小曼谷泰國美食站

營業中

休息中

同朋友都好鍾意食泰國嘢，於是就相約到位於銅鑼灣嘅小曼谷食泰國菜。食物款式好多，有海鮮、串燒、咖喱、飯麵同飲品等等，令人花多眼亂泰式木瓜絲沙律份量幾大，木瓜絲爽口新鮮，酸辣開胃，辣度啱啱好，夏天食一流。冬陰功湯呢個係二至三人份量，個湯都幾足料，酸酸辣辣幾惹味， 蝦幾大隻，而且爽口彈牙，唔錯。風味燒豬頸肉豬頸肉切得厚薄適中，肉質爽口，而且食落有炭燒香味，另外仲有個泰式醬汁點豬頸肉，個醬汁酸酸辣辣，食落更有風味。泰王咖喱炒大蜆一上枱聞到陣陣嘅咖喱香味，咖喱唔辣嘅，好重椰奶香味，蜆肉大大隻，幾鮮，同咖喱幾夾。泰式原味烤薄餅食咖喱點少得薄餅，薄餅烤到脆卜卜，重牛油香，配咖喱一流原隻芒果糯米飯賣相幾靚，芒果一整個切片，好夠甜，而且重芒果香味，糯米飯熱辣辣，口感軟糯，椰香味濃郁，必食。椰青食泰國嘢點少得叫椰青飲，椰青大大個，清甜解渴，天氣熱飲消暑一流

第二次黎呢間分店，最鍾意見到佢個裝修，好有泰國火車夜市feel！一路食一路當自己去咗泰國😭✨叫左個香葉海鮮乾炒米粉，少少辣幾香口，炒得夠乾身，味道都好足👍🏻海鮮配料都唔少，幾好食✨黃咖哩雞，唔辣，個汁有少少稀，如果傑返少少會更好，我地揀左蒜蓉包黎配咖哩汁，蒜蓉包幾香，好脆，配咖哩一流！✨另外加左個飛天通菜，炒得好惹味，最好食係佢👍🏻✨飲品就叫左椰青同泰式奶茶，椰青好新鮮清甜，飲完仲食埋入面既椰肉添！泰式奶茶就正常發揮，可以再濃啲！

天氣咁熱🔥真係無得出走都有係泰國既感覺～為左首尾呼應今日既心情天氣, 我地就決定去食泰菜啦～曼谷作為遊客切打等既地方, 我地search openrice 就見到近近地有間叫小曼谷既泰菜, 一於留港感受小曼谷, 幻想自己係泰國relax緊先～✌🏻位置餐廳入口係商業中心側門的地庫, 一落電梯行到最盡頭就係另一片泰國的天空☁️設計大大個型格火車頭, 行火車車廂theme上面仲有行李架同路軌做裝飾~車卡都係坐位, 仲有個唱歌表演的小舞臺仿如置身曼谷嘅火車夜市咁🚂食物酸辣開胃菜必不可小, 最緊要重口味,😋🐖青咖喱豬頸肉醬汁以青辣椒烹調, 青咖喱味好香濃, 重甜辣經燒烤過既豬頸肉好香口, 份量多咖哩以煲仔上, 下面仲有個火座住熱騰騰既咖喱最岩配埋酥餅同蒜蓉包~🫓泰式原味烤薄餅 & 泰式蒜蓉包兩個都係即烘熱辣辣, 脆卜卜點汁食真係好爽～🦑泰式燒原隻鮮魷大大隻魷魚…真係想玩番場魷魚遊戲燒彈牙魷魚配泰式醬汁好惹味, 令人一舊接一舊🍸青檸沙冰(少甜)酸溜溜青檸超爽, 飲左一啖成個人都開胃哂, 一掃炎夏暑氣～爽啊～

