屋子咖啡

營業中

休息中

我和好朋友們約定今年年終前，一定要單獨同佢地食一餐飯~ 終於我地揀左我地屋企附近嘅餐廳，大圍區好評如潮的屋子咖啡。單看外表，其實我真係估唔到大圍區有間咁精緻嘅cafe，全黑色嘅外表，招牌只要細細隻「屋子」係右邊，俾人唔hard sell 好簡潔嘅感覺。我未入到去已經見到好多人~ 舖內座位不多，但係總覺得每一位食客都坐得好舒服，有少少日本居酒屋嘅感覺，當然呢度光猛好多啦~我地坐左係呢個小角落度，周邊都係寄賣oh la la嘅精品，雖然有啲阻住人睇野之嫌，但係呢一張枱最大嘅賣點，係可以好舒服咁坐係度，唔會俾人趕走嘅感覺~我地2個人叫左2個套餐，而套餐送左一杯野飲，我揀左凍森林蘋果茶，諗住都應該好味，須知道蘋果茶好難唔好味.... 但係佢竟然真係做到! 杯野淡到乜咁....茶味唔濃，蘋果味也很淡.... 唯一係夠凍.....難道森林啲野係咁凍嘅咩?跟住我嘅七味雞唐揚餐嚟啦~ 先講下個沙律，雖然菜係清一式生菜同一片蕃茄，但係花生醬落得夠多，所以成個日式沙津都好好食~ 而右邊嘅配菜係煮過嘅薯仔，呢個配菜係真係特別，因為日式好少做，而韓式又應該係一粒粒而非長條型..... 不過個味道好好，甜甜地~

係沙田踩單車, 踩完特登行過來食哩間屋子咖啡. 之前聽過好多次話幾特別幾好味, 今日就特登來試. 叫左2個窩夫, 好得意架, 佢唔係平時正方形果D shape, 佢係圓形架, 好搞笑. 一個係檸檬味, 好清新, 好岩夏天食. 夏天成日熱到冇乜胃口, 食D禁醒胃嘅野就會好D啦 佢個窩夫個texture同正方形果D都唔係好同, 係林少少, 個邊都唔係脆口, 有D似蛋糕嘅texture. 另外果個係宇治金時, 側邊仲有D cream裝飾. 不過我覺得D紅豆有D乾, 同個窩夫同雪糕有D唔係好夾, 我都係分開食果兩舊野, 如果可以將成個甜品,merge番一齊 會覺得好D

本人一向好鍾愛一D休閒既地方,想好好享受平靜既下午,屋子會是不錯既選擇!我試左佢地既green tea with matcha,奶味好濃,好好味,特別推介比女仔,香得黎五會寡,有淡淡既茶味,飲落個感覺好舒服.......

本來要去金鐘聲援的, 但因為一點事最後沒有去,整天沒吃什麼東西, 決定上OPENRICE找間離家不遠的CAFE HEA!!就屋子咖啡吧, 之前都聽過了又不貴, 一試無坊!!大圍A出口直走到尾2的街口轉右直走就到了, 大約10分中!!可能今天星期一的下午3點多, 所以不FULL一進去就有位置了,裝修不錯, 很悠閒清新的感覺又乾淨不迫夾..我叫了個豬扒定食配飲品要了熱綠奶茶, $59+10%豬扒定食份量剛好, 沙拉前菜豬扒飯都好好吃,熱綠奶茶就有點太甜不夠綠茶味!!然後我妹也來了叫了一樣的SET但配熱蘋果茶,蘋果茶聞落好香好清, 但飲落好淡!! 唔多得!!後來加了個甜品, 草莓曲奇WAFFLE, $39+10%來到SIZE有點少, 看上去很靚食落不差但也不特別好吃!!員工服務OK有笑容!!

約朋友食TEA, 去厭了旺角尖咀銅鑼灣,見這間評價不錯, 不如一試周六的下午仍要等位, 離 等了約30分鐘才可入坐環境還不錯, 好多年青男女幫襯, 近年都有不少台式休閒風茶室/咖啡室,小清新「偽文青」路線, 吹下水, 休閒過個好下午又未嘗不可.在大圍食TEA大家都expect不會太貴吧,屋子的定價也尚算合理,梅子飯糰太酸了, 而且微溫,老實說不太好吃沙律用的是普通生菜, 如果有沙律菜就好了梳乎厘等了超過20分鐘才姍姍來遲,但是非常好吃, 溫熱綿軟,內裡有如燉蛋的香嫰質感,配合雪糕, 好食得敏感牙齒都出來了!

