小曼谷泰國菜館

營業中

休息中

豬頸肉夠彈牙,醬汁野味開胃一般其他餐廳小食到既醬汁黎辣味不會太重 會令你想點完一啖又一啖！珍多冰椰奶味好足唔似溝左好多水咁綠色黃色既條條似jelly幾好咬又夠多好滿足叫左蝦糕炒飯 但系食落又唔似 可能俾錯 但佢炒得夠乾身 又夠香 入面既大蝦球都有成6-7隻 一向鐘意食蝦 佢既蝦夠爽夠彈鹽燒烏頭魚 呢個就無咩特別，魚肉淡味 系點下個甜酸醬先至吊到味而且呢味菜要成110蚊 感覺有d唔抵泰式炒金邊炒系個人必點鐘意食金邊炒既人都可一試我就認為佢粉得夠味但鐘意食濃味既朋友話覺得較淡 覺得應該要加多d醬汁去炒炒通菜香料好好夠唯一一樣要注意既系佢好多油總結呢間小曼谷其實已經食過好幾次食物質素keep到 又化算 對比起其他泰式餐廳得個樣又貴相比下 小曼谷既菜抵食又好味！下次再去食一定會再試下其他菜式例如佢既咖哩、生菜包、生蝦等等

難得今晚早左返屯門，又揸左車，就去小曼谷碰下運氣，搬新鋪後都未有機會試試。老公先放低我去攞飛，自己去泊車，小曼谷門口依舊有一堆人在等位，我同那位講廣東話的泰姐示意兩位，估唔到即刻有位，剛剛有張兩人枱坐低左，老公也泊好車😀 我地打開餐牌望，真係好平好抵，小食廿幾蚊都有交易，明白點解成日都座無虛席蒸蓉包$15❨5件❩ 超好食生蝦刺身❨今次麻麻，蝦肉唔夠爽❩青檸梳打❨大大杯❩雞肉濕炒河豬頸肉沙律❨味重左啲，淨食豬頸肉好啲❩新鋪比舊鋪雖然大不了很多，但勝在四正，擺枱比以前多，呢度食物質素好，性價比高。隔離枱嚟左一班外籍人士，他們非常高興，叫到成枱都係。我們贊他們叻，識嚟呢度揾食。

在我中學的時候，小曼谷已經好有名氣，區內相信無人唔識，，，每次食飯時間經過都排到長長人龍，多年後的今天，名氣還是保持著，想順利吃到，必須預早來排隊等待。店子小小，卻所有基本的泰國必吃都有，而且價錢相宜，好多一家大細都黎幫襯。我每次都例必吃通菜和生蝦，是我的至愛呀平靚正之選，上菜好快，每次來都吃個痛快。在搬離屯門之後，難得今天約了親戚在這裡開餐，一行十人，能夠再重拾中學時期回憶，又可再吃到美食，心裡開懷了………………

呢間泰國菜幾時都有人排緊 雖然要排一段時間但仍然值得排 餐牌有好多款菜式揀 全部都係啲地道嘅泰國菜 最吸引嘅地方係佢個價錢 同多人食就可以叫多啲款 一齊食可以食到好多款但價錢都唔貴 好啱同朋友一齊去食

第一次去呢間既時候，因為遇著搬舖無得食但今次終於撞得啱時間去啦~個日係星期六，所以到5點幾6點都開始多人低估左有咁多人係到等，大約等左半左鐘就入得而個場實在有太多人，感覺有點逼手寫既單都係啲泰文黎...個個侍應都好忙呀我都叫左3款小食+1菜+1麵+飲品，泰國野越食越唔夠架喉架~必叫既肉碎生菜包，係最滋味既酸酸辣辣，不過個種辣係愈食愈辣份量都好多，一度唔夠生菜另外，叫左炒金邊粉不過味道普通，我覺得好似少左啲辣椒粉而個馬拉盞炒通菜係好味既但食到底既話就好油，要浸一浸熱水仲叫左沙嗲雞串，雞串係最好味既因為佢既沙嗲好好味，濃香既花生醬啲雞唔會鞋同乾~最後叫左個酸辣鳳爪泰式鳳爪不嬲都唔會輸因為佢啲醬汁係好正不過我覺得佢有陣怪味但唔會影響你既食慾...飲品方面，叫左椰子冰只能說，無咩椰子味，都還可以既整體價錢平我接受，但衛生麻麻我食完肚屙 覺得都無咩特別好好食well, 港式泰菜 good推介:  /5

