屋子咖啡

營業中

休息中

12點到達的時候已經有人在門口排隊，然後12時半可以進入店舖。進入時空間不大和之前的裝修差不多但好像多了點裝飾，但發現新年的參考不同了。主要是沒有飯團，因為之前在OpenRice或是其他平台也看到飯團的賣點很漂亮，但在詢問店員的情況下發現真的沒有了。那麼辦法變選擇其他套餐。焙茶梳乎厘 要等大概20分鐘，但都值得，有好濃焙茶味，好鬆軟，配茶雪糕都係茶味，口感軟滑，好creamy(о´∀`о)鰻魚飯因為和牛肉飯的價錢差不多，所以性價比較高。上碟的時候也很精緻萬元的味道也不錯。秋葵沙律因為價錢也不便宜的關係，份量也不少，而且上面的炸雞貌相也很，很多秋葵。中華冷麵麵質滑，湯汁亦不錯，蛋白一點沒有預期中漂亮好像之前是用其他玩上碟的，但今天只用了透明玻璃碗如果打卡的話就不建議。海老天婦羅炸粉過厚，口感較硬，但烏冬唔錯，有咬口。整體來說食物質素不錯，打卡一流。環境亦舒適，適合和朋友傾吓計。順帶一提，我們點了水，使用膠杯承載的，但一看之下發現有很多黑色不明物體在杯底，這扣了點分。而且座位不多，門外有不少人排隊，不好意思在店舖裏坐得太久。

今次黎到大圍懲罰黃店！朋友住附近，覺得屋子咖啡唔錯就帶我黎食。我地兩個都嗌咗同一個lunch set：咖哩湯烏冬拼吉列豬排 （$73 另加一）凍抹綠奶茶午餐份量超級足！烏冬有咬口，豬排炸得好脆好香口，又唔會有咩油膩感。另外又有白蘿蔔同沙律做伴菜，成餐飯感覺更清新！雖然咖哩湯唔「結」，但都好有味！唔會食完覺得好heavy. (不過私心想有濃湯版一試🤤）抹綠奶茶味道唔錯！唔會得綠色但無抹茶味！就算放到啲冰融咗都唔會無味。Weekdays下晝兩點到，都同朋友坐咗差唔多兩個鐘。絕對係性價比高、又勁悠閒嘅文青cafe!

原來諗住去大圍食bagel點知賣晒 咁就唯有轉戰屋子生活啦🤥 之前都食過一次 環境都吾錯😌下午茶時間仲有tea set! 叫左一個栗子窩夫 一個漢堡扒便當🍴 便當比較麻麻 雖然用上珍珠米 但完全冇汁 好乾😂 仲有半隻全熟蛋咁🤔 旁邊有三舊半塊的漢堡扒 上面有小小燒汁 雖然系熱熱地 但份量比較小🤢 肉質一般 同埋入面有d乾🤧 搞到成盒飯好dry 🙈相反甜品比較出色 栗子容吾會太甜 入面仲有小小cream咁😋 窩夫係好實在的 比較似蛋糕質感😆 切落去就會知😂 同埋入面有啲雪糕 提升成舊嘢的甜膩感😝 不過一齊食又多重口感 比起個飯好好多! 得閒經過都可以試下呀!

成個香港都係二噁英，身邊好多朋友啲皮膚都生到一撻撻。城市既空氣比催淚彈污染到唔適合香港人呼吸，呢個星期五決定約埋三五知己放工跑上山抖下氣。由樂富出發，跑上獅子頭俯瞰一下呢個唔再熟悉既香港，再係世界花園落山。落到山黎都成9點，打開和你eat睇下仲有邊間黃店未閂。見有一間叫屋子咖啡既，但睇佢網上menu好似得咖啡同甜品，無正餐食，不過得返呢間咁夜都未截單，就去試下啦。呢間講過見到警暴好憤怒同疼心，決定唔會再招待黑警公安。揾到間舖，見坐得好滿，要等一陣，睇下啲人食咩，發現原來有serve烏冬啊咖喱啊定食啊茶漬丼啊飯糰咁，睇黎呢鑊做完運動都變肥仔了。（建議返餐廳更新一下網上既餐牌。）各自嗌左個主食加飲品再加甜品。$72 關西牛肉定食$42 黑芝麻豆腐奶昔$55 燕麥梳乎厘做完運動食咩都好味，特別個梳乎厘真係好香好軟綿，邊邊果個少少脆既皮最好食。杯奶昔飲落味道似黑豆漿但感覺好健康。餐廳既logo係一個屋頂加一隻咖啡杯，中間加兩點，整個睇落就好似係個開心笑既樣。希望香港終會有呢一日大家笑得出黎，煲底見。

