小曼谷泰國美食 (南角道)

營業中

休息中

終於去到泰國旅行! 番黎之後既第一餐泰菜，就係小曼谷😋質素有番咁上下先醫到思鄉病架麻!晚市時間都係好爆，平日八點去到都唔係即刻入得，下次再預早d黎先得!泰式生蝦刺身生蝦新鮮不在講，大隻肉厚，食落先有滿足感👍🏻點埋精粹生蝦汁，正❤香葉辣椒豬肉碎燴飯配荷包蛋依個係係泰國成日食既平民地道美食，辣椒肉碎炒得惹味🌶配埋半煎炸荷包蛋，燶邊位脆卜卜，必需要配白飯，會唔覺唔覺一啖接一啖咁食哂成碟飯!鹽燒馬友魚條馬友都幾多肉，鹽燒香得黎保存到魚既鮮味，而且好juicy一d都唔乾，原汁原味，好食👍🏻芒果糯米飯食泰菜最後一定要食芒果糯米飯先安樂😂糯米飯溫熱有椰香，滿足😋

小曼谷泰國美食 📍九龍城南角道9-11號地下未去到泰國🇹🇭去左一轉九龍城尋找泰國既美味😋～今晚來左有多間分店小曼谷泰國美食買外賣🥡食物選擇繁多～又美味😍一定要介紹比大家。串燒拼盤 $118豬、牛、雞、雞腎、泰式臘腸、雞全翼超級豐富😍一共有6款串燒即叫即燒😋睇見都開心🥳仲有我最愛燒雞全翼🐓串燒已經調好味🤤燒到表皮香脆～完美鎖住肉汁～大家真係要試下。泰式鮮蝦炒金邊粉 $108 材料、醬汁份量好足👍🏻金邊粉吸收哂醬汁😊配上大蝦、芽菜、花生碎～口感豐富。泰式豬頸肉炒飯 $98飯粒炒到粒粒分明～色澤金黃～有油香～。小曼谷原隻芒果🥭糯米飯🍚 $88糯米飯熱辣辣好好食😋配上椰漿～同香甜芒果😊完美留意返～外賣🥡加$2 ～店內環境舒服～下次要約埋朋友一齊嚟

————————————————————————小曼谷泰國美食 (南角道)九龍城南角道9-11號地下(元朗銅鑼灣都有分店,九龍城都有2間分店🇹🇭)來到九龍城，當然要嘗試泰國菜，這次選擇小曼谷🇹🇭，位於九龍城南角道，距離地鐵站1分鐘🚇，以曼谷地圖風格為主題，環境令人印象深刻🗺️，門口有充氣公仔迎接你，一定要試試看，體驗美食的樂趣🤗🟠推薦食物 Recommended 🔹蝦膏豬肉碎炒飯🍛($98): 味道香濃，肉質軟嫩，搭配新鮮的豆角雞蛋🥚和潤腸，味道更加鮮美，每一口都是一種享受😋🔸泰式馬拉盞炒通菜($108):香氣四溢，馬拉盞味道濃郁，炒通菜香脆可口，是個不錯的選擇😋🌱🔹 蜜糖燒菠蘿($68):一呈上來就有香氣四溢，香甜的蜜糖完美的烤菠蘿，每一口都是一種享受，強烈推薦😍🍍🔸椰青🥥🌴($49):味道甘甜清新的新鮮椰子，美味健康😋🟡不推薦食物 Not Recommended 🔹無 No🟠員工 WaitersFriendly and helpful staff😊💬.🟡環境 Environment 環境以曼谷地圖和齒輪⚙️元素為主題，帶來印象深刻的體驗😍🗺️💡🟠總評分Overall (8/10）💰$17

同媽媽行開九龍城，附近有好多泰國菜館，媽媽就被泰式煲仔翅吸引了😆✨️泰式煲仔翅 $108大片翅份量十足，配料仲有雞絲、冬菇等，超足料又勁好味，再配芽菜，芫荽令口感再次提升👍重點，個煲keep住令碗仔翅熱，食落更滋味❤️泰式海南雞飯 $60串燒豬及雞串各一串 (加配$29)泰式凍咖啡 ➕️ 冬陰功湯$60一個午餐set，價錢性價比十分高👍海南雞有爽彈雞皮及嫩滑的雞肉，另外還附上泰式酸辣醬汁蘸點，提升味道層次。串燒燒烤味十足，而且仍保留肉汁鮮嫩😗✨️燒脆皮白鱔（兩串)燒白鱔白鱔外皮香脆，魚肉爽口彈牙，並取其腩肉部分，燒烤至金黃色又保留魚汁的鮮味✨️椰汁西米糕拼泰式千層糕椰香味濃，入口够煙un😝

