小火焰韓式咖啡廳 (金山樓) (已結業)

開返晚市堂食，見未食過又唔駛等好耐，就揀呢間。一入到去原來要搭枱（4人位中間隔塊膠板），個位真係好窄。環境又好嘈，隔離枱講野又大聲。之前係門口睇餐牌時睇中左個燒肉set, 點知話未有，既然冇應該係出面餐牌貼住未能提供。最後2個人叫左5樣野，韓式蟹籽卷蛋，韓式雜菜蝦餅，芝士溶岩炸雞麵包，芒果沙冰，柚子蜜茶。卷蛋同蝦餅都ok，野飲就普通，食晒之後等左半個鍾個溶岩雞都未黎（眼見都好多炸雞出），追左又冇主動覆返要幾耐，再追先話黎緊，由落單到上枱個炸雞足足等左40分鐘。 黎到仲要唔係熱辣辣（究竟點解要咁耐），最搞笑係原來個炸雞麵包跟個超市有得買既墨西哥片脆片，感覺勁hea（怪自己冇睇清楚就落單），因為等左好耐又麻麻好食，都懶影相，快快食埋就走，但最後都影埋個炸雞先走，因為真係唔值，決定寫食評比大家知。

小火焰韓式Cafe在大圍開咗分店，食店前仲有可愛的壁畫，十分搶眼吸睛，當然成為打卡熱點喇！ 👩🏻‍🎨👩🏻‍🎨👩🏻‍🎨打開個 Lunch Menu, 選擇多到你估唔到，使人花多眼亂，而且價格相宜，所以顧客絡繹不絕，考慮良久後我點咗香燒牛扒蕃茄湯烏冬，飲品則 order 咗青蘋果熱情果梳打！ 好友叫咗韓式煎餃子蕃茄湯烏冬，另加凍即磨咖啡！ 🥩🥟🍜香燒牛扒蕃茄湯烏冬: 牛扒薄薄的，但幾 juicy 嫩滑，淋上燒汁後，味道更為不俗！最值得讚賞的是蕃茄湯底，既不太甜也不太酸，濃淡度剛剛恰到好處，加上口感爽滑彈牙的烏冬，以 $68 嘅價錢食到咁高質素的湯烏冬，可以話係物超所值！ 🍅🥩🍝青蘋果熱情果梳打： 造型獨特，相當討喜，青蘋果味都幾出，只是碎冰過多，再幫襯要講清楚少冰喇！ 🧊🧊🧊韓式煎餃子蕃茄湯烏冬： 餃子皮薄餡靚，好配合美味的蕃茄湯烏冬 🥟🥟🥟凍即磨咖啡：好友話味道不錯！ 👍🏻👍🏻👍🏻最讚的是跟套餐加少少錢可無限追加小食，我哋追加咗吉列炸蠔($12)、脆香牛油雞翼($10)、甜辣韓式炸雞 ($10) 🦪🦪🦪吉列炸蠔：熱呼呼的上桌，入口香酥，炸蠔鮮嫩幼滑牛油雞翼：味道不過爾爾，沒甚突出之處韓式

踩單車到大圍又到食晏時間。先來一客大醬牛肉粉絲鍋暖暖身，小小辣加上醬油的湯可接受，飲多兩啖都還可以。有牛肉又有粉絲配個白飯其實都滿足。至於甜辣韓式炸雞就是經典，去不到韓國旅行還可吃著這個。加了甜辣醬令炸雞入口不會太油膩。蜂蜜提子脆米炸雞味道比較特別，外層炸雞香脆，更加入了脆米令口感更實在。蜂蜜提子不會太甜而且減低油膩。加上提子乾令口感更豐富。雞肉仍然保持肉汁及嫩滑，更有多種口味選擇。 飲品選了紫薯拿鐵，入口順滑更有淡淡的紫薯香氣停留於口腔。