一個星期六嘅下午，喺大圍站周圍行來行去唔知食乜好，行到油站附近，老公話不如試吓依間Cafe啦。喺外面睇幾靚，好簡約好日式細細間咁，可能係假期啦都要等一陣先至有位，如果大啲就好囉因為入到去好少位，選擇亦不算多。我哋一人要咗個set，黎到真係有少少有驚喜，好精緻啊，每樣少少味道好好，杯咖啡都好唔錯。如果可以唔使排咁耐隊，我應該會個個月來一次。

幾年前開左烏溪沙間屋子，一直想去試下，但始終太太太遠。今次尼大圍探朋友，先知原來大圍仲有 2 間屋子，我地 8 點幾 9 點到，另一間就收左，我地就試呢間。我地 5 個人，每人叫左一個定食，加一個小食燒章魚棒share，再加 2 個甜品，夠哂滿足。關西牛肉定食 $72定食有個迷你丼，有飯素係面，仲有個薯仔既前菜，少少辣好開胃個關西牛肉似平時牛肉飯既味，配飯非常夾，最驚喜既係牛肉下面係有方型粗粉絲，粉絲吸引哂d牛肉汁味好正和風漢堡定食 $73漢堡扒點蛋黃醬好好食 不過視角上尼講 隻碟就咁睇會誤以為紙碟跟餐有飲品：蘋果茶 抹綠奶茶燒章魚棒 $48個感覺有d似成條墨魚滑拎去燒，再加上章魚丸子既醬，個味道都係好夾，比起食章魚丸子更有咬口，下次尼都會再叫呢個香橙梳乎厘附香草雪糕 $60梳乎厘好鬆軟，美中不足既係塊橙比較酸香蕉朱古力窩夫 $43窩夫size有d細，大家分尼食就每人得一啖，如果一個人食一碟就會岩岩好下次想試埋 清酒香梨窩夫 同埋茶漬泡丼

大圍算近市區但租金比鄰近沙田同九龍塘平，吸引咗好多人開cafe😚其實返city BU 嘅同學仔可以黎呢度食個tea，hea下個晏晝，趕下deadline都好✍🏻呢間日系cafe裝修風格以木為主 採用趟門 碗碟都好和式🎎有定食又有甜品🎏Waffle覺得甜品好味過主食！最好係附近食完dinner 再過嚟食甜品👀

踩完單車，消耗一輪能力，唯有去食飯補充能量。上一次黎只係點了飲品，跟朋友聊聊天。今次係來填飽肚子。今次各自點自己份，無share黎食。朋友點了牛肉櫻花蝦綜合茶漬泡丼，職員話無櫻花蝦，改用木魚代替。另一個朋友點了綜合鮮果窩夫配柚子雪皅。賣相相當可愛。我就點了鹽味鮭魚飯團及日式飯團配沙律及涼伴豆腐+熱抹綠奶茶。沙律及涼伴豆腐，味道不錯。飯團及飲品偏淡。（可能我比較仲重口味吧！）如果提供醬油來點，應該會比較好些。

完成了一整天的工作，拖著疲累的身驅，只想尋找一間舒適的cafe, 填好肚子之餘， 釋放一整天的疲倦，好好調整心情。而今晚就選擇了"屋子cafe "已不是第一次光顧屋子了，再三光顧是因為一進屋子給予我悠然感，那木色的裝潢，寧靜的空間， 很自然，很舒適飯團定食是用一盤子上，很整潔的把前菜， 沙律分好。 沙律有生菜， 蕃茄配搭芝麻醬，新鮮乾淨前菜是開胃的醃青瓜， 爽口有著淡淡的芝麻清香前菜還有醬汁豆腐配上木魚絲， 也是健康清新之選主角飯團~ 兩款飯團也是暖暖的上台，不是預先搓好的飯團。 珍珠米軟滑香口， 雖然鮭魚飯團 內的鮭魚不多， 但每一口也吃到清淡的鮭魚味道。 日式飯團主要用味素搓成， 每一口也是淡淡的味素清香奶昔是水吧即刻調製， 用了新鮮的香蕉 以及牛奶，並不是用奶精，香精調製。 香香滑滑。 口感真實滿足 簡約樸素的餐牌離開屋子cafe, 工作緊張的情緒已緩緩放下

好耐無入黎大圍啦～上次去了烏溪沙分店～今次試試大圍先～黎到屋子咖啡當然食佢地啲飯團啦～我最愛食日式飯團🍙鹽味鮭魚飯團及日式飯團 （配沙拉，涼伴豆腐，一品小吃，蘋果茶）鮭魚有煮熟左先～眼見有一塊仔～但入邊仲有～咸咸地加埋飯食剛剛好～日式飯團有蝦干，黑芝麻，粟米～口感好豐富～有啲脆脆地～小吃同豆腐都正常～但好多麻醬杯茶比我想像中香蘋果味～草莓奶昔草莓味好香好濃～但奶昔做到好似乳酪味咁～幾開胃～唔錯～草莓曲奇窩夫（含香草雪糕）草莓就細粒左啲～但窩夫做到好似冬甩咁～蛋味都幾香～加埋雪糕食好夾～見到香草雪糕仲有啲香草籽係度～所以會特別香濃～P.S.食物都唔錯～但環境同烏溪沙比就差啲～

