小曼谷泰國美食站

營業中

休息中

小曼谷泰國美食站 以泰國火車為主題，門口就放左個火車可以打下卡，餐廳亦播放泰文歌，成個環境氣氛都唔錯 小曼谷孖寶推介 $2881. 泰脆炸豬手勁大份，份外皮炸得好香脆，咬落脆卜卜，咬到中間亦會慢慢淡出豬既油香，入面肉質亦保持爽彈唔乾，配埋側邊啲酸蘿蔔一齊食，開胃之餘仲可以減輕罪惡咁， 2. 小曼谷海南雞(半隻)份量超足，雞皮爽滑，肉質亦夠嫩滑同有彈性，雞肉味道濃郁 泰式飛天通菜 $88不過不失，菜味都夠濃，唔會好咸 泰式蒜蓉包(4件) $45都係即烘熱辣辣，食落脆卜卜

每次相約朋友食泰國菜，除了去九龍城都比較喜歡嚟到位於銅鑼灣這間小曼谷泰國美食站，無論餐廳環境及食物質素都不錯！門外擺放一駕火車頭做擺設極具特色👍泰式生蝦刺身-一碟有六隻生蝦，新鮮又厚肉彈牙，醬汁酸酸辣辣配埋粒粒生蒜紅椒一齊食，超級滿意！泰式鮮蝦炒金邊粉-金邊粉炒得好有鑊氣，鮮蝦大大隻好爽口，加入花生碎一齊食口感豐富，好惹味😋泰式鐵板蠔餅-鑊氣十足，蛋絲好酥脆，蠔仔分量十足，沾埋泰式辣醬食，夠晒惹味！

一入門口有大大個火車頭，一定會搵得到。入面個live music zone 不過可能疫情所以無開。座位都幾足夠，所以坐得舒服冬蔭功湯泰國既冬蔭功湯，不論一年四季咩溫度都適合飲。上菜時，湯品香氣四溢，火紅既湯頭，盛滿新鮮大蝦，檸檬葉，香茅，南薑等等既泰國香料。賣相超吸引。只要望住個湯品，口水已經引發出來。香料加鮮蝦既精華集中晒係個湯入面。激香！！飲得到淡淡椰香！冬蔭功既酸辣不會過辣涸喉！過癮過癮！！干炒豬肉河粉上菜時賣相非常吸引，熱騰騰出晒水蒸氣。相信係啱啱離鍋不久。黑亮黑亮既河粉掛滿醬汁。配料勁豐富有豬肉，洋蔥，芽菜，紅蘿蔔，仲有我勁鐘意既泰國菜靈魂-羅勒。不會太咸不會太油。忍唔住一碗接一碗。豬肉碎生菜包，因為我唔食得辣，所以下單時走辣，以為冇辣會唔夠味，食落去有醉醉甜甜既味道肉碎炒洋蔥，個生菜好新鮮，包埋黎食好開胃。黃咖喱非常入味，偏甜唔辣，配埋索曬咖喱汁嘅法包的確係一流非常好食！趁熱食，趁法包皮脆既時候食口感更佳！至於軟殼蟹都炸得金香酥脆，整體黎講相當唔錯！而且份量偏多，足夠三至四人share。呢度d炒菜確實係相當有水準。馬拉盞炒菜有辣有唔辣，點左唔辣既炒椰菜苗。椰菜苗食落好夠鑊氣

今晚同朋友出來銅鑼灣行街，行過來Tower535，本想望吓DJI旗艦店，但原來已於8月結業，咁就轉個圈落去商場樓下，見到這裡有間在九龍城食泰菜嘅餐廳，就係咁就入去了，門口有㗎火車頭打卡位置，當然我就沒有打卡，因為肚餓想搵食先！落單掃QR code 就可以十分方便，第一樣必食就係泰式鮮蝦柚子沙律，這裡的柚子十分多汁鮮甜，加上彈牙爽口嘅大蝦，還有香脆椰絲同脆花生，撈勻一齊入口又脆又軟，入口多汁，絕對係開飯前必食推介！青咖喱牛腩，配埋泰式蒜蓉包，又係另一個最佳配搭！香濃嘅青咖喱汁內放滿了炆得十分軟淋嘅牛腩，啖啖肉，入口時個陣青咖喱味道加了軟淋嘅牛腩，十分入味！泰式蒜蓉包上本身都塗滿了蒜蓉，包身烘得十分香脆，就咁食時濃郁嘅蒜味十分好味，配埋個青咖喱亦係另一種口味，軟軟浸滿了香濃青咖喱，正！主食加埋個泰式鮮蝦炒金邊粉，大大碟，金邊粉上面亦有彈牙大蝦，最喜歡旁邊伴碟嘅香脆花生碎，混埋煙韌嘅金邊粉一齊入口時十分有口感！最後加埋個小曼谷原隻芒果糯米飯就係一齊完美嘅組合，原隻芒果十分多汁香甜，加埋個煙韌糯米飯一齊入口，十分滿足了！加埋個椰醬味道更加香濃！

