小火焰韓式咖啡廳 (金山樓) (已結業)

大圍又多一間新餐廳！終於有韓國嘢食！平日下晝2:00嚟到竟然仲要排隊，就知道佢人氣有幾高🙈不過好快有得入座👍🏻睇到本Menu超厚，午餐菜式都有超級超級超級多！😂選擇困難症真係好難揀😂拌飯烏冬粉絲炒飯水冷麵真係咩都有咁滯，仲要每樣都有唔同嘅款式，午餐來講真係好誇張🤣午餐包一杯飲品，而且仲有得追加唔同嘅小食，大部份都係加$10，可以一試👍🏻今次我哋加咗三款小食，每樣都係$10-$15，正正🤩涼拌大豆芽 +$10新鮮爽脆嘅豆芽配上泡菜汁，酸酸辣辣，好有韓國風味🤣作為餐前小食好開胃！芝士夾餅 +$15熱辣辣嘅芝士夾餅，入邊嘅芝士仲係溶嘅，份量唔會太大所以唔使驚好飽或者好滯脆香牛油雞翼 +$10最推介嘅小食👍🏻性價比高，超級新鮮炸出嚟，外皮好香脆！終於到咗主菜😋辛辣茄子牛肋焗泡菜炒飯 $68鋪滿可以熱溶咗嘅芝士好邪惡好吸引🤩泡菜汁令炒飯辣辣地更加香口牛肋骨肉質嫩而且份量大👍🏻北寄貝水冷麵 $68有好多北寄貝🤩 爽口新鮮湯底清涼，味道酸酸地，超級開胃冰冰地嘅湯底同埋冷麵，夏天食簡直一流！一樣份量超多，都幾飽肚而且出面都好少食到性價比高嘅水冷麵雖然食飯時間限時，但係午餐性價比超高抵食👍🏻款式多而且味

今日去咗大圍食一間開咗幾個月嘅韓國咖啡廳。聽人講話好多人，所以12:10就到咗食準備中午，入到去已經9成坐滿了。餐牌好多選擇，價錢亦相當合理，叫咗兩個午餐，1）野菜燒豬頸肉拌飯，2）泡菜茄子牛肋炒飯，再追加兩個小食，韓式炸雞和芝士夾餅1. 野菜燒豬頸肉拌飯$52份量相當夠，賣相吸引，豬頸肉唔乾，有少少肉汁，但估唔到個飯龯好食，有飯香。👍2. 泡菜茄子牛肋炒飯$68牛肋細細舊，方便入口，少嫩有咬口，未算出色，但份量都好多，值得一試。3. 甜辣韓式炸雞$10（追加小食）外脆內軟，熱辣辣，一個字，抵。4. 芝士夾餅$15 （追加小食）呢個無乜特別，所以唔叫總結： 離開時已見門外有好多人在等候、但略厭用餐時間原來只有60分鐘，有點趕，但不論以個食物質素，性價比確係高。👍

📍 小火焰韓式咖啡廳 (金山樓) 小編係韓迷黎😚 所以見咁耐冇食過韓國嘢食～於是上星期特登走咗去大圍一間韓國餐廳食飯🤭佢哋嘅餐牌有好多種選擇🤩 小編揀咗好耐先決定好食咩🤣門外睇都幾大間🙈溫泉蛋牛肋肉窩飯配茶碗蒸 $42個飯上枱熱辣辣🤤 撈勻左之後食落去蛋香味都幾重😆 牛肋肉食落去辣辣地 肉嘅份量都有唔少🥰 成個飯都好夠味 好快就同朋友清哂🤣 跟餐飲品-熱蜂蜜生薑茶聽講薑茶可以增強抵抗力😛 小編就決定試一試！飲落去辣辣哋 再配蜂蜜甜甜地 味道都唔差 但係如果本身唔食得辣嘅人就唔推薦🙈因為佢會越飲越辣🤣泡菜餃子拌淮山麵 $42小編第一次食淮山麵 比我想像之中好食😋淮山麵食落去芝士味濃郁 再加上有啲蟹籽、木耳絲、瓜絲等等口感味道都唔錯💕 仲有三隻泡菜餃子🥟餃子食落去脆口 餡料都夠辣😛 鍾意食泡菜嘅要試吓😋跟餐飲品-熱蜂蜜柚子茶飲品下邊有好多柚子皮🥰 小編最鍾意食呢啲🤣飲落去柚子味濃郁 仲好香蜂蜜味🤤草莓3.6牛乳雪花冰 $78呢個甜品打卡一流🤩 食落去都好食😋有芝士粒、草莓、雪糕喺入面😍 好豐富！草莓食落去酸酸甜甜 再配鹹鹹地嘅芝士粒 味道一流🥰推介咁多位鍾意食甜品又鍾意食士多啤梨嘅可以試吓

