屋子咖啡

營業中

休息中

有一日，同朋友冒著大雨，由大圍站搵過黎呢間小店🙆雖然唔難搵，但係第一之黎都需要花啲時間同Google 神先搵到。入到去，餐廳面積唔大，但係裝潢好家庭式，配埋黃光，好warm好舒服。餐牌就係一本好日式既小本子，熱食既選擇唔太多，反而甜品就有好多款式😝最後同朋友每一叫左一個餐，我既係：漢堡扒定食🐷。而朋友就點左關東牛肉定食🐮野飲分別係鮮奶抹茶🍵，同蘋果茶 ☕️（出賣左朋友個咀😂sorry)食物方面，我認為朋友既關東牛肉定食冇咁漢堡扒咁出色，可能係同吉野家太似啦😂 而且味道偏甜 （所以連相都冇幫佢影😝） 漢堡扒定食，一黎到個樣已經吸引死人，作為「外貌協會」既一群，心入面已經為佢默默加左不少分數☺️ 佢分別有漬物，沙津，珍珠米飯，再加兩塊漢堡扒👏份量黎講呢，女仔係絕對夠食既（如果好似我咁為食唔夠，就加甜品囉🙊）甜品就叫左一個綠茶窩夫呢到既窩夫同出面食既有啲唔同，紅豆另上（岩晒想食又唔愛太甜既人）窩夫既質地比較乾身，每一啖都要用雪糕黎點綴佢總結：呢到每一樣既擺設都好吸引人影相，好岩女仔姊妹團黎傾下計食下野，甜品方面，因為我只係食左窩夫，唔知其他出唔出色，但係如果有機會，我都會再黎試下既☺️

男朋友住大圍就上左openrice睇下呢邊有咩食，發現呢間有好多好評，又精緻就去試下，食左天婦𡤢烏冬，飯團，梳乎厘同埋窩夫。烏冬麵質不錯，天婦𡤢就普通。梳乎厘比較硬身我比較中意食林小小。鮮果窩夫既柚子雪巴5錯。整體都ok既

難得的平日有機會經大圍，品嚐下輕鬆的屋子味道。下午茶只一款，scone 英式鬆餅1 set2件不包飲品收50蚊實在很貴，有點餓，都係叫鮭魚迷你飯 另加一杯番石榴蘋果汁 。等待的時間有點耐，15分鐘左右，趁此時影下相，畫下畫。第三次黎，唔駛等位，慢慢欣賞這兒裝潢，柔和格調，牆上掛滿相片及名信片，感覺溫馨。 終於等到果然迷你，但新鮮熱辣的白飯淋上日式燒汁醬油，白芝麻，混和微熟的三文魚，實在出奇地搭配，家常味，食曬，但醬汁太少，食到尾只得白飯三文魚少都可以了解，但30蚊一碗白飯，感覺好克薄。。。。 最唔值呢杯飲品因為無套餐，單點32蚊一杯，外表如茶餐廳冰飲，味道淡得可以，只飲到淡薄的甜味，其他嚐不到，被冰味完全蓋過講真，32蚊這樣的質素，好呃錢枱與枱之間很逼，我身型算瘦削，連出入都好困難，食客的對話都難有私隱地被陌生人聆聽，坐得唔舒服，又侷促擠逼，cafe最重要係環境舒服，收得貴點都叫合理，但食物貴，又坐得唔舒服，這樣價錢，在市區仍有更多更好選擇呢！

可能是lahris期望過高，今次試過屋子之後，覺得不怎麼樣，除了價錢相宜，食物質素不特別高，lahris怎麼覺得這裡大排長龍，只因為價錢比較公道?門外貼了一個帶着笑臉的「春」，感覺挺溫馨，由於無預先訂枱的服務，lahris和特別愛試日本料理、健康素食的美女朋友T（形容得夠好吧）六點九就乖乖到店外拎籌，還好只需等十五分鐘 這邊選擇不算多，朋友T選了飯團飯，lahris則選了揚物餐（我們都竟然錯過了期間限定，旁邊的情侶都點一個牛肉定食，建議大家望望牆上的限定推介）鹽味鮭魚飯團及日替飯團，算是普通吧吉列豚扒揚物餐，賣相挺好的，lahris覺得整體算是不過不失。先說這碗飯，飯粒唔夠軟熟，而且唔夠熱（都說溫度好重要），由於灑上味粉（飯面上的調味粉），味道口感比較豐富，而右邊的開胃前菜竟然係沾有白芝麻的乾豆腐卜，坦白說，不怎開胃，左邊的芝麻醬沙律就較為普通不過，lahris揀的揚物餐已經夠dry，豚扒就特別dry，肉汁都唔多滴，有個沙律濕濕地，調和吓，都算合理這塊豚扒，基本上是瘦肉，肉質唔夠鬆化，外層的皮基乎跟肉分離了..有一點失望跟餐的有蘋果茶和杏桃茶最後還是點了個伯爵茶梳乎里，配有雪糕，算是特

