屋子咖啡

營業中

休息中

放假緊係自己一條友扮文青😝＂屋子咖啡＂係大圍非常受歡迎文青cafe，店內設計裝修連餐牌都係台式風格，好有特色，店內座位都唔多，星期六日好多人排隊架，我自己都幫櫬過幾次！好彩今日閒日😎✌🏻order左＂芒果千層塔＂＂玫瑰拿鐡＂賣相就相當吸引～千層塔未必多層😂但入面cream非常滑配上芒果漿有清新感覺～值得一讚係芒果肉同士多啤梨肉都好甜😎＂綜合鮮莓窩夫＂勝在即叫即整，窩夫仲係又熱又脆，上面嘅cream口感香滑。👍🏻而玫瑰拿鐡就正正常常！玫瑰花瓣令賣相生色不少💕但配甜點始終果茶才是皇道🤣🤣 大家下次經過都不妨入去試吓😎👍🏻

一直覺得而且如果想係呢個煩囂既都市入面忙裡偷閒一下環境清幽既屋子都不失為一個好選擇加上自從上次食完呢間既飯團之後念念不忘一直好想再黎今次再與同行重遊舊地鹽味鮭魚飯團及日替飯團首先當然係介紹我今次黎既目標:飯團小食前菜依然係沙律同豆腐,但係少左D涼拌青瓜呢兩樣都係唔太需要功夫既野,所以都唔會有咩驚喜飯團一如以往完美拿捏握飯團既力度軟不至於令飯團鬆散,硬不至於令影響口感食落口你會FEEL到你係食緊飯團而唔係食緊飯因為飯團同飯既口感係略有不同飯團本身握得好好,只係鮭魚略為孤寒日替飯團係栗米加少許紫菜碎口感都係唔錯,但配料都係少左D接住係關西牛肉定食其實我叫之前以為味道會似係我至愛既壽喜燒上台後其實有D失望,比佢個關西風三個字呃左我感受唔到佢關西風既點係邊如果知道既麻煩指教下(真心想知)睇份關西牛肉好似好大份咁其實個碟好矮,份量唔多牛肉只係普通料,薄而且少,牛肉味普普牛肉下面係類似我地食開既粉絲所以牛肉既份量真係唔多不過粉絲既好處就係可以索晒D肉汁分分鐘粉絲仲好食過D牛肉總結而言呢間店既食物其實係唔錯不過就可能唔係太岩大食既朋友但細食如我既,就不妨一試(飯團必試)

來到小房子，除左覺得有文青風，仲覺得好女孩子，因為全部食物都是小份小份，很適合女孩子的胃口，全部都想試，但總是怕吃不完。二人同行等了一會就有位置，有點擠迫，樓底高也幫助不了創造空間感，不過香港地租金貴，就只能這樣做生意了。有飯有小食，每樣有幾款，第一次來的關係都隨便點了，隨便點了個茶漬飯, 和一個飯糰餐,老實說,份量對女孩子來說都是偏小,不過有好處啊!可以留肚食甜品=]茶漬飯味道不錯,濃淡適中,清清沒有肥膩感,怕肥的女孩子也可以吃啊!飯糰餐,連薑茶飲品的,有一小份沙律配茶,不過個人覺得這個比較像下午茶,味道也是好好的,有種日式風味。不過由於趕時間的關係,等這兩個主食差不多用了30mins,所以下次才有機會試甜品啊T.T

同男朋友食飯，叫左佢入黎大圍，帶左佢去屋子咖啡。我自己住呢頭就黎過好多次，呢度位唔多，間唔中要等位等好耐，不過今次去就好快有位。之前幾次都係同friend黎食甜品，第一次食正餐。我叫左吉列豚扒揚物餐($63)，超級豐富，包一杯熱飲，我叫左蘋果茶，陣陣幽香撲鼻而來，蘋果味七成，紅茶味三分，正。跟餐配生菜蕃茄沙律，撈左芝麻沙律醬，好fresh。醃蘿蔔都好好食，酸味較淡，都係行清新路線，我諗應該係想畀客人好好中和下食炸野嘅口感掛？真貼心。主菜吉列豬扒整得好好食，香但唔油膩，皮薄肉厚，口感同味道都好好，除左沙律醬之外，仲另外畀左個酸酸地嘅醬我地(唔知係乜唔記得問lolll)，好香好好食。食完之後驚嘆原來食炸野都可以好清新😍😍男朋友叫左贊歧叉燒湯烏冬($65)，因為比較細碗，好擔心佢男仔會唔夠食🙈🙈不過佢話都幾好食咁就算了~ 偷左佢一塊叉燒，味道適中，始終呢度都係走清新路線，d野食一定唔會好味濃，重口味嘅人就唔啱架喇，中意食得淡嘅人就會好中意呢度。總括而言，價錢黎講我個餐係抵嘅，但男朋友嗰個我覺得略貴，食面嗰d似乎冇咁值。不過呢度勝在個vibe好，夠曬休閒舒服，拍拖或者同朋友聚下都好適合，非常推

