小時光 (已結業)

🥢 台式滷肉便當 台式奶茶 HK$58.小食盤有超多豬耳、海帶、豆腐乾、雞蛋、雞翼、蘿蔔。😋 飯嘅滷肉幾有味道，汁幾多，所以食到尾都仲有汁撈飯。仲有少少配菜系酸蘿蔔絲酸菜。最搞笑都係佢仲有個細橙。.餐廳環境幾有心去design，啲枱又真係學校嘅矮木枱。另外，餐廳係工廠區，夜晚去可能有啲難搵。大廈搭lift，一出轉右直行就係。

睇Google map搵到嚟呢到係工廈入去真係別有一番風味而內裏嘅裝修都好有懷舊嘅風味 大部分都係木質傢俱lunch時段好受歡迎~出面坊間充斥好多冒牌台灣菜但呢一食就食得出有台灣嘅古早味同人情味因為夠大份同食得出有用心對每一份食材雞排肉汁豐厚 而炸粉唔厚 好乾脆可以一口送飯

由於老公在觀塘上班，我們的晚餐很多時候都在觀塘解決，今天心血來潮想到工廈覓食，於是又去了小時光。這裏的裝潢依然可愛，大鐵人，課室專用的桌椅都很可愛，是日朋友打卡的好地方。老公選了三杯雞便當，我則點嘅牛肉麵。三杯雞的賣相比較失色，味道不算很突出，如果男生吃的話份量偏小。 至於牛肉麵，味道還不錯，但以台式食品店來說，只屬一般水平。晚餐時段飲品需要另點，便當或麵平均$60，而飲品則約$30-$40。 不包飲品的話，感覺沒有很經濟，但偶然想來去一個特別的地方吃晚餐，也可以考慮一下！

我一直係呢一間觀塘工廈嘅隱世台式餐廳嘅 fans 已經食咗好多次 地點幾方便 但係可惜就唔太方便輪椅人士 因為佢要兜過工廈嘅電梯 先可以入到去 不過好在我唔係行動不便 只需要依靠工廈側跟嘅樓梯上落就可以間鋪唔算高喺一樓嘅位置 一入到去就有啲著台灣校服嘅staff greet你 然之後帶你坐埋位 周圍裝飾好復古似八九十年代台灣嘅班房 有啲好矮嘅木櫈同埋木枱 仲有好多漫畫 同埋好多懷舊嘅擺設 感覺到老細好畀心機擺設呢一度 我食咗餃子拼酸辣湯麵 餃子非常之好食 佢有分粟米味同韭菜味 分量好大 有六隻 其實淨係食餃子已經好飽 再加埋隔離嗰碗酸辣湯麵 根本就食唔曬 酸辣湯麵啲面淋咗啲 酸辣湯酸酸地幾好味 入面有木耳 豆腐 紅蘿蔔絲肉絲嗰啲配料 撈埋一齊都幾開胃 分量好多 完全食唔曬 我老公叫咗鹽酥雞飯 可以見到鹽蘇雞仲多過啲隻碟 白飯好得意會心幾粒芝麻 鹽酥雞連皮炸 入面啲肉 仲好滑炸得啱啱好 不過略嫌鹹咗少少 我老公呢個大胃王嚟講 佢都話有啲飽 另外嗰杯係美祿恐龍佢會用透明樽上咗美祿畀你再用隔離一個細樽上美祿粉 等你可以一次過倒去隔離長頸鹿紋嘅杯度 美祿恐龍非常之濃味 又凍 非常之適合夏天

周圍食台灣野普遍都係肉燥飯，魯肉飯唔係咁易搵，放工近近地就呢間啦！一年前來過，感覺不錯，近來又想吃魯肉飯就想起小時光！同happyegg baba今晚叫了一份魯肉飯定食再加個魯肉飯，好滿足！原來定食有一份滷水，有雞翼、豬耳、豆干、海藻、滷蛋、蘿白！魯肉多到遮晒碗飯架❤️💜💙💚💛碟滷水好入味！！仲有碟酸籮白同菜甫，夠醒神👍🏼價錢抵食，魯肉飯一碗只是廿十五元大大碗定食五十八元款多又大件！正！

