小火焰韓式咖啡廳 (金山樓) (已結業)

大圍道呢排開咗間新餐廳，雖然都唔係真係好新，但係都成日大排長龍，趁着weekend一早去試吓，點知都係要等位，睇嚟真係好多人想試下，話晒呢頭都唔係成日有韓國嘢食😎餐廳出邊嘅大型壁畫好靚，仲有好多部電視係咁播住啲韓星🤩雖然今日係星期日，但係都有Lunch Menu，而且價格十分親民，價錢仲已經包左基本嘢飲👍大醬黑豚粉絲鍋🐷好耐冇去韓國，都唔知幾時先有得再去，唯有叫個大醬湯慰藉一下思鄉嘅心靈💗平時食嘅大醬湯都會偏鹹少少，小火焰嘅呢一款就帶少少香辣，粉絲係韓式粗粉絲，加埋翠玉瓜，大豆芽等等好開胃！lunch menu除左野飲，仲可以加$10追加小食！岩哂想試少少又怕太飽嘅我地🍞熔岩芝士炸雞麵包🧀呢一個唔係Lunch Menu，但係睇Menu嘅時候俾佢深深吸引住，係滿滿勁邪惡嘅芝士🧀🤩冇骨嘅炸雞炸得岩岩好，夠脆得黎唔會太乾，好驚炸到太over既會𠝹口😂粟米脆片加沙律醬又係勁正，一上台店員提醒要襯熱食，如果唔係驚d芝士會凝固咗，炸雞點落芝士到係無限♾️拉絲🤩芝士味唔會太重，有奶香味，好香滑同好拉絲，超打卡able😜沙律菜爽脆，夾埋一齊食就唔怕漏啦🤣雖然都要排隊等一陣先有得入，但我明白點解咁多人排隊

上次食韓國野已經係愛的迫降盛行嘅時候食咗炸雞。果次食完之後已經好耐冇食韓國嘢。踩完個晨運單車同個港女食個午飯，佢話想食韓國嘢我就諗起上次叫外賣食過嘅依間小火焰。之前食佢嗰陣就冇晚市嘅，所以叫外賣。外賣拎到返屋企食，個味道都唔錯。所以今次翻食都應該冇乜問題。老實講，上次食晚市我覺得個套餐有少少咁叮叮貴。今次午餐好唔同，值得為佢寫過食評。我同個女分別叫咗一個牛扒飯同埋一個淮山麵。每個分別先大約70蚊，包野飲。當茶記都五十幾六十既時間，我覺得俾多$10可以坐得好舒服，而夥計又有禮貌嘅話，係超值既。講返啲嘢食牛扒飯係依個樣，我當然唔會期待佢真係韓國牛，但係塊牛真係幾好食，個醬汁配落塊牛都真係唔錯。去下面仲伴左啲菜同紫菜。啲紫菜仲要冇淋pat pat ，仲脆嘅。份量唔細， 我一個正常男人都會夠飽。我港女食咗呢啲fusion嘢。淮山麵加海鮮用類似卡邦尼嘅煮法。煮過淮山麵嘅都知，啲面好鬼易變成一pat pat，但依個麵絕對冇，一條條分明，就好似相見到咁。雖然夠飽，但係見到個優惠加$10可以追加一啲小食，我同港女就叫咗兩個。兩個都係飯碗咁上下嘅份量。一個係辣年糕，另一個係海帶。辣年糕有應有嘅水準，而個

諗唔到大圍也新開左一間小火焰韓國料理，立即同友人去吃。好彩今日人不多，唔需要排隊就可以吃到。我們叫2份套餐：大醬黑豚粉絲鍋，黑豚肉用鹽調味過，所以微鹹，但肉嫩好彈口，分量都足。配料有脆玉瓜，菌菇和芽菜。 極辛牛肉粉絲鍋：牛肉薄薄哋，分量都幾多，湯底辣辣哋，粉絲又彈牙。配料有豆腐，芽菜，脆玉瓜。小吃另各加$10叫左2份，有甜辣韓式炸雞：醬汁甜甜酸酸，唔會辣，雞肉外表香脆，內部雞肉嫩滑，都好吃。脆香牛油雞翼：雞翼嫩，但是表面有點油，如果牛油少點就更加好。味道真心不錯，下次還會來幫襯。