星期六因有事要去大圍一趟，趁有少少空檔又有點肚餓，與老婆一起在大圍找了間靚靚的cafe坐坐，吃點東西。這間屋子咖啡，外觀平平無奇，內裡的裝修亦像一般文青系cafe一樣簡單，但食物款式卻出乎意料地有創意。兩個人叫了兩杯飲品和兩份食物。飲品叫了Affogato (後來才發現本來想叫的其實是餐廳的招牌咖啡)，和一般Affogato一樣，都是一shot espresso加上一球雲呢拿雪糕，先淺嘗一口咖啡，味道幽香不見苦澀，再把咖啡倒進雲呢拿雪糕上，雪糕的奶香和甜味與咖啡混和，成為醒神佳品。另一杯是熱薑汁奶茶，茶底似台式奶茶，帶有啖啖的薑汁香味，在連日嚴寒的天氣下飲一口，身體也暖了起來。食物方面有栗子窩夫，份量不像外面台式精品咖啡店一般大堆頭，反而像一個冬甩，上面是栗子醬和雪糕，還有一顆士多啤梨在最層，賣相吸引。栗子醬很香甜，配合雪糕和窩夫一口吃下，非常完美。窩夫外脆內軟，帶有濃濃的蛋香。另外一款小食是大阪章魚燒，味道比較普通，也未有一般街頭即製的那種熱騰騰的感覺。來cafe還是吃cafe的小食比較合適吧！一直也很喜歡到這類咖啡店幫襯，靜靜地坐著喝著咖啡，悠閒地消磨一個下午，讓精神抖擻過來，也不

日本野一直都係港人至愛作為日本控既我當然都唔例外估唔到可以係呢一間偶爾行經見到既日系CAFE可以食到咁高水準既甜品一如佢簡潔既裝修食物都係實而不華唔似有D食肆為左gimmick而搞d花巧野飯團餐一份有兩個飯團,仲有d小食前菜唔好睇飯團好似好易整其實要整得好食一D都唔易飯太硬,飯團就難成形飯太軟,飯團就口感差仲有握飯團力度既拿捏真係少D技術都唔得而屋子就正正可以做到以上既野令飯團拎上手唔會鬆散食落去又保持到飯團獨有既口感實在難得梳乎里配柚子雪葩柚子雪葩似乎唔係時時有,平時係雪糕今次一食真係不得了食落口香濃既柚子味已經爆出黎雪葩口感豐富,入口即溶令呢味甜品入面雪葩取代梳乎里成為主角梳乎里入口蛋味香濃得黎唔會有蛋腥味一個字,正!期間限定草莓芭菲有別於一般認知上用個杯放到靚一靚既日式芭菲蛋糕既外型放係個小碗上面奉上芭菲口感似雪糕.,但比雪糕滑得多草莓唔算甜,但唔會酸值得一試

😋清酒香梨🍐悠閒時光🍵隱世小店🏮我地三人平日下午五點左右黎到，呢個時間基本上無客人，大把位任坐。我地每人叫左一個主食，味道都係偏清新，唔會太heavy。整體味道幾好，唔會好令人讚嘆但都係唔錯既一餐。我地再點左一個甜品，未見過清酒梨既甜品所以一致通過試新口味。✅清酒香梨窩夫 (含荔枝) Poached peer & lychee waffle $43 : 好特別既口味！味道清新，值得一試👍🏻🏠小店遠離大街，好靜好舒服！

我叫左個xx冷烏冬定食(定食包茶,沙律同丼),叫完我都有少少奇怪佢做咩唔問我飲咩茶之後佢剩係上左個冷烏冬同一杯水俾我,咁我心諗佢以為我單點。咁好啦,我食完個烏冬(個烏冬勁韌,食橡筋咁) 坐左一陣(兩三分鐘左右)望左個侍應生幾下,佢都無咩反應,咁我就決定叫杯野飲。我最後叫左杯屋子咖啡(英文名: ice cream coffee)杯野係凍齋啡+一球雪糕,我一望落去已經覺得有少少伏(哇d冰多到..)一飲落口...(頂,難飲到一個點)咁好啦我食佢個雪糕,頂佢個雪糕入面有幾嚿膠係入面(買一盒雪糕一打開個蓋有塊膠係面嗰塊膠)最後我埋單佢仲要收我個冷烏冬定食價佢係我食過同飲過最差嘅一間咖啡店(無之一!!!)