說好的屋子咖啡，想食既時候遇著新年假期無開門，唯有等多幾日，終於等到啦！自從食過一次之後就好想再食佢既梳乎厘！今次食左磯燒雞扒手工烏冬配香桃茶，鹽鮭魚及日替飯團餐配薑茶，當我地差吾多食飽就追加一個香草梳乎厘，因為佢三點後先供應架！

看到推薦而入黎試下、地方唔算大，感覺還不錯，有文青既味道。另外有少許設計既產品售賣。七味雞唐揚($39)3粒小小既七味粉炸雞，並無食評中講到真係咁好食，炸粉較多，而且份量太少價錢都不算平，呢樣有點失望小倉抹茶窩夫($42)小小的一個，紅豆唔膩一大堆好好味，同窩夫好夾。抹茶雪糕屬於傳統帶苦既抹茶，非常好食，尤其係令雪糕溶溶地，混埋大顆紅豆蓉一齊食，口感非常充實。總括黎講一般coffee shop/cafe既感覺，不過甜品類同飲品都較為有吸引力之處。可能當天下午茶時間較人多，服務質素還可以理解

好耐無黎屋子, 因為次次黎都要等好耐先入到去.. 佢係不設訂座既今晚朋友黎等位先.. 佢晚上8:50黎到, 排第一.. 因為過左晚飯時間, 等左只係15分鐘就有位~!因為唔想食炸野.. 所以試左期間限定既漢堡扒餐 $72漢堡扒得三塊, 而且睇落好細塊.. 所以上枱時有d失望.. 但係食落真係好好味!漢堡扒入面有雜菜, 加上食落啖啖肉香, 點埋旁邊既沙律醬更加好味!  推介!!飯旁既生菜蕃茄有好多麻醬所以好好味, 但生菜好唔新鮮..而另一邊既配菜味道麻麻 所以無乜點食朋友叫既係我之前黎叫過既吉列豚扒餐 $59呢度既吉列豚炸得好鬆脆, 而且唔會有平時食吉列食品既油膩感, 仲有好多件.. 抵食之選飲品我地揀左森林蘋果茶同杏桃茶.. 杏桃茶偏淡, 一般..蘋果茶幾清新~ 之前都食過呢度既窩夫, 有水準, 口味獨特, 所以今次都係叫窩夫做飯後甜品PS. 特別推介之前食過既清酒香梨窩夫, 係其他地方食唔到既清新今次我地試期間限定既森林晚安窩夫 $58佢係窩夫+朱古力味雪糕+Brownie+Cream+朱古力醬窩夫一如以往好大陣蛋香同埋暖笠笠.. Brownie都幾甜成個窩夫好味, 不過都幾hea

12月小妹生日，早兩天和同事去屋子吃午飯慶祝生日，來到屋子試試。本人叫了紫蘇豆腐沙律，但份量太少，價錢要$5x，有點貴以及不值得。同事叫了漢堡扒餐，份量還好，有扒有少許沙律及飯，也有飲品，價錢大約 $7X然後重點來了，我叫了聖誕版朱古力窩芙，即製，窩芙跟出面食店不同，圓形似冬甩形獎但熱熱香軟，很好味，不過本人近年多少吃雪糕，所以感覺稍為失望，但整體很好味。同事叫了聖誕版士多啤梨，賣相比朱古力更好，不過我不吃士多啤梨，呵呵。。同事很滿意。

可能因為平日下午四點，店內不算太逼人，第一次幫襯所以點了招牌菜～七味雞唐揚餐 ($66), 加$3 要杯凍清新杏桃茶。1) 環境一般：店內很細，坐得不太舒服(尤其靠走廊位), 而且有點嘈，沒有咖啡室的閒暇2) 食物質素平平：七味雞唐揚餐包括～日式芝麻醬生菜蕃茄沙律(賣相吾錯，份量多，但味道普通，毫無驚喜)～醃漬菜 (味道一般)～飯素白飯 (份量對女仔/不好飯既人ok)~主菜七味粉炸雞 (失望，外皮脆，但內裡一半雞脂肪一半鬆肉粉色雞肉，毫無肉質可言，唉…～凍杏桃茶 (茶+糖漿+冰，冇溶合)3) 食外觀：自然系裝修，餐具精緻用心，賞心悅目的一餐4) 無服務：由入座、落餐到埋單，店員就好似點到即止，對話內容仲少過去麥記買餐...結論：食左一餐現成住家快餐(快速上到餐既原因), 由沙律，飯，漬菜到飲品都係三分鐘入廚房搞得掂既菜式都算，日式炸雞啲肉軟林林到好似食牛肉球咁，最後埋單加一俾$75，真係吾值，見識過呢間Openrice熱店，食過一次招牌菜就好了，所謂到此一遊...同樣價錢待寧願行遠少少去火炭食伙X工業，至少可以坐得鬆D，食完仲可以慢慢睇下書，飲埋杯野飲～（當然係平日下午茶非繁忙時間XD

