小春日和 (已結業)

終於終於比我試到😭😭每次去都無位，因為佢得12個位，lunchtime 真係好難有位🙈🙈·Set Lunch 價位其實好超值，由$45-$53不等，已經包左個沙律仔，主菜同餐飲，以cafe黎講真心抵👍🏼•唐揚炸雞定食。都有成5粒炸雞，個飯都幾多，好夠飽，炸雞唔會係好厚粉嗰d而係啖啖肉，佢地係即叫即炸，新鮮👍🏼👍🏼·雖然只係一間小小小店，不過感受到佢地既認真，而且坐得幾舒服，好忘憂☺️希望下次去會有咖啡飲

新蒲崗小店，成間舖得12個位，限聚令期間午餐時間排長龍，好彩我一家三口三點幾至食午餐😅，唔駛排，否則三個人霸住兩張枱，真係唔好意思...👉🏻👈🏻價錢實惠，每個定食有沙津做前菜，仲可以揀自家制菊花茶，吉列豬扒鬆脆、漢堡扒juicy、泡菜豬肉惹味，環境播住輕音樂，鳥語花香嘅感覺好舒服... 一路食飯，感覺逃離現實，一路有住好幸福嘅感覺... 💛💛💛想幫襯，要留意小店休息時間，因為人手問題，佢哋有時唔做晚市...

💛#支持良心餐廳💰照燒雞扒定食$45抗疫期間外賣自取返屋企開餐😝我覺得幾有驚喜 個雞係juicy好淋😆～幾中意個照燒汁微微帶點酸甜 份量都可以 對得住個價錢 飯我見人講淋左啲 但我食落又覺得正常質感 不過軟不過硬~性價比高 係窮L恩物😍

黃店 💛 #小春日和 #新蒲崗🟡 曾將收入捐至法律援助資援手足🟡 門口貼有文宣喺Wolipay個地圖碌吓碌吓見到呢間未食過嘅黃店就同咗同事去食。佢比較細間，只有兩三張枱，lunch hour要早少少去先有位😛 入面環境都唔錯，有啲乾花裝飾，Lunch價位都係四五十☺️🐣 南蠻瀆雞扒定食 （$47）我叫咗個雞扒定食，啲雞好嫩滑好正。而且份量超多🤤🤤 上面有舖咗啲芝麻，有兩塊檸檬可以自己加啲檸汁。 飯方面用咗日式珍珠米，好煙韌，偏淋少少，好味～🍋 柑桔青檸 （熱飲免費，凍飲+$3）我叫咗凍柑桔青檸少冰，攪勻先飲會比較好。底部嘅甜甜柑枯蜜同上面酸酸哋嘅青檸融為一體，味道比普通柑桔檸檬冇咁甜，好fresh☺️其他同事分別叫咗 🐷日式豬扒定食（$45） 同 🐄日式咖哩牛肉定食（$45） 兩樣嘢嘅肉都係超、大、份、量！勁吸引！我下次想試吓咖哩牛肉💕

經過幾次，基本上唔係呢區住唔會發現呢間野，猶豫過幾次，今次試下入去食，餐牌有十款八款定食，全部時光倒流價，大部份都40蚊有交易。每款定食有沙律，主菜，飲品。絕對對得住個價有突。從餐具擺盤已經睇得出有落足心機。前菜有日式沙律+ 漬蘿蔔，漬蘿蔔為點睛，唔係間間都有。今次試左豚肉生薑燒，咖哩牛肉，同吉列豬扒。吉列豬扒非常有驚喜，其他野味道都係家庭式但係都屬中上水準，絕不失禮。佢地店唔大，但有做外賣自取。香港唔可以俾美心獨大，呢類型小店須要大家支持。

生平第一次寫食評，因為實在太抵讚！之前路過許多次，見到雖然在小巷內，但也常常坐滿不少食客，由於每次也是食飽了才經過，所以沒有機會嘗試。這次終於找到機會可以還個心願❤️可能我去的時後已過了午飯時間，所以坐得不會擠迫，很舒服！Lunch set選擇多，經過一輪思前想後，才下到決定😋豚肉生姜燒定食🐷👍🏻廚師是現熟的😌味道和我在高級料理店吃的沒兩樣，豚肉肥瘦均勻，喜歡吃洋蔥的我十分滿意！當中還加入了少量薑片，令到豬肉的鮮味更加提升😊😊😊另外還加點了一份香味芥辣雞翼🐥雞翼外皮脆，雞肉嫩，芥辣味沒有很重所以就算不喜歡吃芥辣的朋友也可以接受👍🏻跟餐還會附送沙律和菊花茶菊花茶感覺天然，不知道是不是自家制🌼總結，如果在新蒲崗附近絕對可以過來試下這小店，感受日式的家常味道❤️❤️