小豆島日本料理 (已結業)

最近去咗粉嶺小豆島食壽司，佢下午茶價錢優惠，質素來講都算唔差有啲相冇影到，但係佢啲壽司質素真係唔差，佢嘅價錢絕對係抵食！住喺附近嘅朋友可以走試吓服務態度方面本人覺得都OK

三個人食lunch叫左三碗炸雞拉麵，其中一碗黎到，個炸雞浸落湯度林晒，問店員其他二碗可唔可以炸雞分開上，店員黑面話無得分開，分開要加錢，每碗10蚊。炸雞啲麵粉成寸厚，浸埋落湯林晒，真係唔知食梗乜，嘔吐物口感。溏心蛋一啲都唔溏心，芝士就咁一塊撻上去，成碗野感覺係勁cheap，超難食。叫左凍華田，完全無味，比咁嘅錢食埋啲咁嘅野，加埋店員咁嘅服務態度，真係不了，絕對唔會有下次。。。。。。。。🤮🤮🤮🤮🤮🤮🤮🤮🤮🤮🤮🤮🤮🤮

同同事食午餐，黎到小豆島，餐廳滿座叫咗個石鍋牛舌烏冬、角切魚生海膽飯同埋炸蝦牛油果卷。每個餐都會附送小食，有沙律、三文魚壽司同埋炸餃子，十分抵食食物質素方面，抵讚的係石鍋好夠黑，烏冬都好味，但牛舌就麻麻同事的魚生海膽飯都不過不失，魚生算新鮮，海膽都算甜炸蝦牛油果卷最出色，炸蝦夠脆，牛油果新鮮，反卷的飯唔會太鬆散，抵讚👍🏻

架車呢兩日有啲怪聲，加得越來就越大聲，唔似有少少事，抽時間俾朋友睇一睇究竟我老婆咩病，買咗佢返嚟咁耐都未試過咁，真係好擔心，無咗架車好唔方便，朋友好爽快望咗兩望知道係咩事，放低一個下晝就可以醫好同攞返，超開心，坐咗喺車房一個鐘，諗諗吓都係去行下先，唔好阻住大夫醫老婆大人，搞掂call我，我就去食嘢坐一陣先，見到一間日本野幾骨子，叫一個午餐有壽司三件蝦三文魚北寄貝，刺身劍魚腩赤蝦陸子三文魚，鰻魚卷，牛肉烏冬，咁多嘢都係$100有找

之前同同事食過一次覺得幾抵食今次嚟到粉嶺就再食多一次啦呢晚嚟到 唔使排隊餐牌都幾多選擇不過我哋兩個都唔係好肚餓所以淨係叫咗一個飯同一個烏冬火炙刺身飯賣相麻麻地 刺身份量唔算多 但都算新鮮嘅😂可惜個飯係凍嘅 不過都係日本珍珠米如果個飯暖啲就會好食啲 配埋溫泉蛋撈飯都算好食嘅另外叫咗一個豬軟骨烏冬豬軟骨都幾多 烏冬唔係cheap cheap 嗰種係彈牙嘅 配埋個石鍋嘅湯底 熱辣辣都唔錯😆最後兩個人埋單連埋+1都係百零蚊整體來講呢間日本菜都算係粉嶺抵食嘅餐廳等我下次再試下唔同嘅菜式先

下午茶好抵食啊!又舒服，員工都好好。拉麵湯底夠濃，叉燒夠軟又夠香。送2件加州卷+飲品。貪得意試魚柳三文治飯，好大舊飯😂夾魚柳同蛋，沙律醬多左dd三文魚骨好夠味!整體吾錯!加埋$87.

住得粉嶺，日式餐廳嘅選擇其實都唔多。小豆島算係區內數一數二好食嘅日本野，份量夠多，味道唔差。我平時鐘意食佢地嘅魚生飯，試過角切魚生飯同鰻魚飯，大大碗，份量真係好多。魚生數量好多，一定夠餸餸飯。魚生飯嘅刺身ok、無筋。鰻魚燒到啱啱好，肥美無乜骨。角切魚生飯d魚生質素就較參差，但份量取勝。🤤

尋晚又心思思出街食，4條友開車上粉嶺，見到好多間新鋪，因730晚關係，呢間等一陣就俾到檯我地啦！坐低見到個餐牌都好多花神下面呢個係吸睛的一個當然有叫啦由於都幾多頁，post 唔晒！要留位post 野食細仔又係果句，我咩都唔食，淨食壽司! 佢自己本人喺餐牌上點左呢兩款壽司！ 話好好味蟹子沙律又係人人爭食呢個真心正$118 半磅三文魚腩！又爽又先鮮味又香！我仲回味緊吸睛既一個上檯啦！好彩飯唔會好多！刺身亦好鮮甜好新鮮呢個清酒煮蜆，有小小沙同小小苦苦地！應該唔會再叫炸雞軟骨，兩個小朋友你一粒我一粒！好快掃清光呢個係dinner set 黎，我冇食到，但大仔同老公都食得幾多下！我估應該唔差最後上埋個炸蝦天婦羅，我地差d 唔記得左有叫呢樣但炸粉唔夠鬆脆！但勝在即叫即炸！都清晒碟家我會再黎！性價比高👍🏻👍🏻！再黎一定會再食三文魚腩

