小曼谷泰國美食站

營業中

休息中

成日都聽人講小曼谷好出名 但係一直都冇去食 見到終於開到嚟銅鑼灣 然後有咁耐冇去過泰國 就冇理由唔食吓佢㗎我哋叫咗泰式金邊粉 一堆串燒 同埋重頭戲 咖喱軟殼蟹配農夫包泰式金邊粉真係好有泰國風味 蝦仁大大粒爽口彈牙又有蝦味 同埋炒到啱啱好嘅金邊粉食到好似喺泰國咁串燒就有司華力腸 雞全翼 配埋秘製嘅沙嗲汁食到咁上下都要留返個肚食重頭戲 就係呢一個大大份嘅咖喱軟殼蟹農夫包農夫包脆卜卜 吸收晒咖喱汁嘅精華估唔到兩個人都食得晒成個包

今晚又出城來到銅鑼灣食泰菜🥰🥰泰式鮮蝦炒金邊粉～我覺得呢個最好食😋，唔會太乾，唔會太油，而且好足料✌️泰式鐵板蠔餅～即叫即製，熱辣辣，份量十足，蠔餅表面煎到金黃香脆😋😋每啖都充滿蛋香及蠔仔的鮮甜，蠔餅底仲墊住啲爽脆的牙菜👍泰皇咖喱法包軟殼蟹～咖喱好香唔辣😋軟殼蟹都好多，脆口又大隻👍明爐香檸汁蒸桂花魚～平時食開多數都係烏頭魚，今次就桂花魚🐟魚肉厚身鮮甜且好滑，啖啖肉，不過就貴啲同埋叫咗小辣之後都仲係好辣🤣餐廳仲會額外上多碗湯汁，等大家可以慢慢一路食一路滾👍👍好有心

最近好想食泰國菜！同朋友離左cwb既依間小曼谷泰國菜到trytry新野啦🤩💕 之前已經聽過依個名，今次第一次食，一離到餐廳裝修好靚，出而擺左一架火車頭，好有去左泰渣既感覺啊，而且餐飯職員服務態度都好好，唔講咁多，一於食下睇下點啦🤟🏻首先我地叫左個泰式青咖喱 再叫多個薄餅青咖喱咖唔會太辣，岩晒香港人口味，而且裡面有帶子、蝦、魷魚🦑 岩晒鍾意食海鮮既我！最後青咖喱汁都唔好浪費，點埋薄餅食，飽肚又好食😋之後我地叫左個生菜豬肉包🥬豬肉配生菜🥬估唔到係咁好食！口感一流，配搭亦到好出色，配埋一齊食，唔會好油膩👍🏻😊最後仲有一份泰式生蠔✌🏻裡面既生蠔超新鮮，非常肥美，仲有外層炸到好香脆🦪

聽說一個人待久了，會上癮的。終於像劉喻書中寫的那樣，一個人過得像一直隊伍。隨心所欲，吃飯也是很自由，吃自己最愛的小曼谷。我幾乎是每一兩個月，就會想念泰國菜。 珍寶腸沙爹串燒 28突然想吃腸仔，沒想到還挺大的。外皮酥脆內心柔軟，甜甜蜜蜜的。 椰汁雞湯 102好大一鍋，喝完湯，就飽了。發現一個減少食慾的好方法，就是飯前喝湯。 泰式马拉盞炒椰菜苗 92每次必點菜式，椰菜苗也只有在這裡可以吃到，喜歡它的口感，緊實又新鮮。聽說將食物換成新鮮蔬菜，可以減少身體的疲倦。提高體力和效率。 極上小牛排沙律 138要來全熟，特別勁道。麻辣的沾料，口味簡直就是最愛❤小曼谷泰國美食站銅鑼灣謝斐道535號Tower 535地庫B02舖

小曼谷餐廳既燈光好有泰國夜市既感覺,但係呢度食,好明顯係舒服整潔高級d la. 叫左燒既海鮮combo,有三隻蟶子加兩隻帶子,因為個toppings加左好多銀魚仔乾,味道好豐富,同中式燒海鮮感覺好唔同,充滿左魚既香氣。combo既價值好抵食。另外仲叫左一串燒牛肉,配返個自家制既satay sauce,味道一流呀!飲品就叫左大大個既鮮椰青,香甜多汁,解膩。欣賞呢度既火車頭設計,好岩火車友黎影相打卡呀!