🍀呢個充滿美食嘅商場，係銅鑼灣近期新興嘅覓食好去處，電梯一搭落嚟，就見到呢間小曼谷餐廳，門口有大大架火車頭做裝飾，吸引眼球！裝修都充滿泰國地道色彩✨泰式鐵板蠔餅$138～蠔餅用咗芽菜鋪底，加入了大量紅椒、香蔥，蛋呈拉絲狀態，視覺高高的，非常壯觀。蠔仔夠大粒，無沙且鮮甜，加少少甜辣醬，味道就更加惹味。✨牛油蒜蓉燒紐西蘭青口 $118～青口擺放得非常漂亮，精緻嘅擺盆，影相好靚，青口上面有好多炸魚仔、蔥等等，食落好香口 ，牛油味道亦都好出好濃郁。✨泰式鮮蝦金邊粉 $98 ～金邊粉材料有大蝦、芽菜、蛋 、豆腐乾等等，大蝦🦐爽口，金邊粉唔會炒得好油膩，調味酸酸甜甜，飽肚又開胃😋

好耐沒吃泰國菜啦，朋友生日，我們就來吃吃地道又正宗的小曼谷啦。我曾經吃過九龍城的小曼谷，覺得好好食，不過九龍區始終不方便我。剛剛才知道原來小曼谷在銅鑼灣有分店，所以我們就來了。 龍眼冰豬肉串燒 $24 雞肉串燒 $24 珍寶帶子串燒 $49 去泰國餐廳一定要食串燒，而餐廳的串燒可以每條單點，款式好多。我們豬、雞、海鮮，每要一條試試。豬肉鮮美，雞肉多汁，帶子新鮮，全部都不錯。 泰式燒盲鰽 $178 我好喜歡吃魚，這條燒盲鰽好得我歡心。燒魚即叫即燒，充滿濃濃魚香。魚肉好滑，我加餐廳的秘製醬汁更好食。

餐廳係採用火車裝修嘅風格，搭配現場嘅燈光效果，有種特別感覺，餐廳亦有一角落係俾band表演，如果冇疫情下，係可以一邊享受住音樂一邊享受美食。餐廳會有餐牌提供，但就係用手機自助落單，幾方便。同朋友叫咗幾樣嘢，黃咖哩雞肉配薄餅，咖哩味道好濃郁，亦都唔會辣，配埋薄餅味道好夾。泰式馬拉盞炒椰菜苗，椰菜苗顏色好翠綠，炒得仲係好爽口，蝦醬好香，啲菜好入味。風味燒豬頸肉燒得幾好，唔會好乾好硬，加埋佢配嘅醬汁，好惹味！泰式鮮蝦炒金邊粉，啲蝦好大隻又脆口，金邊粉嘅濕乾適中，有三隻配料可以混落金邊粉。呢餐泰國餐幾唔錯。

小曼谷呢間咁出名既餐廳, 唔一定要去九龍城先有.而家開左係銅鑼灣啦, 位置係總統戲院對面有個新既大廈. 一落到地庫已經係幾間新開既餐廳, 門口係一架大火車, 小朋友見到好開心, 都會係門口度打卡.入面都裝修到好似坐左係火車咁. 我個位仲係對住個LIVE BAND (雖然遇唔到有人唱歌)2個人叫左3碟野食. 每碟份量都好多. 🦐泰式炸蝦餅 (S) $82好彈牙, 食到粒粒蝦肉, 配埋甜酸醬, 非常開胃.叫左細SIZE但一上台都幾大份下. 一共3件, 每件切開一半, 6大粒, 2個人食都幾多下. 🐟泰式明爐烏頭魚 $228食泰菜,我最愛就係泰式明爐烏頭魚原條魚熱騰騰, 下面有火坐熱住, 愈吃愈開胃. 同埋一D都唔腥. 🍀馬拉盞炒通菜 $89可以要求”少油”或”少味”. 開頭一心都諗住呢個菜普普通通啦, 點知叫左少油, 成碟菜都變得好好味.平時出面食個D都係比較偏油.

