屋子咖啡

營業中

休息中

朋友想食甜品, 帶左我黎呢間大圍人氣店, 今日人龍不算長, 等左20分鐘就入得.要左個巧克力梳乎厘, 制作需時, 要耐心等候. 梳乎厘焗到熱辣辣, 口感軟綿綿好鬆軟, 淡淡既朱古力香, 唔會太搶, 而且唔會太甜, 就算食晒成個都唔覺漏. 旁邊仲有香草雪糕, 香草夠清且滑. 兩者配搭不錯.仲有飲品, 抹茶雖不算杰, 但夠香濃, 口感夠滑.

好久沒有去過大圍，難得過來看畫展，我們決定順便發掘附近的小店 想試屋子咖啡很久了，這次終於得償所願！從地鐵站出口走10分鐘左右，就看到屋子咖啡精緻的門口，裡面的擺設都很有質感，看起來很舒服 當天由於不是假日，人不算多，但是還是覺得有點擠逼，大概寸土尺金的香港小店都是這樣吧～我們點了兩份主食 - 關西牛肉便當和吉列豬排便當。上菜的速度挺快，菜式的擺位也很有風格。比較驚艷的是關西牛肉，有點像吉野家的牛肉，但是比較香甜多汁，牛肉下面還有粉絲 吉列豬排就比較一般～隨套餐附送的飲料我點了大地薑茶，薑的味道很重，喝起來很舒服～以咖啡店來說，這裏的食物質素算是不錯，希望以後有機會過來試他們的甜品～

之前睇雜志見呢間野好似唔錯, 特登走黎試試, 黎到見到都幾多人等位, 等左差唔多15分鐘就有位, 坐低環境都幾舒服, 有種文青感覺.點左一份毛豆同一杯凍抹茶奶茶, 毛豆就普普通通, 擺到上台都仲熱既, 又唔會太咸. 杯奶茶就唔錯, 聞到已經好香奶味, 而且奶茶好滑, 又唔會有抹茶粉渣.價錢算係街坊價既, 值得一試.

有時放早，好累又好想搵個地方自已靜下，食下野，大圍的屋子cafe就係我既選擇。大圍有特色既cafe唔算好多，屋子cafe 係大圍都算出名。好彩我每次去都唔係peak hour，唔算好多人，唔洗點等位就可以入去。屋子cafe 唔算近大圍火車話，都要行10-15分鐘，附近環境都算寧靜，門外已經比人有日式屋子既感覺。入到cafe，店入主要係木既裝修同擺設，餐牌都充滿心思，以小學既簿仔為設計，有點懷舊既感覺。總之入到去就會有總好親切同舒適既感覺因為每次去都係放完工，好肚餓，我多數都係叫七味雞唐揚定食配抹茶奶綠(＄69)D漬物都好好食，今次係冷芝麻木耳，但我最鐘意係食佢既薯仔漬物沙律唔算好特別，可能我唔係特別好沙律佢D千島沙律醬配D七味雞好夾，D雞香得黎又唔會好油，配埋佢D珍珠米就一流。我唔係甘鐘意食飯既人，但佢既珍珠米上面撒左D脆脆芝麻紫菜粉，就令到個飯變得吸引同香口，每次都好想叫佢落多D 粉配埋杯熱抹茶奶綠就好wonderful，杯奶唔會好甜，不過其實都會飲到D沖粉味。個份量唔算好多，女仔食就可能剛剛好，但男仔就未必啦。D waiter 服務態度唔錯，有禮貌，唔會趕你走，坐得幾舒服。

我覺得lee 間野真係坐我好舒服，我地今次只係叫左甜品！綠茶紅豆waffle 好味d! 好有蛋香！綠茶雪糕味都幾濃...可惜得好細！唔夠食 另外叫左個原味soufflé! ok la, 冇咩特別！下次會叫埋佢d正餐，睇到人地食都幾吸引咁！

放假去左附近high tea, 村內既人氣咖啡店, 好彩唔算多人唔洗等位.近住復活節出左D特別甜品, 小白兔窩夫$49 見咁得意要左個黎試下, 棉花糖外層軟淋淋, 入面有椰子味雪糕+奶油, 呢個組合都唔算太甜, 而且食落仲幾滑溜. 下層既窩夫即烘夠熱, 外脆內軟熟, 加埋D雪糕食更好味.

大圍，對於我個人而言，相對是一個頗不熟悉的地區。今次，在享受完踩單車的過程後，朋友逐推介大圍中頗為出名的一間甜品店，屋子咖啡是也。店內位置雖不多，但格局像置身於具特式屋子裡。牆壁上貼上紅紙，毛筆字看上來應該是親手落筆似的。燕麥榛子梳乎里熱哄哄的梳乎里，焗得頗成功的，梳乎里表面灑上薄薄燕麥和糖霜，入口即溶感覺，輕盈軟化。另一面則盛載著雲呢嗱雪糕，雪糕軟滑細膩，味道濃郁，混和燕麥碎粒入口，口感特別。鮮奶咖啡雖說是點了鮮奶咖啡，自然明白鮮奶佔的比重會是較多。呷一口先嚐其味，奶味比平常喝的比重多很多，咖啡味道被奶味給蓋下去，味道不過不失。屋子咖啡一直在朋友口中經常聽到，今天終一嚐，或許是抱著高期望下，食物、飲品沒太大驚喜。然而店內環境、佈局也是令人喜愛的其中因素吧。