小時光，係一間好有特式既台灣餐廳。除左好耐之前睇過那些年我們一起追的女孩而瘋台灣外，其實台灣野都幾好食。呢間小時光就將環境同美食結合，成為一個我特登遠道而來既不因，我叫左個滷肉飯餐，加埋滷水拼盤同埋杯黑糖奶茶，味道簡直一流。

今日放工搵地方食個晚飯，黎左呢間小時光，感覺都唔錯！置身工廈之中，但睇得出有用心佈置，都真係幾似去左另外既一個時光咁嗌左台式滷肉便當，都幾豐富幾多野食！有碟小小既前菜，另外滷水組合入面有齊蛋，海帶，雞翼，豬耳同豆腐。估唔到豬耳係最好食！整得又腍又入味，係好食 再配埋個滷肉飯，男仔既我岩岩夠飽，但食左好多樣野好滿足！仲有鹽酥雞等既款色都好似好好食╴耐何一個人食得唔多，下次有機會會再同女朋友黎享受下小時光。

環境佈置算不錯，很有台灣校園味道，還有很多漫畫看。但係進食期間，職員開了店內的一對門，隨即傳來震震怪味，影響食慾。食物方面，點了排骨飯，三杯雞飯，雞軟骨和車厘子千層蛋糕。排骨肉很鬆軟，醬汁可口，值得推介，只是白飯稍為硬了一點。當日吃的三杯雞不值得推介，肉質太硬，味道一般，影響對這間店舖的印象。值得推介的是雞軟骨，好像加入了鹹蛋味，吃起來豐富了味覺層次。最後以車厘子千層蛋糕作結尾，帶來不錯的印象，車厘子特別開胃，是一個特別的配合。總結，小食較為滿意，下次應該不會再來吃晚餐，但會嘗試一下下午茶和小食。

來到不是常有時間來的小時光樓上cafe, 來到就會想起台灣的古早情懷，第1次來只吃tea set, 今次終有胃口及時間吃其正餐---豆乳醬炸雞件配飯$60，很有台式炸雞風味，夠哂熱氣，但也非常不錯~~~~! 叫了杯芭樂紅茶$28，恰到好處，還有幾粒鮮石榴粒，令茶更有玩味，喝完茶，才記起這杯子很特別，有長頸鹿公仔在內的。畢竟是女孩子主理，由餐具至食物都花上心思，取悅顧客及出品人自身。絕對值得來的小店。店舖位置有點隱蔽，如果加個指示牌在路口，會較好找。

想回到小時候，小時光可能可以幫你重拾回憶。 位於觀塘興業街的工廠大廈內，有一家佈置得像中學課室的台式餐廳，讓我輕易回想在讀書時候的美好時光。餐廳的桌椅都是學校課室裡能看到的桌椅，讓客人仿如回到上學的感覺。餐廳提供多款台式美食，顧客需自行到收銀處點餐。點餐完成後，餐廳職員會給顧客一個出餐提示器。當餐點完成製作，提示器會閃燈震動，顧客只需帶著提示器便可到服務台取餐。📍台式香酥雞便當 $58 大大塊的香酥雞排配有白米飯及配菜蘿蔔乾和芽菜。雞排炸得有點過火，有點焦。 幸好味道還不錯，肉質尚嫰，仍感受到台北夜市的感覺。📍台式滷肉便當 $58相當豐富的便當，除了滷肉飯外，還有一碟滷味小菜，包抬雞翼、鹵蛋、豆干、蘿蔔、海帶、豬耳。更有一小碟配菜蘿蔔乾及芽菜。鹵味鹵得相當入味，豬耳皮軟骨脆，蘿蔔清甜。📍冬瓜檸檬茶 $28很別緻的呈現方式，會感覺在上科學課嗎？冰涼的冬瓜茶放在玻璃瓶子，讓客人自行加到裝有檸檬及冰塊的杯子享用，非常有趣。文明用餐，顧客謹記用餐後把餐盤收回在餐盤回收處，才離開喔！

