小滿定律

營業中

休息中

有日去西貢覓食～食完lunch之後經過呢間乳酪店見到好多人流🤩🤩我地都被佢地吸引左入去～～要左2杯乳酪一杯係：granola,焦糖脆脆,紅莓汁,brownie 另一杯：綠茶糯米糍,焦糖脆脆,紅莓汁,brownie 因為我本身唔好焦糖脆脆,佢係好香但對我黎講好甜，brownie 幾好食，綠茶糯米糍都好食，但冇smile咁正，因為smile有朱古力汁勁邪惡勁正😆😆❤呢間乳酪都好食既🤩下次再入黎想試下其他味道～～

西貢巴士小巴站附近，近期多咗幾間甜品舖，今次我哋試吓依一間小滿定律👅其實係食希臘乳酪雪糕再加其他配料，一杯份量都好大，足夠三個人share 食👍🏻, 另外佢可以揀筒裝或者杯裝，咁當然揀返杯裝穩陣啲😬配料我哋就揀咗芝士蛋糕，焦糖脆脆同抹茶糯米糍，再加蜜糖漿🤤焦糖脆脆同乳酪雪糕真係好match,一啖雪糕一啖焦糖脆脆🤗，另外抹茶糯米糍都好煙韌😬依家天氣都有啲凍，鍾意挑戰嘅朋友，都可以叫佢雪糕試吓😈天氣凍食雪糕確實爽🤗

🍦🍦🍦有日經過西貢市中心 見到呢間小店迫滿咗排隊嘅客人🤓於是出於好奇之下就裝下佢哋買緊乜原來係希臘乳酪雪糕😍😍❤️於是諗都冇諗就排埋一份😝望吓個Menu 原來選擇好多 可以自由配搭首先要決定嘅係杯裝定係脆筒先杯裝係揀三個toppings 加一款source脆筒就只有一款toppings加一款source 貪心嘅我就梗係揀咗杯裝啦😌杯裝乳酪雪糕 （$58）第一杯叫咗美祿恐龍醬料配Oreo餅碎、士多啤梨同海鹽焦糖脆餅🥰美祿恐龍粉 略嫌唔夠多 味道唔出覺得同食緊原味冇咩分別😟不過值得一讚嘅係佢哋嘅海鹽焦糖脆餅唔太甜之餘 食落脆卜卜 好有口感😝另一杯要左百香果醬料配芝士蛋糕、芒果同海鹽焦糖脆餅估唔到真係成舊蛋糕仔放落去😂感覺有啲格硬黎同太漏😂不過覺得呢杯用上百香果醬比起第一杯會特別啲因為百香果酸酸甜甜 又香又開胃😌

🍪【#西貢】小滿定律 Law of Yogurt💥希臘乳酪鮮製 靚靚打卡Froyo💥.🍪 曾經盛極一時嘅Froyo喺西貢又有得食🤤‼️小滿定律招牌 Froyo以希臘乳酪鮮製而成，微酸得嚟又重奶香味，入口香滑😍但$58只係包3款配料，定價高到成日唔捨得食💸💸💸唔算太豐富但影相都幾靚，當懷緬青春🤣✧ Sai Kung welcomed a new frozen yogurt shop this year☺️‼️Law of Yogurt’s dairy products are all freshly made from greek yogurt, refreshingly sour and with a strong taste of milk😋.$58 would get you a cup of froyo with 3 toppings plus one sauce. The price is high compared with all the delicious froyo I have ever had💸Still let’s admit the dessert is photog

喺西貢小巴站隔離發現左間yogurt店，係前壹傳媒記者開嘅，上過好多唔同報章，見到入面都好多人買緊🍨希臘乳酪雪糕 $58 (7.8/10)揀左用杯裝，醬汁要左甜醬汁美綠恐龍，啫係粉嚟😂，因為唔想遮哂啲yogurt味，佢比得好少😢，配料揀左海鹽焦糖脆脆、Oreo、綠茶糯米糍，oreo睇得出真係成個去切粒，綠糯米糍同個yogurt配合得好好，脆脆就甜左啲，yogurt味濃郁、唔夠酸，不過有啲貴-📍 小滿定律西貢福民路58號高富樓地下3號舖🕑Mon to Sun 13:00~20:00

halloween 帶埋兩隻恐龍入到西貢。原本想食手工雪糕🍦但點知見到呢間人龍不斷就決定試下呢間woo.. 係我最愛既乳酪雪糕除左執左笠既crumbs而家應該得返smiles 有得食呢d開心可以自選topping.加一款dressing我加左芒果🥭海鹽焦糖脆脆。同朱古力脆脆同熱情果醬係我鐘意厚實既乳酪雪糕。OMG .點解你要開到去西貢甘遠我呢d 新界西人士好難先食到😭如果有埋我最愛既肉桂香crumbs 就正啦不過而家都好滿足下次入西貢都要再食😋😋

曾經有一個時期Frozen Yogurt 嘅店舖開到成行成市不過近呢幾年就好似瞬間絕跡晒咁今日係西貢發現呢一間我嘅配搭係：海鹽焦糖脆脆 + 咖啡蒟蒻 + 綠茶糯米糍 with 美祿恐龍海鹽焦糖脆脆 🙂 最有驚喜!!由於打卡嘅關係… 我隔咗一陣先食… 但依然好脆… 酸酸嘅frozen yogurt 配上鹹鹹甜甜嘅脆脆口感同味道配搭一流超級推介這個topping❤️

