小曼谷泰國菜館

營業中

休息中

辛苦工作一星期六日就係感謝自己辛勞一星期食好d 訓醒十二點就去左屯門 置樂花園後面既小曼谷食左個海南雞飯$38已有一杯龍雞水大大碟又嫩又滑既雞肉仲有一碗雞湯贈送真係價廉物美

食過十萬八千次 依然會返去再食嘅一定係真愛搬咗新鋪位 原來好多朋友仔都唔知，只係搬咗去舊舖嘅後面 一樣咁好食！所有嘢食都勁平勁抵食而且份量都夠，最緊要係價錢平到你唔信 以下係必食嘅推介1. 炭燒豬頸肉 👍🏻👍🏻👍🏻👍🏻👍🏻 每次都一定會叫，熱辣辣出爐連埋個辣汁食好食到不得了！2. 生蝦 一碟有七隻絕對唔係細隻 勁平！3. 超平冬陰公湯 細size只係20蚊 兩個人都夠仲有15蚊芒果糯米飯 一人食2個都抵兩個人 5個菜 加野飲加糯米飯都係二百幾，話我知邊到有啊？不過提醒大家平時佢排隊排超級耐，想唔駛等最好就係五點幾六點去食，即刻有得入去！

其實地點唔係咁方便，不過係屯門相當之出名。八點半黎到，門口好多人等位，等左大約30分鐘入座。炒粉絲，好出色，唔會淋晒痴埋一舊。炸蝦餅，唔錯，好香口，夠惹味。價錢幾實惠。

搬左舖之後第一次過黎食！七點幾去到一如既往係十分多人係門口等嘅！！！好彩附近都有個球場坐下😂😂我地一行五個人，等左30張枱左右都係40分鐘左右，我諗都幾多人走😂😂😂 有毅力嘅人有平野食😎😎 一坐低緊係第一時間叫野食，叫左個炸蝦餅👍🏻 比想像大舊 唔會話太油！ 今次有個fd叫埋啲偏門野👉🏻酸甜倉魚 我個人就好鐘意食倉魚嘅，條魚都整得幾好食，不過價錢就相對上有啲貴，可能下次叫翻烏頭會開心啲😂 生蝦有7隻有小小零丁，但真心好食的，幾確實對得住價錢！其餘叫左Pad Thai ,炒通菜啲大路野都係對得住價錢嘅份量同味道！

以前住附近常常都和朋友來這裏用膳,永遠都是人山人海的,而且超級多人排隊, 探望朋友經過這裏,於是決定光顧,這次等了十五分鐘就能入座算是不錯,這是它搬鋪後第一次再吃,格局裝修和燈光仍和原鋪一樣,餐枱空間仍舊狹窄,價錢稍為貴了一點,但餸菜味道仍舊保持水準, 肉碎生菜包的肉碎仍舊酸辣惹味, 鹽燒烏頭燒得乾身但魚肉保持嫩滑,點了酸辣醬非常配,上菜速度非常有效率, 而且有些菜色可以大份和小份來點,令到兩個人都可以多點幾個菜式來吃,不會怕吃不完導致浪費食物,屯門區最受歡迎泰國菜館非佢莫屬,實至名歸!👍👏

I love Thailand very much！好啦因為冇時間去泰國食，所以就試下呢間都幾出名既泰國野食。叫左我最鐘意既海南雞飯。好彩冇令到我失望，無論雞定飯都好好食！下次會再黎食！

相信喜歡小曼谷的人一定很多，最簡單，平！靚！正！一定比其他餐廳平，所以可以叫多兩款餸share黎食🤭今次叫左泰式海鮮炒金邊粉、豬頸肉同馬拉盞炒椰菜苗。每碟份量適中，金邊粉炒到乾身；燒豬頸肉最好食，外脆內軟，配上泰式醬汁，很快便吃光了。