現家去九龍城食泰國嘢真係方便咗好多宋皇台站一出就係離遠已經見門口有隻吹氣公仔郁下郁下咁都幾盞鬼雖然今日星期二 但餐廳都幾滿座而點餐係手機自助所以都好方便豬頸肉飯好好味配油飯一流仲送細份冬蔭公湯個湯酸辣適中，亦好鮮味，超正鮮蝦金邊粉啲鮮蝦好大隻同份量都幾多沙嗲點左豬牛雞 串燒火候控制一流同埋佢新鮮即烤拎出黎烤到表面微微焦脆剛剛好記住一定要趁熱食呀！個極上燒安格斯西冷牛小排好推薦大家出面好多泰菜都係切薄 佢哋係厚切 仲有幾個熟嘅程度俾你選擇肉香同味濃郁，鐘意食牛既人真係必食。

想喺香港食到正宗嘅泰國菜，一定要嚟到九龍城，九龍城有好多間唔同嘅泰國菜館，當中不乏一啲老字號，可以喺九龍城呢個地方屹立多年，唔使講都知一定係質素啦。今日就同朋友約去九龍城食番餐泰國菜，每次我地都會食小曼谷，因為老字號，食物水準有保證，咁多年都係咁好食。串燒拼盤就一過可以試晒咁多款串燒，雞牛豬仲有泰國肉腸，一次滿足到所有口味。生菜包，生菜爽口，豬肉惹味，基本上係去泰國菜館必叫既菜式。難得黎到小曼谷緊係要試佢地個招牌小曼谷炒飯，蛋包飯入面食材豐富，有蝦，扎肉加埋黃薑粉炒過既飯，可以一試再試。

我同屋企人都想食泰國菜，於是放咗工之後就決定去九龍城搵食😋因為之前我哋食過《小曼谷海鮮燒烤屋》，都覺得唔錯，所以今次我哋決定再幫襯另一間分店《小曼谷泰國美食》❤️食物我哋唔知道原來呢度每碟嘢食都超大份，重叫咗好多嘢，結果我哋食得超飽😂😂串燒拼盤 $118個串燒拼盤都幾抵食，又有全隻雞翼🐓，牛、豬、雞、腸等等，最啱大家share嚟食泰式木瓜絲沙律 $88而木瓜絲沙律🥗都整得好夠入味呀，而且勁多木瓜絲，幾個人食都無問題泰式拼盤 $178呢個拼盤係細size嚟，但d魚餅、蝦餅都好大舊，絕對可以再細分嚟食豬肉碎生菜包 $118食泰國嘢又點少得叫生菜包呢？😝同其他餐廳一樣，呢碟生菜包都整得好惹味👅但可能因為我哋叫咗少辣🌶️所以就無咁濃味小曼谷炒飯 $118個炒飯係餐廳嘅招牌菜嚟💕唔怪得叫招牌菜啦，佢出面個蛋鋪得勁靚，入面d飯又炒得好金黃，裏面仲有唔少海鮮🦞正椰皇沙冰 $42 + 泰式青檸梳打 $42嚟得九龍城食泰菜，大家必定要去《小曼谷》試吓❗️

之前食過元朗分店覺得唔錯，，今次嚟到九龍城搵泰國菜食又見到呢間就做回頭客😁九龍城分店空間大好多，坐都坐得舒服啲😳食物保持到一定水準，同埋鍾意呢度食物種類好多🤭.🥬生菜包 $108炒肉碎夠酸夠辣，好鬼開胃，如果肉碎可以再多啲就好喇🥳不過肉碎偏肥，食落會香口啲🥹.🦀鮮菠蘿海鮮炒飯 $118相比起其他炒飯，算係略為清淡嘅選擇，冇咁重口味😎菠蘿好甜好開胃，而且海鮮份量都幾多，每啖飯都有海鮮🥳重點係好夠穫氣🤩.💰人均消費～$200.🍽味道：3/5🏙環境：3/5👨🏼‍🍳服務：3/5💧衛生：3/5💰價錢：3/5

