屋喔 (已結業)

一早出左去見工,一見就左成差唔多兩個鐘。未知結果之際,決定去行下街,放鬆下!通常去旺角如果得自己一個人,通常會邊行邊食,但因為拎住一袋文件及換下的西裝,好似坐低食會好D。朗晴坊有唔少cafe,但因為想食risotto的關係,所以就睇menu黎揀去邊間食啦!一入去就有得坐,因為想飲杯熱野,而且都見coffee都有幾多選擇,所以最後就加左$10要hazelnut coffee.黑松露野菌柯仔燉飯:睇落個份量好似好少，但食完又覺得岩岩好。柯仔有腥味，而當中的黑松露、醬汁同飯都撈得幾平均,亦有數片的蘑姑。對於呢個台式加意式配搭,係幾新鮮,但我唔太鐘意,因為柯仔有腥味扣了分。至於hazelnut coffee,應該係普通咖啡機沖。好甜,飲左一半已經飲唔到。環境都幾乾淨,侍應反應都快速,但食物比預期中無咁好。我應該會再黎多次,但應該只會叫台式食物了。

見新分店開, 又好耐冇食台灣野, 呢間價錢合理, 又多款式, 就黎試試啦.7:15pm黎到, 拎左飛仔都等左幾耐架, 8:00pm入座, 用餐時間90 mins.鹽酥雞 ($42) :睇食運既相見好大碟既, 滿滿既. 但黎到見到唔滿碟, 分量少左好多.少少暖, 應該晚市太忙炸定. 不過都好脆卜卜, 好香口惹味. 反而覺得太咸啦.肉燥糖心蛋飯 ($56) :糖心蛋做得好好, 蛋黃流心又有蛋香. 魯過既蛋唔算好入味, 不過整體黎講係好味既.肉燥個咸度岩岩好, 雖然好好味, 好易送飯食, 但分量太少啦. 因為個底勁多飯.黑松露野菌蚵仔燉飯 ($72) :最好味係呢個飯, 超級熱, 岩岩整起. 好香好香黑松露同野菌味.食落好順口, 因為有忌廉奶香, 但唔會好杰好creamy, 食完少少膩. 不過就好滋味.蚵仔粒粒飽滿既, 野菌分量算多, 啖啖都有姑. 好味必叫之選. 而且呢款可以跟餐加錢要埋飲品甜品.水果茶(凍) (餐+$32有飲品及甜品) :味道唔會好甜, 偏酸. 都岩飲既, 食完d野膩膩地飲又得, 未食野之前開下胃又得.不過就唔夠咖啡弄個d好飲.Tiramisu :細細杯好的骰, 而且個外

臨近聖誕，朗豪坊好多化壯品品牌做聖誕promotion，當然要血拼一番，行到累去左座落於朗晴坊既一間台式cafe醫肚，位置方便就腳。一入店內，座位舒適寛敝，再加上小鮮肉既身形、文質彬彬既外表、DJ聲線既侍應，感覺非常良好。😌前菜食個凱撒沙律清清地先，沙律菜好新鮮好fresh,再加上個醬汁，配合得恰到好處，醒一醒胃先~ 之後食個辣味雞翼，酸酸甜甜，外脆內熱，炸到mm巧，不覺溜，正。主菜就點左個黑松露蚵仔燉飯同牛魔王麵，個黑松露飯係亮點，香濃既黑松露味，配上超滑而不溜既cream, 食到津津有味，推介！一端上牛魔王麵，香濃牛肉味撲面而來，麵底彈牙，牛腩又香又林，ichiban! 真係好味到食台野都要講日文讚一讚。由於食左個咁正既主菜，再點一個三杯蝦食，隻蝦開左邊都好似有一隻咁大，食落鮮味彈牙，而且配上紅椒同蒜頭，十分香口好味。我呢個chocolate lover 緊系要飲番杯朱古力嘆下，杯朱古力果然冇令我失望，香濃香滑，又不太甜正。今日嚐盡視覺及味覺既一流享受，係一間充滿驚喜既台式餐廳。

