小曼谷泰國菜館

營業中

休息中

自從朋友帶我黎過一次之後, 每當想食泰國野就會諗起呢度, 哈哈~仲不時推介比好朋友添, 呵呵!呢日又黎啦 = =v4 丁友 (爸爸, 媽媽, 男友仔, 我)今次都再回味上次食過既野, 真係要推咖哩蟹, 食極都唔會厭 XD不過今次試左一個新野: 椰皇酸辣湯!!咦! 真係椰子上喎~湯既顏色好靚, 好吸引...飲落...酸酸辣辣之中, 又有清清既椰子味, 讚!!下次黎又再試埋其他野至得, 嘿嘿~

今晚係台灣返香港, 好彩有朋友車我返 home, 於是為表誠意, 我做東請客是也!當時已經是晚上 10:30 分, 仍是人頭湧湧, 此小店真的很利害!! 記得早幾個月第一次來的時候, 大約是晚上 7 點15 分左右, 我們剛巧到埗餘下最後一張台, 之後就一直看見門外很多人等位, 我估不到是10點後仍然那麼多人!!無骨鳳爪是我的最愛, 生蝦需然不算大隻, 都有 9-10 隻 不過尚算新鮮, 什菜煲份量十足, 仲有蝦膏炒飯, 還有一個菜已經忘了名字, 由於本人太肚餓了, 於是後來上的菜也忘了拍照!2 個人埋單 $180, 超抵食!

從前說起泰國菜, 我必會想起有小曼谷之稱的九龍城, 但自從試過這間小曼谷後, 我開始不再踏足九龍城. 這間小曼谷是公子介紹的, 他說屯門並沒有太多泰國餐廳選擇, 這間可以說是屯門界極為人氣的一間, 他說得那麼有名氣, 但是不知為何, 他就是從來沒有”幫襯”過. 他是否等待著一個機會帶我來一起試食? 哈哈. 其實早前已經跟公子來試食過, 果然是好介紹! 今天是第二次來. 上一次沒有拍照, 所以沒有在此寫食評. 今次作特別推介. 這裡打理餐館的待應全都是泰國人, 他們都懂得廣東話和英文, 私底下則會以泰文來溝通. 餐廳周圍有很多泰國風味的飾物作佈置, 有少不了的裝飾物--大象擺設, 擁有非常濃厚的泰國風味, 這裡會讓你感覺及品嘗到地道的泰國菜.一坐低, 待應會拿一盤水給你洗碗筷, 能夠迎合香港大眾習慣所需. 除了餐牌, 牆上都貼滿菜式由君選擇. 我們點了以下幾款心頭好. ♥菠蘿海鮮炒飯雖然這裡不是原個菠蘿上, 但還是心思思要想食, 用碟上的菠蘿海鮮炒飯的確沒有那麼吸引, 賣相跟普通炒飯似乎沒有大分別, 只多了一些肉鬆在飯面. 雖然少了派頭, 但依然是好好味的菠蘿海鮮炒飯. 這裡的是沒有腰

夜晚飽飽正,唔知食嘜好,,就諗住去睇下呢到洗唔洗等位!唔洗等就去食DD野啦!!!9點幾去到..岩岩好仲有張台 咁就入佐去...由於同朋友都飽飽地...所以都叫佐唔係咁多野....叫到隔離台條魚好香呀好想食..但要8X..對於飽飽既人黎講太貴啦..下次啦!!! 如果多人去一定要食 佢個魚真係超正 今餐叫佐D平平而又OK既野 青咖哩D飯唔小心比我搞到咁..太多汁..AHAHAHAH(想去既朋友 如果係熱門時段記住早D去~~~唔係有排等呀 ( 由其是一大班FD ^_^

呢日約左朋友仔話想去食泰國野, 提意入屯門食, 咁就一於跟隊啦... lol落雨濕濕, 竟然都仲咁多人等位 =.=!終於都入到去啦...一坐低, 就梗係睇 menu 先啦...哈哈!!4 條友仔, 好快就決定左想食既野, 包括: 生蝦 x1 酸辣冬陰公湯 x1 柚子蝦沙律 x1 生菜包 x1 燒牛柳 x1 泰式咖哩蟹(時價 $196) x1 蒜蓉包一客 x1 薄餅一客 x1 青檸梳打 x4上菜都算幾快, 等大概 10-15 分鐘就有野食嚕~ 生蝦 x1新鮮, 不過蝦身較軟.唔錯!! 酸辣冬陰公湯 x1好味, 酸辣適中, 醒胃, 讚!! 柚子蝦沙律 x1柚子清甜多汁, 蝦有大約 5 隻, 仲有好多配料, 夾埋一齊食正, 讚!! 生菜包 x1肉碎炒得好好味, 唔溜, 生菜新鮮爽脆, 讚!! 燒牛柳 x1彈!! 燒得太熟, 牛柳老了, "鞋". 泰式咖哩蟹(時價 $196) x1份量大大的, 隻蟹既 size 有 2 隻手掌咁大, 味道一流, 肉質唔錯, 而且蟹膏甘香, 超讚!!! 推推~!!! 蒜蓉包一客 x1一客大約 5-6 片, 配咖哩蟹個汁, 正!!! 薄餅一客 x1一客有 3 片,