之前嚟食過午餐印象非常之好所以今次嚟晚餐青木瓜沙律份量非常足夠，味道酸甜適中帶有少少辣，特別喜歡面頭嘅花生🥜泰式肉碎炒飯炒飯上面仲有荷包蛋，煎到燶邊效果炒飯夠鑊氣，配埋香葉同辣肉碎非常之惹味雞腎串燒特別喜歡配埋嘅沙嗲醬，入面好多花生碎青咖喱牛腩呢一道菜最有驚喜，一般平時食泰式咖喱都覺得唔特別好食，呢一度嘅咖喱做得好濃郁，辣度剛剛好，而且有加入椰漿製作所以特別香，牛腩都炆得好琳，一啲都唔會乾同黐牙原味薄餅薄餅好酥脆，喺千層酥嗰一款，就咁食都好好食配埋咖喱係一流

小曼谷泰國美食站🇹🇭🌴｜銅鑼灣 泰國美食 大份 惹味 聚餐之選｜🙈平時同幾個朋友食飯就最鍾意去食泰國菜，因為可以試多幾款，大家share食，又唔驚食唔曬。今次我地黎左好有環境氣氛既泰國餐廳，出面已經有個大火車咁，打卡又岩，佢地周圍都擺左好多火車既裝飾，周圍都係打卡位，都幾有特色。🤩佢地既菜式其實都好豐富，有海鮮，燒烤，小菜，炒菜，仲有肉類同澱粉類，仲有甜品添，真係好難揀。🦀泰皇咖喱法包軟殼蟹其實之前一直都好想試下咖喱法包係點，仲有我自己都幾鍾意軟殼蟹。咖喱一d都唔辣，但好香，相信落左好多調味同香料，入面仲有d蔬菜，咖喱好濃郁，個法包大大個，兩個人真係食唔曬，佢索曬d咖喱，想像到係幾咁濃郁。軟殼蟹都有幾隻，炸到好脆！🦐泰式鮮蝦炒金邊粉尼個又幾好食wor! 金邊粉已經炒到夠乾身，但口感仲係好彈牙，每一條金邊粉都沾滿曬調味，超級bb辣，酸酸地，都真係幾好味。蝦雖然就唔係好多，但勝在夠彈牙。都無異味。🥥椰青波波見佢咁可愛，就忍唔住試下🤣不過我又幾鍾意，可以當埋甜品咁食。椰清水好清甜，好順口，一面飲一面就可以食d椰子肉，微微既甜味，口感軟得黎又有d口感，又幾有趣～

今天在銅鑼灣行完街，想食好耐冇食既泰國嘢，便毫不猶豫地來了口碑極佳的小曼谷！門面十分光猛，大象logo非常吸引！旁邊的火車頭絕對是打卡之選！小食叫了泰式炸蝦餅($82)，細size都有6件，十分抵食！泰式燒羊架($128)，外貌吸引之餘，味道非常出色！燒得很惹味，肉質鮮嫩爽口，這餐飯最喜出望外的美食！絕對值得encore頂級牛柳粒沙嗲串燒($49)，嫩口牛柳粒配上鮮甜蕃茄，一個字，正！泰式臘腸沙嗲串燒($28)，味道濃厚，很香口！叫了一杯透心涼青檸菠蘿沙冰($41)，非常滿足！疫情前應該有live show表演，好chill咁！

前兩天在whatsapp群組中網友A問元朗有乜泰菜食，元朗友就話佢鍾意去小曼谷；佢咁提一提，攪到我都想去食泰菜，在港島區工作嘅我即時想起銅鑼灣都有分店。印象中應該係第二次光顧銅鑼灣嘅小曼谷，對上一次可能已經係開店初期了。依家好多食肆都推出掃碼自助下單功能，的確便利雙方，減少錯誤、減輕員工工作量食客又唔會有壓力趕住同店員下單，可慢慢睇慢慢揀，揀完放入購物車，仲可以最後檢閱兼睇到幾多錢左右，確定再送出，咁就可以等食！見到有個孖寶海鮮餐$288可惜無我最鍾意嘅辣椒膏炒蜆⋯⋯在A類同B類各選一項，A款之中，其實糾結良久，有幾樣都想食😅最後要點指兵兵，在A類中揀咗泰式燒盲曹；B款中好快就決定半隻海南雞。因為孖寶都係得半隻雞同條魚，唔會飽肚，所以決定另點辣椒膏炒大蜆，有辣椒膏依個醬汁，就絕對不能少了白飯或者蒜蓉包或者烤薄餅啦！本來仲想加個泰式煲仔翅，但避免食唔晒，都係放棄不要了！泰式海南雞（半隻）係最快上場雞唔會太肥，肉質算肉質嫩滑，食時記得要配埋秘製醬汁同吃才夠風味！第二道就係原味烤薄餅，可惜點辣椒膏炒蜆都未出場⋯⋯⋯要等埋個辣椒膏炒蜆先可以開動，所以個薄餅被迫放涼轉過到就到燒魚同炒蜆都逐步上檯