為了慶祝自己交哂功課，今晚同屋企人去慶祝。就去近近地既小豆島啦。平時都成日食，不過多數係早午餐或下午茶。今晚試下餐牌散嗌先。😉呢個海鰻卷冇乜特別，正常口味。呢碟就有驚喜啦！！😍😍上面既火炙三文魚，入口即溶，再配埋上面既魚子，真係正！而卷入面有青瓜就可以減去啲膩感，食完都唔會覺得好膩😉😉呢碟雜錦都係中規中舉啦！樣樣都有啲，大家share食就最好😊最後就係呢個大阪燒！都係有驚喜bo！不過都係要share食，食1/4就岩岩好，如果唔係就會太飽食唔到其他啦😂😂呢度散嗌餐牌既野食都ok，當然下午茶就更抵啦！同埋今日係星期日，冇特別優惠啊！如果平時食有時有抽獎架！😋😋不過張券通常一星期就過期，亦有條款限制，抵唔抵就見人見智啦！😉

我會形容小豆島是一間少貴的餐廳，雖然坐落於華明邨，但lunch的食物價錢都普遍在$60。雖然如此，我一直覺得它物有所值。今次，我點的是壽司刺身定食，有別於一般魚生飯，這個餐所用的刺身是平時較少人點的，是比較偏門的刺身。質素明顯比大路的三文魚刺身差。但這裡的三文魚是我在香港吃過覺得最香最新鮮的。所以，下次可以點有大路刺身的魚生飯，不要點較偏門的菜式。另外，它的石鍋飯也很值得推薦，汁和飯都非常好食的 。

母親節，周圍都排曬長龍，最後同媽媽去左一個性價比比較高嘅小豆島日本料理（粉嶺）食魚生飯，上面有好鮮味嘅海膽、帶子、魚籽、玉子、左口魚同赤海蝦。赤海蝦係勁多蝦膏，係勁大隻又新鮮。可惜今日做唔到會員，下次一定要做到會員，同媽媽繼續食好西！

小豆島價錢公道,比起出面其他大鋪平好多。食一個烏冬/魚生飯都係50-70蚊。今日夜晚帶住成堆朋友唔知食咩好,就帶佢地入左黎食小豆島.發現原來夜晚仲有一人火鍋呢個選擇,而且仲只需要$28一個,真係抵到你唔信。拉麵方便我叫左個海鮮石頭鍋烏冬,因為用石頭鍋裝,所以保溫特別好,keep住食到最好狀態既佢。加上好足料,有蝦有蠔仲有尤魚,太多所以係呢度唔盡錄喇。中午會有套餐揀,包兩舊卷物,加埋個烏冬其實好夠飽,呢個價錢呢個質素真係好難搵到。

今日去小豆島食下午茶叫左個火炙三文魚蟹籽飯同滑蛋豬扒飯同2杯「可力」。坐左一陣，上左二杯華田，侍應都好有禮貌同笑容問我地洗唔洗換過。我見好耐都冇飲過華田就唔勞煩佢地啦。之後就上左個魚生飯賣相一般般，但係果4塊三文魚既大細厚薄同「名將」既三文魚壽司不相伯仲。一個以三文魚做主打既飯，會唔會係配菜仲多過主菜呢？之後上果個滑蛋豬扒飯先離譜呢個賣相係佢上台時既賣相個飯好似去完伊拉克打完仗咁味道一般般啦蛋汁又冇乜又乾身只能果腹以平民餐廳打旗號既話 佢做既出品都係唔合格

華明村多人捧場既日本料理餐廳今晚想食刺身飯，落屋企樓下花都廣場都有間日本菜，但滿座，所以就行去華明村食小豆（兩架日本菜都好食，係懶😬，吾去行遠少少，不過最後都過左去食）今日都多人食全場爆滿，我叫一個刺身飯，老婆叫左魷魚🦑蜆辣烏冬，令加一個小食雞泡魚肝🐡。個刺身飯Good，跟一個流心蛋🥚好好食，個魷魚蜆辣烏冬，我試左少少，有D辣，蜆算多，但老婆講有幾隻蜆食到有沙，個雞泡魚份量就少左DD，但好食既

係粉嶺突然見到有小豆島，原來已經開左一後時間，因為太耐冇尼所以唔知名古屋芝麻雞翼 熱辣辣，新鮮炸，皮脆卜卜，配以蛋黃醬好夾肉嫩唔韌鰻魚炒飯 飯粒粒分明，純珍珠米，冇混米，鰻魚有點腥，飯有點焦整碟飯唔太油，而且大份量石鍋叉燒讚歧烏冬 好夠熱有蛋，有海帶，半隻蛋，3塊叉燒，粟米粒叉燒唔肥，一個烊心size，燒得都幾香烏冬煙韌，份量多，有少少黏底湯有少少鹹南瓜天婦羅 新鮮炸，熱辣辣，脆卜卜南瓜唔甜，味道唔太重花之戀 中型size，三文魚夠厚，普通，同其他差唔多，冇咩特別