小豆島日本料理 (已結業)

經同事帶領才知道這間日本料理連鎖餐廳，由於當然時間比較緊湊，我只叫了午市精選-- 石鍋燒雞扒蕃茄湯讚岐烏冬，只需$58，而且已經包含了2個加州卷和1杯飲料（凍飲加$3），個人覺得非常划算。對於$58的烏冬沒有抱太大的期望，但沒想到還不錯，番茄味非常濃郁，雞排煎得剛剛好， 溏心蛋亦很好吃。😋加州卷是附送的所以我個人沒有太大要求，味道賣相算可以接受。👍🏻總括而言，這頓午餐可以算得上價廉物美，值得再去第二次。😍還沒有機會嘗試餐廳的各種日式料理，希望也不會令人失望吧！當天看到侍應都頗為忙碌，所以很理解他們可能會有服務不周的地方，但服務態度不錯，我們桌面上不夠地方放餐牌，很快就有侍應來幫忙，甚至我們聊天比劃的時候幅度有點大，有侍應誤以為我們叫他，馬上過來問我們有甚麼需求，值得一讚！

今日係粉嶺有公事要辦，落到黎華明肚餓想搵野食。見到呢間門口啲餐都幾吸引，所以就入左去食。叫左番茄湯蟹柳拉麵，個餐又有跟壽司，係入面有甜蛋同青瓜既壽司，味道過得去，番茄湯很濃郁，整體上不錯仲叫左個芝麻雞翼西多士，芝麻雞翼非常脆，好香口，啲肉又唔會炸到乾哂。炸完依然有肉汁，好好味。另外仲叫左個豚肉石鍋烏冬，都係個餐有跟壽司。碗野送到埋黎仲滾緊，一直食到最尾碗野依然非常熱。味道不錯，不過碗野等好耐三文魚刺身質素不錯整體食物質素尚可，幾抵食不過收銀該位店員態度有點差

星期五晚放左工，無咩野做出去食下宵夜。同事話食小豆島，雖然佢出左名係態度差…但同事咁堅持就比多次機會佢啦。約九點三黎到，問下企係門口嘅店員幾點收門，佢話十點，咁仲有九個字食得切啦，入去火速睇完餐牌即落單。有我的英雄學院crossover？只見枱面有圖但無其他related嘅野嘅？雖然唔係fans，但如果有主題餐又唔介意試下㗎叫左宵夜餐#635（$45），其實幾平，但味道就…呢碗係跟餐的迷你牛肉烏冬，咁嘅價錢都唔期望有咩靚料，牛肉無味都預左，烏冬未熟好硬，湯底係無稀釋嘅豉油，鹹到一個點，係咪太夜湯底賣哂，求其加啲豉油就算？食完會腎虧主食特選壽司併盤，有四件壽司同三粒小丸子，壽司size正常，飯軟腍。蟹柳同三文魚ok，無咩味但唔難食，蝦同帶子就唔得啦，一陣腥味。小丸子無餡的，雖然餐牌無寫佢係章魚小丸子，但無估到入面咩都無，三粒大粉球，好飽肚呀平但係無質素都好難有下次㗎喎…份餐剛黎，枱上嘅wasabi已被收走，店員話收定清潔留明日用，我明你地趕收工，但比人用埋先收都唔得，食壽司唔加wasabi唔好食喎食到九點九都仲有人入黎，再問下另一店員，佢話收十一點，最遲十半落單，err…頭先門口個位話收

食物就一般般啦，但某位類似呀head嘅同事，唔好話服務好唔好啦，係連基本禮貌都無！試過幾時問佢基本問題，都好似一款想食人嘅樣咁回答。做乜要貼錢買難受呢？唔講人，餐廳嘅服務設計都好唔customer-friendly

服務態度極差，門口安排座位黑衫姐姐態度差勁，入面有位都唔安排，我地話入去佢就話拿左飛係出面等，我一個人邊做到咁多野，要我地等。跟住入左去之後，原來其他人都係咁行入去。呢d趕客的服務態度，唔好叫人去食！