唔知係咪星期日既關係, 6.45 pm 黎到已經要等位, 等 10 張到, 一等就 45 mins.生蝦 sashimi: 好鮮甜, 個汁好開胃 ah*冬蔭功湯(細): order 小辣, 夠酸辣, 料多, 包括6-7隻蝦, 有隻蝦唔新鮮 磨菇等, 可分到 4 碗仔=]馬拉盞炒椰菜苗: 好香蒜味, 細細棵, 好好食青咖哩南瓜牛腩: waitress 話加左價, 變左 $48 唔辣既,可惜 個汁稀左 d, 食落幾重椰汁味..薄餠: 好多油啊 /_______________\ 要改善 !!!!!!!!!!!!甜品 - mango 黑糯米: 熱熱地, 配椰汁好味, mango 仲幾甜=]=]=]encore***********

朋友打電話來相約去小曼谷開飯, 立刻應承啦!! 一行四人去到都預計要等位, 好食既沒有所謂啦!! 最後都係等了大約20分鐘(算快架la!!)生蝦 - 每一次來都要食, 鮮甜;馬拉盞炒椰菜苗 - 味道岩岩好, 送飯一流;炸蝦餅 - 好香口, 好彈牙;鐵板蠔仔煎蛋 - 如果蠔仔多少少就更加好;明爐烏頭配酸梅湯底 - 平時好少食魚的我都會食, 湯底好好味!!埋單都係HK$230/4人老實一句, 環境座位就真係不是很寛, 這就是另有一番味道, 不過就真係好抵食, 要等都係值得既.

今日特登排隊去試小曼谷, 5：45 前真系吾比人入, 時間一到已經差吾多滿人...點左下面食物...馬拉盞炒通菜 - 好夠味, 但油左d...蠔仔蛋 - 麻麻地, 好似炒完先放落鐵板, 上碟都無聲..春卷 - 正常味道...蝦餅 - 皮脆, 好彈牙, 幾新鮮...香葉辣肉碎炒飯 - 夠辣, 夠味, 夠乾身...d飯粒粒都掛到醬油...一個椰青同兩支泰啤埋單$198, 雖然味道吾系一流, 但真系無投訴...

食過幾次, d食物好似愈來愈求其 首先一去到已經非常多人等位, 又無人招呼, 好彩係兩個人食, 再加埋之前等二人枱ge人已經走左無等, 所以先咁快有位. 其他四、五人果d人等左好耐囉.叫左個椰青, 究竟係外面涷, 入面唔涷, 收$18, 早知係咁會唔叫.之後叫左個泰式甜酸雞, 好似生炒骨咁ge味, 仲要比雞柳, 而且係"yam"左d粉o係外面, 但又唔係炸過,,, 唔知想點.泰式炒粉絲, 一般.服務: 成日無人理.可能因為屯門區好食ge店鋪唔多, 所以好多人都谷左黎哩間. 但如果講好食的話, 九龍城小曼谷或有其他泰式餐廳都好味過哩間.一試都無妨, 但最好唔好晚餐先黎食. 預左要等位.

見 TM 小曼谷有不少笑臉 , 於是坐車入去食 , 6點4就到達 , 果真如其他食家所講 , 一到7點就開始要等位 ....2個人叫左5個送 : 燒豬頸肉 、生蝦 、 炒棷菜苗 、蝦餅 同 thai 式炒飯。落完 order 好快就上菜 , 講真 , 呢度d野食真係好普通 , 蝦餅叫做較好但唔夠蝦味 lor , 不過價錢就比 kowloon city 既平d , 對於住 TM 既朋友唔想出到咁遠食都可以既 。thai 式炒飯 , 如冇需要 , 可以不叫 , 一d鑊氣都冇 , 連炒飯應有既香味都俾唔到 , 搞錯 !!! 雖則只需 $28 元 , 但我寧願食完去食其他甜品好過。

完全無水準.....好求其喎......咖哩雞無咩成意,因為佢用左雞柳做,唔係咁好食...D串燒又係無成意,係炸出黎...如果真係一分錢一分貨既話,佢都OK既!因為埋單就真係好平,但有D失望! 真係食一次就夠...

