了主菜還有很多甜品，不過今天剛好沒在狀態，只好留待下一次！之後會經常光顧！漢堡扒加太陽蛋我暫時最愛

喜歡寧靜唔一定宅喺屋企...尤其而家興起好多大大小小嘅cafe...只要細心選擇又唔追捧最新開嘅店舖...一樣可以慢慢坐慢慢食慢慢同好友傾盡芝麻綠豆大件事...早前已聽聞過呢間cafe...人潮終於減退...最開心唔駛等位就可以入座...室內空間感十分舒服...樓底又夠高...店內盡頭更有一塊落地大玻璃...而且客人又可以選擇坐tatami或一般嘅枱凳...輪椅使用者唯有選擇後者吧...要咗一份「吉列豬扒定食」$75整份餐嘅presentation好有和風feel... 味道唔錯...唔好睇少呢碗飯...份量幾多吓...跟餐送飲品一杯...要咗抹綠奶茶(凍飲+ $3)ok喎...味道唔假又唔太甜...凍榛子咖啡 $45因為無加冰緣故...飲到最後味道依然...完全無變淡呢...環境真係唔錯...人流都幾多...但又能夠保持安靜...好難得...順帶一提...馬鐡出閘後記住往A出口行...不到2分鐘就有升降機落地面...「屋子生活」就係前方...總消費: $136 (已加一)

樓上Starbucks真係好多人，落到樓下望一望見到屋子咖啡，由於有大片落地玻璃窗，日照足夠，不用太多室內燈光，成間舖已經取光很足，客人都喜歡坐靠窗邊，可以影靚相。因為我地食完lunch無幾耐，所以淨係叫佐野飲，綠色果杯抹茶白可可幾好味，淡淡的味道，但係杯蜜桃紅茶就麻麻地，而且要三十幾蚊一杯，偏貴，失望呢！

母親大人和妹妹去了日本旅行剩下我和細佬食自己於是去了就近的屋子生活，我們也來吃個日式晚餐！此前已來過這裡很多次了每次都會ORDER定食因為本人對定食有著奇怪的情意結哈哈屋子的定食算做得精緻，很適合拍文青相其實整間CAFE的裝修都很舒服、很清新，是個拍照的好地點尤其它的落地玻璃，試過下午時分來，陽光透進來的感覺真的超棒！先來了一份七味唐揚雞定食唐揚雞香脆入味，味噌湯內有新鮮菇粒，加分！再來一份溫泉蛋冷蕎麥麵，在吃過香口的唐揚雞後，最後吃吃清淡的蕎麥麵，蕎麥麵的配料很足，一起吃的時候口感豐富。細佬叫的冰沙，我沒有試，但弟弟說好喝當然不能錯過這裡的甜品！這個焦糖杏仁芭菲，我已經吃過三次 芭菲口感很幼滑，焦糖味的香甜得來，卻不會蓋過奶香柳橙窩夫配柚子雪葩，其他口味的窩夫我都已經全嚐過了，只剩這個。自己其實對橙沒有太大好感，但屋子卻讓我覺得原來橙味的甜品也可以這麼好吃啊。尤其這道甜品配上了我喜歡的柚子雪葩，香甜清爽重點是明明雪糕就放在了窩夫上，但雪糕可以一直保持冰凍，不會溶得很快，而下面的窩夫也可以香脆和保持暖烘烘可以給滿分了 ;)

屋子生活真係甜品會比較好食多的 關西牛肉飯就有的普通的 只係set餐 有小食同湯飲 湯都比較淡1點 牛肉飯的汁有點甜 反而最出色嘅係蘋果金寶拼紅豆抹茶雪糕其實蘋果金寶要整得好食真係好難  先要外脆內暖  甜到要適中 雖然係有少少甜 但在併返紅豆抹荼雪糕就岩岩好了其他的菜式都反為比較一般的帶上地方有少少遠

今次係第二次黎食午餐晚餐原來都係同一個Menu關西牛肉定食 $89呢度環境好舒服呀, 地方大樓底又高, 好有台灣既感覺前菜有拍青瓜, 仲有麵豉湯, 清清地唔太濃煮肥牛既汁夠晒味👍, 底下仲配有薯粉吸收晒D汁食完飽上加飽另外朋友叫左個鯖魚餐, 成條上, 夠晒份量😂抹茶奶茶就味道一般, 飲飲下會飲到D抹茶粉

原本以為由馬鞍山市中心行去唔係好遠 結果行左半個鐘 都係搭馬鐵响烏溪沙站出方便d 去到大約1730 二話不說叫左個定食一個tea set pizza再加個泡飯 定食嘅份量比一般cafe算大 pizza似印度薄餅多過似pizza 不過餡料幾好味 泡飯有好多餸 味道唔錯 餐茶揀左蘋果茶同玫瑰茶 微甜清香 食到飽飽 而且時間早 顧客唔多 清靜咁享受落地大窗外嘅景緻