今次黎到大圍小火焰果然好受歡迎呀，午市都要等成十幾個位，全部成個大圍都真係無乜韓國餐廳，同埋呢間都算做得幾好，d韓國野都算幾正宗，性價比又高，所以真係好值得等下試一試，尤其又可以過下香港人果陣排隊癮 ha…叫左個普通2人餐，首先黎左個牛肉沙律，估唔到個牛肉又幾好食wor，好有牛味，同埋都幾嫩口，沙律d菜都算幾新鮮，唔錯。另一個前菜係韓國豬肉餅，食落好鮮，點埋朱古力醬食，那有一番風味。主菜係人參鴿湯鍋，鴿食落幾嫩，好有鴿味，個湯都好好飲，果然值得升級。冷麵方面，麵質都幾唔錯，唔會話太硬or太軟，d配料都幾新鮮。甜品方面，有窩夫，不過不失，發揮到作為甜品既效用。飲品方面，叫左個凍即磨咖啡，出奇地好飲，另外仲有好多韓式特飲都可以試下！！！

呢日黎到大圍，想食韓國野之際見到呢間小火焰，都真係好多人排隊，我哋拎完飛都等咗差唔多一個鐘先至入得～聽日到去我哋就要咗個明洞二人餐～價值$324，前菜我哋就揀咗黑醋豬肉餅，沙律就揀咗牛扒沙律，主菜就揀咗人蔘鴿湯呢個要加$48，柚子蝦水冷麵～甜品就升級要咗窩夫，嘢飲就叫咗普通嘅咖啡同埋檸茶～呢個二人餐真係超抵食，我娶豬肉餅嘅黑醋同埋豬肉真係超夾，隔離仲有啲菜撈埋黑醋汁真係一流！牛扒沙律都真係超正，佢有個流心嘅蛋～督爛之後撈勻落啲菜度，每啖菜都沾滿蛋汁，而啲牛亦都好有牛味，唔會煎到好鞋，仲係好嫩滑！呢日雖然有d熱，但係我都叫咗個鍋物，個湯真係好好飲仲要配上人蔘酒，我都未試過咁樣飲，真係好正唔怪之咁多人排隊！呢個咁熱嘅天氣食水冷麵，非常之夾！柚子嘅清新配上蝦，真係一流！最後以窩夫作結！簡直係完美嘅一餐！

#大圍 #小火焰 #拉絲芝士烤豬肉伴泡菜炒飯 好好食，同是都好多味精#拉絲芝士 係真係拉到絲，又有芝士味🧀👍#烤豬肉 烤得好嫩，醬汁偏甜，再加黑椒味，好味😋#泡菜炒飯 充滿大大塊泡菜，夠哂辣，飯又索哂泡菜汁，好入味，所以都有啲偏咸😜總體而言，好味，同埋大圍都無韓國餐廳，佢開咁耐都好多人食，證明水準keep到嘅🤤味道: 8/10味精: 7/10價錢: 5/10環境: 5/10服務: 7/10

前幾天的台灣菜勾起了筆者的旅行魂，今天決定來到大圍的小火焰，來個舌尖上的韓國旅行。環境：餐廳明亮乾淨，同時設有家庭式卡座及可拆分的桌子，能照料不同顧客群的需要。服務：上菜速度快，職員均友善有禮。筆者誠意推薦菜式👇🏻🍠 紫薯沙冰 ($48)✨造型超吸睛！紫薯控必點！(紫薯控筆者表示「好き」！)✨巨大的夢幻紫色沙冰上插著數根紫薯，識別度十分高；每一口冰都是天然的紫薯味，不會過甜，是夏日的恩物。🐔 炸雞Combo ($78)✨拼盤有三款食物，足夠二人食用，十分划算。✨韓式傳統甜辣炸雞肉質厚實，吮指美味；一口雞軟骨酥脆香口；幼身薯條澆上香濃芝士醬，三個口味一次滿足。🍅 冰梅有機凍番茄 ($28)✨紅潤飽滿的冷番茄，賣相討好，配上帶微酸的梅子醬，令人食慾大開。🥕 韓味甜蘿蔔 ($28)✨酸辣蘿蔔是炸雞的好夥伴，酸酸甜甜非常解油膩。總結（5分滿分）餐廳環境🖼🖼🖼🖼餐廳服務🤵🏻🤵🏻🤵🏻🤵🏻🤵🏻食物賣相🌸🌸🌸🌸🌸味道質素👅👅👅👅整體價錢💸💸性價比值⚖️⚖️⚖️⚖️

