小曼谷泰國菜館

營業中

休息中

大熱天時都同同事落街搵食~成日得呢個鐘可以輕鬆一下...近近地揀左小曼谷~一坐底就先先送上冰凍龍眼水一杯~如果可以添飲就好啦~!!次次黎親其實都係叫豬頸肉金邊粉,但因為另一同事話蝦丸好好食,咁就試下啦~我2分別叫左魚旦金邊粉同蝦丸金邊粉蝦丸細細粒,都係炸既會好食d好在湯底好味,淨食粉都可以~同事個魚旦粉都應該好味既,因為都係同一湯底下次再黎lunch都係食返豬頸肉好d呢度既春卷都好好食,可以一試~

中午臨上班之前專程早幾個站下車，來這間小曼谷用膳。其實都來過不少次了，只是一直都沒時間影相登OPENRICE，小曼谷是小弟在屯門區最喜歡的餐廳！可能小弟比較喜歡泰國文化吧！基本上這間餐廳在午膳時候才有海南雞飯，有次我下午三點幾去他說賣光了。海南雞飯非常地道！簡直就是曼谷街邊車仔店那些海南雞飯～雞油飯很香～無骨海南雞很滑～特別在小曼谷會加幾片臘腸～拌以那些蒜醬簡直令人一個下午都齒頰留香！平時餐廳奉上的不是茶就是水，小曼谷午市時會奉上用冰糖加椰青汁的凍飲，很香很好喝！海南雞飯餐還拌上冬瓜冬菇芫茜葱滾的湯～一餐吃完無量滿足！晚市來小曼谷一般都無敵多人！常常都等過半個小時（最少），建議早些來，或夜上九點半才來～晚市還有很多款泰菜好吃的啊～希望大家會喜歡這所餐廳啦！

從bkk回來已3個星期, 仍然很懷念那兒的泰菜~是日為happy friday, 捉同事們去食一餐比較地道ge泰菜!好彩未夠一點入到去，ｌａｓｔ一張檯都俾我地坐埋，遲一步就要等喔！4個人lunch叫了$204食物, 包括:1. 辣椒肉碎炒飯 -- 夠辣夠香, 但可以再乾身一d 2. Pak Tai -- 3. 春卷 -- 脆!4. 炸蝦餅 -- 正!5. 柚子蝦沙律 -- 正! 不過個人認為可以再辣d~6. 泰式炒通菜　－野味！7. 龍眼冰（送的）－　好味！8. Mango Sticky Rice -- 唯一要彈，ｄ飯諗左ｄ～

成日想黎食不過次次都好多人, 今次終於等到, 不過真係等咗足足一粒鐘 兩個人叫咗冬陰功(細) $30"畢"完先記得映相, 味道OK, 不過我覺得喊咗D泰式鳳爪 $30(好似係)呢個好好好好味!!如果再雪凍D仲正!其實佢都幾大碟, 不過我食食下先記得映相 泰式炒通菜 $33味道OK紅咖哩雞(跟白飯) $38 + 蒜茸包 $12咖哩偏甜, 用黎送蒜茸包一流呀炸蝦餅 $35好得, 一碟應該有五件, 又係口快快食咗先記得映埋單$177(其實唔知點計出黎), 冇加一唔駛比貼士, 一個字:抵!!下次要再黎試埋個豬頸肉同埋蠔仔餅

用平靚正黎形容!! 大約9點到,,仍然全場爆滿,,仲有客不斷入緊~~叫左...生蝦.. 蝦鮮,,,個味亦好味夠辣..炸蝦餅,, 新鮮炸起,,好大粒,,好彈牙馬拉盞炒菜,,,好夠味,,正!!紅咖哩雞,, 附送白反1碗,, 雖然係紅咖哩,,但一D都唔辣的,,椰香味較重,,薄餅,, $18/ 3塊,, 占咖哩汁食,,PREFECT MATCH 好食過蒜蓉包蝦醬炒飯,, 好正,, 好香蝦醬味...芒果黑糯米 $12 芒果份量就唔多既,,但黑糯米都幾多既,,配上椰汁,,好味~TOTAL: 258$ 物超所值~~

晚上六時十五分到達, 但已經遲了, 人龍已經出現, 紅日果然應該六時前就到的。等到約七時食肆門口開始擺出露天座位, 如果不想再等的可以立刻入座, 不過由於我還有2~3個籌號就到, 所以我堅決繼續等!!! 我要冷氣啊!!最後大約七時二十分入座, 等足一小時。點了5樣食物, 才剛用店家提供的滾水洗完碗筷, 再喝了兩口冷水後就上菜了, 超快!服務方面也不算太差, 總之個個侍應都好忙, 你不斷揮手+吶喊直到有人過來就好了~~先上的是「菠蘿海鮮炒飯」, $28這家幾乎大部分的炒飯都是$28一碟, 超平! 不過就不要期望會好有鑊氣和用料會多。菠蘿倒是很多及很甜, 海鮮方面有2隻蝦毛, 及有蠟腸粒, 飯上有一堆豬肉鬆, 撈入飯後幾惹味。同時間上的菜是「生蝦刺身」, $48 (菜單上標$40, 但成行字被白色label貼上遮住; 最後埋單時多了$8, 所以我懷疑是這個菜加了$8, 否則就是兩杯冷水要收$4/位茶芥, 因為加一又唔似囉)一碟有十隻, 幾彈牙爽口, 醬料有點辣(我本身不是太吃辣的), 就算不點醬料都好吃, 不過下次未必會再order這菜, 因為要吃刺身的話我不如直接去吃日本料理。再上的是「

