小方糖甜品 (龍崗道)

營業中

休息中

店名:小方糖甜品地址:九龍城龍崗道23號地下好味指數:8/10價錢：$33黃金拿破倫拿破倫份量很大，有三塊麥當勞蘋果批大小的酥皮，但內裡是空心的。拿破倫外皮很薄，鬆脆可口，配上忌廉和芒果汁味道很match之餘，又不會太甜，而芒果肉多汁爽甜。

小方糖勁出名啊  勁多人排隊勁多人等啊我嗌左榴槤拿破崙$38啊 個酥皮好脆好脆啊 又好多件數 有3件啊 真係勁大份 一上枱真心嚇親... lol 一入口 真係勁好味個酥入面有啲榴槤蓉 好full, 榴槤味勁重, 齒頰留香 榴槤好濃又吾太甜 又有啲吉士醬成件事好full好濟榴槤蓉好足料, 拼埋酥皮好夾!!! 

今次有d趕時間所以淨係外賣左芒果糯米糍$24。返到屋企，有d芒果好似有少少出水(可能天氣問題)。依然皮薄餡靓，芒果大大舊同無左陣酒味。屋企掃淨一粒，沖完凉差d無得食！第日趕時間就算唔堂食都要外賣。

黎到9龍城食甜品，事前上openrice 做左功課，入到鋪路，好快咁決定叫芒果蜜糖吐司同 黃金拿破崙。芒果蜜糖吐司個賣相好吸引，但一食個雪糕，伏左，食埋吐司，仲伏，雪糕用維記，吐司係好脆，不過完全冇蜜糖味，而且係凍既，可能之前睇左openrice,對佢既期望好大，食完就感覺好一般。另一個黃金拿破崙，其實係芒果拿破崙，一上檯即刻嘩一聲，好大碟喎，有3大舊。佢個酥皮好鬆化，而且好薄好脆，有微溫，芒果好甜，依個就可以一試。

之前食完好正，所以今次特登食過返尋味。叫左芒果蜜糖吐司，芒果拿破侖，芒果樂園，芒果糯米糍，同埋椰皇湯圓燉蛋白。吐司：蜜糖味唔夠搞到好淡，上面d芒果都算幾甜。整體都幾好味，只係d吐司差d。、芒果拿破侖: 好鬆化，唔知點解會有d苦苦地。整體都好好食。 芒果樂園: 我無食，但個fd話幾好食。我見到好似有牛奶布甸，水晶珠，芒果粒，小丸子。芒果糯米糍: 皮依然薄，餡依然大，但芒果有少少過熟(少少酒味)燉蛋白: 唔記得影相。只係椰奶浸芋圓，地瓜圓，燉蛋白，芝麻湯圆，西米。d椰奶好似飲奶，太漏。

是日入甜品癮起 入一入9龍城 小方糖似乎是該區最受歡迎甜品店之一平日9點30到達已需要排隊 假日應該更加多人 等了10分鐘即可入坐芒果小丸子 $32其實menu圖片十分吸引 很多產品都很特別 芒果甜品亦十分多 最後點了芒果小丸子 材料足料 芒果亦夠甜 唯小丸子口感不及許xx 整體芒果味很重 很好吃 藍山咖啡雪芭配咖啡奶凍 $30 愛好咖啡之人必點 很重咖啡味道 很香 雪芭中含有粒粒咖啡奶凍 中間亦有一件咖啡奶凍 味道濃郁 比較推薦一定有下次 還有很多特色甜品呢

仲有半個月多就到新年，所以去九龍城辦下年貨。行到中途有D餓,，就去左附近呢間甜品店。由於係平日黃昏時間，店內全部都係學生，差唔多爆滿，看來這甜品店都應該頗愛歡迎。我叫左個心太軟，併0既雪糕選左綠茶同埋曲奇。上到枱見到隻碟0既裝飾，有D唔捨得食。一吉落中間D朱古力已經流出嚟，可能因為叫80度原故，所以個漿唔算係好熱，可以入口。加上佢0既甜度適中，小妹覺得好好食。媽媽叫左個芋圓蕃薯糖水，忘記影相，個糖水應該落左超多薑去煲，想驅寒好啱。但個芋圓無味而且太稔，唔好食。店內仲有好多選擇，職員服務都好好，小妹未叫嘢食覺得凍，佢都即刻幫我識風扇，GOOD!

當市面上甜品也要四五十完之後，小方糖也算是比較扺食了，我們點了士多啤梨𣲙，入面有芒果和珍珠，酸酸甜甜，生果也十分新鮮， 而且冰也打得好幼，有口感，另一個是芒果珍㧣，這個就比較甜了，可能花奶和糖水加得太多了，不太欣賞，但是芒果是熟的，不是又生又酸的，讚！

小方糖是九龍城最受歡迎的糖水店，每次晚上到九龍城吃完飯後，無論是炎熱的夏天，還是寒風刮起的冬天，經過小方糖總是聚集了人潮，三五成群地等待入座，我經不起酷熱和冷風，晚上還是買外賣回家吃罷了。 今次在白天光顧小方糖，沒有晚上般的人多，看到店員也積極地為準備材料，客人大都是街坊和附近上學的學生。其實小方糖在九龍城一帶的糖水店都較為闊落，難怪今天光顧的客人都如潮水般淘湧，其一原因必定是地方闊落，跟朋友談天時更是盡興。 點了個80暖意的心太軟，大概等十五分鐘就到了，可以揀兩種口味的雪糕，我就揀了不敗的雲尼拿和士多啤梨口味。在擺放心太軟的寬闊大碟上，用朱古力醬劃上可愛的圖案。色彩繽紛的雪糕配襯在心太軟旁邊，把叉子弄破，好讓朱古力溶漿流出，吃心太軟的人大多喜歡看溶漿流出的一幕，我也不會例外，放低叉子，拿起手機拍攝，短短的幾秒不能容許有丁點差錯，拍攝成功後才捨得放下手機，安然享受。 心太軟的朱古力漿味道濃郁，甜度無比，走平民路線的小方糖價錢親民，製作踏實認真，味道更是值得信賴，作晚飯後的一點甜，絕對不會令你失望！ 再試試蛋白燉鮮奶，它是個簡單又健康的燉品，自己有空都會做做看，加砂糖的份量一定要小心，適