今日帶侄女黎試下呢間新開嘅小火焰 好耐冇食韓國嘢喇原來4點半就截單要落場 師傅到6點先返 好彩都趕得切 如果唔係就冇野食不過晚餐單點嘅價錢就較下午茶貴 叫咗半份芝味炸雞$98 有兩大兩細嘅，啲肉幾鮮嫩 不過芝士就較濟 差啲都食唔完仲嗌咗碟泡菜肥牛炒粉絲$88 小小辣幾開胃 韓國野嚟講最鐘意就係炒粉絲 呢樣都但得一試 份量都夠多最後嗌咗個迷你芝士蛋糕$15比侄女 檸檬味嘅 侄女好鐘意總括而言 食物質素都唔錯 呢間平時經過真係好多人排隊 想嚟就要早啲喇

大圍新開房呢間韓國餐廳，阿媽話成日都好多人排隊，今日就終於同佢嚟試下～其實早喺觀塘已經食過午餐，覺得幾抵食，今日就嚟試下下午茶！下午茶時段兩點半開始，選擇冇午餐咁多，都有吐司、烏冬、鍋飯同麵類可以選擇，而且價錢相當實惠！！醬燒黑豚迷你芝士湯烏冬芝士湯底真有芝士味，燒黑豚肉味道都不錯，雖然是迷你，但烏冬份量也不少酥脆蘑菇雞翼迷你芝士湯烏冬釀蘑菇雞翼幾好食，入面塞滿了芝士香蘑菇，雞翼外皮煎得好香入面juicy，相當不錯！牛角包炸雞炸雞有3塊，炸得不錯，炸粉不厚而且熱辣辣，肉嫩多汁無骨！茶餐迷你烏冬再一份牛角包小食再配飲品都只是$42, 真的非常抵食！火腿煎蛋牛角包正正常常，雖然牛角包不是自家製但食落都唔錯小食加了卡邦尼小杯年糕個人覺得都不算太小杯，而且芝士和卡邦尼味道十足，反而食落有點膩脆香牛油雞翼雞翼炸得非常香口而且外脆內嫩！牛油味亦都分突出！值得追加！牛乳奶凍正常放題的牛乳奶凍綠茶拿鐵配有抹茶曲奇一塊，味道不錯，能媲美咖啡店～比利時朱古力值得一試！朱古力味都分濃烈，但又不會苦！

