小欖燒烤樂園 (已結業)

個場好大,但亦都好逼!我地10個人去有2個爐,都係人與爐之間既Distance係一米都冇!!超熱!個個都燒到塊面紅晒,就黎著火囉!周圍都係人..根本你郁後d,你後面果位就向個火行前一步....燒得超級唔舒服.最唔likely係個場比人帶狗入黎.撞岩有d咩狗狗同樂會又黎bbq(d主人真係冇良心,bbq d 咁熱既活動仲帶隻狗黎,佢又唔係有分食,又要被火烘住,真係辛苦隻狗!),都唔知有冇食埋d狗毛!食都食得唔開胃!最後,衛生好差,不論盛食物既盤,定toliet,定拎食物的地方..都好dirty.ps.我果日去d方包竟然沽清...如果係任食的話都有點過分!我建議大家想去bbq任食舒服d既話,不妨考慮大埔既大美督燒烤王,價錢$50一位送野飲,個場好大好空曠好舒服嫁!

1月12日,朋友約bbq話好耐冇見,想也不想就應約約好在此bbq,年多前去過...印象認真麻麻今次唔知搞乜,勁多人去門口已停泊了4架旅遊大巴如果一個爐坐6~8人估計場內有600~800人心知不妙入到去員工求其搵左個角落就放底個爐,之後就走左但係好迫lo.....差不多人背貼人背拎野食同出入都要就住就住...我朋友有次唔小心撞跌人地個汽水好彩對方已經喝完唔係就麻煩and尷尬啦!!!另外,拎食物方面都好麻煩由於我地處於角落,係要行好遠先去到又唔可以拎多d同埋,可能真係人多,d職員做到好唔耐煩態度麻麻最唔好ke就係呢個"全包"bbq係唔包牛油要ke,請自己購買...$2一小兜(係用食切雞,裝薑蓉的那款膠兜仔)真係好小家一兜基本上只可以塗2塊方包龍鼓灘一定唔會咁....人地$78,你又$78你仲要收我開爐費點解人地可以無限提供牛油,你唔得??仲有,去2次,2次都係只取一round麵包就沒有食來食去都係肉肉肉肉,丸丸丸丸好濟......又好咸....不過我個口幾渴都好我唔敢飲太多水我怕要去個廁所!!!!!!!!!!見到個門口都驚啦.........唉.......再講,佢個d電視機,真係細過我爸

是夜除夕夜，成班地盤工友難得一聚下收工一齊來呢度BBQ倒數，凍到震呀得十度﹗真係好凍今晚﹗入場費貴了，成九十幾蚊一個人，0的野亂七八嘈，管理超級有問題，等我數一數今晚遇到既事，我地成班工友定名為"十大罪狀"1. 迫得要命，爐與爐差不多痴埋一齊，連行去廁所都無位出，我地個個工友大隻無比都係歐陸身型，點行出去呀﹗2. 成日開咪，好似監房咁，唔洗成日叫咪啦大佬﹗嘈住哂，我去白石都未聽過人叫咪的﹗好煩呀﹗3. 羅野食亂七八嘈，一頭比錢一頭老連咁遠先有野食羅，蜜糖又唔係去野食0個度羅要去收銀羅，刀叉又去後面羅，啤酒又要去到門口羅，行來行去行來行去真係比佢玩死﹗4. 個廁所DIRTY到你唔信，成地屎尿無人清，推石仔部的女工友排大隊成半小時先排到去廁所又無人管理，有工友去一次後鞋褲沾滿了尿回來，雖然她是穿了開工的水鞋來，不過叫人點頂呀成腳尿？5. 0的炭成棵樹咁，掟又掟唔爛，根本無可能燒到，出去羅過包又比佢老點轉來轉去，救命﹗6. 野食其實幾好食的，不過派食物0個個哥哥仔真係好無禮貌，我都知係多人等心情真係差0的，不過都唔洗飛0的野食比我嘛？好似我係乞兒拿個兜去乞野食咁，唉﹗7. 蒜蓉包要買蒜蓉都無

nds事件壽星三魂不見七魄與友人後到,到達才發現身處小欖沿路亦嚇得心慌慌入場即付,每位六十八送水一支,還附一張飲品換領票換了啤酒(得一種),頗順口可一試印象中雞扒與墨丸也不是太差今天開心最重要,食物質素已是其次順帶一提,小心廁所範圍滿地是(水/?)happy birthday笑到肚痛,但地獄之旅隨即展開p.s:過左十二點如要回港島區有N962,廿七個幾亦有van仔去佐敦道(經旺角)