仲記得中學時, 係朗豪旁邊有好多樓上CAFE, 有D仲有K唱, 今日來懷愐一下青春。OCASA賣的是台式加西式的菜餚, 地方唔算太大, 是樓上CAFE感覺。望一望MENU 食物好抵, 晚餐有套餐, 加野飲都是一百元左右, 仲有種類多架台式飲品同甜品。叫份義式雜菜沙律 $38先扛底, 估不到好大盤, 有雜菜同醋感覺開胃又清新, 菜又新鮮爽口。原本想叫炸鹽酥雞,不過怕熱氣改為三杯雞 $38, 又是超大盤, 雞件大大塊, 而且好入味肉又唔老, 每啖都有醬油同麻油香, 三杯雞係有油, 醬油同麻油各1/3 做汁,,倒是不覺得太油膩, 做得很好食又正宗台灣味道。包白飯飲品蘋果愛玉，仲有朱古力芝士蛋糕，餅底是oreo,好實在又滑價錢回流到中學時候一樣, 本以為定價相宜份量會相調節, OCASA可是豪氣又大方, 一個人吃太OVER了。真我吸引了很多人來吃晚餐, 人龍排到出電梯。

之前係上環食過呢間餐廳，發現旺角原來開咗新分店，環境舒適嘢食都唔錯，天氣唔係好熱所以選擇坐外面。感覺都唔錯，個feel好舒服。可能係轉天氣嘅關係，個人唔係好舒服所以想食D清清地嘅嘢。叫左個乾貝蚵仔海鮮泡飯，分量十足材料很豐富，內有乾貝、蚵仔、冬菇粒、蝦等等...味道鮮甜，加上莞茜更顯出鮮味。個湯底就甜甜地，泡飯濕濕地易入口，唔覺唔覺食晒成碗。凱撒沙律加大蝦，精髓在於沙律醬上再加上Parmesan cheese ～羅馬生菜夠新鮮，蒜茸麵包粒脆卜卜。味道清新，大蝦爽口彈牙。濃濃Parmesan cheese味，很喜歡。睇落唔覺得好大碟，其實係好大嘅，完全食唔晒。台式水果茶，味道偏酸是我喜歡的味道，士多啤梨、橙、火龍果等等...這都是比較偏酸的生果，生果都新鮮，顏色又多而且果香滿溢。

有時候出旺角吃飯真的很苦惱，餐廳太多，合心意的卻很少，前幾天朋友介紹這家台式咖啡店，說它的環境和食物都很不錯，機緣巧合下也打算週末去旺角逛街，於是煩惱暫時得而解決了~~~(但下次到旺角又要再一次苦惱…TT)咖啡店在旺角朗豪坊旁的朗晴坊，朗晴坊的入口處很不起眼，但這棟大廈有也很多咖啡店，應該有很多人不太留意。星期日的午飯時間到達餐廳，還以為會全場爆滿要排隊等候入座，但忘了有很多人星期日都愛睡到日上三竿，沒有那麼準時吃午飯，所以不用排隊便可以入座。先看午餐定食的餐牌，一共有八種選擇，款式還算大眾化，不會偏向全是台式菜。我點了B)屋喔台式雞排肉燥飯($48)，而同行的月巴則點了G)黑松露野菌柯仔燉飯($58)。餐飲可選擇配冬瓜茶或柳丁茶，可是這兩款都不能轉熱飲，所以便加$10點了一杯熱的卡布奇諾(即cappuccino) 和一杯熱的雙重巧克力。點了餐不消三分鐘，燉飯已經來到眼前，燉飯其實也就是Risotto。看起來的份量好像很少，其實只是飯粒都粘在一起，吃到尾便發現是剛好的份量。吃了第一口已經充分感受到黑松露的香味，加上切片的野菌一起吃，十分美味；但柯仔可能始終是海鮮，偶有一兩粒即使伴著飯也

作為旺角既地膽當然要周圍食新野雖然門口仲貼住試業時間屋喔好似已經開左好耐餐廳都已經為聖誕做好準備換上聖誕老人同火紅紅既裝飾我叫左台式雞排肉躁飯個煲唔只係裝飾個涵仲裝到滿一滿絕無欺場入面既其實唔係雞排而係炸雞塊同鹽酥雞粒兩者都唔差唔會乾之餘仲有水嫩既感覺都好入味朋友就叫左黑松露野菌蚵仔燉飯好香既黑松露香味靠近聞仲有芝士味因為洒左少少芝士粉係面頭飯粒軟硬適中忌廉味唔只香，令每一口都好滑我只係覺得個飯可以少D汁，就更好飲品要左杯玫瑰洛神花茶用燭火保持茶既溫度睇落仲好靚添打開蓋就會聞到玫瑰同洛神花既香氣飲落仲會有紅棗既甜味可以係冬日補補身子添