呢期勁中意食泰菜，見呢間D食評幾好，卒之琴晚就走去試下啦~中午已經打定電話去問有無得訂位，答系無既~甘夜晚已經拿拿聲叫人去等位先架喇~我咪照住食評上面D人話好食果D黎叫嘍~生蝦刺身：D蝦真系唔脆渦，都幾辣（我都好食得辣果隻）焗海鮮咖哩：呢個真系激死人~用佐好多錫紙墊響度“裝假狗”，等碟野睇落大份D，其實連食飯果隻碗一碗都無~~同埋可以講系無海鮮既，我拆晒成舊錫紙先響D la度見到幾粒蝦，得D汁，而且唔好味春卷：都幾細舊，味道一般豬頸肉：一般菠蘿海鮮炒飯：無菠蘿既，但系唔知點解又會有臘腸粒~不過呢碟飯系我地叫既野中最好味的了@-@生菜包：都幾好，起碼響我食過既泰菜入面系比上不足比下有余啦明爐烏頭：好細條魚渦，唔夠新鮮~~用既系冬陰公湯底蠔仔蛋：鐵板上，芽菜底，但系食落唔夠香口，好似系炒過之後直接擺上個鐵板度~不如打冷果D總體系：差！仲有D位好窄呀~但勁多人食，勁多人排除，都唔知點解~~~

事日到寶貝家那天晚上,寶貝就帶我到他最愛的小曼谷吃泰國菜店內真係坐無虛席真係好多人環境都不過不失我地點左笑哈哈蝦餅x蔭公爐魚,炒飯,豬頸肉兩條友仔點左好多野食我好鐘意個笑哈哈蝦餅,爐魚,炒飯,豬頸肉每一樣野食都好好味好正宗=]個湯可能真係迎合香港人口味啦,真係麻麻地但整黎講都好味既=]咁樣又令我想去九龍城食泰國野啦=]

好想食冬蔭功，於是上Openrice睇下有咩好介紹，見到呢間餐廳口碑吾錯，於是專程走去試下。晚上7時，我地一家4口(3大1小家住屯門)搭的士去到，門口已經好多人等位，攞左張飛，心諗至少都要等半個鐘。等左大半個鐘，侍應先問有無人願意坐門口，即刻有枱。雖然天氣吾算好熱，但都會邊食邊流汗，所以就算我大住個肚都寧願等多一陣可以坐入去舖頭度食。等左一個鐘多d，終於有位，枱與枱之間好迫，但總算室內比出面涼快好多，好快決定左叫咩食，有以下食物 :生蝦刺身 - 因為係生野，我吾食得，但我老公話好食，我見到d蝦個樣都好新鮮 明爐烏頭魚 - ok，個湯俾冬蔭功辣，但好味 咸魚炒芥蘭 - 普通，多油，無咩特別菠蘿炒飯 - 問左侍應個飯有無豬肉，佢答係雞肉，但上枱時，飯面有豬肉鬆，飯裡面仲有臘腸粒 (真激死，因為我家傭係印尼人吾食豬肉，所以先問清楚)，個飯味道都ok 蒜蓉包 - 由於吾係一上枱就即食,放左一陣先食已經吾脆 椰青 - 大大個，肉多水多，好清甜 食食下先發覺吾記得叫冬蔭功， 叫個細size - 極之失望，只有酸味，沒有辣味。總括來講，路過食一餐都可以，但好似我咁專程搭的士去，然後等左成一個多鐘先有

"小曼谷"成為我們一家人的新寵兒啊！雖然地方十分迫，但勝在價錢相宜及食物質數有保值。 燒羊架($55)︰燒得太耐,很乾身！香焗蒜蓉包-6件($12)︰香煎薄餅-3件($18)︰雖然比較油淋淋，但食落口又好香！串燒沙嗲(豬,雞)-6件($30)︰漿汁真係影響成碟串燒的好與壞，呢度的漿汁調得很香！家鄉肉碎生菜包($38)︰泰式春卷($18)︰生蝦刺身($40)︰大大隻的生蝦,配上秘製的辣汁,果然係我的最愛啊！冬陰公湯-細($30)︰這裡的冬陰公湯只有酸味,沒有辣味！青咖喱牛肉($38)︰上次叫青咖喱雞肉,d雞肉得2-3件；今次亞媽話牛肉抵食好多、仲配合埋我最愛的泰式茄子仔，唔錯！干炒河-雞肉($28)︰干炒河好食過濕炒河好多！芒果糯米飯($12)︰熱騰騰的白糯米飯,配上香濃的椰汁及清香的芒果肉,真是絶配！