小欖燒烤樂園 (已結業)

相識多年嘅靚女好友係二月尾就將會與丈夫移民德國所以諗住約返番班老友同佢搞個歡送派對，記得初相識嘅時候係第一次嚟小欖燒烤樂園BBQ。相隔10年，大家都結咗婚生埋小朋友，所以決定再來一次小欖BBQ歡送佢！小欖BBQ樂園規模好似大左，依家仲有好多適合小朋友玩嘅玩意，有啲充氣滑梯彈彈床等，旁邊仲有一塊大空地，我哋帶齊單車、平衡車、足球來玩，朋友仲帶埋佢隻小狗來放電！全場任跑，引來很多小孩一齊玩！門口位置仲有飛標場！真係唔係BBQ咁簡單！充氣樂園有10分鐘嘅散玩時段，只需＄30。比小朋友玩一節叫做過吓癮，之後小朋友就喺度自由活動，我地班大人就燒好晒嘢食先至叫佢哋嚟享受！呢度嘅醃雞翼真係非常之好味，全翼同中翼都咁受歡迎！佢竟然有八款唔同味道嘅雞翼，我認為麻辣同韓式雞翼最正！小朋友最鍾意食佢哋嘅蜜糖麵包同蒜蓉多士！今次我哋買咗現成嘅蒜蓉燒蜆仔！撈左蒜蓉落去幾香口！唔錯！燒烤食物嘅款式真係多到數唔晒，每樣食一件都飽到上心口！佢包左一支水同一罐汽水，我哋自備紅酒🍷送燒肉一流！呢個價錢，呢個環境，仲要食物保持水準，質素非常OK！

趁着今個週末天氣回暖，一於約齊友人一齊去BBQ，小欖燒烤樂園係我地不二之選，除咗地點接近我哋新界區嘅朋友，近年來佢新加入左小朋友最啱玩嘅彈彈床設備，所以阿仔成日問我幾時再去呢度燒烤！加上佢哋嘅食物質素真係非常之唔錯！不單止種類繁多，佢醃製嘅味道唔會太鹹，但係就好野味！今日我哋黃昏前到達，睇日落係呢個燒烤場嘅必備節目！入場嘅時候每人會派發清水一支及用具、汽水券。睇完日落，燒烤爐已經準備妥當，黎呢啲燒烤場最好就係唔使自己透爐攪餐懵，乾手淨腳超方便！仲可以自己帶紅酒入場慢慢嘆！我哋最鍾意食佢嘅叉燒粒、辣雞翼、咖喱魷魚⋯⋯比其他BBQ場，呢到蔬菜類算多！自費加料燒綿花糖、蒜蓉蜆，正呀！最開心嘅係完全冇限時，任你玩足全日，仲要免費泊車，最終我哋都燒到11點幾先走！

天氣凍凍地我地一家人就趁放假約埋一齊去小欖燒烤樂園bbq，呢度既地方好大，假期既關係，人都比較多，而且仲有旅行團黎，好熱鬧野食方面有好多選擇，而且有玻璃櫃隔開，每張台都會分配一個盤可以自己出去拎野食，燒烤既食物都會由職員按你既要求夾比你，感覺比較乾淨衛生麵包絕對係bbq不可錯過既食物，呢度既麵包就有得自己任夾，而且有兩款選擇，另外仲有d茄子同脆肉瓜飲品憑飲品卷就有得換圍埋一齊bbq即刻暖晒，食物質素都幾好，味道唔錯，唔會所有野都同一隻味bbq咁熱氣梗係要有雪糕下火，雪糕係自費bbq爐隔離食雪糕真係特別有風味

今日一家人去小欖燒烤樂園燒嘢食，對上一次去已經係幾年前。今次再去覺得好玩左好多。嘢食又多咗。基本嘅丸類、腸類，應有盡有，貢丸牛丸魚蛋燒賣，廚師腸紅腸，全部有齊，最欣賞係佢有豆卜，燒豆卜，加蜜糖真係好好食。而且肉類好多選擇，雞翼豬扒牛柳粒雞腎樣樣齊，個咖喱魷魚非常入味，其他醃肉口味繁多。咖喱、孜然、蒜蓉、燒汁，咩味都有。最令人估唔到，係連蔬菜都有不同種類。除咗基本嘅粟米、翠玉瓜、茄子，仲有好鮮甜嘅番茄仔，三色椒，同娃娃菜。啲蔬菜一啲都唔老，燒烤場來講，都算鮮嫩。除咗食物豐富，玩樂設施都好完備。有釣魚、玩魔術沙、穿珠仔、畫面具等等。當然最受歡迎嘅一定係彈彈床。總括一句：大人細路食得飽，而且玩得非常開心！下次一定約埋D朋友一齊黎。