上星期吃過元朗的泰菜，今天跟老婆來到屯門的小曼谷再下一城。素聞小曼谷為香港泰菜之泰斗，在九龍城幹得名聞遐邇；這間在屯門的分店也是贏盡口碑!小弟一向嗜吃泰菜，貪其食味濃郁，每次都連香葉也嚼個一乾二淨!今天兩口子到來朝聖，無非是要一探究竟，來試試這間人氣熱店!到埗時還只是7點左右，雖然人客很多，但是幸運地不用等位。環顧四周，裝潢是普通大牌檔格局，放置了很多摺檯及圓櫈，目的是善用餐廳內的每一吋地方招待客人吧。侍者們忙碌地在人客之間穿梭，不說半句，迅速地放下碗筷跟洗滌用的一盤熱水後便招呼別人去了。反正也不會奢望在平民食店內得到如何貼心的招待吧!匆匆點菜後，門外的人群開始聚集起來，等位的人愈來愈多，幾有旺角添X運點心的人氣。兩口子均慶幸早到一步，得以盡進入內享用美食，不用呆立在門外望門餵蚊。這裡起菜速度也不是蓋的，聽著廚房內爐頭火炎的呼喊聲，很快便上菜了。生蝦刺身 - 幾乎所有客人桌上均有一碟生蝦刺身，可想而知這道招牌菜人氣十足。上桌時蝦身晶瑩剔透，配上指天椒，用看的也知道很美味!把冰凍的鮮蝦裹著指天椒和蒜頭，醮一醮蒜頭跟指天椒混和而成的醬汁，放入口中便是人間美味:指天椒的辣味搶先在舌頭上爆發，

個日食，個日前幾個鐘先打去ＢＯＯＫ位。第一個聽電話個個男人，一直喂喂喂，完全聽唔到我講乜。算…我再打第二次，女人聽。我問佢平時晚市多唔多人，如果要幾十人位有冇，點知佢答我「平時無乜人架。」呢下幾好笑喎，最後就ＢＯＯＫ左喇！七點去到，真係無乜人喎。仲有位比我地揀坐邊。最後十幾人揀左最多排既位，都比較窄，仲好近男廁…　＝＿＝聽聞過呢間野響屯門都係數一數二既泰國菜店。果然，又真係幾好味喎！全部都滿意！雞肉串，衰在雞肉硬身左少少，變左＂鞋鞋＂地，美中不足。蜆，辣辣地，幾惹味！蝦餅，ＹＵＭＭＹ生蝦都好新鮮坐坐下，全間店都爆滿，出面好多人等位。我地傾得興高采烈之際，侍應突然比張單我地，粗聲叫我地埋單。呢下真係，失晒分！趕我地走，都可以比多少少禮貌掛～不過，呢間服務態度由點野食個下，都係麻麻地架喇……

毎一日一到6:30 才到必要等位, 同出名食泰國嘢既九龍城有得比, 不過論價錢, 此店還勝一點, 味道當然係好正宗既泰國taste la!!泰式鳯瓜 ~ 毎次都會叫加辣, 真係好辣架, 份量也不少, 再加埋d蔬菜, 辣之如又帶啲清新!!泰色炒金邊粉 ~ 雖然係叫泰色, 不過呢個一d辣都無, 味道係酸酸甜甜, 炒很好香, 雞肉, 芽菜, 豆腐乾, 蔥等作材料!!

爸爸近來迷上了泰菜，嚷著要全家一起去吃，我推薦了屯門很著名的小曼谷。由於少了在屯門活動，已經好久不曾光顧小曼谷了。對上一次是生日飯，小曼谷仍坐落於大街上，現在已經轉移到拐彎處了。地方看上去大了，但粉藍一片，裡面也挺吵，讓我想到泰國的熟食市場，連著地板的濕答答。先來個炸蝦餅，稍嫌油膩，但蝦餅不如預料中彈牙，比較腍身。但甜酸醬在此，配上來吃也算不俗。這裡的生蝦刺身特平，才三十幾塊。蘸上自家醬汁，真的很好味，我不太食辣也忍不住吃了三件。如果冇咁辣就更加好了。近來都是吃到比較鹹的炒椰苗，原因不明。為什麼總是這麼細碟，我想要多碟啊!!!主角級咖哩蟹出場了！我非常的喜歡蟹，難得這裡的咖哩不辣但相當香（嚐辣之人：不辣的咖哩哪裡好吃呢？），於是就點了薄餅和蒜蓉包佐菜。薄餅原是這裡的鎮店之寶，不知是不是人多，水準好像沒有以前的高。雖然如此，薄餅一上來還是被人以九秒九的極速吃光了。還有一個芋頭焗飯，但的飯是先炒過的，好像油膩了一些也沒什麼特色可言。很快吃了飽滿的一餐，看看帳單才不過二百多元，價錢平民化得可以，如果地方可以好像以前闊落一點以及乾淨一些更好。PS出門的時候，七點多已經大批食客在等位，但我已經吃