在九龍城吃過晚飯後，逛了一會，當然又是甜品時間啦! 朋友拉我到小方糖試試，來到店舖門外一大群人在等待，我們亦不執輸，一起在門外等待.....等了近15分鐘才入座，立即翻看餐牌，其實好多甜品也好吸引，心太軟的我們，最後點了焦糖燉蛋及朱古力心太軟Happy Share。焦糖燉蛋比預期中失望，面的焦糖燒得太燶了，燶味蓋過蛋味，不過無可口非蛋十分軟滑，味道亦剛剛好，不過不失啦!朱古力心太軟，選了曲奇及雲呢拿雪糕，可能是今天人流太多，整不切吧，碟上的圖案有點求奇，和餐牌上的有點差別，不過還是應該著重味道的吧! 心太軟份量及味道剛剛好，不太膩，加上外層皮脆脆地少少硬硬地，內層的朱古力微熱，連同曲奇雪糕一起吃，好好味。因坐得比較逼，而且見人太多，所以吃過甜品後，即埋單走了，如果閒日來，質素應該比較好吧。

同朋友去九龍城剪完頭髮食左碗麵就嚟呢度食甜品, 朋友話有人介紹話好味的, 但次次都好多人等位, 今日門口都有人等位, 不過就唔算好多, 已經算少, 我們要等四張, 咁就等一陣啦, 好彩都好快.入到去朋友係鍾意食榴槤的, 叫左一個榴槤飄雪, 我食椰皇蛋白. 榴槤飄雪係用榴槤肉整的, 有些粒粒珠的, 朋友話好好味, 榴槤肉好多呀, 又香, 我試左一啖, 真的好有榴槤味道的, 又平又大杯. 好正.我的椰皇都好正, 湯丸有三粒, 係芝麻味的, 好味, 皮夠薄的, 夠晒熱, 同埋蛋白好香椰皇的味道, 好滑喎, 食完成身暖晒.價錢十分之抵食, 十幾蚊有一碗湯水, 依家好多地方都做唔到, 我們的也是三十幾蚊, 好抵食.

行經九龍城經常見到呢間小方糖人山人海，一於抱住試下的心態入去，環境同其他糖水鋪一樣，迫爆。 不過，廿分鐘左右就入到，算係幾快。入到去見到至愛的椰皇，梗係要試下。第一啖的感覺是幾有椰香，再來一啖就充滿西米露，再深入一啖，嘩! 竟然是厚厚的蛋白，非常多，非常滑，抵讚! 個底的蛋白係食過咁多間以來最多的，超好味!朋友食的是原桶豆腐花，$28算超抵，最抵死係要計時2分鐘先可以打開食，味道是非常重豆味，非常香滑，配埋黃糖確是一流，份量適中。 下次可以再去，Good!

Oct, 2014平時經過都見到多人排隊, 今晚經過無咩人. 就啦啦聲走入去食. 1) 2) (1) 同(2) 比較, 我比較鐘意(1), 可能因為個雪糕球.令到成個甜品有色彩.  而(2)個個甜品唔係唔好食, 珍珠又夠彈牙. 可惜都唔夠凍. . . . . 立刻比下去了. 

九龍城其中一樣美食就是甜品今天老婆仔放工後和她在附近吃些小食發現這裡都不錯便進來了我們想要些熱食所以點了個38元的朱古力心太軟和38元的芒果蜜糖吐司沒想到兩樣都是凍的朱古力心太軟沒有想像中熱還好勉強算流出來但因為不夠熱口感有點硬但朱古力味尚算濃而雪糕球也是正常的水準還有精緻的繪圖這價錢來說算是合理芒果蜜糖吐司更是完全是冷的起初還以為麵包會是熱的不過也不代表不好吃上面是一片片芒果還有芒果雪糕下層是一粒粒的麵包方塊都是很甜的混合起來吃酸與甜的配合剛好不過我們都認為如果麵包是熱的會更好這裡的佈置是很港式的甜品店但外面看起來也算突出起碼能吸引我們進來位置雖小但坐得也算舒服加上價錢合理難怪也有不少人在場進食

見到早前係將軍澳新開店，超越多人排隊，所以今次經開9龍城，要專程試試佢，4人行 叫左糖不甩，牛奶芋圓，心太軟，芒果拿破侖糖不甩-幾特別，多數係用花生，佢就用左黑芝麻加花生，再香口左熱牛奶芋圓-淡淡都係濃郁牛奶味，芋圓比起台灣既都差不多，不過差在無凍食，因為本人較喜歡凍食心太軟- 好抵食，買相亦有可愛貓貓，又加分，無一般心太軟咁甜同咁奶味重，可以試試芒果拿破侖- 最正，新鮮出爐，暖粒粒配芒果係好好配搭，拿破侖仲要超鬆化！正！