小曼谷係銅鑼灣呢帶好出名，泰國嘢識食一定係食呢間，抵食得黎食物質素亦好高。今次已經唔記得係第幾次光顧了，趁早收工過黎，仲未使排隊，所以非常好彩😂！不過餐牌真係太多選擇了，選擇困難症既我足足睇左20分鐘先決定到要食咩😂風味燒豬頸肉 $118老老實實，呢個豬頸肉雖然唔大份，但超級香口惹味😋，爽口而且彈牙，入口完全唔油膩，真係難以抗拒。🤣🤣泰式花膠濃湯煲仔翅 $118原價係$118，但點任何一道菜可以就用優惠價$98換購。湯中帶有鮮甜味道，加入花膠、花菇入口嫩滑爽口，可以按個人口味加入醋或胡椒粉調味。小曼谷原隻芒果🥭糯米飯 $88次次嚟到都必食嘅甜品😋，利申！暫時食過最正嘅芒果糯米飯就係呢間😆！糯米上枱時仲熱辣辣。糯米軟硬程度恰到好處，椰漿夠甜，又唔會好漏🤤，芒果超級香甜可口，大滿足🤗🤗！鍾意食甜品一定要試丫！🔥

餐廳：小曼谷泰國美食站 (銅鑼灣)地址：銅鑼灣謝斐道535號Tower 535地庫B02舖嚟到銅鑼灣呢間幾出名嘅泰國菜黃店食晚飯💛，原來小曼谷泰國美食 @minibangkok 喺九龍城有接近20年歷史，老闆同廚師都喺泰國人🇹🇭 ，銅鑼灣呢間分店夜晚仲時不時有live band表演🎶，難怪吸引到咁多人嚟幫襯啦喺門口已經見到好有標誌性嘅火車頭🚆，餐廳亦充滿泰國氣息，而有一個角落喺擺放咗唱片同樂器，增添咗啲relaxing同好chill嘅感覺🤟✝️小曼谷炒飯 $108呢個飯喺蛋包飯，切開見到加咗蟹柳、蝦🦐、扎肉、豬頸肉嘅黃色炒飯，炒飯香而唔油膩，每啖都食到充滿蛋香嘅蛋塊，食個飯份量都幾大😂，夠3-4個人share嚟食✝️鐵板豬頸肉啫通菜(馬拉盞) $99一嚟到果陣只喺見到通菜以為嚟錯咗，準備叫店員換走之前翻一翻個底，原來超多豬頸肉隱藏咗喺啲菜入面🤪，差啲就樣衰咗🙈，馬拉盞炒過好惹味，不過食到最後就有少少油🤏，用鐵板上菜keep住都熱辣辣🔥，好正🤩✝️豬肉碎生菜包 $92用手機掃QR code點菜果陣可以揀辣唔辣，我哋就揀咗小辣🌶，生菜大概有十片🥬，而豬肉碎份量都幾多，每片都可以塞得滿滿，酸酸辣辣

為左慶祝朋友搵到新工，去食佢鍾意既泰國菜。港女既我當然搵一間可以打卡又好食既餐廳喇😎餐廳裝修以火車為主，counter附近仲有個路標「打卡」😂指向門口大大個懷舊火車🚋而入面都放有不同類型既模型火車&零件，當然要selfie一番喇～點餐係用QR code 點，可以慢慢點～之後想加野，唔洗驚收左餐牌點唔到講明今餐飯係慶祝，當然食豪少少，叫左「小曼谷孖寶推介」既「牛油蒜蓉燒蟶子」&「牛油蒜蓉燒大蜆」，兩款海鮮都幾大隻，而且一啲沙都無，清得好好，味道方面好香蒜蓉🧄味，點埋佢酸酸地既醬，好開胃😌而講到泰國菜，我地最鍾意食「豬肉碎生菜包🥬」& 泰式小食。「豬肉碎生菜包」既口感好特別，入面應該加左蝦米🤔，而且調味係酸酸辣辣，好惹味😋仲可以禁自己接受既辣度&要唔要洋蔥、青，而小食就叫左「泰式拼盤」，有蝦餅、雞棗、魚餅、春卷。分量都頗多&大大件，每樣小食都可以食少少😙 雖然係小食，但做得一啲都唔hea, 蝦餅、雞棗、魚餅好彈牙。春卷炸到好脆仲叫左串燒😁雞軟骨、牛肉沙嗲、牛舌、雞髀菇沙嗲。最鍾意牛舌，真係好林好入味☺️。飲品叫左西瓜&青檸菠蘿沙冰，可以禁自己想要既甜度，讚👍🏻又大大杯想讚下服務員，見到我地食