今日星期日 落狗屎 落街搵嘢食 諗住冇乜人吾洗等位啦 嘩 入到去 伏 其實以依個價同食物質素同服務質素 就明點解個個去大快活等位 死等都要等嗌左個壽司拼盤送烏冬 個小丸子系送既 好粉好難食 系呀信屋到買一包幾十粒叮既仲好食 個味都吾系個樣嘢 壽司同烏冬就..叫做入到口至於我屋企人食西多雞翼就吾洗多講 因為我都吾知佢做乜嗌依啲但有樣嘢想講 有兩隻雞翼 其中一隻叔左 唉 落雨食嘢好伏 我下次都系死狗去大快活*店員吾ok 雖然睇佢都係做街坊生意，但系 啲態度好小小吖吾該，尤其系門口個帶眼鏡個呀姐，著黑3個個！吾會再黎，大家住華明既好自為之！

十一點幾過黎食早餐叫左個小餐包從來無諗過小餐包係無牛油正當舉手問個貌似經理既人好聲好氣咁問佢想拎夠牛油佢竟然黑住口面反問我"點解小餐包會有牛油呢"呢啲咩態度? 咁樣對客人係趕客既態度四周不停有蒼蠅係到飛

此店要推行無飲管，ok無問題，但是可否文字大隻D和顯眼，只是每張的桌邊，字體卻是size 6/7左右，全台無一能發現和看得清，這都算！那巴閉的經理毫無禮貌罵人，我哋都是很驚訝問"點解又無飲管" 那經理卻兇神惡煞話:小姐！這裡清清楚楚寫明，我哋不提供飲管！（拋兩只飲管在桌上）但是他們之前放單時，把那個提示完全遮蓋，難道他們覺得我們有透視眼咩？還有我們只是問一個問題，你不可好好解釋咩？“不好意思，我們店推廣無飲管”難道不可以有禮貌講咩？我們第三杯凍飲來，於是再問:5該，我想要支飲管他勁寸答: 等陣先呀！不可以有禮貌答:好的，請稍後！

粉嶺華明個間認真麻麻地樓面唔夠 個個都黑口黑面叫野食要等好耐 應完人等等 就唔記得左 自己做自己野（黑衫短髮姨姨）由其個染金啡頭髮白衫女樓面放野食好似拋野禁 餐具又唔夠 要自己去吧台個到拎但有兩個樓面係好好既 帶眼鏡既姨姨同黑衫金啡髮普通話口音既姨姨都好好 佢地有笑容態度好講真，早餐質係唔錯既，但係服務真係好唔掂。始終早餐又唔係平得去邊 佢整體對唔住個價錢 令人失望Ps 入鋪頭個時 聽到個經理話個客唔好禁多事 其實連經理都係禁 呢間鋪既員工係米要再培訓呢

咁岩經過見Menu中的下午茶餐咁抵食，即管膽粗粗試下。環境乾淨整齊，印象分加了不少。叫了一個魚生飯餐，一個咖哩豬飯，另加幾蚊轉了杯紅豆冰。魚生飯－Out of expectation地合格，沒有不新鮮的味道。咖哩豬飯－Failed。豬十分乾硬。紅豆冰－Bad。十分稀，水多過奶。不建議加錢點。四至五十蚊一個茶餐，只能說抵食，但不好食。

海擔勁難食又唔新鮮，有啲白色嘢係上面，食落口一陣怪味，咬完一啖都唔想再食。叫佢換佢又解釋話係加拿大海擔所以係咁。我知，仲係勁唔新鮮嗰種。員工嘅服務態度又差。其他食物質素都係平平無咩特別好食。肯定唔會再去。

