小曼谷泰國菜館

營業中

休息中

呢度係我兩支弓最愛的泰國菜館，由佢0係細鋪時已覺好味道，而家搬左過對面，鋪位大了，但等叫籌既時間冇短到，因為越黎越多人黎呢度食。我地星期日去食，0係30 多度天氣下都等左大半個鐘以上先可以入座，不過，好在冇令我地失望，D野都係好好味。首先我地叫左冬陰功，冬陰功料唔係話好多，有五隻蝦啦，其他都係香草配料，但味道好好味，湯味濃且鮮甜，哈哈，無錯，無寫錯，係好飲到佢既蝦既鮮甜味，辣係辣，但唔係辣到飲唔到，係辣度適中，真係好好飲！青檸魚，呢個係隔離枱上錯左，我地又好肚餓時叫阿姐俾我地食的。青檸味加佢既椰菜及一些菜絲0係湯滾熱辣既情況底下覺得好好飲，青檸加佢既湯再加埋魚一齊食變得出奇地好味！魚肉唔老，超入味，辣就係辣D，但我地一丁點肉都沒有放過。正。蝦醬炒飯，依然好食，呢個飯係我去所有泰國菜館都會食的。佢配料唔多，但真係好味。簡簡單單既一個飯已經令人好滿足。順帶一提係隔離枱叫侍應埋去，話佢0個碟蝦膏炒飯俾錯左，指住我地0個碟話佢0個碟冇蝦膏。我以前都記左好耐先記得，要食深色，又有蠟腸同蛋餅係面0個隻係蝦醬炒飯，蝦膏炒飯係好似西炒飯咁既樣架！重點菜係咖喱炒大蝦，之前食過佢既咖喱覺得唔好食，今次覺得

雖然一直住係屯門, 而且都住得幾近呢間餐廳, 但係都無食過...終於因為朋友話想食, 所以初試這間餐廳...一向都見好多人會在出面等位, 但因為我地好早就到, 所以唔洗等位就入得去坐~~間鋪都唔算話太大, 但都幾多位, 因為排到滿晒, 都幾逼下...點左前菜: 柚子蝦沙律 $38... 好開胃, 酸酸辣辣咁... 幾好食~~又叫左小食: onion bread $12/6pieces... 其實都唔係好明點解, 泰國菜有佢咩?? 真係唔知... 但實在好好味, 大大磈~~ 主菜有二: 1. 泰式炒貴刁 $28: 無咩特別, 但最早到, 所以食到尾都凍晒..2. 椰青焗咖哩海鮮 $58: 好味!!! 咖哩係平時食開的泰式咖哩, 椰青只不過係外表, 其實咖哩裏無椰味, 但有d應該係椰青肉... 但因為本身鐘意食咖哩, 而且賣相特別~~ 所以幾鐘意~~

已經聽唔少次話呢間小曼谷好味又抵食~但夾唔岩時間黎食~因知道要等好耐先有位~難得舊同學提議先去等位再等我~我當然樂意至極啦~我去到餐廳時都等左陣~我地只係等3個位都等左約25mins.舊同學甫座下就話已經諗好食咩~Never mind~就睇下佢有咩好提議啦~先叫左泰式生蝦($40), 豬頸肉, 蒜蓉包, 牛尾煲($40), 燒羊架($48), 炸蝦餅, 泰式炒椰菜苗($38)因為個fd知道會唔夠位放~所以先叫以上菜式,後加香草肉碎炒飯($28), 椰青($18)x 2, 椰汁冰($18)先黎生蝦, 夠冰凍, 蝦上有放辣椒,蒜頭,再蘸上醬汁..好味~共有10隻, 幾抵食~(味道與九龍城既泰菜館相若)燒豬頸肉: 好大碟, 燒得剛好完全唔韌, 連平時唔多鍾意食既我都食得好多~蒜蓉包: 有5件, 夠脆, 其實只要有牛油蒜蓉, 係好難唔好味架…牛尾煲: 有好多牛尾, 份量都幾大, 仲有4-5件紅蘿蔔同薯仔..牛尾唔會韌,咁既價錢好抵食~燒羊架: 少少蘇味~有5件, 但記得襯熱食, 凍左肉變得有d嚡..炸蝦餅都幾彈牙, ok, 共有5件泰式炒椰菜苗: 椰菜苗有口感,,有少少辣, 幾惹味~椰菜苗o係