要食泰國菜識去一定去九龍城我同屋企人就去左老字號小曼谷食晚飯佢地都係居港泰國人主理所以味道一定好正宗有水準一打開餐牌好多菜式都好想點點左佢地沙嗲串燒 全部都燒得好香好惹味再點埋佢地秘製沙嗲汁真係lamlam脷金邊粉都係必點 擺碟好睇花生碎又夠多 味道偏甜 而佢地嘅通菜唔會炒得過龍 食落仲有爽脆另外點左佢地必食嘅燒牛小排我個人都幾鍾意食泰式燒牛肉依到可以揀熟嘅程度視乎你口味佢地嚴選用安格斯牛 味道更濃郁又唔會多筋 好似去左扒房好味！

眾所周知九龍城係有小曼谷之稱，嚟到九龍城唔係唔食泰菜呀嘛 🌝今日嚟小曼谷泰國美食晚餐，舖頭用泰國傳統嘅鮮黃色作主要色調，耀目奪眼，離遠就已經見到個吹氣公仔。 泰國咖哩好出名，嚟呢度梗係要試下。泰皇咖哩法包軟殼蟹$238 咖哩香，圓形法包軟熟加埋脆卜卜嘅軟殼蟹,一流🫰芒果糯米飯$88 糯米飯軟熟甘香，椰漿香濃。 一啖一口嘅椰漿飯，滿足。原隻芒果上夠曬份量，甜味剛好。P.S有加一服務費記得book定位呀！就算平日都係人山人海

小曼谷係九龍城必食泰國菜! 係九龍城有多年歷史同多間分店，由地道泰國人主理，經過不妨試下。位於宋皇臺MTR出口馬路對面，地點非常方便。❥ 海南雞 擺盤好靚, 份量好足夠, 半隻雞3個人都夠, 雞醬酸甜❥ 冬陰公 ‼️推薦‼️酸味好足, 啱鍾意食酸嘅朋友, 好足料, 1個細份量冬陰公都有3隻蝦. 有芫茜, 唔鍾意嘅朋友要提早講, 有少辣大辣, 可以控制辣度.❥ 馬拉盞炒椰菜 ‼️推薦‼️泰國菜獨家炒椰菜, 非常惹味, 但又唔油膩最好食係呢個❥ 泰式鮮蝦炒粉絲 泰式酸酸甜甜, 衝擊味蕾, 幾開胃❥ 碳燒鮑魚配有獨家泰式醬, 上面有香酥炒白飯魚, 非常特別抵食 ：7/10美味 ：6.5/10回頭 ：7/10人均 ：$200-$300

自從開左宋皇臺站 去九龍城真係方便左好多🚇食肆集中地 好多間都開到好夜最常就係大伙兒黎食泰國菜!🇹🇭 而小曼谷必然是我今日首選每次都會叫海鮮孖寶二百幾蚊可以揀兩款燒海鮮有燒白鱔、燒青口、燒鮑魚、燒虎蝦等等而我今次就揀左 “牛油蒜蓉燒大蟶子”同“牛油蒜蓉燒扇貝”兩味都燒到剛剛好 牛油蒜蓉勁香!!!🧈🧄蟶子好大隻 又爽又脆又鮮甜 扇貝肉亦都好嫩上面再灑滿脆脆嘅魚仔乾 形成對比另外都叫左個菜成日食馬拉盞炒通菜今次專登試下其他 叫左 “泰式鹹魚炒芥蘭”🥬好有鑊氣 芥蘭爽脆冇渣鹹魚既鹹香帶出芥蘭自己既甜