附近開左間分店覺得好驚訝，成日行過見到好空曠少人食，基本上每次經過都有位唔洗等。可能因為附近仲有太多選擇，而且附近居住既都係呀婆呀伯，隔離d中式餐廳就多人去d，所以較少人選擇日本料理。終於有機會時間去試下呢間分店，不過就下午茶尾聲先到。價格唔算非常貴，好合理，下午茶餐牌包送熱飲亦可以加十幾蚊要多樣小食或者兩件壽司。我叫左個咖哩飯加兩件壽司（加購價）同埋單嗌芝麻雞翼（28蚊），價格冇睇清楚但埋單極度飽肚亦食唔晒都只係89蚊。裝潢幾靚幾舒適，座位亦寬敞，可能少人所以好有空間感。不過略嫌餐具唔夠乾淨，我都係習慣抹下，所以冇使用桌上既餐具。可能係太咸，杯檸檬茶兩啖飲晒，想添杯水但桌上既杯都覺得唔夠乾淨，唯有倒左用緊既杯入面d冰再添熱水，熱水係角落自助既。首先係上左凍檸檬茶同壽司。檸檬茶味道同其他平時飲既冇分別。個壽司幾好食，飯係暖暖地。我習慣沾醬油但佢淋左芝麻醬所以唔洗醬汁都ok。不過感覺上就膩左d因為肚餓以為好快上野食，所以等左陣就開餐食完d壽司，點知開左個胃等左十幾廿分鐘先至黎正餐同雞翼，一上桌就聞到好香咖哩味。睇餐牌個陣唔知自己嗌既係咩，只係知吉豬同咖哩飯份量真係望落超大，個雞蛋下面既白

估唔到屋村日本餐廳都有早餐食, 價錢都唔太貴, 大概$22-$37左右一個餐包杯野飲(凍飲+$3)。早上冇咩人唔洗等位, 叫左個極上精選早餐+熱檸茶。味道ok, 對大食既女仔黎講, 份量岩岩好。比起其他快餐店, 食呢個餐絕對飽肚。

最中意中午黎小豆島食魚生飯，質素高、價錢平 😆定食有沙律、味噌湯、飲品，好豐富 😋.刺身飯食開幾年，水準穩定，用料有誠意，食得出比一般壽司鋪 (魚尚/爭鮮）高級 👍🏻.鰻魚飯並無特別出色，下次會食返刺身飯

剛剛同媽咪喺隔離間東南亞快餐食飽，因為質素一般，所以我地決定轉場去返原先想食嘅日本菜啦！上次lunch嚟好多人等位，要喺門口呢部機㩒飛等位。今晚夜咗嚟就完全唔洗等，可以直接入座，其實眼見都有半間餐廳坐滿客人，星期四晚算唔錯!上次lunch嚟食過拉麵都幾好，所以今次試吓晚餐，menu 同lunch 嘅唔同，無咗午市套餐，全部散叫，價錢都合理。雜錦海鮮丼 (實際餐牌個名唔記得左，喺另一個推介menu無影低，哈哈！)今次試咗佢個丼，睇吓d刺身得唔得！海鮮丼整體賣相ok，刺身除咗隻牡丹蝦麻麻哋同三文魚籽好似唔夠新鮮唔夠脹卜卜，其他都唔錯。我比較鐘意佢有左口魚裙邊，配埋d燒汁唔會咁單調。海膽係用左加拿大海膽，兩大隻完完整整仲好甜！帶子就有3片屬正常料。飯就無乜特別，唔會過淋或太硬。青瓜小卷今次同上次比較，今次個飯比較實，無上次做得咁好。軟殼蟹蟹籽沙律呢個沙律其實做得唔錯，上層係青瓜絲，下層係生菜，沙律醬份量夠，略嫌蟹籽比較少。比起上次lunch set 追加果個蟹籽沙律比例上少咗蟹籽，而且我發現佢應該係混合咗蟹籽同飛魚籽兩種，因為size上有好明顯嘅分別。講吓隻軟殼蟹，呢個係成個沙律嘅靈魂，食得