屋子咖啡

營業中

休息中

好耐無入黎大圍啦～上次去了烏溪沙分店～今次試試大圍先～黎到屋子咖啡當然食佢地啲飯團啦～我最愛食日式飯團🍙鹽味鮭魚飯團及日式飯團 （配沙拉，涼伴豆腐，一品小吃，蘋果茶）鮭魚有煮熟左先～眼見有一塊仔～但入邊仲有～咸咸地加埋飯食剛剛好～日式飯團有蝦干，黑芝麻，粟米～口感好豐富～有啲脆脆地～小吃同豆腐都正常～但好多麻醬杯茶比我想像中香蘋果味～草莓奶昔草莓味好香好濃～但奶昔做到好似乳酪味咁～幾開胃～唔錯～草莓曲奇窩夫（含香草雪糕）草莓就細粒左啲～但窩夫做到好似冬甩咁～蛋味都幾香～加埋雪糕食好夾～見到香草雪糕仲有啲香草籽係度～所以會特別香濃～P.S.食物都唔錯～但環境同烏溪沙比就差啲～

晚上想找一個地方和朋友休息一下 然後吃吃甜品這次就來到大圍這個文青咖啡店食甜品 這間營業時間較長 環境以簡約作主調🤔樓底較高 坐下來的時候很舒服🥰我們叫了兩個甜點一杯飲品黑芝麻豆腐奶昔 $43黑芝麻味很重 入口較順滑😀鮮雜果柚子雪糕窩夫柚子雪糕好清新 造型好好得意，同朋友都好鐘意不斷打卡靚仔 窩夫就好好味，外脆內軟 不過份量如果多D就好😣另外一個係燕麥榛子梳乎里🥰燕麥榛子估唔到佢哋咁夾 配埋香香的雲呢拿ice

因有要事來到大圍，經過呢間舖頭覺得門口裝修簡單，有一種隨和之氣，決定進入食個午餐。野菜天婦羅冷烏冬野菜天婦羅清甜，非常好吃。烏冬煙韌，但冷湯汁太酸，搶過味道，和烏冬不太配。

某君去日本玩幾日，令人既羨慕又忌妒，雖然自己無得去，但都要食返餐日本野安慰下自己，扮去咗先😎✨鹽味鮭魚飯團及日替飯團 $59>飯團結實不鬆散，飯質感堅挺>鹽味鮭魚飯團鮭魚量不俗，鹹味適宜，紫菜不脆，梅梅地>日替飯團粟米粒清甜，黑芝麻芝麻味幾香，櫻花蝦惹味，仲有三文魚碎，鹹甜交錯，感覺清新==================推介指數 🌕🌕🌕🌕🌑迷你鮭魚丼 $40>飯量比想像多，適合女士>三文魚味道剛好，配合紫菜、木魚、芝麻同飯一齊食，好味>汁偏多，食到尾味道略為過濃==================推介指數 🌕🌕🌕🌗🌑清酒香梨窩夫 (含荔枝) $48>賣相好靚，滿滿香梨被忌廉包圍，頂部仲有提子乾，啱晒鍾情靚女野食嘅我，開心>香梨散發淡淡清酒香氣，荔枝味濃烈但清甜，一剛一柔，刺激味蕾>忌廉亦十分香滑，不禁要食晒呀>窩夫底暖笠笠，質感有少少煙韌，正呀>個碟太窄，切一刀啲配料已跌咁啲出碟外==================推介指數 🌕🌕🌕🌕🌗

食物即叫即做，新鮮好味。份量亦剛剛好，不會太多或太少。偶然停下雞煲、麻辣，感覺好清新舒服。多款甜品比你揀，我地試左小倉綠茶窩夫，幾好味，下次可以試吓souffle, 見有人食賣相吾錯

想嚟哩間好耐！但見佢係馬鞍山有啲遠，平時好少去個邊所以一直都未有機會識😭咁啱今日朋友都得閒就諗住拉佢去，點知發現原來大圍都有㗎😆9秒9決定要飛奔去🏃🏻‍♀️-吉列豚扒🐷$66 (要加一)哩個價係包埋前菜、白飯、沙律，仲有野飲添！(不過凍飲要加$3）不過佢份量唔多，每樣野都細過平時出面定食嘅30%🤔不過都絕對夠食嘅😗個豚扒唔錯，外脆內軟，新鮮炸起得黎又𠱸會太熱太油，無個種食炸野嘅熱氣感覺☺️個沙律都幾好，但都係生菜加芝麻醬，又好難有突破嘅🤣不過值得一提嘅係佢個生番茄🍅以前好中意食一風堂嘅麻醬番茄，但佢幾年前無左之後就再無食過😢大家一定要試下哩個組合🤣正到傻左個前菜應該係牛蒡加紅蘿蔔嘅漬物(?)一向麻麻牛蒡，所以，嗯，個前菜唔係我杯茶😗-冰抹綠奶茶🍵 (跟餐包埋，冰嘅要加$3) 掛住食唔記得左影😭💔但哩個組合比較少見，諗住會有驚喜，點知無想像中咁好飲😢抹綠味無乜，基本上係得奶茶味，但好淡淡到好似溝左好多水咁🤢 (我以為係因為啲冰溶先咁淡，但朋友叫熱飲都話淡🤔)-雖然野飲麻麻，但主食係幾好食嘅，定食嚟講真係幾抵🤤-好味度: 7/10抵食度: 8/10回頭度: 7/10