已經好久未有來這裡吃過。想當年，第一次來小曼谷是和中學同學一起的，轉眼間已經6年。對上一次來，小曼谷還是在舊址。搬到新地址的小曼谷，環境比之前大，乾淨，但好像缺少了一種味道。食物方面，跟過住的味道差不多。泰式小炒絶對品嚐到何為鑊氣。串燒類，雞比豬好食。青咖哩也不錯，下飯一流，用薄餅蘸更美味。炸蝦餅，趁熱吃，好吃但比較滯。其他菜式就一般了。價錢，食了十樣東西，四杯飲品，四個人吃到十成飽，只要四百四十多元，絶對抵玩。抵玩指數 2/3，價錢便宜，菜式絶對不差，環境一般，服務也是一般，但由服務員到廚師主要都是泰國人，風味十足。順帶一提，很多學生去這間餐廳聚餐。唉，吾真的老了！

朋友好鐘意食呢間小曼谷餐廳, 所以一知道佢撥搬左開返之後, 就趕住話黎食同以前一樣好多人企左鋪頭出面等.....一如既往..入面都係非常之咁迫...不過預期之內啦首先黎碟生蝦先啦咁平又有生蝦食仲有邊到揀丫仲要係整得幾好食再黎整碟去骨鳳爪啦朋友至愛 每次黎都要叫一碟既味道不錯, 作為開胃小食猜 得頂之後黎一碟炭燒豬頸肉感覺比之前細碟左但仍然非常香口再黎一碟金邊粉用黎醫肚一流, 味道又好 食又完夠飽肚出外食野都一定要食碟菜既食泰國菜就緊係食馬拉盞炒通菜一大碟相當抵食雖然就油左D, 不過都預左架啦飲杯就緊係青檸梳打啦建議唔好飲哂先再refill 因為冇哂糖水最後會好淡最後黎碟甜品芒果黑糯米飯$14 超值唔係飽到上心口都可以叫碟黎做個完美既結束

泰國餐廳最常去小曼谷☺️晏就喜歡叫海南雞飯晚餐就叫好多都唔肉赤 因為真係好平😂生蝦 豬頸肉 冬陰公 蝦餅 生菜包 馬拉盞炒菜 炒金邊粉 全都係必叫☺️☺️👍🏻👍🏻👍🏻👍🏻👍🏻屯門人必食！

屯門超級抵食嘅泰國菜，平時食泰國菜，閒閒地都百幾二百蚊一位，小曼谷個路線偏向價錢平份量細，所以同等價錢，可以食多好多款餸☺️燒豬頸肉$28，抵到爛，燒得又香口，肉質嫩滑，最後仲叫埋芒果黑糯米，椰汁香濃，做飯後甜點十分適合。

屯門區食店唔少，小曼谷都算稱得上係屯門名物，有啲住市區嘅朋友都聽過大名，專程入黎食。小曼谷係泰國人開嘅，侍應都係泰國人，雖然全部都識講廣東話，但服務態度好有性格，落單最緊要快狠準。環境方面都唔好有期望，位與位之間逼到你唔能夠想像，如果啱啱shopping完一袋二袋，千其唔去黎，我唔知你啲野放邊。至於食物，真係平到笑，但唔好期望水準好高，呢度多人食主因係價錢貼地，點菜好似放題咁，埋單都唔會嚇親。爽！太耐無食，所以同男朋友都有少少瘋狂，不過我地係食得哂，捧住個肚走。

就算我不是屯門住，聽朋友講都是眾所週知的泰國美食，第一次食是一班人食，抵食！第二次去食，幾適合🈴️情侶們一起來，因為每碟分量比較細，可以食四五碟再加飲品都是$300左右，抵食推介！但坐的舒適度一般。

屯門人一定識既置樂小曼谷☺️又平又好食既泰國菜 我都食過好多次 成班人會去 兩個人拍拖都會去 次次都保持到水準～佢生菜包係必叫💓辣得黎好岩我口味～佢個辣肉碎炒飯超辣 好惹味 馬拉盞通菜炒得好香 基本上無一樣野係唔好食😂😂成班人去食都好少會食淨😂 適合一班人聚會 因為豪食都唔會好貴 第一樣圖係兩個女仔豪叫🤡但埋單都係100頭啦😂成班人食 多數就100內 仲包埋食芒果糯米飯❤️佢份量都好足 基本上都試過晒佢d野食 覺得絕對係抵食推介🤙🏻

成班人去食晚飯,冇個食得飽,成40蚊碟通菜,好似細路拳頭咁多多,唔知以為食緊雲吞麵!坐得迫唔緊要!等得耐唔緊要,抵食係從前嘅賣點,做起咗就變質,香港飲食業特色!