Today is the last day of the Easter holiday so I decided to find a place to relax and have a chat with my friend. We don't want to go very far away so we decided to go to Uchi. We arrived at 12:20pm and realised that they don't open until 12:30pm so we waited for 10 minutes. After a few minutes, there were people lining up behind us. Because they just opened so we get to choose our own seat. We ordered our meal quickly becuase I was very thirsty. I ordered their Easter special "Pork with curry

店內的地方尚算寬敞，不過滿座的時間，有點擠迫的感覺。環境方面，好像返回到讀書的時候，餐牌都是用小學的習作簿，給人一種上學的氣氛。抹茶窩夫($42)，給它獨特的造型吸引著，底部是一個外型像冬甩的窩夫，放上一球抹茶雪糕，周圍唧滿尖尖的忌廉，配搭著一碟紅豆蓉。味道方面，窩夫充滿濃郁的蛋香味，質感十分軟熟，而且有些'煙韌'的感覺，值得一試。略嫌抹茶味的雪糕偏淡了一些，若果喜愛抹茶的人們，必然對它抱有失望的感覺了，可是仍能夠接受的。雪糕尚算幼滑，配搭甜甜的紅豆，兩者非常合襯。店鋪評分:8/10甜品評分:6.5/10

今日早咗放工，又約咗朋友喺沙田食晚飯，中間段空檔唔知點過，又唔想行街，於是就諗起屋子。過到大圍大概5點零左右。入面已經有好幾對情侶喺度撐枱腳。不過好彩時間尚早，唔駛等位就屋子比我感覺好文青，除咗裝修之外，特別欣賞佢有個賣小手作嘅角落。我一個人叫咗個榛子燕麥梳乎厘坐咗一陣睇下書，覺得都幾寫意。個souffle賣相同味道都一流。因為即叫即整嘅關係，都等咗3､4個字先有得食。佢上枱嘅時候仍然係漲卜卜咖。一畢落去，入面熱辣辣，同時唔會太濕，焗得啱啱好！味道都唔錯，好清淡，但係蛋白味香濃，亦無被燕麥嘅味道搶咗。個雪糕又係好香滑，味道同個souffle好襯好夾！唯一我有少少唔中意嘅係佢嘅燕麥入面有種類似cinnamon嘅味道。總體嚟講，屋子都有7.5/10分。

為咗記錄只得2.8度嘅歷史性時刻，我遠由只有0度嘅大埔，疾走嚟到氣溫稍為高少少嘅大圍屋 子，於寒冬中扮扮文青！冬天只想叫啲暖胃茶，於是叫咗個茶漬泡飯菜，賣相挺吸引：粟米、木魚碎、雞肉、海帶同海苔，混成一碗熱呼呼嘅湯飯。湯底有點甜醬油風味，但偏咸，整體好開胃，不過份量略為有啲少，食咗都未覺太飽肚。

大圍寒風陣陣陣，大家似乎都情願留守屋企避避寒，先會令原本日日大排長龍，座無虛席嘅屋子咖啡，都冷冷清清。不過寧靜嘅環境反而顯得更舒適。大寒天，叫個湯烏冬暖暖胃。烏冬彈牙爽口有嚼勁。湯底有種壽喜燒嘅風味，甜甜的，好討喜！配上炸蝦天掃羅，輕薄嘅粉漿內包住大蝦，口感鮮嫩唔膩，享受午後嘅小確幸，大概就係如此吧！

黎開大圍做野,行到好累呀,入左屋子食件蛋糕偷偷懶先~揀左個焦糖杏仁芭菲 芭菲食落有D似雪糕咁,口感扎實滑溜,味道係香濃既牛奶味,當中混入左杏仁粒,有咬口又香口其實我覺得呢個芭菲既味道就好似鳥結糖味既雪糕,但就實淨D!面頭既焦糖醬除左增加美感,仲增加左一份焦香,同件芭菲既味道好夾呀整體唔太甜,岩哂中意牛奶味甜品既我呢度既環境又舒服,坐坐下都唔想走,可惜又要繼續工作了!

店舖位於大圍鐵路站附近，在A出口往美林方向走五分鐘就到，店裏簡樸整潔擺設，感到自在舒適。點了一份七味雞定食，配自選餐飲森林蘋果茶。 份量應該算是一般女生能應付，七味雞味道沒有什麼特別，就是一般的炸雞。蘋果茶清新微甜，餐飲來說算是不錯。這個看似前菜沙律的，其實是主食凍烏冬。味道一般。這裡的窩夫跟一般cafe的不同。圓圓的冬甩上填滿配料，看上去有點像果撻。大概巴掌的大小，比起一般的窩夫，可能因為烤會較均勻，整個的軟硬脆度平均，少了平日因邊位過硬，棄邊不吃的習慣，從這看來，這種冬甩型還是有其可取之處。

店名：屋子咖啡地址：大圍積信街31至35號安信樓地下P號舖好味指數：7／10價錢：$39香蕉巧克力窩夫窩夫配合軟滑的cream味道一流，份量很少，不消兩分鐘便吃完。店名：屋子咖啡地址：大圍積信街31至35號安信樓地下P號舖好味指數：7／10價錢：$48燕麥榛子梳乎里梳乎里一般，吃不出榛子味，不是太突出。香草雪糕奶味重，很軟滑。