我真係好中意平日放假，條街少人又靜，行起上泥都好舒服。早兩日就去左大圍，試左屋子咖啡，鬧市中的一點小寧靜！係大圍站行過去大約8分鐘左右就到了，入到去坐，超舒服😌我地兩個大胃王，叫左大部分熱門美食首先， 我地叫左個小食，大阪章魚燒，我個人超中意食，佢夠大粒，又唔會好多粉，足料，岩哂我既口味另外，叫左兩個主食，分別係飯團餐同三文魚丼餐，佢有跟埋前菜同小食，唔好睇佢個樣好似好少，食完意想不到咁飽雖然好飽，但我地係唔會放棄食甜品嫁🤣🤣🤣再泥兩個甜品，叫左燕麥榛子梳乎里同小倉抹茶窩夫。燕麥榛子估唔到佢哋咁夾，而窩夫就好好味，外脆內軟，配埋個抹茶雪糕，簡直一流有機會一定會再泥食丫🤪

放假總是想放空, 逃離一下繁忙嘅城市生活, 於是同屋企人去左大圍嘅一間日式cafe做一下“偽文青”。🏠cafe嘅空間唔算大但有一種令人放鬆, 家的感覺😊 打開餐牌有好多唔同嘅輕食, 飯麵, 飯後小伙伴(幾中意e個叫法🙈🙈), 飲品。因為我地得3個人, 試唔到好多野, 就叫左3個主食,一個小食同甜品😋😋關西牛肉定食🐂🍱定食有沙律配上芝麻醬, 一碟伴菜, 一碗牛肉, 份量夠多,調味亦唔錯, 牛肉唔韌, 個白飯仲有飯素係面, 好味😋鮭魚綜合茶漬泡丼🐟E個茶漬泡丼超好食!泡飯入面有昆布粟米鮭魚, 木魚片等食材, 混埋一齊食有一種好滿足嘅感覺, 所有野都好夾, 加上淡淡嘅昆布湯香味, 熱辣辣, 令人好想再食多碗😋😋😋😋👍🏻👍🏻👍🏻蕃茄柚子冷烏冬🍅🍜 (期間限定😊)天氣熱熱地食番個冷烏冬, 酸酸地好開胃。烏冬夠凍配埋蕃茄同秋葵, 正呀😆😆吉列豬扒🐖豬扒夠熱夠脆, 不錯的😋飯後小伙伴出場🍮🍰😍😍👏🏻👏🏻👏🏻蘋果甘寶撻加綠茶雪糕🍎🥧🍨味道唔錯嘅, 個撻亦好有口感, 加埋綠茶雪糕, 幾夾😊清酒香梨窩夫🍶🍐梨同荔枝香甜味好出, 窩夫都好鬆軟, 唯一缺點係份量太細個🙊黑芝麻豆腐奶昔🥤中意芝麻同豆腐嘅朋友一定

難得放假去cafe食個tea, relax 一下，就揀左呢間想試好耐的屋子咖啡。環境非常舒服，好適合倆口子傾下計或獨自專心做下野。叫左一個栗子窩夫，一個香否蕉朱古力窩夫，窩夫吾係常見的格仔窩夫，係比較厚身蛋味重的窩夫，有點太硬身同太甜 唯一係香蕉窩夫的香蕉係燒過的，感覺幾脆口，而且材料都幾足料飲品叫左抹茶鮮奶同蜜桃茶，前者太甜太稀，好似用粉開咁蜜桃茶則無咩味，好淡。環境好適合hea, 但食物就吾好有期望哪

屋子咖啡 Uchi Coffee地址:大圍積信街49號安信樓地下P號舖— — — — — — — — — — — — —🔹飯團餐(梅子飯團+日替飯團) $59*另需加一服務費呢個set好抵食,有2個飯團,沙律,1個涼拌豆腐,海帶絲同1杯野飲🙈飯團我揀左梅子飯團同日替飯團,野飲就揀左熱薑茶.健康指數:🔅🔅🔅🔅日文野向來相對清淡,呢個set仲有埋菜同豆腐!均衡得黎又份量又唔會過多!味道:🔅🔅🔅所謂嘅日替飯團原來係有櫻花蝦,粟米同黑芝麻,食落主要只係食到櫻花蝦嘅味.可惜呢個飯團啲飯係熱嘅😭同埋偏乾...不過加左櫻花蝦食落脆卜卜又幾得意~梅子飯團就出色好多😆飯無咁熱同埋係醋飯,梅子份量好多‼️同埋超酸,爽到爆😍沙律同海帶絲同出面無咩分別就唔講了haha.而豆腐非常滑,下面個汁酸酸地有啲柚子味~個薑茶真係太刺激啦對我黎講😂飲落去辣到我彈起賣相:🔅🔅🔅