昨午到朋友新居迎海housing warming,上樓前在附近商場食飯，我們六人到店，店員問我們坐不坐榻榻米，我們看了看，都是選擇再等。一等之下，等了差不多20分鐘，才可有六人坐。我點了餐牌上沒有的滑蛋介牛肉定食，味道不錯。整體食物都ok,但適合人少少去。

依度環境開洋但價錢有d貴。2人叫了一個三文魚飯和士多啤梨waffle。兩樣食物都量少，三文魚飯都鮮，飯都軟，可惜量少，女仔都嘔飽waffle就好靚而且水果新鮮唔會爛

是日去左好姊妹屋企玩，大家化下妝扮下靚，玩到唔知時間，到傍晚六點幾鐘黎左附近既「屋子生活」食晚飯。餐廳其實係近烏溪沙站多D，不過由新港城行過去都係10分鐘左右，餐廳入口俾人感覺好舒服，裡面既座位有分普通座位同埋塔塔米，我地貪得意揀左塔塔米。餐牌方面好特別，係用細個用既「街簿」黎做主題，不過食物同飲品既選擇都唔係好多。我地揀左2個定食，每個定食同會配麵豉湯，飲品，前菜同埋主菜。唯一美中不足既係飲品係有指定某幾款，鍾意飲咖啡既我想轉第二樣飲品都唔得。飲品我揀左抹茶牛奶，朋友揀左蘋果茶，抹茶牛奶好好飲，好香奶味，不過係唔夠熱啫。定食方面我揀左吉列豬扒，炸得好香好脆，好好味，值得一讚。朋友揀左鯖魚，因為本人唔多鍾意食有骨既魚，所以都無試過，無得俾comment。總括黎講呢到食物一般，但係環境幾好，又夠靜，又有雜誌睇，見你食完野又唔會趕你走，係一個幾適合傾計既地方。

在沙田踏單車，當然要順路去平時比較少去的烏溪沙試下屋子生活。大約四點幾到，食客不多，不用等位，一入去就見到落地玻璃的大窗，窗前有榻榻米的位置，剛踏完車，比較倦就想坐得舒服的，就放棄左坐榻榻米。餐廳中間有個開放式廚房。Menu 類似小學時用的作業簿, 食品選擇算多，最後選了宮城明太子飯團+值日飯團，跟餐飲抺綠奶茶。隨餐的沙律好新鮮，豆腐加上木魚絲也好味，可惜味噌湯偏淡，味道普通...兩個飯團中，值日飯團反而更美味，有三文魚碎同紫菜碎，加上少許鹽味，味道更突出。明太子飯團驟眼看上去整個飯團都是橙色，以為整個飯團都混有名太子，可惜只是飯面上和中間有少許眀太子。隨餐還有一杯抺綠奶茶，比較偏奶，綠茶味濃一點會更好。宮城明太子飯團+值日飯團 ($89)朋友點了關西牛肉定食，聽說味道不錯。

難得假期係平日，晚飯前想 relax 下，就落去飲杯 Barely's coffee。呢度既 Barely's 味道平均，唔會得酒味，泡沫亦細滑。齋飲太 dry，叫左個明太子雞翼。唔太咸，啱啱新鮮熱辣，但就油左D… 成滴油係雞翼面頭，如果可以「停」下油先上碟，應該好好多。屋子，始終都仲係烏溪沙一個可以睇下書，嘆下咖啡，hea 一陣既地方。(無乜人既時段唔知會唔會90分鐘叫你走呢？)Ｉ

假日一個早上，特地走到位於烏溪沙站的屋子生活 很久以前已經想到訪這兒囉，因為的確好評如潮，而且環境很寬敞舒服 餐廳最特別的格局就是有榻榻米座位，旁邊就是一塊超大的落地玻璃 我們遇上大晴天真的行運囉，日光照進餐廳，真的很舒服 我們點了一盤公園沙拉，當中有煎茶豚肉拌上黑醋 沙拉菜感覺超新鮮，最愛是配上黑醋，很開胃耶 另外也忍不住點了甜點，屋子生活的甜點款式很多 最終選了比較少見的清酒香梨荔枝窩夫 窩夫很精緻，放上切粒的梨加上忌廉 和平時吃的窩夫很不同，這個像個冬甩的 窩夫蛋香味濃，再配上小梨和中間的荔枝 吃上口感覺很清甜可口 另外我還點了一杯玫瑰咖啡 咖啡香滑中帶點玫瑰花香 十分喜愛 好喜歡屋子生活給客人帶點家的溫暖感 在這兒用餐確實很舒服 Love a Little More Each Day ❤ a Chai 阿柴