火車餐廳中食澎湃泰皇咖喱法包軟殼蟹 ～～～好耐冇同好閨蜜食晚飯，今日難得早收工就約佢出嚟刷餐勁嘅。所謂嘅刷餐勁，其實只係我刷餐勁嘅，因為佢胃口好細😆，次次叫一台嘢之後佢就會食唔晒，留返晒俾我食。～～～有見及此今次我哋就決定唔叫太多嘢食，叫咗一個咖喱蟹，一個一人份量嘅煲仔翅，同埋一份甜品（雖然結果都好飽）。～～～之所以結果都係好飽，係因為🦀泰皇咖喱法包軟殼蟹嘅份量非常大，有出乎咗我哋意料。香脆非常嘅🥖法包包裹住濃濃咖喱，一刀切開，黃澄澄嘅咖喱就蜂擁而出，咖喱裏面有三色椒、蛋白、🧅洋蔥等等，質感濃稠，以法包沾上黎吃，非常滋味，雖然分量多，但係我地食到幾乎一滴汁都唔剩。而軟殼蟹亦炸得香脆，不過由於咖喱同法包太出色，反而有d搶過軟殼蟹風頭。～～～食緊蟹嘅時候，泰式蟹肉煲仔翅就迅速送到，話就話係一人份量但係其實兩個人分享黎食都完全足夠，蟹肉煲仔翅裡面好多蟹肉，質地稠身，餐廳仲另外配搭咗芽菜芫荽等等比客人自己加，整體味道不錯，食完感覺暖胃舒服～～～而最後嘅🍰甜品，我哋就叫咗椰汁西米糕配泰式千層糕，西米糕同埋千層糕各有三件，對我哋兩個女仔黎講都幾多，不過好在味道好食，所以就算飽到不得了都食得落，😁畢

🚂小曼谷泰國美食站🐘每次想食泰國菜十五十六緊食邊間嘅時候小曼谷一定會喺腦中閃過( *ˊᵕˋ)✩︎‧₊佢哋嘅水準都一直keep到環境好坐仲有VIP房所以適合大班朋友去之前仲見過有豬場歌手表演tim除咗每次都要叫嘅青咖喱同炒通菜外仲有佢哋嘅冬陰功湯 味道偏辣不過我最鐘意呀今次仲試咗佢哋嘅秘製滷水豬手煲個人認為佢哋嘅豬手比喺泰國嘅食到仲更加好食(⑅︎ ॣ•͈૦•͈ ॣ)꒳ᵒ꒳ᵎᵎᵎ唔會有豬臭味之餘仲滷得好入味唔會太鹹其實次次都忍唔住叫咗好多餸但係去到甜品果Part都係忍唔住會叫Mix西米糕同泰式千層糕佢哋嘅椰汁西米糕同泰式千層糕都好香椰子味同斑蘭味閉上眼睛就像去左泰國咁食落煙煙韌韌咁꒰◍︎⍢︎◍︎꒱۶當然唔少得仲有芒果糯米飯佢哋個擺盤仲要勁靚真係每次食泰國菜嘅完美總結～KIN KAO