小火焰（大圍店）大圍大圍道1-35號金山樓地下4號舖今次嚟到大圍一間新開嘅韓式餐廳小火焰🔥，感覺新鮮、環境特別，仲有卡通壁畫做牆壁背景，同朋友食得好開心🥰主食：酥脆磨菇雞翼蕃茄湯烏冬 $62蘑菇雞翼既蘑菇配料同雞翼完美融合，入面仲有淡淡芝士味🤠另外，烏冬既蕃茄湯底濃厚，適合鍾意食麵飲湯嘅朋友🤤辛辣茄子牛肋焗泡菜炒飯 $68辛辣炒飯嘅辛辣味唔係強烈，但適合一啲鍾意食辣過下口癮嘅朋友仔😽牛肋同芝士加埋泡菜令人地食得好惹味。小編本身係一個唔鍾意食茄子嫁，但都覺得茄子加入呢個炒飯係一個好完美嘅配合🤪迷你溫泉蛋蟹籽沙律 +$12估唔到+10幾蚊既配菜有大大份，蟹籽仲比左好多添，沙律菜幾鮮甜🤓泡菜 +$10泡菜唔係得辣嘅泡菜但睇得出有特別調製個甜味酸味同辣味溝埋一齊真係令人一口接一口呀😋甜辣韓式炸雞 +$10甜辣韓式炸雞雖然都係$10嘅價錢，但係份量好多☺️炸雞外皮炸得好脆，配埋甜辣醬真係好吸引呀❤️吉列炸蠔 +$12吉列炸號外脆內軟，食落仲流蠔汁，十分juicy。另外我地仲各加左$13叫凍比利時朱古力同凍綠茶拿鐵，飲品上就還好啦😆好味指數:😋😋😋😋打卡指數:😋😋😋😋大份指數:😋😋😋😋性價比:😋😋😋😋

星期六中午係大圍見到一間餐廳大排長龍，門外有櫈俾客人坐住等，於是拎飛等埋一份，反正都要食中午。邊等邊睇menu, 原來係韓式餐廳，非常多選擇，眼花撩亂，而且價錢係非常平民抵食。炸雞、冷麵、泡菜鍋和石頭鍋飯必點。眼闊肚窄，樣樣都想食於是兩個人叫左好多個菜式。1. 芝味炸雞（半份）$98，外皮炸得非常脆，肉質嫩滑好juicy, 芝味濃郁，芝士醬再加上芝士粉，超級芝味，另有手套配付。2. 魷魚水冷麵$68，炎熱夏天來個冰涼魷魚冷麵、有魷魚鬚、蔥花、梨條和半粒溫泉蛋，十分消暑，喜愛韓式冷麵質感尤其煙韌。3.韓式牛肉石頭鍋飯$98， 好多不同配菜，十分豐富，而且侍應好好主動問需要幫手拌一拌嗎？他們十分熟手，拌得比我們好，石頭鍋夠熱有飯焦增添香氣。4. 激辛牛肉鍋$68，見到紅當當的，真是非一般的辣，好辣的我也覺覺辣味十分勁，配有好多牛肉、韓式粉絲。5. 蒜香雞翼$2， 即叫即雞，熱辣辣，一口咬落肉汁流出，外皮脆，一定要叫。最後來個北海道牛乳奶凍，奶味濃厚，中和口腔中的辣勁。

大圍站一出有好多不同菜色餐廳，由於好掛住韓國既美食，見到依間食韓式菜既小火焰就去試一試。芝味炸雞：食韓國餐點少得炸雞，炸雞炸得唔多油同爽脆，加上既芝士醬真係好食。魷魚水冷麵：魷魚新鮮，水冷麵加上雪梨食落非常清甜。牛肉石鍋飯：首先要讚一讚店員好貼心幫我地混好個石鍋飯等我地唔駛混到成枱都係飯，石鍋好足料而且有飯蕉加上辣醬啖啖都好野味。激辛牛肉鍋：食韓國菜點可以唔食辣野，激辣牛肉鍋真係辣到出汗送飯一流。脆香牛油雞翅：炸得脆脆既外皮加上牛油味既雞翅冇得輸。

相信大家無得去旅行嘅情況下其中一樣最掛住嘅都會係韓國炸雞本身已經喺觀塘好出名嘅小火焰竟然喺大圍開咗分店咁近我，梗係要去朝聖啦我星期日嘅晏晝去，都排咗大半個鐘蜂蜜提子脆米炸雞 (半份) $98其實見到有半份嗌已經大加分唔洗夾硬食哂成碟仲可以留quota叫多個小食講番個味道先，我拎上手已經好困難因為真係熱到不得了炸衣好薄，又好脆，真係薯片咁脆仲有啲脆米痴住，脆嘅層次double up加埋蜂蜜，甜甜的肉質嫩滑多汁比起尖沙咀韓國街，真係一啲都唔輸蝕野菜炒粉絲 $72呢個都有驚喜喎除咗椰菜同紅蘿蔔，仲有大量菇煮嘅生熟程度啱啱好，唔會煮過到淋仲有少少爽口粉絲都好味，尤其係Seasoning唔會over咗又唔會油淋淋，好清楚自己食緊乜仲有個炸紫菜卷，都係新鮮炸起好好味！兩杯咖啡都唔係Hea底咖啡味濃郁，奶味亦夠同時焦糖味係真係飲到焦焦的香味超推薦比食厭咗韓國炸雞嘅朋友過嚟