上幾星期去食，點知好失望!!我知呢間好出名，以為係好野，點知.....我自己好鍾意係泰菜，有20幾經驗，好同壞點都識分!一去到，要等2個鍾，以為好好食，於是都等.....點知，無論服務﹑或食物都好令人失望同憤怒以下係我對食物既意見:1. 柚子沙律個柚子因為唔係用泰國金柚，所以好苦2. 生蝦既蝦好唔新鮮，食落口係梅既，搞到我同幾個朋友肚痛3. 生菜包既肉無肉味，只有喊味4. 蝦餅真係唔入到口，唔爽又有陣嗅味5. 串燒係炸，而唔係燒，所以好乾，無肉味﹑無肉汁，仲好"un"6. 冬陰公湯既蝦，真係得蝦毛，又冇味，同飲水差唔多咁多野都只係得個蝦膏炒飯好少少，不過都唔及其他店服務態度好差，好似好唔耐煩咁，講野又無禮貌....大佬，你忙你既事，唔應該發人脾氣!

由細鋪搬到大鋪都係咁多fans既小曼谷,lee 間野好有水準.價錢平.抵食, 新鮮-馬拉盞通菜....味道可口! $28-30蚊平平平-辣椒膏炒聖子....鮮味十足! $48蚊..-豬頸肉...彈牙爽口,,配埋醬汁..一流..$30-35蚊..(唔記得,,總之平)-酸辣鳳爪, lee間攪既味道最正, 份量十足, 味道一流, 一定要試!!

今日與朋友到此吃午飯...一個叫了海鮮炒飯, 一個叫了肥牛河, 兩個叫了豬頸肉金邊粉海鮮炒飯先來, 朋友差不多吃完, 其他還未到吹了一次, 個waitress隨便應了一聲肥牛河此時到來, 兩個金邊粉仍未到再吹, waitress才開始正式幫我跟最後肥牛河也吃完, 兩個金邊粉都見到蹤影服務真係差到出汁完全無想過今時今日仍有咁的服務質素發誓以後都唔會再去!!!

今日一試屯門小曼谷....ORDER左:<生蝦刺身>$40一碟10隻! 唔夠凍,蝦唔夠爽,有D黏口~但醬汁夠晒辣,唔太酸~以依個價錢....都OK架喇~又唔係太差~<薄餅>$18有3大塊,唔太油,但感覺好"漏",叫蒜蓉包好過.....蒜蓉包都係$12/6件~<椰青焗咖哩海鮮> $58唔太辣...但好"漏",好重椰汁!份量OK~佢特別係會加埋椰肉落咖哩,而且份量都幾多,好滑~<三味倉魚>$78食落得甜酸味,以為落錯ORDER...但侍應解釋三味=甜酸~ 三味點會=甜酸呢?冇辣就唔算有3味啦~~唔係原條炸,已將魚肉拆件炸,再拼上魚頭魚尾~得甜酸味~1D都唔特別~但價錢平,份量都OK~<辣醬炒蜆>$40勝在冇沙~但一D都唔辣~味道較淡~都係唔特別~<菠蘿冰>$18唔甜,菠蘿味唔係太重,但都OK既~<芒果冰>$18唔甜,但唔重芒果味,太多冰..頭都痛~埋單$212...唔知係咪計錯數~總括.....味道都OK既...價錢都幾抵~以屯門區黎講,依度一試無妨!!

港島人以前經過呢間野，見到果個Area得E間甘多人，一定係好野！無睇過食評下，琴晩特登入去食。我地3個人Order左：炸蝦餅：吾錯～芋頭飯：無芋頭，好多油，幾咸沙爹：一般，不過無花生醬，得個咖厘醬點羊架：都OK的，係有少少蘇薄餅：OK馬拉盞四季豆：落左2碗油的超老四季豆，好多纖維甘多人的平民化餐廳都無乜Expect有服務，叫加水都黒口黒面最吾値係3個人叫左所謂6個菜，埋單竟然＄480！？我地果時無Check單，上返黎睇至知無可能甘貴！吾使指意再幫襯！！D野食實在太多油～～