見身邊朋友都有試過依一間小店 所以我都想過嚟試一下🤫 入到餐廳 個格局都有少少似屋子嘅感覺由於我個人都鍾意食日本野 所以我點左個飯團餐（鹽味鮭魚飯團 及日替飯團🍙）配左杯抺茶個餐嚟到嘅時候 睇個賣相好似有少少失望 因為得兩舊仔飯團 同埋少少配菜 驚會食唔飽 （但最後原來食得飽㗎 因為飯團好制）不過對個食物真係有啲失望 成個飯團好dry 個鮭魚飯團啲鮭魚係極少 （我感覺好似食緊兩舊白飯🙈）所以真心失望 😞而個飯團亦都酸咗啲 越食反而越嚟越唔開胃🙈杯嘢飲亦都好一般 不過個甜品都OK嘅！疏乎厘配雪糕幾唔錯！佢啲甜品都唔太差既！整體覺得性價比 不太高！

大圍人一定對屋子咖啡唔陌生 我住遠遠都經常回來坐坐最愛栗子窩夫🌰🥞 下層窩夫熱呼呼 內面的一球香草雪糕🍨 凍冰冰 冰火交融好好食🤤!!日式茶漬飯飯素配料一大堆 味道好舒服 最正係櫻花蝦 拉麵就食得多 🌸🦐🍚配茶漬飯原來何奇夾.😍簡簡單單的一個晚上 食完晚餐食埋甜品 係呢個樓底兩層木製文青風既環境下傾足一整晚.. 慢活!🌳————————————————#大圍 #taiwai #hkcafe #hkfoodie #拍拖好去處 #食好西 #偽文青 #文青 #茶漬飯 #chestnut #栗子 #waffle #窩夫 #相機食先 #uchi #屋子生活 #屋子咖啡

男朋友話想搵個舒服嘅地方食下野, 傾下計, 所以我哋就嚟屋子咖啡食下午茶。因為係平日, 五點幾食下午茶都唔會多人, 我哋去到都係坐左兩,三枱客, 可以靜靜哋傾計, 食下野, 唞下。餐廳嘅簡約設計同燈光令人感覺好舒服, 餐牌設計好可愛, 好有心思。我哋叫左一個中華冷麵+芝士年糕, 一個叉燒烏冬+飯糰。兩個餐都包茶飲同前菜, 我哋揀左熱大地薑茶同抹綠奶茶。好香奶味, 淡淡抹茶味👍🏻暖胃👍🏻冷麵夠凍, 冷麵嘅清涼感驅除夏日炎炎嘅感覺, 酸酸哋好開胃, 配料嘅叉燒都好夠味👍🏻👍🏻😋 芝士年糕外脆內軟, 但個人唔太中意呢種芝士味烏冬爽口, 叉燒夠稔👍🏻 飯糰好有媽媽嘅感覺😄男朋友形容係勞碌左一日, 食到妻子中午送嚟飯糰,好幸福感覺😂呢間餐廳比到我哋好有家嘅感覺😂下次再試下佢啲甜品先🤤

地方唔錯服務好叫嘅係黑蒜油豬烏冬，連士多啤梨芡嘅綠茶雪芳蛋糕 烏冬調味海水級，叉燒醃得好食唔濃味肥瘦合適，筍乾有臭酸味，雞髀菇多汁又甜前菜金平牛蒡紅蘿蔔多芝麻香口，但煮得太林突顯咗牛蒡嘅粗鞋甜品嘅綠茶雪芳蛋糕硬個麵包，係個士多啤梨cream比較醒神，唔夠汁，而且蛋糕綠茶味唔夠

平日下午想搵個地方坐下飲杯咖啡，吃下甜品嘅好選擇。開頭同姐妹叫左一份下午茶set餐，粟子香草雪糕窩夫配flat white coffee & baileys coffee，甜品賣相優雅，味道中等甜，但個人覺得窩夫蛋味略欠少少。係個度坐左一個鐘，依個時段人流唔多，環境適合傾下計，慢慢坐嘅地方。之後仲叫多另一個set餐，燕麥榛子配soffle香草雪糕球，加杯蘋果茶。熱辣辣出爐嘅甜品加杯果茶，既解膩又滿足。最後坐左兩個鐘先埋單。環境舒適，音樂聲唔會太大，冷氣勁足，餐廳內有廁所(衛生尚可接受)。有加一服務，店員服務都係有禮細心。