呢間成個氣氛好正，特別嘅地方你可以表演live，又或者聽下人哋唱歌🙈-前菜梗係食生蝦刺身，新鮮得來又夠大隻，點生蝦刺身嗰個汁非常之正，又夠辣又夠酸😊-柚子沙律🥗呢個係我朋友每次嚟親佢都一定要叫嘅，份量又夠大餐前食就夠開胃，仲有幾隻大蝦🍤👍🏼-泰式炸蝦餅就係我每次食泰國菜都要食既👍🏼😋即叫即炸有夠脆，炸到金黃色再點埋甜酸醬配搭非常之正-泰王咖喱軟殼蟹，份量好大份價錢又抵食，通常食泰國菜就好少叫飯食通常就叫一份咖喱再加薄餅，咁揀呢一款呢就唔使再叫薄餅一齊食，因為佢已經有一個好大嘅法包包住咖喱汁，再切開嚟一齊食好滿足😊泰式炒通菜都唔錯，味道又夠濃喎😋

<< Daily 豬仔為食記🐖😋>> 今日約咗一班friend去聚一聚，我哋就揀咗所有人都好鍾意食嘅泰國嘢，而小曼谷就係一個首選，因為真係未試過伏，次次都有讚無彈🥰😋咁啱我都未食過銅鑼灣小曼谷，所以就黎試吓，超期待🤩🤩🤩不過一黎到，已經見到舖頭再嘅火車裝修風格，同幾間分店唔同，超有泰國feel 😆🥳🥳有心思🙌🏼小曼谷係連鎖嘅店，所以基本上好多嘅嘢食呢都係同之前元朗，同埋九龍城，食過嘅差唔幾乎一模一樣🥰呢一間係有做埋海燒串燒嘅🥳🥳🤩咁就仲正啦😛嚟到當然要叫番杯嘢飲，呢杯係好冰涼嘅椰汁冰🥥🥥正😍之後朋友都叫咗唔少得嘅椰青，大大個椰青🥳🔥🔥好多汁，啲水都好甜🙌🏼之後就叫左pad Thai 😋啲蝦好多，都彈牙的，炒得好香，有鑊氣，佢偏醬汁偏甜嘅味道，加埋啲花生碎，其實都幾啱我口味🤣🤣😛顏色上唔會整得太有色素，太橙色，呢個係我比較鍾意嘅位🙌🏼🙌🏼讚！呢個係好好味嘅馬拉盞通菜，通菜根本就冇得輸，應該係呢排當造，好翠綠，好爽口，之後個汁都係正！有鑊氣🤩🤩味道啱啱好😋我自己都叫咗嘅芒果椰汁冰，因為上次喺之前間店飲過，覺得太正，所以好推薦，今次都食過返尋味🤣🤣🤣😛覺得好有

小曼谷泰國美食站 (銅鑼灣)銅鑼灣謝斐道535號Tower 535地庫B02舖A+B孖寶套餐 $288A揀左：牛油蒜蓉燒蟶子B揀左：牛油蒜蓉燒扇貝A. 牛油蒜蓉燒蟶子蟶子無沙、乾淨👍🏻但蒜蓉牛油、香脆炸白飯魚仔都比較重味，變相搶走了蟶子本身應有的淡淡鮮味～B. 牛油蒜蓉燒扇貝扇貝燒得剛好，無過老～同燒蟶子一樣，因為蒜蓉牛油+香蔥同炸白飯魚乾比較重味，變相搶走了扇貝本身獨有的淡淡海鮮味～風味燒豬頸肉$118有驚喜🤩豬頸肉火喉燒得幾好，一d都唔韌唔乾！ 而且幾大份👍🏻醬汁酸酸甜甜，仲好香蒜味，同燒豬頸肉好夾，呢款泰式醬汁比生蝦刺身嘅醬汁出色！😋 小編反而鐘意用呢款燒豬頸肉嘅泰式醬汁蘸生蝦刺身😋生蝦刺身$128生蝦肉爽口，與燒蟶子是同一款的泰式醬汁，以食盡各家泰式生蝦嘅經驗，如果呢款泰式醬汁調得更香辣會令生蝦刺身更惹味開胃～豬頸肉！👍🏻