今天到屋子咖啡上網睇見唔錯主食款式不多，甜品較好主食既飯唔係用日本米，仲要加左酸，搞到啲飯又爛又酸兩個主食都普通，好肚餓時食都唔覺得好味反而甜品真係唔錯，個窩夫夠晒熱，而且啲啤你同埋醬汁都好味，所以建議到此都係食甜品好了。不過這一間應該試一次就夠了吉烈豚扒餐（包前菜，沙拉，抹綠奶茶） 鹽味鮭魚飯團及日替飯團包前菜，沙拉，抹綠奶茶）清酒香梨窩夫

大圍少有既文青既午餐，走入店內，好似去左另一個空間，寧靜，休閒。店內空間雖然不大，但環境簡僕寧靜。連餐牌都咁可愛！點左吉利豚扒定食。整體唔錯！吉豬係即炸，沙律爽脆，涼拌木耳麻油香味適中，杯抹茶奶茶好好飲！

屋子咖啡去完台灣之後，一直好中意台灣悠閒緩慢既節奏忙完呢幾個星期，突然想搵個優閒舒服的cafe享受下上網岩岩好見到推介，就黎左呢間cafe環境好令，以木色為主題，我同朋友岩岩好坐係落地窗旁邊，幾有格調但稍嫌不足係近馬路，駛過既車輛有時會破壞氣氛入正題講野食先我叫左杯薑汁奶茶，茶滑又有少少薑既香味，幾唔錯我地分別叫左當日三個set lunch(吉烈豬、漢堡扒、和風牛肉）每款定食都有沙津同前菜，好豐富!吉烈豬炸得幾鬆脆，牛風夠汁夠濃味，漢堡扒失色少少（份量少加有D乾身）另外叫左個蘋果金寶雪糕pancake大大份，抵食又好味同班FD唔夠喉，即刻再叫多個雜果pancake店主好有心砌成一個可愛既公仔樣，好有驚喜整體黎講唔錯

很帶迷你日式和食屋感覺😌無論係餐廳擺設，用具還是套餐都給人一種慵懶feel😽很自在舒適，甚麼在其中都好像變得文青～之後才知道原來跟#朝花夕拾 同出一徹🌸🌸🌸～不為飽肚只為品嚐悠閒感同談心🙆🏻貓飯很可愛🐱伴上吉列豚扒🐷或七味雞塊🐥等揚物，不油膩還覺得清新🙆🏻～雖然已試過跟餐的抹綠奶茶很一般⋯但還是忍不住又叫了🙈🙈是綠茶迷沒錯😂😂⋯⋯但味道也是淡淡的⋯如果能濃郁些就好了～-------------------------好味指數😋：7/10翻啅指數🙆🏻：7/10人均消費💰：101-200服務態度👨🏼‍🍳：6.5/10乾淨指數🌝：7/10

以前都有幫襯過大圍店兩次，烏溪沙幾次，今次再黎大圍店，極之失望。1) 價錢走文青路線，但食物質素不成正比。唐揚雞塊炸粉佔七成，都唔知食緊炸粉定食緊雞2）鮭魚飯團鮭魚只得手指甲皮咁多3）想要杯熱水，畀左凍水4）$150先收Visa，頗不方便5）一貫地環境好窄，好有壓迫感6）定食大部分都係炸物，唔想熱氣都唔得，以前有既漢堡/豚角煮都冇左7）食物飲品千篇一律冇新意失望，見證了一間好餐廳的衰亡，唔會再幫襯！

今日同朋友仔黎到大圍打算踩單車，出發前要醫下肚先，就search下附近有咩食。之後睇到【屋子】食評唔錯就直接walkin 食個lunch。由於可能係星期六，門口已經有幾個人排隊，但都好快輪到我地，大概等左10分鐘左右。鋪面裝潢比較溫馨，亦偏向文青feel，瞬間覺得自己著錯衫黎食飯。 Menu亦比較可愛，選擇用兒時筆記簿黎做menu。我地幾個不約而同地揀左七味雞塊及燒汁煮牛肉餐，內有包括白飯，沙律，漬物，及餐飲。我覺得其實相當出色，無論味道及擺盆不輸尖沙咀區的日本菜。同埋澄子小姐本身對大size生番茄有少少抗拒，因為大多數出麵食都會有陣腥味。但呢間完全無事，仲要清甜! 雞塊不柴同埋外脆內軟。入開大圍可值得一試！

今次中午嚟到好好彩唔洗排隊等位，一入到去就可以坐低不得不提，道木趟門真係好鬼重，雙手並用都要大力拉先趟得開😂咗啱有個女仔喺店外想入嚟，當時出面太大風，道門開極都開唔到😂😂😂雖然店面小小，十幾位人客已經就快full，但店內播住輕音樂，氣氛相當寧靜舒適，客人都好自覺守住呢份靜謐，細細聲談話我哋都點咗牆上小黑板寫住嘅主食。朋友點嘅係午肉飯set，跟一杯野飲，好高質而且夠哂飽，可惜冇影低相。我叫咗柚子粟米蕃茄烏冬。因餐塊冇寫明，上菜嗰時先發覺原來唔係湯烏冬，但涼伴啱哂夏天食。而全素嘅配搭，感覺好健康哈哈可惜呢個烏冬唔跟餐，嗌野飲要比番原價。當時冇為意，叫咗杯30幾蚊嘅凍蘋果茶，普普通通好似7仔買嘅野飲咁，即刻冇咗lunch set嘅意義，蠢咗值得一提嘅係，幾個店員都係中午人士，幾欣賞呢種文青食店都唔會淨係請年青人當然可能係我諗多咗，但呢方面的確令我更欣賞呢間食店