我和朋友每年都會有一個聚會， 這個聚會就是BBQ, 呢個聚會已是每一年的約定，今年同樣都是去同一地方燒烤，因為貪這裡方便，只要在旺角搭屯門小巴便直到這小欖燒烤場，入場費每位$140另加開爐費$40, 另每人會包一支水和一罐飲品， 因收了開爐費所以會有職員幫手生火透爐的，那時候就可以去攞餐具、燒烤义、 蜜糖、 卷裝紙巾、 食物托盤。因為我們在黃昏時候到，所以看到夕陽美景，此時也是時候拿野食了，燒雞翼我就最鍾意食，而這裡亦有很多雞翼的款式給我們選擇， 黑椒、香草、土匪、 南乳、 甜酸、韓式、沙爹、 種類真的很多呀，還有 金沙骨、司華力腸、仲有章魚燒，都算特別除了BBQ，小欖燒烤樂園更有自費嘅遊樂設施，如充氣嘉年華等，讓小朋友瘋狂彈彈跳，小朋友魚池，射飛標等。不想和別人迫，或想舉行私人BBQ派對，可租用小欖燒烤樂園的獨立屋。每間獨立屋有個露天小花園可供BBQ，獨立屋內設有冷氣，及有麻雀得玩樂設施但如假日時節，大家留意價錢會貴一些呀，整體都不錯呀

友人生日，特別提出要到兒時回憶之地-小欖燒烤樂園！我們一行四人從旺角朗豪坊出發，乘搭小巴到達目的地。燒烤樂園全日任食任燒，星期六、日及公眾假期$140/1位，另收$40開爐費，收費合理！樂園環境非常寬敞，更備有多種娛樂活動設備，如「標機」、麻雀枱、單車等，在這裏絶對能待一整天也不會沉悶。食品方面亦非常多元化，一般什丸、豬、牛、雞應有盡有！但較為有特色的，莫過於多款不同口味雞翼！例如土匪雞翼、麻辣雞翼、南乳雞翼、燶便叉燒雞翼、韓式雞翼等⋯每一款都非常吸引呢！另外亦有一些收費食物供客人選揀，例如有金牌乳豬（需三天前預訂）、鮮味花蜆、炭燒虎蝦等，價錢亦相宜，非常吸引！想不到現在的小㰖燒烤樂園已作多元化發展，配套亦非常完善，值得再去！

周日假期凍冰冰, 就相約三五知己黎到 小欖燒烤樂園 燒下雞翼甘假日收費就 成人 $140/ 人 不限時入場每人派支水 再包一罐飲品劵想要附加食品就要加錢喇！拎好工具就過去小賣部拎個大鐵碟拎野食喇差不多37種食品任燒任食！呢個就係拎完野食嘅鐵碟喇！友人提議 加$20 買個燒烤網 快熟d!睇下有效率到...之後加左包蜆 （40-50隻）$45真空包裝！無沙有蜆肉味到左燒我最期待嘅燒雞翼！呢度主打8款不同口味嘅雞翼！香草、韓式、叉燒、麻辣、土匪、泰式、黑椒、南乳 總有一款岩你口味！食飽飽就周圍行下消化下！呢度有bbq 屋可book 黎小型 party仲可以打下麻雀如果帶個籃球🏀黎，就可以做下3分神射手呢個燒烤場最特式就係有個私人沙灘！沙灘雖然唔係好大， 但食飽飽浪漫欣賞下日落都係唔錯嘅選擇！好多媽媽就會帶小朋友過黎 釣下魚仔！悶悶地仲可以去掟下標！$5/2 ppl標係收銀放低按金就可以借！旁邊仲有部籃球機都係 $5 局仲有夾公仔機Tim ar!都係$5 局咋