雖然之前我總算已經累積了三次，光顧位於「觀塘」「觀點中心」樓上分店韓國菜餐廳「小火焰韓式咖啡餐廳」的相關記錄，但是我也只是僅限於光顧「觀塘」分店的記錄而已。至於「小火焰韓式咖啡餐廳」在其他地方的分店，我之前可是從來都未曾光顧過，直至一月中的下午，我才第一次光顧「大圍」分店「小火焰韓式咖啡餐廳」而已。不過，原來「大圍」分店的「小火焰韓式咖啡餐廳」實際選址，並沒有我最初想像那麼偏僻和隔涉，我曾經擔心需要徒步長時間才能找到「大圍」分店「小火焰韓式咖啡餐廳」。結果我剛剛從「大圍港鐵站」出口走出來不久，沿着「大圍道」一路向前徒步走，很快就已經順利成功發現到「大圍」分店「小火焰韓式咖啡餐廳」。「大圍」分店「小火焰韓式咖啡餐廳」的實際店舖面積，一點也不遜色於「觀塘」「觀點中心」分店，但是食客需要站在街上等候座位，這點就是「大圍」分店跟「觀塘」分店的最大分別。結果我在「大圍」分店「小火焰韓式咖啡餐廳」取了籌號之後，站在食店店外等候一段時間，曾經擔心自己未必趕得及在「堂食時間」完結前享用堂食。皇天不負有心人，我終於成功取得座位，而且全程也不需要跟其他不認識的食客「搭檯」，可以一個人自己盡情享用「小火焰韓

上次想試吓呢間在大圍新開的韓國餐廳，點知因為接近截單時間，沒有機會嘗試。今日終於可以入去試吓。打開餐單真係非常之多嘅選擇，最後我哋揀咗兩個餐，香燒牛扒蕃茄湯烏冬同泡菜鰻魚飯。首先上左兩杯飲品，我哋嗌咗一杯熱即磨咖啡，一杯綠茶拿鐵。店員送上兩個自家製嘅手作綠茶曲奇餅俾我哋試食。兩杯飲品都正常好飲。上餐速度都好快，我們等咗好短時間兩個餐就已經上齊。一向都唔鍾意食韓國嘢嘅我都好驚會中伏，但見到兩個餐嘅賣相都OK。首先試泡菜鰻魚飯，第一啖已經有驚喜，鰻魚好滑，泡菜好好味，酸度辣度都啱啱好，比平時食開的淋少少，個人覺得冇得頂，配有好多紫菜，紫菜應該是炒過的，很香口。跟住再試牛扒蕃茄烏冬，牛扒已經切開薄薄的一片片，一啲都唔韌，好有牛味。番茄湯底的烏冬，湯底好夠番茄味，酸酸甜甜好開胃，烏冬好滑好彈牙。總體來講算是滿意的，第一次對韓國餐改觀，下次會再幫襯。順便加入會員，可以儲積分，仲有200蚊優惠券。

「小火焰」終於在大圍開分店了除了觀塘，以後便可以在最近我的大圍經常開餐了.🥢大醬餃子粉絲鍋 $62以韓式鍋承載，食到最後溫度還是Keep住暖笠笠鍋底十分足料👍有韓式白菜豬肉餃，雜菌，粉絲，彩椒等配上韓式大醬湯底，味噌香十足微微香辣，更為惹味😋隨Set 附送白飯一碗可放入鍋中，拌勻成泡飯😎.🥢香燒牛扒蕃茄湯烏冬 $68牛扒是另上的，淋上燒汁，味道更豐富牛肉肉質鮮嫩肉厚而蕃茄湯鮮甜酸香配上滑溜彈牙的烏冬，大讚呀！.🥢炸紫菜卷 $38韓式獨有的紫菜卷紫菜包裹住韓式粉絲炸至香脆外脆內軟，紫菜香味十足.🥢泡菜餃子$20。3.6牛乳奶凍 $10追加小食不能錯過有17款可以選擇，價錢只在$10-$18之間，很抵食少少一份，可以嘗試多種口味！泡菜餃子，酥脆香口裏面的泡菜豬肉餡，微辣開胃3.6牛乳製成的奶凍，奶香味很重，柔軟Q彈.🥢甜辣韓色炸雞 $10雖然只是$10，但一樣高質炸雞外層香脆，內裏肉質嫩滑富肉汁