2021年4月7日 星期三呢日仍然係放假中，所以同老婆一大早就出街周圍行，行到大約兩點幾就返到大圍同佢屋企人諗住一齊食下午茶佢屋企人話見到呢間餐廳新開張無耐，一直以來都想試吓，因為成日都見到好多人排隊或者等外賣，所以即管拎飛睇吓要等幾耐先有位，點知大約等咗5分鐘之後就可以入去入到去坐低咗再睇返餐牌，發現原來已經係下午茶時間，所以餐牌都變咗下午茶，都有唔少食物提供，而且價錢仲要好抵添，就好似一個韓醬燴牛肋肉迷你芝士烏冬配迷你牛角包連韓式炸雞同田園沙律，再加埋飲品都係$42，冇諗過有咁多嘢食都咁平，於是我哋瘋狂咁叫左5個餐加小食，因為都已經有少少肚餓首先嚟嘅係小食，卡邦尼小杯年糕，雖然只係$10，一個份量都唔少，最少有十幾舊年糕，每條都沾滿左醬汁，食落去好入味，不過質感偏腍，可能煮耐左少少，如果有返啲咬口會更加好之後有其中一杯飲品，榛子咖啡，無諗過有有塊曲奇送，仲要係我最鍾意食嘅抹茶曲奇，同榛子咖啡幾配合，令到咖啡飲完之後唔會覺得太苦，唔需要加太多咖啡糖都已經好夠味呢個係酥脆磨菇雞翼配迷你芝士湯烏冬，雞翼燒得好香，而且咬落去啖啖肉，完全冇骨，仲有蘑菇釀咗入去添至於烏冬雖然份量唔算太多，不過

🔸甜薯咖哩雞腿肉飯🍛佢似係日式咖喱飯嘅咖喱汁，除咗有平時嘅薯仔蘿蔔之外，呢到仲有甜薯。雞扒都好大塊，有煎香過，份量相當之多。🔸大醬黑豚粉絲鍋🍲呢個大醬湯有少少辣，味道夠濃，配料都幾多，有豆腐、好多粉絲、黑豚肉等，可以用黎撈飯。🔸糯米糍3.6牛乳雪花冰$68🍧呢個真係必食推薦！💯韓式雪花冰食落有綿花既感覺，同日式個啲好唔同。底下係牛奶味，面頭充滿朱古力粉，仲有好邪惡嘅忌廉😈我最鍾意就係粒糯米糍，好濃嘅朱古力味，糯米皮超級柔軟😋🔸脆香牛油雞翼追加小食加$10炸，仲有好多款😍唔係咩特別野，不過抵食！午餐仲有飲品，超抵！