今日又相約朋友到小欖燒野食，每次天氣凍想燒野食，都會諗起呢度基本上呢度係我同朋友每年都一定要黎巴地方，原因好簡單，大家都懶。呢度有齊所有用具食物，唔洗煩，又有得燒又有得玩價錢合理，而且又有專人開爐，所以我地全女班都冇有怕位置多，而且乾淨，配有一個爐，一張長檯，及多張椅，就算幾多人黎都唔會覺得迫細心地係買飛後會跟上開爐紙，飲品券，餐具等等，可以去換取所需用品完全係咩都唔洗煩唔洗理就可以黎開心bbq換完野飲，餐具，紙巾，手套等等 就開始開動去拎野食啦食物部十分有條理，而大家都會好守秩序地排隊，之後叫職員夾所需食物到盤子上很方便最欣賞的是食物款式好多，就連雞翼都有多款唔同口味，總有一款岩自己心水除了肉類丸類，仲有蔬菜類，包類食物種類十分多很滋味我很愛咖啡魷魚、雞翼、燒賣、豆卜、雞扒。很喜歡醃得很入味我地又用網又用叉燒，咩玩法都玩下。不過燒野食最緊要都係同朋友吹得開心，食物、環境氣氛等等全部都好重要今次仲試左新野買左包蜆黎燒好正呢再加入了蒜蓉拌勻，香氣撲鼻又易處理正是晚傾得很開心，燒野食永遠都係港人愛既活動飲飽食醉後係門口又有巴士坐返屋企下次再黎玩過

呢幾日天氣冇咁凍，最好就係帶小朋友去户外玩下，所以約埋一班朋友帶住5個小朋友去BBQ。小欖既大型的熱烤場，真係好方便，食物、燒烤用品應有盡有，最緊要係有很多小朋友娛樂玩意，吹氣彈床、三輪單車場、釣魚水池、串珠珠、畫面具等等。只需要帶個人去可以行動，十分方便。今日係星期日，假日收費成人每位HK$140，長者/小童每位HK$110，開爐費$40 (每爐2包炭)，無限時任燒，包1支水&一罐飲品，有齊用具，呢個價錢絕對超值！地方好大，非常整潔。食物方面 : 雞翼味道有9款 (香草、土匪、南乳、叉燒醬、麻辣、黑椒、韓式、甜酸、沙嗲雞全翼)、叉燒粒、蜜汁金沙骨、雞腎、沙嗲豬扒、黑椒牛扒、牛仔粒、咖喱魷魚、蜜味雞扒、黑椒豬頸肉…… 另外仲有各式丸類、腸類、麵及蔬菜，都有齊！推介 : 雞翼 ~ 味道選擇多，其實款款味道都好好，但個人推介麻辣雞翼，非常惹味！雞腎 ~ 味道較得剛剛好，唔太咸，燒出嚟好香口！咖喱魷魚 ~ 咖喱味濃，非常入味！沙嗲豬扒 ~ 雖然燒的時間較長，但好好食，啖啖肉，好惹味，正。除左飲品可以買之外，仲有可以額外買其他食品，我地就買左沙白蜆，蒜蓉牛油燒蜆，正！如果下次再想燒烤，都會去返

2018.01.21😊【大伙兒燒烤聚會好去處】食在屯門最近天氣那麼好 來到週未當然要跟家人朋友享受下一大班人朋友最佳的聯誼活動當然是來個BBQ由於是星期天 郊野公園的爐一早就比賓賓姐姐佔據了燒烤樂園正正很適合我們這種"即興派"🍢既不用一早去"霸爐" 又不用大包小包的 是不錯的選擇在屯門乘坐K51巴士很快便到達迎接著我們的就是這個滑稽的吹氣公仔遠遠就能看到 仿佛跟我們在招手😂另外亦有停車場在旁邊全日任食任燒Mon-Fri: $110成人/ $80小童或長者 - 另開爐費 $30Sun, PH: $140成人/ $110小童或長者 - 另開爐費 $40一進場均會派發每人一枝蒸餾水及一疊單據包括開爐紙、取托盤及餐具紙及汽水劵🥛整個燒烤場大致可分為固定有遮蓋的區域及露天區域分別在於前者較近食物部及洗手間🚹🚺而後間較近娛樂設施 當然亦有太陽傘可以自行選擇開啟當選好爐後 不用一會就會有小帥哥來開爐及我們取食物了雖然是任食 食物的種類選擇亦不少海鮮: 多春魚、咖哩魷魚🦑肉類: 牛扒、牛仔粒、叉燒、豬扒、金沙骨、豬頸肉、雞翼其它: 雜丸、腸類、法包、方包🍞蔬菜: 車厘茄、翠肉瓜、茄子而最特別之處就是這

