影片
更多
2010-03-28
9 瀏覽
早天攞咗大假, 一心陪喜愛飲茶的媽媽到呢度食下午茶任食($45+10%), 因早兩年都同佢去過小肥羊尖沙咀的分店, 無論係食物質素或環境, 又或是侍應的服務態度, 都覺得ok, 所以今次想試吓佢其他分店......點知......阿媽同我哋都異口同聲的說...... "記住下次唔好再嚟呢間飲--------勁差" 。食物方面 : 除咗牛肉球、鳳爪、荳莎餅及杏仁糊之外, 其他什麼潮洲粉菓(皮唔夠薄、饀冇料到)、灌湯餃(湯太多油)、羊肉餃、咸水角(得個脆字)、薑醋(唔入味, 好快冇哂D蛋, 又唔添蛋, 只添薑醋)......服務方面 : 呢日係星期四的下午, 客唔算多, 我哋坐嗰層, 都未坐滿, 但我哋第一次入單, 只入咗七至八款點心(已經故意圈住哂), 都可以漏單, 冇嚟兩籠, 但冇叫嗰d點心, 一而再, 再而三的走埋嚟, 隔嚟枱都係一樣, 間中就聽到...."我哋冇叫呢d", 又或者間中就聽到....."食咗lu, 走lu"......一個字形容...... "亂" 侍應方面 : 簡直係.... "質素差" , 我夠胆講, 依家香港好多連鎖快餐店, 大X樂、大X活都好過佢多多聲, 人哋
食物方面 : 除咗牛肉球、鳳爪、荳莎餅及杏仁糊之外, 其他什麼潮洲粉菓(皮唔夠薄、饀冇料到)、灌湯餃(湯太多油)、羊肉餃、咸水角(得個脆字)、薑醋(唔入味, 好快冇哂D蛋, 又唔添蛋, 只添薑醋)......
服務方面 : 呢日係星期四的下午, 客唔算多, 我哋坐嗰層, 都未坐滿, 但我哋第一次入單, 只入咗七至八款點心(已經故意圈住哂), 都可以漏單, 冇嚟兩籠, 但冇叫嗰d點心, 一而再, 再而三的走埋嚟, 隔嚟枱都係一樣, 間中就聽到...."我哋冇叫呢d", 又或者間中就聽到....."食咗lu, 走lu"......一個字形容...... "亂"
侍應方面 : 簡直係.... "質素差" , 我夠胆講, 依家香港好多連鎖快餐店, 大X樂、大X活都好過佢多多聲, 人哋好好笑容又有禮貌, 呢間.......聽講話係上埋市, 唔係嘛, 咁樣服務, 真係笑死人.....話說.....我哋想落第二次單, 我响我哋張枱搵唔到新的點心單, 同位女侍應講, 佢答我張茶几枱有(每枱都有一張茶几枱在旁), 我話冇, 佢就答我並指住我隔籬嗰張几仔有囉, 其實隔籬嗰張几仔, 有好多點心紙(佢D點心紙張張好相似, 但其實係唔同時段用的), 冇我哋要嗰張, 咁我就對我老公講, 要個客自己蹲响隔籬枱找??? 跟住個侍應响另一張枱攞咗俾我哋......其實, 我真係唔明, 點解會叫個客自己去隔籬枱搵點心紙? 我同媽去過好多好多間茶樓飲茶, 侍應叫我自己嚟搵嘢都係第一次, 哦 ! 明白, 原來呢D就係自助式, 樣樣自己嚟, 另外......舉極手都冇人睇到我遞點心紙, 佢哋個心唔知係未諗.....時運高, 睇唔到....睇唔到......離哂譜......
總之, 我哋以後都唔會再去呢隻肥羊度食....嘢食又唔係好食, 侍應又木口木面, 人家叫佢靚女, 佢就走埋去, 先見到佢D笑容, 唔係嘛.....
張貼