星期日難得可以訓到自然醒，訓醒都要食午餐了，來到大圍這間超人氣的韓國餐廳!由於星期日的關係，等候時間也要等1個鐘才有位，非常誇張!餐廳座位頗多，有不少卡位!這裡點餐是自行在點餐紙上寫編號，再交給職員便可以了!午餐可以以優惠價$10吃到不少小食!韓國醃牛蒡，牛蒡爽口，醃過後再帶有麻油和醬油的味道，不會很咸，甜甜的，味道不錯!涼拌海帶，海帶爽口鮮甜，是餐前不錯的小食!卡邦尼小杯年糕，年糕份量都幾多，口感煙韌!味道不會太咸，而且還有煙肉片，能帶出卡邦尼的味道!泡菜餃子，餃子炸到脆卜卜，內裡的餡料帶有少少辣，幾惹味!明蝦水冷麵，冷麵的湯底酸酸味味，好岩這個天氣食!冷麵口感煙煙韌韌，份量都算幾多! 除左有蝦肉，還有蘿蔔絲和青瓜絲和蛋，令口感更豐富! 蝦肉都幾彈牙，不會很腍!大醬海鮮粉絲鍋，這個粉絲鍋有蝦、青口、魷魚、蜆肉等海鮮，湯底辣辣的，很適合拌飯吃!除了海鮮，還有菇和粉絲，粉絲煙煙韌韌，吸了湯的味道，特別美味!最後還點了凍檸茶和凍蜂蜜柚子茶，吃完辣飲返杯柚子茶夠解辣呢! 

呢排知道大圍有間新開嘅韓國嘢食店裏面有唔同嘅韓國嘢食而且每日都好多人我決定去探下路啦基本上火車站出嚟行5分鐘左右就已經到啦出面真係有啲人要等位喎佢嘅午餐真係有好多唔同嘅選擇飯啦麵啦水冷麵啊咩都有最緊要竟然比我見到佢可以追加勁多唔同嘅小食而且價錢十分優惠先叫主食泡菜鰻魚燒拌飯鰻魚好多兩大舊肥嘟嘟加埋泡菜依個日韓飯十分好食黑松露炒淮山面依個我好鐘意黑松露味勁濃有香又滑沾係淮山面度好食又唔會太有罪惡感加野方面我地加左雞翼，炸雞，韓國餃子，炸蠔，年糕真係好好豐富樣樣細細件炸得香口味道又好最好令人可以食好多款真係好幸福唔怪之得要排隊正呀

今日同大學朋友食飯，而佢就揀左一間好出名嘅韓國餐廳去食飯，咁我又未食過，就懷疑係咪真係好似佢咁講咁好食啦 去到餐廳門口，就有好多人係度排隊影相，因為店鋪出面有好多壁畫，好搶眼，係一個打卡聖地咁我就點左加拉絲芝士烤豬肉泡菜炒飯同埋一杯綠茶拿鐵 個泡菜豬肉份量十足，微微辣，食得好過癮最驚訝嘅係超多芝士，份量多過啲飯芝士控必點菜:綠茶拿鐵味道都唔錯，味道濃郁，值得一試:我朋友點左明蝦水冷麵，有蝦，蛋，蕃茄仔，青瓜絲，蘿蔔同紅蘿蔔絲等等，配料十足:睇落就令人覺得好開胃:而聽朋友講話個麵好煙韌，啖啖都有芝麻粒，食落非常香口好食:值得一讚既係鋪頭好細心連蝦既腸都清埋，咁就唔驚食到污糟野！湯底係蘿蔔湯味嘅，淡淡地又有少少鮮味，鎳啱想食清啲嘅人！我朋友另外點左杯比利時朱古力 朱古力味濃郁 而且d冰都係碎冰 好細:另外小食都唔錯啊又平，我地點左個甜辣炸雞同卡邦尼年糕，好快就俾我地清曬總括黎講，哩間鋪頭食物水準高，細心係客人角度諗點先係好，係一個好好嘅選擇之一

大圍終於有韓國餐廳喇，開咗一段時間今日第一次嚟試吓。下午茶時段超級抵食，揀咗兩個餐 + 原來可以無限追加不同款式嘅小食，試到好多款呀。「泡菜黑豚鍋飯配茶碗蒸」原鍋熱辣辣，泡菜辣辣地好惹味，黑豚肉厚厚的👍🏻「辣炒豬頸肉拌淮山麵」豬頸肉個醬汁好正，原來淮山麵用來做拌麵，比湯麵更好食。今餐好抵食，除咗小食仲追加甜品，有雪糕又有Cheese cake, 大滿足。兩個人食到成枱都係食物，多到唔夠位放。下次晚餐再嚟試下其他款式先。