去大圍搵朋友，遇著下午茶時間，經過呢間餐廳畀佢門口嘅大型圖案吸引咗，睇下餐牌發現下午茶餐都幾平又幾多選擇，就決定入嚟試下，都要取票等一陣位‼️▶️辣炒豬腩肉拌准山麵 HK$42 Tea Set下午茶免加一～呢個比預期中好食，豬腩肉同淮山麵分開放嘅～其實豬腩肉係分開炒咗先，微微辣幾惹味，淮山麵個醬汁都幾開胃～ 下午茶分量嚟下午茶都夠飽嘅～🔸叫咗一個餐之後可以無限追加特價小食，有炸雞呀，泡菜呀，連甜品都有～我就揀咗涼伴海帶 +HK$10，正常水準嘅韓式小食，分量又唔算太細～🔸Hot Cappuccino 跟餐+HK$5, 如果即磨咖啡就唔使加錢嘅～ 配上小曲奇一塊～▶️泡菜肥牛炒粉絲 HK$88 散叫下午茶炒粉絲好似冇套餐，所以我就分開咗喺主餐牌到叫，超大碟，熱辣辣上枱🔥可以同朋友happy share～ 味道唔錯，如果可以加上多啲洋蔥絲就更可以增加口感啦🤭🔺🔺🔺🔺🔺🔺🔺🔺🔺🔺🔺🔺🔺 

自己一直好鍾意食炸雞，最近聽朋友講話大圍有間韓國嘢啲炸雞好足料，大件又好食，於是同咗朋友一齊去食。芝味炸雞（半份）$98原先仲好擔心芝士溝炸雞一定會好漏，但食落口簡直令我一試難忘。芝士恰到好處，啖啖肉都有濃厚芝士香味，同炸雞直頭係perfect match。口感一流，必試！蜂蜜提子脆米炸雞（ 半份 ）$98蜂蜜味加提子脆米溝炸雞都係第一次試，感覺好新鮮。蜂蜜口感清新 ，唔會感覺油膩，加埋提子乾酸酸地，正。值得一讚係舖頭會提供埋手套，因為我覺得食炸雞一定要用手食先好味，又怕整污糟隻手，喺呢度就冇呢個煩惱啦。第二個值得讚嘅位係：食過出面好多炸雞都係粉多過雞肉，但係呢到啲雞肉幾足料，而且雞肉嫩口，性價比高，好想下次再黎試埋另外幾款炸雞。

晏晝三四點去食，有下午茶餐牌亦有正餐餐牌，食物種類好多，睇咗好耐先落單😂柚子明蝦水冷麵 $88蘿蔔湯底，比較清，有幾隻蝦，味道還可以吧綠茶雪糕吐司 $38呢個係下午茶餐嚟，本身已跟野飲，咁啱呢日無晒抹茶雪糕，轉咗曲奇，曲奇配紅豆原來都唔錯！脆香牛油雞翼 $10下午茶抵食之處在於可以任加小食，小食有成十幾款，每款都係十蚊左右，呢個雞翼幾正！泡菜 $10 正常泡菜味，不過好多😂😂卡邦尼小杯年糕 $10還好，價錢取勝青蘋果熱情果梳打 跟餐轉飲+$28好大杯！又靚又好飲，出面應該要成5、6十蚊杯，下午茶跟餐真心抵～