首次係屯門區食泰國野 , 上Open Rice見到咁多人讚好當然要一試 同朋友兩位約8點鐘去到等左15mins就有台叫左炸蝦餅 , 馬拉盞炒通菜 , 生菜包 , 泰式炒飯(雞肉)炸蝦餅味道一流,感覺唔油脷,岩岩上菜仲好熱 馬拉盞炒通菜味道一樣一流 , 不過本人比較喜歡食辣 , 覺得辣味唔夠, 但係味道一樣一流 生菜包只係覺得不過不失泰式炒飯(雞肉) 味道唔錯 , 不過覺得好似冇乜其他配料試食完幾個餸感覺味道唔會太濃/太淡 ... 如果喜歡食味道濃既泰國菜未必適合 ; 環境比較迫唔好期望坐得舒服 , 不過環生做得幾好溫馨提示 : 門口好多駕駛人仕泊街 , 十分方便

碟生蝦食左兩隻後發覺d蝦變左，好聲好氣同老細講，反被佢以極差態度質問點解食左兩隻先發現，好似我呃佢兩隻咁，我唔想爭論，叫佢唔使退錢唔使換野，收左佢算，佢就好差好差態度咁答我＂咁就無問題＂

一向喜歡泰國菜 中意味道夠濃郁又香口呢間小曼谷價錢便宜食物又好食 實在值得推介呢晚同朋友外出 我就建議到小曼谷食飯7:30到達 同平時一樣好多人 要等位等位期間就諗好食咩 一有位就點菜了叫左小辣 飲落酸咪咪 又帶小小辣湯入面既蝦仔好鮮甜 like!蝦餅香口 蘸上甜酸醬食 好好既佩搭裏面好多蝦肉 正 !豬頸肉好爽 夠燒烤既味道 good!好中意食 ! 好香 !

情人節原本諗住同男朋友去据扒,但靈機一觸之前聽朋友講話小曼谷好好味..特別既日子緊係要食返D特別既野啦5點半同男朋友o係上水出發,6點45分先到達= =間野個位真係好偏..去到屯門,又要再轉車..問左幾次路先到去到既時候已經全場滿坐咁滯,但好彩仲未有人排隊..入到去咁岩又有兩人位tim..去之前一早做哂research睇定要食d咩,因為我好鐘意食thai food..但同男朋友一齊兩年都無食過haha總共叫左以下6樣野食:1.第一道菜 本身都ok食得spicy,但呢個下次唔會再試了..因為實在太spicy喇..食完之後條利無咩知覺,食再黎既送隔左好耐先spicy完=_=2.讚讚讚 好抵食,三十幾蚊可以食到新鮮既生蝦配合埋特制既汁真係好鐘意,不過個人認為其實唔點汁留返D鮮味,味道更佳>_<3.驚喜之作.驚喜在一間普通既餐廳都識得花心思用心形上菜..但味道好普通4.主菜入面我認為最好味莫過於蝦餅,脆得黎入面好JUICY同彈丫..而且一D都唔漏嫁(P.S 其實係有5件但男朋友偷食左一舊XD)5.上菜既時候發覺D通菜個樣唔係咁靚,先諗起夏天先當做通菜=_=..叫錯左TIM..但

同FRD睇完戲黎左小曼谷食飯!本身唔係屯門人, 不過個FRD話有好好味既泰式鳳爪就入左黎食!4個人叫左好多野食!泰式鳳爪 -- 好SPICY 食到係咁要飲水 ,, 不過真係幾好食!!炸蝦餅 -- 要試! 唔油膩又唔會死實實咁 好好食。蠔炒蛋(!?) -- 呢個都係好食 送飯一流!菠蘿炒飯 -- 普通, 可能唔使試都得 ~串燒 -- 我都係覺得麻麻, 留返個肚食咖哩好D XD咖哩蟹 -- 呢個配薄餅真係好好食! 4個人叫左2客薄餅 生蝦 -- 最後食飽先記得佢, 都有叫, 幾新鮮, 不過太飽已經唔係好知佢咩味.. 下次食真D 好似仲炒左個菜嫁....呢餐食到攬住個肚返屋企 !!!! 好正!排隊又唔係等左好耐, 3,4個字度啦..好似總其食左400幾蚊..