7點左右已經見到入面full哂喇坐低點左香葉雞海鮮炒飯青咖哩牛肉同埋酸辣椰汁雞湯香葉雞:食落雞肉都仲滑,唔會好似平時食開個d咁諧又咁細件海鮮炒飯就中規中矩,不過就勝在料夠多,真材實料青咖哩牛肉:微辣,食左反而仲開胃酸辣榔汁雞湯:夠酸不過辣就唔係好夠,水準都唔差好食得來又無加一絕對抵食

第二度食唔到咁好味既生蝦，本身我好喜歡食泰國野，試勻成個九龍城，但真係冇一間有咁好食既生蝦刺身。海鮮炒河------很淡，不惹味，下次不會叫釀雞翼-------入面有芝士仲有些唔知乜野，問WAITRESS佢都話唔知, 但好味鐵板蠔仔蛋-------見隔離枱食，自己又食了一個，有點油膩，但蠔味都幾重木瓜沙律--------淡了點冬陰功-------好好味，好濃味的湯椰青-------好好味, 好青椰子(椰青的爸爸)-------好老很我還是很喜歡到這裡食野！

今日女朋友入左屯門一齊去食小最谷 .星期五晚7點無乜人野飲叫左椰青同埋檸檬疏打椰青女朋友話唔夠SWEET同唔夠多肉疏打就OK啦野食叫左生菜包豬肉 , 菠蘿炒飯 , 馬拉盞通菜 , 蝦餅一黎黎左菠蘿炒飯 , $28當然唔係連埋個菠蘿上 , 但係好足料 , 而且大大碟 .跟住蝦餅 , 岩岩炸起好熱好香口 , 而且好彈牙 正馬拉盞通菜味道OK但係唔夠獲氣 , 同埋幾油生菜包豬肉 幾好 ~

我住樓上，見間野開左幾個月都未試過，又晚晚排長龍，見時間尚早，冇人排隊，入去試下，叫左最鍾意既青咖哩，沙爹雞，同埋冬陰公湯，and lime soda, 味道都幾好，有水準，但價錢就唔係謠傳中味咁平，可要近二百元，OK la

一行8人嚟到食lunch，由於已經好晏，送晒龍眼水，要自己另外叫飲品。見人飲杯青檸梳打個玻璃樽咁得意，於是叫了一杯嚟試吓 ($15)好抵飲，味道唔錯！我叫咗辣椒肉碎炒飯 & 金邊粉同同事share食，份量好大，我比較欣賞辣椒肉碎炒飯，夠穫氣，辣度適中，值得一試！但金邊粉味道好似酸咗啲，但勁大碟，超抵食！其他同事叫了咖哩豬扒飯 / 豬頸肉飯！個個食度一粒飯都冇剩，我諗都幾好食！不過喱度地方細，地下濕滑，厠所勁多水，感覺衛生一般，要改善！

琴日一行十二人去到呢度食野.. 一見到個名就諗同九龍城個間有冇關係呢.. 但呢個唔係重點.. 重點係至緊要好味.. 成班人叫左唔少餸.. 有... ... 青檸梳打(好味.. 要試一試).. 椰皇.. 冬陰公煲(唔like酸野).. 燒豬頸肉(幾好幾好.. 可以試試).. 生菜包(豬)(唔like生菜).. 香葉炒聖子(好腥呀... ... 但不能不說.. 真係好大隻).. 炸蝦餅(唔錯.. 夠熱就非常好味).. 馬拉盞炒通菜(唔係好夠辣).. 青咖喱雞飯(我覺得一d都唔辣.. 不過都幾香.. 但朋友辣死了).. 生蝦刺身(唔多喜食生野).. 泰式炒金邊粉(朋友适酸的.. 我唔like酸野).. 串燒豬頸肉(肥左d.. 但味道ok)等等.. 唔係樣樣都有食.. 但都覺得ok啦.. 有進步空間囉.. 咁當然就係九龍城good good d啦..朋友話呢間野好串.. 多人會趕人走.. 試過佢地坐好耐.. 有食野但未齊人叫佢地走.. 仲話錢都唔收.. 你話咁既服務好無呢... ... 我今日都領教過.. 叫一杯野都要三摧四請... ...唔算係好good good.. 但其實可以試多幾次.

經常心郁郁想在週末飛到曼谷吃一頓地道的泰國菜。香港人對泰國菜非常熱愛，所以不難找到好吃的地道泰國菜。可惜不是這一間！