#小曼谷泰國美食站 好開心又可以去食泰國美食啦，今晚和幾個朋友聚會，大家都勁掛住泰國旅行，泰國美食，行到銅鑼灣就去左食啦😜😜😜這家泰式餐廳有一個大大火車頭做打卡位，其實都似夜市般，真係唔錯😉😉😉🔹牛油蒜蓉燒大蜆 $122 燒海鮮真係好正，我其實每次來都必點，最正係佢加左銀魚仔一齊燒，勁香又惹味👍🏼👍🏼👍🏼🔹澳洲龍蝦椰青海鮮焗飯 $238 超吸睛的賣相，巨型龍蝦頭係個椰青飯上面，再將焗好的龍蝦肉(已經起了肉)撈入椰青飯一齊食，好好味，特別係有香濃椰子汁伴飯，飯中亦有海鮮，相當豐富😋😋😋😋🔹風味燒豬頸肉 $118 泰式烤豬頸肉可謂大眾最喜愛的泰式小吃，爽口彈牙、香口又惹味😍😍😍🔹泰式併盤 $188(大) 有4款風味泰式小食，魚餅、炸蝦餅、春卷、炸扎肉卷，每款都好正，而且極大份😉😉😉🔹冬陰公湯 $138 這款都是地道食品，味道就不算太突出，正正常常😀😀😀小曼谷地址: 銅鑼灣謝斐道535號地庫 B02

今日同朋友二人世界撐枱腳😉兩個人又想靜靜地傾下計 又想環境靚🤣簡左呢間食泰國餐😉泰國係香港人最愛去的旅遊勝地之一😍😍😍今晚簡直令我回想起去泰國旅行既日子😍😍😍我最欣賞呢間餐廳即叫即整 拎出嚟嗰下真係噴哂煙，真係要吹凍先放得入口果隻🤣🤣🤣我地嗌左三個餸😋😋😋1. 泰式鮮蝦炒金邊粉：味道真係啱啱好，我好怕有啲餐廳會煮到好甜，又或者會好辣。呢間嘅味道調校得非常好，同埋真係噴曬煙，非常熱辣辣🤣2. 牛油蒜蓉燒大蜆: 賣相真係非常靚🤣🤣每一隻蜆有香蔥，蒜蓉，牛油，脆魚仔😍一齊放晒落口真係好正🤣👍3. 泰式燒盲鰽: 條魚非常新鮮，整塊魚皮可以反起😍😍😍入面係非常鮮甜的魚，再加埋個泰式醬😍真係食到令人非常回味🥳總結呢間餐廳真係值得去的，好味之餘，每一道菜都睇得出好有心機 我已經約咗朋友下次再去🥳🥳🥳👏🏻👏🏻👏🏻

前幾日放工後突然好想食泰國野～～於是約左朋友去銅鑼灣既小曼谷食晚飯🤩🤩🍖小曼谷孖寶 $288✨原來餐廳喺晚市有做優惠，孖寶既價錢可以係A同B區各揀一款菜式～～我地就揀左泰脆炸豬手同燒脆皮白鱔(兩串)😋😋泰脆炸豬手份量十足，外皮脆卜卜！！肉質嫩滑juicy，好入味！蘸酸辣醬食更有風味❤️❤️伴碟有幾塊蝦片，都好香口～～而燒脆皮白鱔都好出色，白鱔肉質鮮甜！！仲燒到有少少焦香，好好食🤤🤤🥭香芒蟹肉炒飯 $98✨炒飯配料好多，有三色豆、洋蔥、肉鬆等，口感豐富😋😋香芒好甜，但略嫌蟹肉份量比較少～～炒飯炒得好乾身，一d都唔油膩，推介👍🏻👍🏻銅鑼灣分店都幾大，裝潢好特別～～門口仲有大大個既火車頭🚂打卡位，好有氣氛呢❤️❤️