🎈🧨去完九龍城拜年 ，同老公決定今晚食泰國菜， 新年期間，日日中菜要改下口味見到呢個特色吹氣招待員，被吸引到😃😃 牆上古董機械零件做裝飾，別緻有心思雖然地方不大，但整齊清潔，一個紅色🧧字，非常奪目，加添了新年氣氛🎉🎉108一位泰式煲仔翅當然要試份量夠2人食，芽菜、芫茜另上，魚翅大件滑溜，湯汁香濃，趁熱食，當場暖笠笠泰式鹹魚炒椰菜苗菜苗碧綠清脆，加上梅香鹹魚碎 更加惹味，鹹香飄逸，食界大開鮮蝦炒粉絲炒得好乾身，鮮🦐大隻爽口彈牙，配菜豐富，有蛋花、豆腐條、芽菜、香蔥、花生粹，用泰式酸甜醬汁炒，特別開胃，再加幾滴青檸汁 ，口感更覺清新串燒拼盤雞全翼、 牛肉、豬肉、 雞肉、 雞腎和泰式臘腸各一串，覺得🐥全翼和臘腸較為出色海鮮孖寶 258元牛油蒜蓉燒大蟶子鹽燒鮑魚鮑魚肉厚彈牙有咬口聖子好大隻，肉質新鮮甜美， 蒜蓉爆香，口感一流，必食。越食越多人等位，食完就即走，等老板做多幾轉生意

昨天約咗好友食開年飯，好友鍾意食泰國菜，所以就鎖定在泰國菜林立的九龍城吃晚飯，花多眼亂，唔知揀邊間食肆之際，見到呢間小曼谷泰國美食門口展示的食物圖片好吸引，所以就毫不考慮的決定在此吃晚飯。由於此時時間尚早，客人不多，不用等位就可入內，不過稍後就已經要開始排隊，即時覺得自己好幸運。餐廳面積不大，但乾淨企理， 見係開年，梗係要食啲好嘢喇。下單不久，食物就送上嚟，嘩！好吸引……泰國煲仔翅 ～ $108大大煲，兩個人夠曬食，湯底鮮甜，魚翅都好大件，加上芽菜、香菜，好有泰國風味。海鮮孖寶 ～ ＄258 有六款選擇，我揀咗牛油蒜蓉燒大蟶子+鹽燒鮑魚，蟶子舖滿蒜蓉，充滿香濃牛油味和蒜香，食落一啲都唔腥。鮑魚唔算細隻，用鹽燒更加可以帶出海鮮鮮味。泰式鹹魚炒椰菜苗 ~ $108食泰國菜，我最鍾意食椰菜苗，椰菜苗好鮮嫩，加上用鹹魚炒，帶少少鹹香味，更能突出椰菜苗的鮮嫩。泰式原味烤薄餅 ～ $48熱辣辣，烤得好香脆，我用佢沾煲仔翅食，真係完美嘅組合。呢間小曼谷泰國美食，店舖面積不大，座位亦不算多，但因為食物價錢相宜，味道唔錯，所以排隊等食晚飯的人數都好多，如果唔想浪費時間等位，我建議在七點前來食晚飯就最好。

今日放假約咗屋企人去九龍城《小曼谷》食泰國菜，兩點鐘時段唔駛等位可以直接入坐👍🏻👍🏻！店舖面積雖然唔算好大，但都有好多卡位，所以都坐得好舒服😌而食物有午餐和單點選擇！🐷滷水豬手飯$60啖啖肉嘅無骨豬手，軟腍嘅肉質連滿滿膠原的豬皮一齊食，非常入味，配合埋酸菜和醬汁😋送飯一流！🌶️香葉辣椒海鮮炒河粉 $65河粉炒得非常香口，加咗香葉和辣椒特別惹味，配料有帶子、魷魚、菇和雜菜，味道層次豐富，而蝦肉彈牙又夠大隻，整體配搭非常好味👍🏻👍🏻！🐥酸辣鳳爪$29跟餐可以加小食，呢碟無骨鳳爪，口感爽脆沾上泰式醬汁，的確好惹味👍🏻👍🏻！🥤泰式冰奶茶餐飲當然要揀呢杯甜香味濃嘅泰式奶茶啦✨最佳配搭！🏝️椰青 $25大大個的原隻椰青，味道清香，飲落好清甜👍🏻👍🏻！🍲泰式煲仔翅 $108材料十足👍🏻兩大片花膠與燉翅，味道的確好鮮甜，加上湯底用上湯煲成，加入埋爽口芽菜和芫茜🌿 茨汁並不太濃，配合得剛剛好😋😋！