小肥羊 (已結業)

都係個樣.....落order無唔通知,成日乜都話無,夠鍾就扮有禮貌要你埋單,個次我都嬲,到埋單咪拖下先囉......,我又唔趕住走既,我話唔到齊都唔埋單睇下邊個唔等得囉,我係消費者黎架,打開門口做生意就唔好帕蝕,即叫即蒸乜都話無,多餘,咁怕蝕就咪做任叫任食啦,咪足個計羅,埋單又唔找錢唔係一定比小費架,如果唔係我媽話算我一定要佢找錢,無服務又想有小費所以唔會再去

做完私事,同老婆去小肥羊食下午茶,$40任食幾抵.叫左好多嘢食.海皇瑤柱湯餃..有Ｄ蘇味上海酸辣湯..好咸又唔夠熱紅油抄手..唔辣嘅?味道ok另牛柏葉,虾餃皇,蒸土尤,九才豬紅,小肥羊春卷,豬骨粥,白灼時蔬,紫米糕,中華沙律,都算水準之中,另口水雞食左三碟,最好味係呢個,加多個肥牛米線就飽到上心口,其實以上所有都係平時1/2至1/4份量,不過$40可以食到＋多款食品,可以揀擇多Ｄ,真係幾好.服務尚算不錯.

1行8人趁天氣轉涼立即去衝去打個邊爐...朋友選擇了這家...首先要讚一讚羊頸脊片及雪花肥牛片那種薄切程度相信人手是絕對切不出來...鍋來了...水滾...夾一卷羊肉及牛肉放在湯裡...1,2,3....7秒剛好,變色熟透了...準備夾回碗去時...筷子一夾下去...好好的一卷羊肉/牛肉片斷開了...只好用湯兜...撈回碗去...然後輕輕力用筷子把羊肉/牛肉片慢慢的送到口中...終於可以品嚐那片薄切的肉片...在準備用牙齒咬下去的時候...突然驚覺那片肉已經在舌頭上溶掉了......那溶化速度比一口軟雪糕還要快...那一刻終於知入口即溶是什麼感覺了......囧rz再來...帶子片很鮮甜,牛助粒有驚喜^^b魚皮餃,墨魚滑,花膠ok...魚腐油了點...最後了...入座後開荼及點了本地手切肥牛...茶等了15分才送來...再過了15分才跟我們說本地肥牛售罄...=.="

朋友生日,選小肥羊都知唔平但冇諗過咁貴,而又唔飽好彩佢地識do,比左間vip廳我地冇咁嘈如果散叫佢d野都幾貴...同區應該有更好選擇所以叫左佢個全包宴,又可以食到特別野,又冇散叫咁貴...***********************肉類真係好鮮...個豆腐都好好味...反而係個蠔唔係好得餐內仲會每人有一串牛肉串燒好香口,不過有so味~~唔通搵羊肉扮牛肉?哈?其他hot pot生料不過不失最好係個甜品,有椰皇雪烚...唔錯服務一般,個waitress成日sell餐,有d煩叫完野就冇人理.......又冇人添水....好似孤兒仔===================真係幾貴,好彩野食係ok不過量少.....男仔多的話,實唔夠食都係果句:同區應該有更好選擇做埋今次羊牯啦......

不要怪我對從事飲食界的新移民有意見, 因為過份的「人情味」、低效率和不衛生的表現, 實在令人「目不暇給」。不過, 旺角的小肥羊又醒, 部長級的全為港人, 他們認真有禮(連杯碟是否乾淨也要check多次), 有他們監控下, 旺角店的感覺比銅鑼灣還好----- 銅銅店太可笑了, 有客在時竟然進行員工訓話,喂, 我想叫菜, 有咩留番農曆九月第九日先講得唔得? 更可笑的是, 訓話完, 那班大陸專才, 還是慵懶得教人搖頭嘆息!旺角店除了服務有改善, 食物亦可接受, 尤其人們不敢叫的麻辣鍋, 氣味直教人打噴嚏! 不過手打羊肉丸似乎略為跌watt, 但新出的羊頸肩肉又幾掂, 夠羶--------- 點解有人認為羊肉唔羶至好? 唔羶的羊肉就好比:1 唔凍的啤酒2 唔脆的薯條3 唔甜的西瓜4 唔辣的咖喱5 唔升的股票羊肉唔羶, 還有什麼可取?值得一提的, 是冬天未到, 為左谷生意, 旺角店九點後鍋底同部份羊肉有半價, 感覺上平左(不過兩個食仍然要三百幾蚊埋單)。

今日(2/9)去咗旺角小肥羊,2pm-4pm的下午茶,去到兩點幾,攞飛,好快有位,上到去,剛執枱,換咗張中間有幾個孔的枱布...叫咗兩輪食物,第一輪的口水雞無到,第二輪再叫,有啦,食物普通可以,不過最差個時菜,超老...