人氣韓食店小火焰登陸大圍喇！未開舖就有咁多人攞飛等位，真係誇張！同觀塘本店一樣，大圍店外內都有大量Mon去播放K-Pop MV，宣揚韓國流行文化！三色窩夫 $78窩夫香脆，配以大量Cream、朱古力醬同埋三色雪糕一齊食，真係甜到入心！藍柑白桃梳打 $28Lunch餐飲可以升級做特飲，呢杯特飲靚靚之餘，又爽又甜，仲帶有一點點酸，最啱食辣嘢嗰時飲！蜜糖芥未雞扒焗泡菜炒飯 $68勁大兜！仲要可以瘋狂拉絲！芝士含量相當充足，雞扒厚肉得黎仲要幾Juicy，個泡菜炒飯底先正，香口得黎帶微辣，超惹味！追加小食 - 涼拌海帶 $10清爽帶微辣，勁開胃的前菜！追加小食 - 甜辣韓式炸雞 $10初初以為係細細地嘅炸雞粒，原來係炸雞球！甜辣醬勁滋味，炸雞仲要高質，外層香脆內裡軟嫩，必點item！

次次行過小火焰🔥都勁多人排隊，又因為太耐無得去旅行，好掛住韓國，所以今日決定排隊等食😋餐廳都坐得幾舒服，食物款式亦夠多，有沙律🥗、水冷面、炸雞、醬油海鮮、飯面類、甜品🍮，搞到我花多眼亂😎最後決定叫以下幾款🙈香燒牛扒蕃茄湯底烏冬：湯底酸甜酸甜，配料有海帶、粟米同少量蕃茄粒，而烏冬都好彈牙，一齊食口感好豐富👍🏻而主角牛扒雖然薄薄一片，但牛味好濃，而且配搭嘅醬料都好特別，幾值得一試！辛辣茄子牛肋焗泡菜炒飯：上面鋪左滿滿嘅芝士，加上佢焗完，每一啖都會拉起芝士絲，牛肋肉份量好足夠，基本上係一啖芝士一啖牛肉一啖飯，仲有啲泡菜，Yummy 🤤 另外加$10可以加配小食，有年糕、炸雞、泡菜、芝士杯等選擇，我哋就揀加配甜辣韓式炸雞，$10有三大件，非常抵食🤩蜜糖朱古力窩夫：一上枱就勁吸引啦，賣相100當然味道都100分，連我唔太好甜品都覺得好好食。蜜糖甜度比窩夫溝淡，再加上cream同雪糕🍦一齊食，waaaa~正😍最後一定要讚一下呢度既員工，雖然好忙，但每位都非常有禮貌👍🏻令我哋食得好開心🥳

朋友今日帶我來新開業的「小火焰」。是一間韓式餐廳開的新分店，有很多種類的韓式食品。新開業真是人頭湧湧，大家有興趣也要花點耐心等待～不過入座點餐後，食物上菜也很快速，職員非常快手。有午餐餐牌同全日餐牌，午餐餐牌是不用加一的。魷魚水冷麵 $68冷麵麵質爽口，清淡冰涼。魷魚入口彈牙爽口。脆香牛油雞翼 +$10加錢可以追加小食。牛油雞翼外皮炸的香脆可口。糯米糍3.6牛奶乳雪花冰 $68雪花冰重奶香。上面加了杏仁片和花生碎。朱古力糯米糍入面是朱古力吉士醬，超濃郁的味道。

知道小火焰開新分店了朋友即刻帶我嚟潮聖～開在大街上的小火焰人流真的不少～所以都要等待一段時間才可以安排入座拉絲芝士香燒雞翼伴泡菜炒飯 $78Mozzarella 芝士份量超多，好適合芝士控！泡菜炒飯好香～拌勻後味道都很夾配👍🏻芝味炸雞 （半份） $98有四件雞件，包括了雞腿、雞翼等。雙重芝士實在太邪惡！雞件非常滑嫩多汁，好美味！藍柑白桃梳打 +$28外型很酷。藍柑白桃比較酸，清新開胃。青蘋果熱情果梳打 +$28酸酸甜甜的，也很開胃。

今日經過大圍見到間韓國野好多人排隊，就決定入去試下叫左兩個set lunch,配一杯飲品，飲左罐裝可樂同熱蜂蜜生薑茶，仲可以無限加配小食，可以每樣試d，十分吸引甜薯咖哩吉列豬扒飯$62外脆內鬆軟，配上微甜既咖喱同流心煎蛋送飯一流豬五花炒粉絲$62好大份好多配菜同五花肉，粉絲好彈牙小食叫左3樣脆香牛油雞翼$10好大隻，個炸粉個味幾特別，一定要試卡邦尼小杯年糕$10卡邦尼汁香濃，同年糕都好夾甜辣韓式炸雞$10冇骨既炸雞啖啖肉，甜辣醬配落去好好食仲叫左兩個小食原味炸雞$158全份既炸雞好多，咬落入面好juicy韓式煎雜菜蝦餅$78呢個同平時食開既唔同，佢煎一面，上面舖滿泡菜，蝦同埋羽衣甘藍，值得一試