我都係第一次o黎,我就覺得ok,首先地點,交通方便,一程車就係門口落,另外比較有規模,入場即刻比錢$65比飛,野食都ok,buffet唔好expect太多,墨魚丸好好食,我地另外仲比左10元買三條番薯,都合理啦,係個toilet真係唔得,著長褲一定要接高褲腳,好濕同污糟!!d員工又冇咩喎,可能我地要求唔過分啦,食完仲可以買雪條食,唔錯啦~~

朋友們如果想開開心心甘玩一日的話就唔好去因為:1) 打電話去book, 個operator禮貌極差, 好似俾錢佢閙甘.2) o的阿姐攞野食俾你好似施捨甘, 重要俾好多平野你.3) 員工個個黑口黑面, 見到佢o也都唔開胃.4) 地方污穢, 個toliet真係見到想嘔!5) 有好多其他既燒烤樂園, 唔洗去呢個甘既.6) 現時今日service都好重要架!7) 雖然$68唔係貴但係車費都要錢.8) 食物味道ok, 但係好多味精, 要你用錢買野飲.9) 夾公仔機騙錢的, 千奇唔好玩!

下午4:30到了小欖燒烤樂園, 兩個人付過錢, 挑了一個最近取食物的位置, 便開始努力地燒. 食物水準不過不失, 可能由於去的時候尚早, 沒有食評說的問題出現. 夜了開始多人, 多得很恐怖, 排隊拿食物的人龍多達二, 三十人. 慶幸我們只有兩個人, 拿了一次食物也燒不完; 兩個滋滋油油的看著人家忙來忙去, 也很好笑. 總結這裡還不錯, 不過最好還是提前到達, 避過人潮便沒問題了.

d態度勁差服務員串,勁勁差,好似冇俾錢咁!

2008中秋節唔會去自助形式bbq 話說琴日晚上六時半已飛任屯門既小XBBQ場. 點不知一路等一咯等. 等左差不多三時時才時場內的爐一早已爆了. 為何不早一點說呢？為何場內裡可以容納六千都可以咁快冇位呢？為何內裡朋友有爐.就可以不斷咁出出入入呢？為何管理人員維持秩不善，也要罵等了好久都不能入場的客客人呢？你們的服務就只有這樣嗎？

一個字!差先講食物.....69蚊雖然唔係d咩錢, 但係都唔好畀d梅0既牛扒, 同d乾過牛肉乾0既牛丸人地食0丫...不過d味都算係咁0架喇...夠味精囉....喜歡味精0既朋友一定要去試下.講設施......簡直就係白痴....打麻雀地方同bbq地方係分開喎.....你係想燒完再食0丫.....定係食完先燒呢?不過你地sell任燒喎....即係點先?講環境....小弟雖然唔係出身於大富之家, 但都不致於係難民.....但係點解我去到會好似去到難民營咁0既...通風又差, 又迫, 洗手間見到都想作嘔....唉....我明明去0左小欖....點解會覺得自己入0左白石難民營0既?講服務...lee個就真正喇...問亞姐要多對手套都好似搶0左佢成副身家咁....問佢要0野食, 又好似拖捨乞兒....態度惡劣, 口黑面黑....此外, 你放低0野, 佢會當垃圾咁樣清哂佢, 仲問要個客, 即係閣下係咪想打交...你話服務係咪勁好呢, 做錯事,事後仲毫無悔意, 咁0既態度係咪要向消費者委員會同搵劉德華表揚呢?