要傳統又要keep返泰國風味既餐廳係香港真心好多，但個人喜愛老字號，銅鑼灣呢間「小曼谷泰國美食站」餐廳覺得佢用泰國火車為主題比較特別，除了卡位都扮成車廂佈置之外，仲有小朋友最愛既大型火車頭，一行到門口感覺返哂黎，真心好似置身於泰國火車夜市咁，好有feel 😆而眼見佢d廚師大部分為泰國人，口味點都會正宗既🥲我地3個友人點左啲特式野食試試：🥢澳洲龍蝦椰青海鮮焗飯：呢個絕對係打卡之選，一上到枱全場矚目😆有啲fusion嘅感覺，但係絕對係考功夫之作，所以要預番少少時間去等，但係等待係絕對值得嘅！先將龍蝦起肉輕輕炸左，再放落椰青飯度焗，椰汁、椰青、龍蝦嘅味，完全索晒入飯裏面，香噴噴！🥢牛油蒜蓉燒大蜆：朋友誠意推介，食得出蒜蓉牛油先起鑊，再舖上大蜆逐隻燒，大蜆好新鮮，蒜蓉牛油亦都好搶鏡！🥢風味燒豬頸肉：呢個一上枱已經十分之香，唔怪得係推介之選！燒到剛剛好，豬肉好淋，點埋佢個汁簡直無敵！🥢冬陰功湯：我每逢吃泰國菜都必須點一鍋冬陰公。呢度用左海鮮煞製而成，加埋其他香料調配，香辣酸甜都有，味道很正宗！大蝦都鮮甜，肉質又腍！🥢泰式拼盤：份量很足夠，蝦餅、魚餅、春卷同雞棗拼埋，脆卜卜，雞棗幾煙韌，好特別！

自助落單，好！唔怕有出錯，又唔會有人騷擾自己同朋友傾偈！讃👍🏻見到有live bang唔知仲有冇呢？叫了青咖喱豬頸肉，就梗係要叫個碗白飯嚟送咖喱啦，不辣，好香，好好味😋！豬頸肉仲有好多添。抵食👌又叫個滷水豬手煲，豬手軟淋，亦都係餸飯一流，食食吓才見到煲底有好多芥蘭呀！可以慳返叫碟菜嘅錢添😉所以叫多串雞翼、蝦球串嚟飲下啤酒😍😍！串燒火喉控制恰到好處，完全唔會乾身，仲可以保留食材嘅鮮肉汁💪🏻💪🏻

Book左星期四6點，一行4人到達，環境舒服，食物水準好，價錢可以，但服務態度有待改善，訂完食物15分鐘全部到齊，張4人枱跟本放不落，我建議推隔離張枱來放一放食物（話吾可以😐）只要我地夾埋一碟，一係放曬落自己食碟，再拎走空碟，再放一碟下來（無言）叫左兩煲翅，各餘一半，又要我倒埋一煲😅又拎走再放碟飯，跟本無時間品嚐味道….只係趕你快快食完，想影相時間都冇，6:45已食完全部

Gathering 食泰國野，見到門口咁大個火車頭🚞，就諗起曼谷個火車夜市，成間鋪都係火車車廂theme，有啲行李架🧳同路軌做裝飾；平日放工都唔少人，7點半左右可能要等位。野食種類好多選擇，有串燒、炸物、同不同煮法既海鮮，淨係諗食咩都揀左好耐。先揀左唔辣既生菜包，唔好睇佢顏色好淺，食落好惹味，好多香料，夾埋生菜食🥬。有鐘意食魚既人所以叫左明爐香檸汁烏頭，黎到仲有埋魚湯送魚肉，咁大條幾個人分啖啖肉，不過點都會有骨同食到最後好辣。

以前夏天一定會去泰國旅行，今年疫情去唔到唯有去香港小曼谷食泰國美食過下隱先🇹🇭 餐廳睇落都幾闊落同有氣紛，有個小小既live band舞台係中間，野食份量都算多，都幾岩一大班朋友黎聚餐！我同朋友叫左冬陰功湯，佢有個熱鍋爐熱住湯，夠哂細心唔怕涷，味道酸辣，好正好好飲👍 之後叫埋必食泰式生蝦，生蝦處理得衛生，食落新鮮無伏👌 叫左兩種海鮮，分別係牛油蒜蓉炒蜆同蟶子，香氣十足！亦都有叫必食嘅沙嗲串燒，有雞肉，牛肉同豬肉，仲有虾同埋蕃茄仔，好有BBQ feel 😛 主食叫多左一個Padthai 麵，都係酸酸甜甜，好開胃既☺️ 其他嘢食種類都好多，例如咖喱軟殼蟹等等都好吸引，但實在食唔落等下次先😂而且餐廳服務態度都好好，好nice👏下次再食過

🔻生蝦刺身 $128正正常常，但朋友話唔係太新鮮，蝦肉唔夠彈牙🔻 極上燒安格斯西冷牛小排 $238🚁韌過樹皮，咬極都咬唔爛🤯🔻馬拉盞炒椰菜苗 $92唯一啱胃口既得碟椰菜苗😅幾新鮮爽口——————————————————細細個就聽過佢個名😂但今次先第一次食如無意外都應該冇下次🙈想食好食泰國菜，建議去返泰金國❤️…………………………………………………………..by C