今日同個fd黎小肥羊飲茶....見佢都幾扺~$44連加一(2:00-4:00) 我地1:55去到...見佢派緊飛...到左2點就叫飛...都好快就可以入去!叫左茶黎2次都錯//唔知佢想點...第一round叫左8碟都係d小食...個春卷好普通...凍既!食完都唔係禁飽...第二round叫左個炒飯...蝦餃(好正)...燒賣(都幾正)..灼菜...紅油抄手..罐湯餃...腸粉etc order左8碟...個口水雞無黎...一心都諗住試下...見到openrice d人話好食...點知無得試...last round叫左d甜品....果陣3點半...俾完紙佢就黎埋單先...個女既經理話:"落左單佢就一定會黎!"點知d野食都係無黎到...**如果要求唔高黎食都ok ge~ 不過唔明點解好多野食都係凍..好似紅油抄手..罐湯餃...就連灼菜都係凍既...好多野都一早整定咁..d味道真係俾佢影嚮晒~

時間：　８月１０日食晚飯（打緊８號風球^_^）人數：　１１人消費：　２０５０元簡介：　＄１９８０全包宴（８－１０位用）另加一碟春卷(1) 環境OK。(2) 烤牛肋串、鴛鴦鍋、甲級羊肉、象拔蚌、鮮蝦滑、象拔蚌丸、肥羊粉、菜拼盆、其他3或2分。(3) 服務一般。(4) OK乾淨，廁所都幾乾淨。(5) 上次散叫就唔算抵，今次叫餐真係幾抵食。

本人一向除了烤羊排之外都不好羊肉....這一次跟隨家人到小肥羊打邊爐.....被誘下試了一片羊片....嘩~~驚為天人~~入口即溶...就像靚牛肉....而且一點"蘇"味都沒有......結果~~掃了一碟再一碟.....

I have never had a hot pot in summer. three girls had one mixed seafood and one mixed meat. added two kinds of vegetables. I don't really know what we have had. anyway, all were fresh and tasty. an enjoyable dinner.

食物一般,肉係雪肉,主要比d湯同d garlic 搶走晒d食物本身味道,就算唔好味都食唔出.不過麻辣係咁.服務唔掂價錢就貴d,普通食物都要每人$160落樓

今天鍾魚去試呢個任點任食中午時段..先發現原來下午茶仲低..哈哈... 去食之前已經做個research 知道有2round na . 第一round 係我個fd 叫ga..平均都係each 試d 咁service方面都唔錯野食方面都幾好個紅油fire 手幾好.. 有咩唔得呢: 就係個個粉pei 同酸辣湯=.=其他都ok 個春卷好see唔好食好好笑架勁似杯筒呀. 我個百chi fd 就把佢放埋一邊..see 相..又真係幾似~加埋第二round~ 2 條友叫左接近20 個點心呀下次都係叫返小d . 好夠飽攪到我連dinner都冇食^^ kaka下次會再去tea time~~~

同證券朋友黎到小肥羊食火鍋。都係ｏ個句，最鍾意佢煲浸有藥材的湯底。要咗一碟手切牛肉，刨羊肉，蘿蔔同娃娃菜。基本上樣樣都唔錯。不過價錢就認真貴左ｄ，埋單兩位要成三百六十蚊。我諗價錢打個七折會合理ｄ囉。

我未黎過旺角呢間火窩今日晏奏經過同人上去飲下茶啦一去打鬼火服務：去到無人帶位呆企幾分鐘都無人show 你 到你大聲嗌人d人先叫你自己求期搵住坐 開茶叫左無人開要叫第二次 個傳菜送碟野黎到無端端不斷向張卡度 寫野我地問佢做乜面對面足足問左三四次 佢都完全唔答你食物: 垃圾中的垃圾 褔建炒飯-- d蝦霉的仲有d 飯竟然生米 硬到死 燒賣-- 發誓未食過咁難吃的 叮叮個d都好佢十倍 腸粉-- 淋到死又削一啖食落去 成口粉垃圾中的極品全港罕見

再黎小肥羊，都係為佢湯底一入去，已香氣撲鼻，食慾大增旺角分店，鴛鴦湯底極多蒜頭，我是好蒜之人也覺太多；麻辣那邊極咸，愈滾愈咸，朋友直情噎不下嚥。點了羊肉拼牛肉，牛肉沒有味道，切得像羊肉薄片，沒有咬口不過，珊瑚蚌好味（橙色個隻），好爽口，但又是比銅鑼灣遜，切得很大塊，三個人每人一片起兩片至已玩完。芝心丸，必嗌下次再食都只會去銅鑼灣分店