呢間位於朗豪坊隔離，大大塊廣告牌，佢係全層餐廳果種，樓下等都稍為多人4/F一出超多人等侯，相信餐廳都預計唔到咁受歡迎，小妹亦相信餐廳都有返咁上下質素，客人縱使要等都無想離去嘅跡象，等左10-15mins有得入座是日晚餐小妹點左黑松露野菌蚵仔燉飯男人點左肉眼牛排加28就跟埋飲品同甜品黑松露野菌蚵仔燉飯呢排小妹對黑松露完全無抗體，一見到個茶名就會點，黑松露嘅香，獨有嘅味道真係好難忘，配合呢個蚵仔(蠔)燉飯，燉飯岩岩好，醬汁剛好掛喺飯上面，唔會過多，濕度剛好，而蚵仔嘅份量合理，每食一口飯都有蚵仔配搭到肉眼牛排牛排七成熟，廚師控制火喉好好，無過熟，好嫩滑，不過意粉份量稍為不足飲品就揀咩都得一場黎到梗係要試下水果冰紅茶幾好，水果份量都幾多，亦有話梅吊返飲品嘅味道，唔會過甜岩岩好冰藍蝶花蜜梨茶呢個見到個名真係幾靚，叫到黎就有一點同期望有出入原來係沙冰咁嘅形式，的確有好香甜嘅蜜梨味，不過飲左两啖就無得飲，要等啲冰溶？？其實真係唔知飲咩同埋天氣凍左，冰無咁易溶，所以到走果時都仲有半杯飲唔到甜品可以揀Tiramisu or cheese cake可惜到小妹order嘅時候Tiramisu賣晒唯有試其

成5點先食。成日只係食左個早餐。為左多啲選擇，我去遠啲啲朗豪坊附近棵大廈食個台式餐。照道理餓，應該食咩都好味先岩。平時真係好少寫好差既食評。今日我叫左個麻辣牛展飯+宇治金時，我終於體會到做人要有骨氣，飯唔硬唔煮，對於軟飯廚師誓不底頭；什麼是無法用人類牙齒進食既食物呢個牛展，本人實在咬唔斷。吐反出黎，我叫侍應比刀叉我砌碎。什麼叫削坭如鐵？？？切到手指都紅曬，結果都係無法用人類牙齒進食，白費心機。宇治金時淡到呢？味道只於我意識中浮現，綠茶，奶，紅豆。。。只能以視覺品嘗，目測味道。可能今日係我叫左錯左啦，我見其他枱啲人既食物好似好好味的。

運動過後，光顧了新開的台式餐廳，自從平民飯堂財記結業後，一直好奇什麼樣的餐廳會進駐，答案終於揭盅了☺屋喔是像茶木一樣的台式餐廳，主打台式料理如肉躁飯、牛肉麪、三杯雞等等，與茶木最大分別是多了一些燉飯的選擇點了午市套餐，等候時間約7-8分鐘，白飯是分開上的，看見滿滿的一碟茄子肉躁，心裡立刻冒出兩個字🌟🌟🌟，切開來的茄子每條都很飽滿，不像有些烹調時間過長，油份吸收過多而變得乾扁。肉躁調味適中，肥肉不會過多，眼見沒有多餘油份浮面。由於份量十足，附近上班的男士們也可多一個選擇。看似台灣帥哥的侍應操著流利的廣東話，心想應該是香港人，但有著台灣人盡心盡意的服務態度，手腳麻利之餘還一眼關七，耳聽八方，值得嘉許餐廳分為室內和室外(訂枱朋友可以留意)，簡單的聖誕裝飾加上提供免費雜誌閱讀，環境愜意，值得一提的是餐廳設有一幅天然花草牆(Green Wall🌸🌿🌸🌿), 內設自動灑水系統(帥哥店員洩密😝)，為室內提供氧氣循環，去掉飯後昏昏欲睡的感覺。臨離去，發現新大陸，是裝飾? 還是有實際用途? 留待一眾開飯fans慢慢發掘