6月時黎過一次BBQ, 感覺係不過不失...3個月後黎到感覺完全唔同左@@我地係星期六下晏2點幾就入到去...70蚊可以由晏晝燒到夜晚十點...真係乜都抵返晒!!野食方面呢...個人認為燒賣燒完之後個皮真係好脆, 叉燒粒淹得好入味, 雞翼方面有好多唔同味可以CHOOSE...又可以要中翼OR全翼..仲有就係台灣腸..一定要試下!!不過果度D麵包就好乾,燒完之後好似塊餅咁...一D都唔好食, 另外我至愛既牛扒真係完全唔掂!!D肉好梅既!!! 仲有令我失望既係咖哩魷魚...唔知點解會咁淋?!!上次食既時候係好有咬口@@今次就.....一早去燒都夜晚先去燒感覺真係好唔同...起碼感覺上好似回返本咁...打足一日牌都係收30蚊...真係抵抵抵!!

第一次去這個BBQ場, 地方幾大都OK, 每人$68另加$10開爐費, 包一支水及一個飲品, 無限時間。食物方面不過不失無驚喜, 但本人覺得有點口渴。這個價錢玩一日, 好抵。

這兒地方大，鄰近沙灘，有多項設施供顧客租借...不過，卻有大量不友善的工作職員伴隨。究竟，作為一個燒烤任食場，最重要的是甚麼呢？當然作為一個大規模的燒烤場，這兒在場地上、交通上也算不錯，而且一個價錢能玩足全日，完全沒有時間制限，對青少年來說，也真說得上是吸引。但對於有要求的人，這兒卻不太好受，工作人員不願為你服務，各有各的。說回食物方面，可算無甚特出之處，說最好的，也勉強的只能選出台灣香腸罷了。其他的，沒有期望，就算沒有失望。說穿了，還是不喜歡這兒。

今年生日提早係星期六搞~皆因本小姐bbq癮大起~所以落雨都要bbq~聽朋友講呢度唔錯,見有野遮頭都算係一個唔錯既選擇。一行13人,分3批入, 理應蜜糖果d比幾份比我地, 點知話我地係同一爐竟然只比一碗仔比我地....囉野食果陣亦有不同待遇....第一次有d比一盆無得choose既野食比我地, 但另一朋友竟然話亞姐可以比佢逐樣choose, 添野食果陣雞翼真係逐對逐對咁比你....你唔講要多d佢比一對你...我地有咁多人搞到囉既時間要不停咁講多d多d....食好耐都好似唔多覺有牛扒(本人超愛燒牛扒)...特登出去囉番黎....點知d肉係梅既...同埋係呢d咁既天氣焗係入面唔係露天果個位燒都真係幾係野= =間野聽落星期六係收12點幾,點知未夠11點果陣竟然通知我地要11點收麻雀??!!真係好掃興今次燒得開心主要係因為大家氣氛問題...如果唔係..我一定比喊面= =

本人食儘港九新界所有BBQ場,惟此場最不知所謂! 入場小朋友唔夠一米照收大人費用, 都算啦, 員工個個好似欠咗佢錢,黑口黑面,粗聲粗氣, 食物算OK, 但你一路燒一路住你,叫你咪浪費, 又叫你咪燒好拎反屋企!!! 好似拍監獄風雲, 仲成日企係你后面, 問你仲要唔要, 好似趕你走, 咪咗住張枱!! 然后糖水,甜品全部另收錢,人哋隔離可以用汔水卷換, 佢就No Ｗay!! 我哋一行八人, ４个細路, 叫咗４碗糖水, 問佢拎多二个碗, 个八婆話你咪拎咗囉, 唔想再比, 好似驚你撻佢啲碗返屋企噤!!! 噤小氣咪執咗佢囉!!! 做飲食,冇碗喎!!??最好聲好氣就係你走嗰陣, 執嘢速度比全港所有快餐店都快, 你未起身佢己經清場, 其實大家噤話, 冇下次!!!!!記得咪玩佢啲夾公仔機!! 超揾笨!!!!!!!