今日約咗成班舊同學去屯門小欖燒烤樂園燒嘢食，照舊約咗喺旺角朗豪坊附近嘅小巴站等。大概半個幾鐘就到達目的地！星期日每人$140任燒，再加$40開爐費，加埋$200有找，絕對抵燒！場內有好多娛樂設施，例如標機、籃球機等，大人細路都啱玩！燒烤場夜晚放咗好多吊燈，氣氛一流！工作人員帶位後就會幫忙起爐，技巧純熟嘅佢地，三兩下就搞惦開完爐就出去攞嘢食！場內嘅嘢食非常豐富，基本上雞扒、牛扒、雜丸、腸仔⋯乜都有！講好食物份量、種類，就會有工作人員幫你放上碟度！一拎就拎左一大盤！當然要拎埋燒嘢食最緊要嘅蜜糖啦！場地非常寬闊，大家都燒得好舒服！燒到咁上下，就拎住張飲品飛出去拎嘢飲！識飲一定係飲罐裝烏龍茶！飲完唔會有罪疚感！邊食嘢邊吹水，唔經唔覺就已經11點，果然開心嘅時光係過得特別快嘅！

秋天冬天，最好嘅戶外活動莫過於燒嘢食，小欖燒烤樂園是朋友介紹，五六個朋友再帶埋自己的孩子就進來一試。起初也不抱什麼期望，可能因為冬天關係所以天氣很涼快空氣又不焗，就算全場滿座也不覺很侷促。食物方面雞翼也有四款選擇，有辣有唔辣，麵包也有方包及法式麵包，而且更有青椒，翠玉瓜，小蕃茄及矮瓜等，入坐就已經有蛽，實在是很不錯。兒童樂園也可以給小孩子玩個痛快，大人就可以有空閑傾吓計燒下嘢食，加上有海景，這個環境實在是燒嘢食嘅不錯選擇。

星期日一家大細決定去BBQ, 難得幾部車，一於去小欖，聽朋友講佢呢度多小朋友野玩，可以唔洗俾班細路燒燒下扭計要走下午黎到，門口買飛入場，燒烤場會大人跟支水，維他人絕不求其搵好位就叫職員開爐，三兩下手勢就攪掂，洪洪烈火，開餐！野食會跟隻大碟俾你去拎，任食關係可以一次一次慢慢咁拎，食品有水準，連雞翼有幾種口味，肉類都調味得好好味，勁推介牛肉粒食完一輪係時候俾細路放下電，有吹氣滑梯手作仔嗰啲玩，真係家庭樂好地方

星期日家庭日，襯住天氣仲涼當然係去燒烤啦，經濟實惠至岩一班人的活動，我地今次就揀左位於屯門的小欖燒烤樂園啦。大欖下午四點鍾黎到，嘩，差唔多全場爆滿，勁多人，好在地方夠大，好快都搵到個燒烤爐啦。食物係要自己出去食飯部到拎的，選擇非常多！好正！除左丸類、肉類扒類等，仲有海鮮同蔬菜如茄子、脆肉瓜同青椒等除左方包之外同有法包可以自製燒蒜蓉包！好味呀入場時每人會有一枝水同一張飲品卷，飲品卷可以換一罐飲品。準備開始燒野食滿足快樂的一餐bbq

學生年代，都幾鍾意同啲同學仔去燒嘢食，好玩吖嘛。近年燒烤，唔使多講，都喺以去燒烤場為主，重點喺方便吖嘛！俾錢就代勞晒安排一切，而且，身邊嘅朋友又有晒仔女，比起郊野公園，燒烤場配套好啲，又安全啲，就自然揀佢哋。趁入秋，又未到寒冬，同其中一家細胞小組組員入到嚟「小欖燒烤樂園」玩番日。 雖然話入到屯門小欖，但我哋一班都喺西九龍人，一程52X巴士直剷入嚟，都非常快。而落車步行唔使分鐘就到燒烤場。場內地方非常之大，分好多組區域，大體可以講有兩類場區，第一類喺有瓦遮頭嘅燒烤區，即有固定遮風擋雨嘅設施，感覺有點室內性。另一類就屬於戶外性啲，因為，全部枱櫈、燒烤爐擺晌露天地方，單單靠巨型太陽遮擋擋陽光。今日天氣咁好，陽光燦爛，點都唔會落雨，所以揀戶外位。由於我哋早到，仲有大把枱俾我哋慢慢揀，結果，就揀到個露天沙灘邊位，仲要近少少食物區嗰邊，攞嘢、洗手都叫近少少嘛。雖然初段喺大風啲，但景觀開揚，又相對較少人晌身邊穿穿插插，尤其下午過後，差唔多爆場時，我哋個位就顯得更有優勢。順帶講埋個價錢，星期六日（11:00an-1:00am）嚟講成人收$140，小童或長者收$110，全日收費，無時間限制，即喺開爐燒到