之前見到屋子咖啡評語不錯，決定去試試！一入到餐廳，幾個店員見到我地都無上前招呼，唯有自已搵位坐拎到餐牌後，揀左一段時間，決定叫兩個主食:蝦天婦羅烏冬，三文魚飯糰，猶豫左一陣叫唔叫甜品，都係放棄左兩個主食都送到，我發現，我對佢期望太高，有點失望，整體賣相不錯，蝦天婦羅既炸粉唔太厚，蝦似急凍蝦，口感麻麻，不過不失三文魚飯糰，仲有另一個飯糰係咩我忘記左，味道唔稱得上難食，無咩特色，好普通一個便利店飯糰口味。可能餐廳出名既係甜品我未試。

今日出開大圍搵朋友, 當然要openrice 下搵食, 就俾我發現依間cafe啦! 去到既時候發現開左半閘, 原來早左15mins 去到, 諗住打個電話問下留位, 結果無人聽, 有D失望太熱天時走去m 記抖抖, 再去到時候舖頭4人台full 晒, 得番bar位, 好旺呀X0X我地一行四人, 3個都點左吉烈豚肉set, 1個點左飯團set. 有小食, 沙律,主菜, 包一杯野飲, 6x蚊, 抵食! 而我呢就依左吉烈豚肉set+ 蘋果茶!個吉烈豚肉有一整塊, 層炸皮勝在唔夠厚, Good! 味道就一般般, 不過不失都pass ge!沙律主要都係青菜夾件番茄片, 個芝麻醬係全碟既精華, 好味!白飯上面既調味好特別, 好吸引人食多幾啖,好特別!^^不過, 蘋果茶就太淡啦, 好似飲水甘, 唔夠蘋果味, 又無茶香, 有少少失望 相反, 試過朋友既合桃茶, 甜度適中, 算有驚喜!cafe環境好有台式feel, 花過一心思, 同朋友影張相記念都好!

工作令人疲倦，假日想去旅行放鬆一下，但現實的我，不能馬上達成心願。那麼走在路上，走到一間屋子裏的一個角落，就像到了＃台灣一樣。坐下四處看看，想起了這首歌！ 手羽餃子手羽餃子，就係人手將餃子釀入雞翅內，仲要事先去骨，脆脆的外皮搭配餃子內餡，比個LIKE佢！蕃茄柚子醬油冷烏冬-柚子醬油拌烏冬，好清新又彈牙，正！䦕西牛肉定食吉列豬扒定食，豬扒外脆內軟香蕉朱古力窩夫-窩夫像雞蛋仔上面加朱古力醬和香蕉，特別得黎又好味！焦糖杏仁芭菲-雪芭裏有杏仁脆脆，香甜脆口，配焦糖味道一流！屋子咖啡地址：大圍積信街31至35號安信樓地下P號舖

同媽咪反屋企途中見到屋子咖啡 講左好多次話試最後都無 決定今次一定要食 一入到去感覺都幾舒服 好似可以係繁忙時間relax下咁 坐底之後叫左個抹茶紅豆嘅cake 可能係即刻整 都等左十幾分鐘 但係好好食 佢嘅甜品全部都好精緻 細細件咁 幾得意 味道都好好 抹茶紅豆有哂香濃既抹茶味紅豆份量亦都有好多不過我媽咪叫嘅吉列豬排飯就一般 無甜品咁出色 吉列豬排飯比較油膩一般水準黎呢度建議high tea比較好 甜品完全係一流呀!

從朋友的facebook中得知過間cafe已經很久，不過一直都沒有機會試（因為經常排隊）。難得今天經理心情好，lunch放早我半小時，不用排隊就可能入去，lucky。今次我和同事每人點了個定食，約五十多元，有點貴，不過都值得。因為賣相好精緻，而味道都唔錯，每份定食都配上生菜沙律，還有日式小食。生菜沙律配上芝麻醬，味道很清新凍豆腐很滑主食飯團味道軟淡朋友的吉列豬定食吉列豬炸漿很厚，味道還可環境方面，一關上餐廳門，與街外喧鬧氣氛很不同，就像入了隨意門，去了日本的小cafe，令人有離開了香港的感覺。