有一日好想食泰國嘢，其實雖然住屯門但係好少去嗰頭，因為唔係住附近。今次特登嚟試吓佢個泰式豬頸肉。我覺得佢啲豬頸肉超好食，仲有泰式蝦餅都好有水準。覺得下次可以再試吓其他小食。

今晚去左食小曼谷，好耐冇食啦，不變既仍然係要等一陣位😂我地叫左燒豬頸肉，印度薄餅，串燒，馬拉盞炒通菜，黃咖哩雞配飯，好豐富，小食依然keep到水準👍🏻最後仲叫埋芒果黑糯米，滿足～小曼谷仍然係性價比高既泰國餐廳😋😋

屯門街坊實有試過呢間成日排長龍嘅泰國菜啦小曼谷實在係抵食又好食 我其實食過好多次 但今次心血來潮影下d食物相上嚟寫返個食評當日特登夜d先去 大約九點幾十點就唔洗等位喇☺️每次同男朋友食都會不自覺嗌返同樣嘅餸我地決定每次都起碼要加一至兩個未叫過嘅今次第一次試嘅就係牛柳同雜菇南瓜不過呢兩樣都唔夠嗌開嘅咁中意同咁好味道 所以之後都唔會再encore喇跟住就有我地每次都會食嘅幾味餃子釀雞翼最中意入面有d芝士 個餡好香架！必食推介菠蘿海鮮炒飯～夠足料 兩人食剛剛好串燒～雞同豬我都好中意！加埋個醬好惹味飲埋杯青檸梳打～好滿足

好多人話，如果要食好食嘅泰國菜就會出九龍城，但係其實屯門嘅小曼谷質素唔會比九龍城差！屯門小曼谷真係由中學食到出黎做野，雖然呢幾年加咗價，但係一定比出面嘅泰國餐平。我最鍾意就係食生蝦刺身、生菜包，加個烏頭魚，飲番個椰青，最後食埋炒金邊粉。質素咁多年都無變，依然都係好好食！所以如果喺屯門食泰國嘢，首選一定係小曼谷！

小曼谷係我食過最好食既泰國菜，不過對上個次食已經係年幾前，個時小曼谷仲未轉位🤣🤣隔咁耐食今次食覺得仲好食左❤️❤️今次同朋友食叫左五碟送，分別係羊架、生蝦、咖哩軟殼蟹、馬拉盞通菜、燒豬頸肉，仲叫左杯龍眼冰。啲菜式上得好快，價錢同份量都好合比例，但略嫌店內既枱椅太多，環境有啲擠迫😂😂生蝦：啲蝦好肥美肉厚，夾嘛粒生蒜，再點甜酸醬，簡直一流🤤🤤豬頸肉：燒得香口，脆脆地，點嘛辣醬（唔食得辣既唔好點太多），好正😋😋羊架：第一次食，啲肉同肥膏好夾，肉好諗，肥膏入口即溶咁濟，超好味👅👅咖哩軟殼蟹：因為咖哩粉蟹太貴既原故，我地今次食住軟殼蟹先🤣咖哩同以往一樣出色，不過蟹就無咩肉啦😢馬拉盞通菜：一個字，好正❤️龍眼冰：超好味，龍眼好多💕💕