尋日朝早要去到大圍嘅一間幼稚園，去完之後就喺附近同同學食間韓國菜做lunch啦。呢度嘅lunch set都幾抵食，都幾多人等位。🐷豬五花炒粉絲 $62呢到啲豬五花好好食，豬五花肉薄切，充滿豬肉香。炒粉絲份量超多，味道都好食。同埋一上枱已經聞到好香嘅麻油味。🍛汁燒牛肉溫泉蛋拌飯 $52啲牛肉幾好食，又唔會太肥，又唔韌。溫泉蛋撈埋落去啲飯入面，啲蛋汁流曬出黎，再撈埋啲椰菜，好食。🥞芝士海鮮菜餅 $78煎餅外脆，而入面都幾煙韌。芝士好多，食到好濃嘅芝士味。煎餅入面都有好多魷魚，再配埋表面嘅泡菜，好好食。🍠熱紫薯拿鐵 +$10lunch set每款主食都配飲品，唔洗加錢嘅飲品都有好多款，包括蜂蜜柚子茶、紅棗茶等等。但因為見到紫薯拿鐵好吸引，所以都加咗$10轉飲。幾欣賞呢杯飲品本身冇落糖，比包糖我自己加，平時飲嘢鍾意走糖嘅我就唔加糖啦。叫呢杯飲品仲有塊曲奇餅送添，抵。🥤汽水 +$0汽水就唔使加錢嘅，係可口可樂。呢間都唔錯，可惜我平時少去大圍，如果下次有機會再去大圍可能都會再食。

大圍有好多嘢食，韓式就唔多，之前發覺新開一間，日日都多人排隊就試一試吧。餐牌內很多選擇，但似乎唔係傳統韓式，加入其他食物，有啲似日本叫了個前菜，牛肉鍋同蕃茄牛扒烏冬，當然少不了追加韓式炸雞。燒牛扒雖然薄啲，不過幾香，烏冬都幾滑，蕃茄湯底亦都唔錯牛肉鍋叫咗辛辣味，都算香，辣味可以，望上去賣相都唔差。炸雞可以細件一點，同一般炸雞大致冇咩分別。有個小插曲，叫咗個生薑茶，但嚟咗個柚子茶，問過侍應佢話係生姜茶，最後再問多一個，最終佢同我換左，真係要改善一下。走時見到佢哋自家制曲奇餅🍪試過都鬆脆，買咗個綠茶味，值得買呀總括來講，都算抵食

午餐時間， 尚且不需要排隊， 只係等 店員安排座位， 餐廳環境 尚算整潔， 裝修環境一般。 午餐點了韓式餃子炒粉絲， 到枱時有一陣陣燶味， 原來係炒燶咗， 竟然咁都上枱， 挑走炒燶嘅蔬菜就算繼續食， 點知食物溫度非常高， 竟然係燙口， 咁唯有食咗 韓式甜辣炸雞先， 甜辣醬都係求其畀少少就算， 但味道ok好食嘅。 餐飲揀咗柚子茶， 一般不過不失。 店員 收碟嘅時候見到嗰啲燶嘅菜竟然無視佢， 當睇唔到🤣🤣🤣。食完成個午餐後， 極其口渴， 相信落咗勁多味精。

Lunch行過見都幾多人等緊位決定湊下熱鬧😂好彩好快就入到去！我地仲叫左炸雞combo同韓式蟹籽卷蛋炸雞combo入面有兩款炸雞同芝士薯條岩哂同朋友仔一齊share而韓式蟹籽卷蛋入面啲蟹籽份量好多卷蛋係包住飯第一次食呢類型嘅卷蛋覺得味道都唔錯幾特別👍🏻我地仲叫左一杯凍比利時朱古力同一杯藍柑白桃梳打凍比利時朱古力嘅朱古力味好香濃而藍柑白桃梳打就酸酸地幾開胃最後甜品叫左糯米糍3.6牛奶雪花冰個冰食落好綿密一啖雪糕一啖雪花冰仲唔係雙重享受😋呢間餐廳嘅食物質素高 環境都唔錯鐘意打卡韓國美食嘅朋友仔一定要黎試下☺️

大圍不嬲都多美食😋今日同朋友約左係大圍食lunch見到呢間韓式cafe價錢都幾吸引我地就決定午餐係度落腳👍🏻我地叫左兩個lunch set🍽第一個係汁燒牛肉溫泉蛋拌飯黎到發現佢嘅份量都好大碗牛肉加埋溫泉蛋真係令人忍唔住一口接一口第二個係大醬黑豚粉絲鍋🍲係咁寒冷嘅天氣食熱辣辣嘅粉絲鍋真係一流lunch set仲可加配小食添～仲可以唔限量咁加中意食咩都可以叫埋 正😙我地叫左涼拌海帶、辛辣小杯年糕同迷你明蝦蕃茄沙律e個set真係好抵食😋