今朝約朋友在火炭跑佐個5K。又是邊跑邊傾計..哈哈！跑完緊係大把貨啦。於是到大圍這間無論裝修, 擺設, 餐牌以及食物都充滿心思的日式餐廳食中午餐。身為飯筒的我, 緊係選擇飯團套餐。可惜紫菜吾夠脆及飯質一般。不過跟餐的綠茶奶茶就吾錯。淡淡綠茶香味及甜味適中。朋友的關西牛肉套餐就不過不失。由於這間餐廳主打甜品。原本想叫梳夫厘, 但由於制作須時, 3點後才供應。唯有叫了森林晚安窩夫。果然甜品比較出色。外形像 donut形狀的窩夫外脆肉鬆軟, 充滿蛋味。好似食緊雞蛋仔的感覺。好味! 真是滿足的一餐。下次再去一定要試梳夫厘。

屋子咖啡外貌跟左右食肆格調完全不同，內裡裝飾感覺舒適星期六下午茶時間來到，想食點咸的才食甜品，先食個迷你貓丼 ，味道可以但可不試和大阪章魚燒有點油膩及內裡太多粉。後再點了燕麥梳乎里，味道及質感做得很出色，必試👍如果提供水給客人會更好，因為咸甜之間有水餸口腔舒服點。

考完試特意到大圍的這間CAFE食飯與別不同的是,CAFE除了咖啡甜品也有不少熱食甫進入小店,就被室內的裝潢吸引!因為實在太可愛了本人是很喜歡這些精緻的佈置的很是日本小清新的感覺啦餐牌上很多食物都感興趣,亦有看過食品說揚物不錯,但個人口味比較清淡就選個飯團好了一碟有兩個飯團,還有涼拌豆腐、澆了芝麻醬的菜女生的食量來說是剛好的味道淡淡的,但個人很喜愛友人叫的是漢堡扒定食,我小嚐了漢堡扒也十分喜愛不會HEAVY店舖1230開門,但我剛到不久就看到人客陸續入來看來的確是有名氣無論是食物還是環境我也十分喜愛,遺憾不能再叫甜品了,唯有下次再來

見平日好多人排隊，今日見啱啱開門無人排，即刻撞入去試。入到去有家的感覺，所有擺設簡簡單單。望望餐牌睇下食咩先最後叫左關西牛肉定食($69) 同埋吉烈豬扒揚物餐($59), 再加2杯餐飲抹綠奶茶主餐ok, 奶茶有茶香，good!最後叫左個小倉抹茶窩夫($42), 味道偏淡，適合不好甜既朋友。整體味道平平，若下次唔洗排隊都會試下佢地另一道甜品梳乎里

黎到大圍, 緊係要去"屋子咖啡"簡樸及以木為裝修既店鋪比人好舒服既感覺叫左----七味雞塊餐 $66-------套餐包炸雞粒+沙律醬, 一碗飯, 沙律菜, 前菜(薯仔絲), 飲品一杯燕麥榛子梳乎里(配香草雪糕) $58食後感:七味雞塊餐----------七味雞塊, 炸得表面乾身香脆,內裡肉嫩有汁, 味道不錯 沙律菜新鮮, 配胡麻醬,很開胃薯仔絲, 味道尚可飯用左珍珠米, 加上芝麻同紫菜, 口感同香味增加整體份量雖小, 但味道唔錯燕麥榛子梳乎里(配香草雪糕) ------梳乎里熱騰騰, 唔甜, 配上平常食倒既香草雪糕 (凍),雖然係冰熱口感, 但味道只屬正常飲品叫左熱鮮奶抺茶-----鮮奶抺茶味道偏淡, 欠抺茶味, 有d失望總結:可以一試

屋子都算易搵，地鐵站一出行一陣就到！附近仲有幾間甜品鋪唔夠飽可以試埋！呢到冇lunch/tea/dinner menu, 全日都係serve同menu 嘅野食！今次試左飯同甜品waffle！七味雞丼配抹茶奶淥 $69睇個樣好似好細份，但女仔就岩岩好！珍珠飯上面有七味粉，紫菜，芝麻同脆脆，咸香咸香好好味！但要撈埋先食，如果唔係食到下底就會變齋白飯！沙律配芝麻醬而唔係沙律醬，味道普通但勝在有蔬菜都幾健康！另外仲有配菜 - 薯仔條？其實唔係幾sure係咩黎但texture似蘿仔，加上醬有少少咸同芝麻，配上白飯其實唔錯！重點係七味雞！！外皮咸香加上外脆內軟，仲要係啖啖雞肉唔係雞點！食落仲要唔會好似平日炸雞咁好油！吉列豬豚都炸得好酥脆，但較乾身，肉都較實。相對上，雖然便d($59),但七味雞好味幾倍！清酒荔枝梨子窩夫份量相對細，同平日食開嘅waffle完全唔同！感覺似蛋糕同過waffle，無論係形狀定味道！cream 加上新鮮荔枝，雪梨，再加上厚版waffle,完全覺得自己食緊什果蛋糕。。。同埋清酒係邊呢？唔同揮發哂？哈哈。。係就係幾有特色但我都係鍾意格格脆身waffle多d！但略嫌飲品太甜，冇