晚上想找一個地方和朋友休息一下 然後吃吃甜品這次就來到大圍這個文青咖啡店食甜品 這間營業時間較長 環境以簡約作主調🤔樓底較高 坐下來的時候很舒服🥰我們叫了兩個甜點一杯飲品黑芝麻豆腐奶昔 $43黑芝麻味很重 入口較順滑😀鮮雜果柚子雪糕窩夫柚子雪糕好清新 造型好好得意，同朋友都好鐘意不斷打卡靚仔 窩夫就好好味，外脆內軟 不過份量如果多D就好😣另外一個係燕麥榛子梳乎里🥰燕麥榛子估唔到佢哋咁夾 配埋香香的雲呢拿ice

因有要事來到大圍，經過呢間舖頭覺得門口裝修簡單，有一種隨和之氣，決定進入食個午餐。野菜天婦羅冷烏冬野菜天婦羅清甜，非常好吃。烏冬煙韌，但冷湯汁太酸，搶過味道，和烏冬不太配。

某君去日本玩幾日，令人既羨慕又忌妒，雖然自己無得去，但都要食返餐日本野安慰下自己，扮去咗先😎✨鹽味鮭魚飯團及日替飯團 $59>飯團結實不鬆散，飯質感堅挺>鹽味鮭魚飯團鮭魚量不俗，鹹味適宜，紫菜不脆，梅梅地>日替飯團粟米粒清甜，黑芝麻芝麻味幾香，櫻花蝦惹味，仲有三文魚碎，鹹甜交錯，感覺清新==================推介指數 🌕🌕🌕🌕🌑迷你鮭魚丼 $40>飯量比想像多，適合女士>三文魚味道剛好，配合紫菜、木魚、芝麻同飯一齊食，好味>汁偏多，食到尾味道略為過濃==================推介指數 🌕🌕🌕🌗🌑清酒香梨窩夫 (含荔枝) $48>賣相好靚，滿滿香梨被忌廉包圍，頂部仲有提子乾，啱晒鍾情靚女野食嘅我，開心>香梨散發淡淡清酒香氣，荔枝味濃烈但清甜，一剛一柔，刺激味蕾>忌廉亦十分香滑，不禁要食晒呀>窩夫底暖笠笠，質感有少少煙韌，正呀>個碟太窄，切一刀啲配料已跌咁啲出碟外==================推介指數 🌕🌕🌕🌕🌗

食物即叫即做，新鮮好味。份量亦剛剛好，不會太多或太少。偶然停下雞煲、麻辣，感覺好清新舒服。多款甜品比你揀，我地試左小倉綠茶窩夫，幾好味，下次可以試吓souffle, 見有人食賣相吾錯

想嚟哩間好耐！但見佢係馬鞍山有啲遠，平時好少去個邊所以一直都未有機會識😭咁啱今日朋友都得閒就諗住拉佢去，點知發現原來大圍都有㗎😆9秒9決定要飛奔去🏃🏻‍♀️-吉列豚扒🐷$66 (要加一)哩個價係包埋前菜、白飯、沙律，仲有野飲添！(不過凍飲要加$3）不過佢份量唔多，每樣野都細過平時出面定食嘅30%🤔不過都絕對夠食嘅😗個豚扒唔錯，外脆內軟，新鮮炸起得黎又𠱸會太熱太油，無個種食炸野嘅熱氣感覺☺️個沙律都幾好，但都係生菜加芝麻醬，又好難有突破嘅🤣不過值得一提嘅係佢個生番茄🍅以前好中意食一風堂嘅麻醬番茄，但佢幾年前無左之後就再無食過😢大家一定要試下哩個組合🤣正到傻左個前菜應該係牛蒡加紅蘿蔔嘅漬物(?)一向麻麻牛蒡，所以，嗯，個前菜唔係我杯茶😗-冰抹綠奶茶🍵 (跟餐包埋，冰嘅要加$3) 掛住食唔記得左影😭💔但哩個組合比較少見，諗住會有驚喜，點知無想像中咁好飲😢抹綠味無乜，基本上係得奶茶味，但好淡淡到好似溝左好多水咁🤢 (我以為係因為啲冰溶先咁淡，但朋友叫熱飲都話淡🤔)-雖然野飲麻麻，但主食係幾好食嘅，定食嚟講真係幾抵🤤-好味度: 7/10抵食度: 8/10回頭度: 7/10