話說這天剛好要與媽媽到屯門看中醫📍，之前有同事推介過一家泰式小店🇹🇭，這晚就決定來一個屯門一天遊了😁~ 還好早點來到了😝，門外已經有食客在等待入座了😲，跟著他們陸陸續續的進去😉。生蝦刺身🦐：蝦肉爽口彈牙😊，配上香辣的醬汁🌶，作為開胃前菜合適不過🌶。泰式炸蝦餅🔥：這是必點的吧😎！炸至酥脆的外層😍，配合酸酸甜甜的醬汁🤤，不過要小心燙到咀喔🤫~香燒豬頸肉🐽：肉質爽脆👍，加上燒至微焦的外層😋，奪走了全晚的焦點✨。沙嗲串燒 （雞 / 豬）🍢：口感嫩滑😌，點上了花生味濃郁的醬汁🥜，別有一番風味🤩。燒長桶大魷魚🦑：入口比較腍🤔，感覺好像不太新鮮😓，味道上亦沒有太多驚喜🤷。冬蔭公乾鍋蜆🍲：當中有大概1/3也是沒有開的😱，不過味道的確是香辣度滿分🌶，有點可惜呀😔。青檸梳打🍹：酸酸甜甜的味道🤤，配上冰凍的口感❄，解膩必選👍！總結：整體環境有點逼迫狹🤔，不太舒服的感覺😅。另外有一點覺得奇怪的是🤨，瓶裝的梳打水上菜時已被打開了😲，而去洗手間的時候🧐，發現了他們是會把瓶子重用😳，環保本來不是壞事♻，但衛生也很重要嘛🙄。

前陣子，朋友要我介紹屯門嘅美食，話難得入嚟屯門有咩係必食嘅。諗咗陣發現原來屯門嘅特色美食真係唔多，好多舊式餐廳都倒閉，商場剩下生存到嘅都係連鎖店...算得上係屯門必食嘅話，應該非小曼谷莫屬食泰國菜大家多數識得去九龍城食，因為九龍城多泰國人聚居。但小曼谷都係十分正統嘅泰菜，由泰國人開同待應都係泰國人，佢地落單同內部溝通都用泰文(雖然都識中文)前排小曼谷因為搬鋪閂咗一排，重開位置移後咗一條街，由前街去後街。鋪面大咗，裝修冇乜分別，木質枱櫈加少許泰式裝飾，風味依然新鋪門前燈光粉紅，有啲奇怪(似不良場所嘅色調)，但離遠已經見到。雖然位置冇咁方便，但都不阻人氣，仍然6點幾就開始要排(冇得訂枱)，最好都係6:00左右就去到，否則要等一個鐘以上必食：馬拉盞炒通菜，喺泰國叫「飛天通菜」，之前一直以為馬拉盞係源自泰國/馬來西亞，原來係葡萄牙沿海地方有一種叫「Belachan」嘅醬演變而成。通菜幼嫩爽甜，比較多菜葉食落唔會有渣混和大量辣椒、紅蔥頭、蒜頭、蝦米等炒至均勻，香噴噴難怪話會食完想「飛天」必叫二：香燒豬頸肉，雖然聽講豬頸肉多激素，平時都會盡量少食。但小曼谷嘅炭燒豬頸肉真係不可不吃！每片切得均勻條紋

佢最近搬咗鋪頭！都改變唔到佢晚市超多人嘅排隊！呢間泰國菜喺香港係我食過最抵食嘅！生蝦又平又大隻！牛仔骨亦燒得好香！生菜包小小辣好惹味！！唯一嘅缺點就係座位好迫人貼人咁坐😂😂😂😂

小曼谷晚市相信都唔需要再多講但其實佢晏晝都好正😍首選一定係海南雞飯！啲雞夠滑份量又夠多， 仲要先30幾蚊，係出面一定食唔到。第二係我好鍾意將佢啲湯粉加錢變冬陰公湯，超好味😍😍冬陰公湯勁足料，咁就可以又食粉麵又有冬陰公湯飲🙈

屯門人一定識嘅小曼谷已經食過好多次，近排見佢轉左新鋪位又再去食泰式鳳爪係每次去都要嗌嘅野食，價錢好似比之前平左，但當然份量都細左少少，但好處係可以一次過用相宜嘅價錢食多幾款菜！餐廳裝潢唔算靚，但食物好衛生，每次去都好放心食😋