之前每年都實會去一去泰國！除咗歎Spa🌺行夜市👣玩盡水上活動等等等等之外！最掛住當然係當地美食啦❤️未飛得去！好彩身處香港呢個美食天堂仲有得解救！今次就去到呢間位於銅鑼灣嘅💛店"泰國美食站"止吓癮先啦😚😚一去到見到大大架火車裝飾！即刻諗起之前去曼谷鐵道市集嘅旅行時光！正！打個卡就入座開餐啦❤️.✨椰汁雞湯 $102奶白色嘅湯水有好濃厚嘅椰香味🥥配埋大量嫩滑雞件🐔真係好正！！而且加入咗海量香茅等香料煲製好消暑氣！一路飲一路勾起緊喺泰國嘅味蕾回憶呀！. ✨泰式燒牛仔骨 $88燒得剛剛好！唔會太韌！而且醃製得好入味！沾埋泰式汁料食更惹味！！唯獨得三件！份量有啲少哦！. ✨鮮芒海鮮炒飯 $98炒飯炒得粒粒分明有鑊氣呀！除咗青口魷魚蝦x雜豆蛋絲肉鬆之外！鮮芒果肉有畫龍點睛之效🥭🥭豐足材料嘅炒飯飽肚又好味！！. ✨菠蘿沙冰 $33✨芒果沙冰 $41咁熱天氣點可以唔點鮮打沙冰嚟飲🥤🥤兩杯滿到瀉嘅杰身Smoothie淨係望住都吞哂口水🤤飲落勁透心涼！兩款都清新鮮甜！一啲都唔假甜！好推薦👍👍

往時每年都去泰國旅行順道和朋友興祝生日，依家唯有不斷尋找地道泰菜餐廳去回憶喺果種味覺和感覺。今次fd子的慶生飯嚟咗呢間喺銅鑼灣用火車頭佈置的泰國餐廳食，最欣賞個海鮮焗飯：澳洲龍蝦椰青海鮮焗飯・一上枱我哋嘩一聲，龍蝦大隻到超誇張，龍蝦頭大過我拳頭，啲料滿到瀉！ 用椰青焗個飯味道零舍清新香甜、仲有好多舊新鮮爽脆龍蝦肉、和帶子魷魚等海鮮，份量足夠填飽我哋3個小曼谷孖寶推介 -嗌呢個餐可以喺menu嘅A+B各揀1項，比散叫更加抵食：A 泰式燒盲鰽・用泰式香草燒得魚皮微焦香，揭開魚皮嫩白魚肉冒晒煙咁，條魚size幾大條肉質ok味道較淡，點埋辣汁食會惹味啲B 小曼谷海南雞 (1/2隻)・雞件肉厚口感也算滑、雞味就不太濃椰青波波 ・係泰國直送嘅椰青水，好得意真係成個波咁，係用飲管篤穿波波飲啲椰青水，幾清甜，啲椰青肉仲好易刮出嚟食，滑捋捋幾正芒果椰汁沙冰 ・成杯滿晒粒粒芒果肉，既甜又解暑清熱氣小曼谷泰國美食站

行完sogo見肚餓就search下附近有咩好食，search到好多人話好食又好近既小曼谷，在tower 535地庫非常方便！首先我們點了泰式生蝦刺身，生蝦非常鮮甜，配上辣椒和蒜頭，口感不錯。主菜叫了泰皇咖喱炒大蜆，超大盤！蜆肉大大粒，咖哩香口入味，不太辣，有濃厚咖喱味道！最正係鐵板豬頸肉炒馬拉盞椰菜苗，上桌時鐵板真的灑灑聲架！食落非常惹味，兩樣餸配合得好夾，有口感！最後叫了杯青檸菠蘿沙冰，好大杯，酸酸甜甜的，非常透心涼！最緊要是環境舒適，十分好坐冇限時！

路經銅鑼灣，太多選擇嘅情況嘅情況吓決定再次幫襯小曼谷。一入去真係幾好服務，已經將兩套餐具擺喺我哋枱面，非常之精緻，環境都非常之清潔同埋清幽，背景亦都播放着泰國嘅音樂， 連同餐廳火車嘅設計，成件事好chill。話說自從冇得去旅行之後，我已經好耐冇去過泰國，亦都冇食過泰國菜，今次一個好好嘅契機比我重拾泰國嘅滋味。我朋友好想食芝士，所以晏咗個芝士泰式夾餅，一上枱啲酥皮味真係好香，佢啲芝士係可以拉斯㗎，用嚟點我哋嗌嘅黃咖喱海鮮就最Perfect！黃咖喱亦都好足料，裏面有蝦、青口、同埋唔同嘅海鮮，好惹味啊！之後我哋仲嗌左一個生菜包，肉碎炒得好香口，配合埋佢新鮮嘅生菜包嚟食完美無敵！食咗咁多肉，都應該食下啲菜調和下，所以我哋嗌左個泰式鹹肉炒椰菜苗，椰菜苗非常之爽口，食得出好新鮮同埋好夠鑊氣，真係一啖接一啖咁吞落肚仲有啊，我哋本身諗住唔夠飽所以嗌多咗個泰式豬頸肉炒飯，原來係真係好大碟㗎，同埋佢嘅豬頸肉非常之彈牙，10隻手指公俾like !嘢飲方面我朋友嗌咗椰青，都係極之大個至於我就嗌咗泰式冰奶茶，同出邊嘅泰式茶飲店有得費！今次嘅用餐體驗非常之好，誠意推薦俾大家🥰