去完橋嘴島行山 熱辣辣就黎左食雪糕消消暑依度嘅雪糕係乳酪雪糕可以揀杯裝($58)或者筒裝($38)杯裝可以揀3款topping & 1款醬我地揀左 咖啡蒟蒻 芒果同檸檬蛋白脆脆乳酪雪糕唔係太酸 有濃濃既乳酪味 好軟滑配料方面 芒果幾甜 蛋白脆脆令雪糕口感更加豐富加試百香果醬酸酸甜甜 好好食😋咖啡蒟蒻咖啡味好濃 但同雪糕唔係太夾 加Mochi應該會更加好食😁不過溶得比較快 我地影影下相個雪糕開始塌有個女店員好好 見我地杯雪糕塌塌地 比左件蝴蝶酥我地撐住杯雪糕 我地先可以繼續影靚相😍蝴蝶酥味道都唔錯好鬆脆👍🏻入西貢一定會再黎食☺️

去西貢玩完番到碼頭附近，想起有間乳酪雪糕店，正好食杯消暑😋雖然店舖小小，但都有幾個堂食位，當然排唔排到係個問題🤣我都係一路行一路食😬🔆乳酪雪糕杯裝$𝟝𝟠杯裝可以選3種toppings加一種sauce，選了芒果🥭蝴蝶酥🥨榛子威化卷🍨雪糕本體係好食的!滿滿乳酪味，又香又滑😍嗜甜嘅我覺得蜜糖醬係無揀錯🍯其他配料都過關，好彩芒果食落都唔會酸呢個價錢一杯感覺都唔平，但佢都算大杯所以我兩個人share即刻抵左😎

Law of yogurt🍦———————————————————-入到去西貢食完飯想食啲甜品行過見到佢哋門口裝修得好靚 就忍唔住行咗入去試吓.其實店舖入面比較細 只係一間小店入面位置唔多 可能需要企喺度食但係裝修得十分簡約又帶點文青嘅感覺.因為食完飯有啲飽 所以淨係叫咗個乳酪雪糕 配埋焦糖脆脆同雪糕筒🍦第一啖食落去真係好重乳酪味 在帶點牛奶香 口感香滑 甜度啱啱好🌟而焦糖脆脆同雪糕筒10分香脆 焦糖脆脆甜得來帶點鹹味 去買雪糕食好夾😊

週末去西貢逛逛，發現呢間人氣froyo小店，夜晚時段都仲有好多人排隊，越多人排越想食🤣呢間舖頭提供20多種選擇，今次揀咗海鹽焦糖脆脆，蝴蝶酥，芒果焦糖脆脆實在太太太好味，同乳酪嘅配搭簡直係天衣無縫，芒果就有點酸，但整體比100分，一試難忘

一直都好想去試，可惜每次我收工，佢又收工關門，今日打完風，專登走落去試吓，第一次行入鋪頭，鋪仔細細！但有成五個員工，主要都係年青人，雖然員工們自己傾計，但都尚算有禮貌，我行入去嘅時候無咩人，當我買完享用嘅時候，突然間好多人，可見好多人都係慕名而來，乳酪整體好味的！我點了士多啤梨，檸檬蛋白脆，岩鹽焦糖脆脆，美祿恐龍是醬汁的其中一款，初初以為是醬汁，原來是美祿粉，這個我有點失望🙍‍♂️士多啤梨反而令我有點喜出望外，很好檸檬蛋白脆就一般般岩鹽焦糖脆脆比我想像中好整體來說也10分滿意，但建議醬汁方面可加多一點口味，其實簡單的朱古力醬，士多啤梨醬也很貼心了😋😋

消暑好物~ ☀︎︎ 挽完水上一定要去食番杯･ᴗ･Yogurt (3 toppings + 1 sauce) $58- 海鹽焦糖脆脆- 抹茶mochi ( 超煙韌♡︎抹茶味十足)- 士多啤梨- 熱情果醬

去左西貢行下，食完正餐之後見到有新開乳酪店，天氣咁熱一於買黎試下啦。除左乳酪，呢度仲有bagel 。🔸Frozen Greek yogurt in cup乳酪濃厚香滑，可惜唔夠酸味🥲 杯裝乳酪包括3款topping同1款sauce⬇️🔸Strawberry 表現正常，安全之選😂🔸Palmier 幾香脆👌🏼🔸Green tea mochi 口感勁差，一啲都唔煙韌，陣綠茶味嘛嘛哋🙈🙈🙈🔸Yuzu sauce 正常👌🏼

夏日炎炎入西貢！見到呢間係碼頭附近既雪糕店，店面係好靚既白色仲有個大圓窗！幾吸引嫁！😍店入面有4個座位，唔算多，但小小既店面都幾打卡able！ 而且除左雪糕都仲有野飲！😋希臘乳酪雪糕配海鹽焦糖脆脆今次就叫左個cone，好大杯！配料其實好多選擇，店面亦好貼心咁list左最受歡迎既十種配料，呢個海鹽焦糖脆脆就係no.1！😍食落好濃厚既雪糕，冇一般牛奶雪糕既膩漏，豐厚得黎又好結實既感覺！加埋又脆又大舊既配料，係有少少海鹽咸味，又有焦糖既焦香味，配埋雪糕一齊食真係一流！必點呀！😆