屋子咖啡位於大圍既橫街，雖然距離港鐵站唔係好遠，只係約十分鐘路程左右，但係因為地點偏僻既關係，如果唔熟路真係未必搵到。小店裏面位置唔多，但係裝修得幾有特色，睇得出俾左唔少心機去佈置，有D似台灣果D家庭式經營既小店，感覺非常溫馨。吉烈豚肉 ($59)︰炸豬扒飯既份量一般啦，始終呢個價位唔可以要求太高。豬扒既口感只係一般般，只係俾基本既行貨好DD。前菜同沙律都係D大路野，唯一要讚吓既係個白飯，珍珠米既質素絕對係中上之上，再加埋喺飯面既七味粉令到佢更加惹味，連平時唔係太鍾意食白飯既我都忍唔住要成碗食晒！七味雞唐揚 ($66)︰其實同吉烈豬扒大同小異，只係將定食裏面既炸豬扒轉做雞塊。雖然只係得四大舊，但口感都叫做可以接受，一啖咬落去有D似麥樂雞既感覺，但唔同既地方在於佢相對比較痴口，有小小粉漿既感覺之餘卻又食得出雞既味道，非常特別！燕麥榛子梳乎里 ($48)︰等左差唔多廿五分鐘，是晚既highlight終於千呼萬喚出黎喇！梳乎里整得非常鬆軟，由於係即叫即整既關係，上枱時重有少少熱氣由裏面滲出黎！因為加左燕麥同榛子，梳乎里既口感比平時食開既更為特別，一啖咬落去非常之有質感，再加埋附近既雪糕，一啖

一走進屋子咖啡，猶如轉眼間到了台灣... 太棒了，超開人的！！MENU設計也是很台灣的～～～我點了一個唐揚炸雞飯set，飲品選了牛奶抺綠～白飯上面的調味很好吃啊！還有芝麻醬沙律和蘿蔔牛蒡，很健康啊～balance一下炸雞的油份吧haha男友點了消暑孖寶：柚子汁蕃茄冷烏冬＋芒果柳橙冰沙我更喜歡他這個配搭啊，真的很適合夏天～～～芒果柳橙冰沙超好喝的～先會喝到濃濃的芒果味，繼而是很fresh的柳橙味，很妙！然後就是一定要點的窩夫～～～是小小的一個～超可愛的樣子，真的把我融化了啦！好吃，真的好吃！柚子雪芭very good!!很愛這種小品cafe <3

本以為大圍冇咩正嘢食 , 因為多數都大排檔 , 一次好奇心驅使下入一次大圍行下搵下嘢食咁 如果唔係靠呢個網都唔知呢間嘢原來咁有名氣 , 聽完睇完食評都有啲興趣 , 只係夾唔到時間嚟...有啲可惜呢間嘢唔算好易搵 , 因為都幾隱下家上係舊墟個邊 , 搵到後坐低 , 發現環境都幾靜下 , 啱哂啲文青 , 出面條街又唔係車來車往個種...可以坐得好舒服 下次會再嚟 , 不過價錢就貴咗少少(我忘了叫咩)

店舖細， 座位永遠都唔多舒適…勝在裝橫燈光配合下， 總算能夠和朋友傾吓計， 慢慢食。無咩胃口， 點左個茶漬飯同牛奶綠茶…茶漬飯清清淡淡很易入口， 份量雖然細，但飲埋杯牛奶綠茶都好飽了！ 牛奶綠茶味道都ok, 不過感覺好似美x即沖個隻d味…試左啖朋友點既炸豬扒定食， 味道都係一般…或者下次都係點返佢既招牌茶會好dd…

第一次在openrice寫食評原因是我常常喜歡拍美食的照片,可是留在手機也沒什麼用,那不如放上來跟人分享吧~!從大圍A出口直走,大約13:00到達屋子,室內也有很多”招牌菜”的照片呢!等了一會兒後,終於可以入內進食了!我和朋友各叫了一個主食天婦羅蝦茶漬飯及迷你貓丼天婦羅蝦茶漬飯賣相不錯有栗米、海帶、紫菜、木魚絲…可是….天婦羅只有一條分成三口的蝦…天婦羅的份量未免太少了吧???再說說珍珠飯的份量 加上湯 尚可勉強飽肚至於味道 朋友說應該是綠茶加上少許湯汁才有這濃郁的香味 (當然木魚絲也令這碗茶漬飯生色不少)茶漬飯的味道沒有令我失望,可是份量…朋友的迷你貓丼上面有大量木魚絲和醬汁其實看上去飯量跟茶漬飯好像差不多呢…最後我們則點了兩款甜品友人所點的是杏仁芭菲吃上去有在吃雪芭的感覺但味道太甜了可能是因為要較多糖才能令它定型吧至於我這個抹茶迷,當然點了小倉抹茶窩夫窩夫外脆內軟, 配上抹茶雪糕吃簡直一流!而且抹茶雪糕不像坊間的那麼甜,而是帶有一絲絲苦澀的味道,平衡得非常好 (不知道是哪個品牌的雪糕呢?!)而紅豆不太甜, 我反而覺得紅豆可以再甜一些呢!