之前試過觀塘的小火焰，原來大圍都有間，而且店舖門面有大大的插畫，非常吸精又可愛！今次點咗香燒牛扒蕃茄湯拉麵，小食叫咗脆香牛油雞翼同埋芝士玉米片，甜品叫咗3.6牛乳奶再加埋蜜糖朱古力窩夫。😍個拉麵湯底有超濃嘅蕃茄湯味，對於蕃茄控嘅我嚟講，絕對食到唔停口。拉麵亦都好彈牙，牛扒燒得好香而且鎖住d肉汁。😋牛油雞翼就炸得好甘香，咬落去都聞到濃厚嘅牛油味。芝士玉米片就有厚厚嘅芝士漿，連埋玉米片食口感一流。蜜糖朱古力窩夫絕對係打卡之選，因為個甜品擺盤好靚，而且朱古力連埋窩夫及d蜜糖食，有唔同嘅層次。😋3.6牛乳奶凍每一啖都有陣陣嘅牛乳香，鍾意食甜品又鍾意牛奶嘅我，絕對值得推介。👍

韓風熾熱，今日竟然喺大圍見到人氣韓風咖啡廳-小火焰開了分店，門面壁畫十分搶眼，雖然等位的人很多，但睇吓餐牌上的價錢，確實值得一等🤭。太陽熾熱，溫度飆升至廿幾度，朋友話要點冰冰涼涼的明蝦水冷麵$78，味道微酸，好清爽順滑，麵質煙韌，加埋紅蘿蔔絲、青瓜絲和蔥粒，令味道更加清新，餐飲配凍蜂蜜柚子茶只+$3，甜甜哋，夠曬滋潤。我選了鰻魚燒蕃茄湯烏冬$78，份量適中，烏冬滑嘟嘟帶煙韌，正合我口味，之前試過觀塘店的鰻魚非常好味，今次再來encore，同樣彈牙可口，配埋甜甜哋嘅醬汁，更加惹味，跟餐免費配熱蜂蜜生薑茶，正！另外，加配一份小食，吉列炸蠔$12/兩隻，抵！

小火焰之前都有食過觀塘分店， 今次經過大圍一於再回味下先。 晏就有午市套餐，一個套餐有主菜同野飲加10 蚊仲有唔同款嘅小食！我地加左4個小食， 分別係卡邦尼年糕，辣海帶，炸雞同炸雞翼。年糕分量好足， 有咬口！炸雞同炸雞翼上到台仍然係脆卜卜，好香口！主菜方面， 我地要左大醬海鮮粉絲鍋連白飯同泡菜燒牛扒拌飯。 大醬湯有香濃豆味， 同白飯一齊食， 真係好開胃！而海鮮都好豐富有青口， 魷魚， 蝦同蜆。拌飯好大碗， 男人食都一定夠飽！ 牛夠滑，撈埋紫菜同泡菜， 食落去好滿足！另外我地仲叫左石鍋韓風魷魚，上台係仲有煙， 同個鐵板會滋滋聲響，個魷魚勁有鑊氣， 果然係餐廳推介！甜品方面我地就食左個布朗尼芒果綿花冰，上台個樣同餐牌差唔多， 好多鮮芒果同好大球芒果雪糕， 真係兩個人都食唔哂！ 跟餐飲品我地叫左檸檬茶同加錢叫左藍蜜桃梳打。梳打用黎影相真係一流， 唔太甜幾好飲！

想食韓國野就黎左朋友介紹位於大圍既韓國cafe，見到排哂長龍就知抵食。首先叫左個韓式甜辣年糕炸雞（半份）98蚊，一共有4大舊，兩隻雞中翼，一隻雞腿，一塊大雞胸，仲有大約10幾條韓式年糕。好好食，見到餐牌有3條辣，但食落唔算太辣，相信小朋友都岩食，甜甜地好開胃。因為本身比較大食，仲試多個佢既午餐 泡菜醬燒黑豚肉拌飯 68蚊超抵。 用既米好靚，係珍珠米，調味亦好有韓國風格，好滿足。最後都係唔夠飽，就加左10蚊至15蚊有唔同既小食，真係好抵食。