和友人一齊去觀塘小時光食晚飯，星期日夜晚人都唔算好多，係安靜傾下計既好地方。我地一共叫左2個set，一杯野飲同一個小食。1️⃣台式三杯雞便當如果唔太中意熱氣炸野，依個三杯都係唔錯既選擇，味道唔會太濃，不過d飯就有少少硬。都算ok👌🏻2️⃣情人果梳打普普通通，俾人名呃左😂就係梳打水一杯3️⃣麻辣雞絲冷麵辣到飛起，好彩個辣醬係分開。味道係幾好既，不過就乾左少少。4️⃣酥炸花枝丸依個小食最好食，炸得好好，係會令人想一口接住一口咁食。

好朋友就快生bb,所以我們一班朋友決定在佢生之前,約佢見個面食個飯!!朋友介紹這間餐廳好有特色,所以趁這個機會試下!餐廳位於觀塘的工廠大廈,大廈唔算難搵,但上到去都用左d時間先搵到!未入餐廳已從門口感受到懷舊的味道,打開門彷彿走入時光隧道,返到去80,90年代的學校課室,無論木枱或椅,還是周邊的舊時物品和裝飾都令人想起小時候的每一刻!餐牌上全是台灣菜,選擇都不少!簡好之後就過去櫃位落單比錢!等食期間可以自行倒水,拎紙巾和調味料等<台式滷肉便當> 材料非常豐富,包括雞翼,滷蛋,豬耳,蘿蔔等,全部都滷得好入味!!熱辣辣的飯上放滿肥瘦均勻的肉碎,再淋上充滿油香的滷肉醬汁,拌白飯一齊食,非常滋味!<台式紅燒牛肉麵> 牛肉切得大舊左,肥膏亦多左D,但煮得幾淋唔痴牙,湯頭牛味香濃唔係好咸,再配上彈牙爽口的粗麵條和去油解膩的酸菜一齊食,都算不錯!<夜市香酥雞便當> 熱辣辣的香酥雞炸到表面金黃色,但內裏透白不油膩!食起來酥脆,肉質鮮嫩有彈性,真係幾好食!整體來講,餐廳環境令人勾起以前讀書的回憶,食物都算不錯,這裡好適合同朋友來一邊食飯一邊傾計重拾那些年!

星期日，家庭樂。帶太太和仔仔一起食個台灣lunch,比仔仔預習下返學的氣氛。幾經辛苦。找到店舖…… 店面已經充滿懷舊風味，打開門……進入店舖內……馬上有另一個空間的感覺。店員馬上指示我們座位和叫餐取餐指引。座位十分空檔，每椅子上有獨立冷氣！温度十分舒適。 在椅旁有大量書籍提供觀賞，我仔仔玩得十分開心餐種類算多！！！！價值正路。我們叫了 洶肉，炸雞便當。 便當外觀十分好。打卡騙like 無難度。 食物水準合格之上。飲品份量也十分充量。飯後需自己收拾餐具回回收處，店員也有說thank .十分有禮！！！總體……有85分。

懷舊味～小時光係食台灣野，有d校園feel叫左個藥膳排骨飯台式清燉牛肉麵美祿恐龍超好飲.成杯飲出黎就係咁香芋拿鐵、但唔知點解飲落似紫薯feel而且昵到有好多長頸鹿野，鐘意長頸鹿既人應該會好開心🤭呢到食物其實好一般而且自助式既不過冇限時，同埋熱潮完左已經冇乜人傾計都係唔錯地方之選

Ig看到不同的朋友請來打卡，所以未到這裡之前已經聽過餐廳的名，而且小時光這個名稱改得幾好，所以特別深刻！裝潢特別，台式懷舊風情～麻辣牛腱麵 $55牛腱軟身，麵是台灣粗麵，湯底濃郁，是帶點點麻辣的，愈吃愈好味！餐中附有小前菜～綜合拼盤滷水拼盤中包含很多不同食材，滷水蛋、木耳、雞翼、豬耳、蘿蔔、腐皮等等，滷水汁咸咸甜甜的，食材都很入味！因為我們太肚餓了，很快就吃完！蛋餅蛋餅好像奄列一樣，不過較淋身，上面舖了木魚、紫菜，而裡面包著芝士，吃起來層次豐富，滿足感上升！水果汁水果汁用量杯盛載著，好可愛，可以看到裡面有很多水果粒，可以慢慢倒出來小杯。