位於銅鑼灣的泰國餐廳，餐廳在地庫，全層都是餐廳。餐廳內部裝修走工業風格，座位是仿照火車及車廂設計。餐牌附照片，讓客人看到什麼菜式。炒河類：泰式鮮蝦炒金邊粉加入了羅望子醬一起烹調的泰式炒粉，酸酸甜甜，夾雜豆腐乾、豆芽等，增添口感。入面有幾只鮮蝦，肉質彈牙。飲品類：榴槤沙冰榴槤愛好者不妨一試，陣陣榴槤香味，濃稠，出色驚喜的沙冰，而且很消暑解渴。甜品類：小曼谷原隻芒果糯米飯原個大芒果，切開兩邊，甜中帶點酸，配上甜椰汁及新鮮蒸熱的糯米飯，上枱時煙還在冒。鹹香的糯米飯，煙煙韌韌，很有嚼勁。

小曼谷泰國美食站地址: 銅鑼灣謝斐道535號Tower 535地庫B02舖 門口有木車頭，極之搶眼，行入去食飯，就有如身處火車內用餐的體驗$288combo set 泰式燒盲鰽加牛油蒜蓉燒大蜆魚一尾燒好，中間塞了香草能去掉魚腥味架！蜆好鮮甜且富蒜香，真係好小食到咁大隻蜆，嚼勁十足。$128 泰式生蝦刺身，6隻以此定價我覺得有點貴，不過勝在蝦好質感，個醬亦調得滋味，$138 鐵板蠔餅堆到成座小山，蠔肉肥美有蛋香，加埋個是拉差辣醬食足4樣海鮮，香港食海鮮一向唔平，今次人均$300 食到，比去西貢食更相宜

今日收工同朋友去銅鑼灣食晚飯，諗住食泰國嘢，所以就去咗小曼谷🤤餐廳環境同燈光都幾有feel，出面仲有個大大既火車頭俾大家打卡📸店員服務都好好，好有禮貌✨泰式生蝦刺身 $128呢個生蝦刺身擺設幾靚，每隻蝦上面都擺放咗蒜片同辣椒🌶️啲生蝦好新鮮，咬落去幾彈牙幾爽。另外佢仲有個泰式辣汁俾你點蝦，點完味道會更加突出。原本已經辣辣地，再加埋蒜片同辣椒，係辣上加辣🔥雖然食完好辣，但感覺好正，最重要係啲生蝦好新鮮，當做前菜幾啱🤤豬肉碎生菜包 $92呢個菜式有得俾你揀少辣同加辣，唔係好食得辣既朋友完全唔使擔心😆 佢既豬肉碎份量都幾多，大大粒幾有咬口。味道甜甜地之餘仲有啲辣，啱啱好中和番。入面仲有洋蔥，所以成個菜式既味道幾濃。但配埋生菜一齊食，口感層次提升，而且仲可以減低豬肉碎辣度，同朋友一齊share食就啱晒啦✨冬蔭公湯 $138呢泰式餐廳就點都要叫番個冬蔭公湯先盡興既🤣呢個湯都係有得俾你自己揀辣度，我地就揀咗加辣。味道酸酸地仲好辣，飲完都要飲番啖沙冰先得🥵雖然好辣，但咁先至有好似去咗泰國食野既feel！另外入面仲有蝦，蝦都吸收晒湯既精華，所以食落去佢既冬蔭公味都幾重🦐榴槤糯米飯 $98食完啲辣野就食番

同朋友想食泰國嘢好耐 所以我哋揾咗間出名既餐廳 - 小曼谷泰國美食站 呢間餐廳啲野食幾吸引 幾有泰國風味🤩 門口仲有大大架火車模型泰皇咖喱炒大蜆 $168呢個菜式好大碟 入面有好多咖喱 同朋友share 一齊食就正啦🤤咖喱甜甜地唔會好辣 幾好味 裏面仲有蜆肉係裏面 蜆肉大大隻 仲有甜甜地既味道😋而且望落仲好靚 好吸引泰式原味烤薄餅 $45因為上面既咖喱實咗太大碟 淨係撈蜆根本食唔晒 所以我地仲叫咗呢個烤薄餅點嚟食 薄餅係即叫即整 熱辣辣仲脆脆地😍有兩大塊 點埋咖喱一齊食好正好好味 香芒蟹肉炒飯 $98因為本身好鍾意芒果加蟹肉呢個配搭 鹹鹹哋又甜甜地 所以就叫咗呢個炒飯 份量好多 同朋友食就好fit 😋呢個飯既蟹肉都算多 仲冇好多材料 有蛋 粟米 蔥等等 但芒果就比較少 如果多啲芒果就更加吸引～ 整理嚟講都ok泰式馬拉盞炒椰菜苗 $92我哋另外仲叫咗椰菜苗 佢既份量幾多食落爽爽地而且幾濃味 唯獨油咗啲🙈冇咁油就更好更美味芒果椰汁沙冰 $41呢杯椰汁好大杯 見到朋友叫所以就跟埋一齊叫 椰汁味幾濃 mix埋芒果幾好飲🥭而且又夠晒凍 夏天飲就啱晒🤩