台式餐廳成行成市, 除了連鎖式的台式餐廳，這裡位於樓上的休閒台式餐廳低調得黎會帶來驚喜。凱撒沙律是前菜，沙律菜是新鮮的，配上沙律醬和法包粒打開我的腸胃。跟住呢個炸雞翼，外皮炸得脆脆, 配上辣醬感覺上比水牛雞翼來得輕盈。三杯蝦，用三杯酒這個傳統台式煮法烹調大蝦，蝦肉嫩滑，沒半點鞋口，這主菜來得比預期好。黑松露蚵仔意大利飯，醬汁用上白汁，蚵仔攪碎配上黑松露醬，令個飯好滑溜，蚵仔入口即溶，高質的意大利飯。最後來個牛魔王麵，湯底夠濃，但牛腩同牛根都未入晒味，麵質太軟淋，可能煮既時間耐左，令這碗麵流於普通。

去旺角朗豪坊睇夜場前先旁邊單橦大廈的Ocasa café 食個dinner我就叫了個dinner set, 先來個焦糖珍珠 (跟set 加HKD28 就有飲品加甜品), 大大杯, 好焦糖Set dinner 中的就選了這個黑松露野菌蚵仔燉飯HKD72), 好一個意式加台式的配撘意大利飯的煮法, 芝士奶油味濃之餘加上黑松露, 非常香濃呢; 而蚵仔都好多, 用料十足夠!結婚後都無什麼機會食菜, 所以我見到菜立即叫來吃 鮮菇魚湯時蔬( HKD58) , 立即食出家的怠覺~~~魚涉濃郁, 而且不會太鹹, 好清的一個菜, 想念媽媽的手勢呢~~Set Dinner 包的甜品有這個義大利起司杯, 好可愛的盆栽, 味道就像吃tiramisu, 不錯不過台式café 當然要吃台式甜品la~ 這個我一定要推介給大家, 巧克力層層吐司塔(HKD62) , 份量超多之餘, 吐司非常鬆脆, 加上有不同的配料如草莓, 朱古力漿, 奶油, 同雪糕(仲要外層有朱古力脆皮)!!!好味道!這個份量兩至三個人吃都可以呢~不怪得咁人來吃啦~~ 

假日約左好朋友黎個吹水下午茶聚會～～餐廳卡位幾好坐，坐左一段時間都唔會唔舒服～Order左屋喔牛魔王麵～我喜歡牛肉麵湯底沒有濃烈藥材味，入口比較溫和，醬油湯底不會死鹹，不錯不錯～而麵條就比較普通，而牛肉牛筋部份燉煮時間可能不太足夠，牛肉肉質比較硬，而牛筋亦未夠軟，比較可惜呢～～而瑞士雙重巧克力味道不錯，可可味濃，在天氣微凍下飲，特別暖胃～

上兩個月去完上環的屋喔，今天做完facial 又心掛掛台灣的冰水果茶，於是又獨自一人去吃台菜，台菜給我的感覺是很有特色和創新，尤其是屋喔的冰水果茶做得很地道和出色 !叫了一個鹽酥雞熱辣辣，十分香脆，雖然可能有小小熱氣，但實在太脆口，真的停不了口!另外叫了一個蚵仔海鮮泡飯，湯底很鮮甜，加上蚵仔細細粒，但很新鮮，感覺真的不錯! 致於今次的冰果茶也很解喝，而且水果的香甜喝着喝着感覺真的很幸福!

係旺角諗食咩真係會有選擇困難症，老婆見到呢間野個名咁得意就入左去。係朗豪坊格離既朗晴坊，一間食台灣野既又有酒飲既餐廳。淨係睇餐牌已經知好多野食野飲。肉燥飯，個上碟真係幾得意，用個金屬兜載住，肉燥飯加上開左邊既蛋，簡簡單單，唔錯。三杯雞，全部大大隻雞球，又入味，好有出左去食小菜既感覺。鹽酥雞，細細粒好易食，炸得夠脆！起司培垠焗薯皮，呢個好好食同另一間西餐廳既芝士薯條一樣咁好食，薯皮加上蕃茄同煙肉，仲有酸忌廉醬，值得一試！肉眼牛扒，叫左七成熟，不過不失。意大利起司杯，用盤栽上，淨係個賣相已經值得你去order呢個食物，用嚟影相一流！Apple cider，雖然自己唔係好飲酒，不過覺得呢個好好飲。酒味唔重，易入口，直頭飲完想再添飲！雖然香港有好多唔同既台式餐廳，呢間台式餐廳真係值得一試，O'CASA有佢自己特色之如，野食既味道亦都唔錯！