小方糖甜品 (龍崗道)

營業中

休息中

我愛上左小方糖一年有多，推介過俾好多朋友，真心覺得正但大概兩個月前起覺得個黃金拿破侖冇以前咁脆，已經唔可以一切就開，有時又好似過左龍，有D燶，希望之後水準可以保持到啦！起碼唔好再差落去

因為家住元朗，甚少機會到九龍城，因到九龍城附近探病，當然不會放過機會四出覓食今晚食完水準大不如前嘅泰國菜，當然不能滿足我！來到九龍城一定要食甜品啦，不過太多間都唔知揀邊間好，經過小方糖門口，不是太多人，而且這店評價也好，所以決定這間！店內環境一般，勝在款式多，好難選擇，最後由男友決定。芒果拿破崙，一上枱嘩一聲！咁大份嘅！佢同我地想像中嘅拿破崙好唔同，起初覺得被騙，但一放落口，又真係幾好味喎！芒果夠甜，好酥脆！正！不過食落其實唔係真係咁大份焦糖燉蛋，即叫即整，一拎出黎熱辣辣，連上面層焦糖都未硬，不過剛好可以先吃完芒果拿破崙再吃這個！蛋味香濃，唔係一般好滑嘅質地，而係感覺厚厚的！食完見到碗底有一點點黑色，店員話係呍呢嗱籽，因為佢地唔係用呍呢嗱油做，所以會比較香濃！原來如此

今日系九龍城食完飯 行過見到都幾多人排隊 於是唔執輸等下入到去waiter服務態度幾好 因為得兩個人 所以叫左兩樣 心太軟中規中炬 d朱古醬都熱辣辣甘流出黎而且畫係伴碟既兔仔係好有心思芒果拿破侖真系好正 好脆不過驚食唔哂 本身見到有個木桶豆腐花好似幾得意 即叫即整即撞 仲有個計時器計時 夠鐘先食得 幾吸引😍下次有機會一定要試下

聽朋友講話呢間甜品鋪幾好食，openrice 又係top page of Kowloon City ，就特登走去試下雖然係禮拜日去，但都唔洗等位就可以入去。我就叫左個芒果蜜糖多士$38 , 認真我第一次食糖水食到就黎嘔望落去料就好似幾多，但無樣掂。芒果雪糕超甜，仲有種好人工，好假既芒果味，我諗佢就係令人作嘔既原兇。多士完全一d都無蜜糖味，同烘左既白麵包無分別，同dazzling cafe 咖啡弄既厚多士完全唔係可以比較既野。仲有一堆又係好令人作嘔既白色cream 😨😨😨😨同行友人就叫左紅豆牛乳芋圓$27，呢個就唔錯，紅豆夠綿密，牛奶好香，芋圓都夠qq，仲要都幾平。👍👍👍

今次再寫因極力推介個"炭燒藍山咖啡雪芭"~平時食開芒果類 - 芒果樂園$32(呢度嘅甜品非常多料多芒果汁)同朱古力心太軟, 今次試未食過嘅炭燒藍山咖啡雪芭$30, 超正!! 本人一向喜愛咖啡類, 呢個甜品中間係咖啡果凍, 非常彈牙有口感, 仲已切件方便食; 側邊個兩個咖啡雪糕(其實係雪糕多過係雪芭)好香咖啡味, 中間仲有細細粒嘅咖啡果凍同棉花糖!! $30無期望之下反而有非常意外驚喜, 從此愛上!!

食完午餐後走去食甜品.一入門口已經飄來陣陣榴槤香.叫左:黃金拿破倫,齒頰留香黃金拿破倫:好大份,拿破倫好脆好好味,芒草新鮮好甜,加上個cream好滑,食完都幾飽肚.齒頰留香:榴槤肉香濃味美唔太甜,牛奶布丁香滑口感好實在,珍珠彈牙配答一絕.下次一定會再來!

之前係IG見到有人share左出黎，今次就去睇下個拿破倫係咪真係咁脆。 其實一入到去都見到有２，３個食緊咖喇，咁睇黎食落應該都唔錯。 一上枱見到有成３舊，食完飯即刻去食應該真係要慢慢食。 不過佢Ｄ芒果真係幾甜既，個拿破倫又真係幾脆。 有ＦＤ話係出面食拿破倫果Ｄ都整唔到好似呢一間咁脆喎＠＠ 當你用刀切落去嘅時候，個拿破倫就會碎，真心唔係誇張。係好值得食嘅一個甜品；另外有個ＦＤ就食榴槤飄香，雖然我唔係好食榴槤，但我都不得不讚間鋪整得好靚，好足料。好推薦大家試黎間！

與友人一行五人吃完泰國菜後到此吃甜品被黃金拿破崙的照片吸引來的但個個都很飽,,所以都沒試XDDDD大家分別點了紫醉金迷,,士多啤梨乳酪雪糕,,芒果樂園,,芒果豆腐花我則點了雪糕芋圓仙草凍我那碗甜品芋圓略韌,,唯一可取就是朱古力雪糕！朱古力雪糕是有朱古力碎,,很濃很好吃友人說士多啤梨乳酪雪糕好味另一友人則說豆花很香所以整體算是可以吧～～～

第一次食這個甜品屋，星期三下午五點多，入到黎只見一個侍應十分忙碌，坐下後就叫左一個忘果西米露，因為夠快，大約等左二至三分鐘就有得吃，吃下去第一口忘果好入味，西米味好似爆珠！正！下次一定再黎！

在Instagram 看到一位Food Blogger 推介這裡的芋圓，作為芋圓的愛好者當然要一試！是晚點了:1. 紫醉金迷紫糯米+芋圓+蕃薯圓+雪糕+芒果(但小妹認為芒果和芋圓不是很配，選擇了走芒果）甜品很「杰」身，介乎漿狀。或許因為甜品是凍的關係，芋圓和蕃薯圓也略為硬身！相比之下蕃薯圓味道更出色！*建議熱吃芋圓、蕃薯圓，相信口感會更佳！2.芒果小丸子芒果汁+芒果+小粉圓+雪糕沒有太大的驚喜，芒果可以更新鮮！

今日同FD係小方糖一次過食晒我想食果D甜品。叫左朱古力蜜糖吐司、黃金拿破崙、芒果pancake、芒果糯米糍、金銀滿屋、炭燒咖啡果凍雪芭。朱古力蜜糖吐司底部有蜜糖吐司粒同一球朱古力雪糕，中間有cream，上面有藍莓、香蕉、另一球朱古力雪糕、朱古力醬。好豐富，吐司同雪糕好夾，好有口感。黃金拿破崙其實係芒果拿破崙，三大塊拿破崙。店員好細心，比埋三份碟同餐具，好過皇室。上面有cream、芒果粒、芒果醬。拿破崙好鬆化，好香牛油味，好過皇室多多聲。芒果pancake，入面果塊芒果又大又juicy，食得過。芒果糯米糍皮薄餡，芒果好甜。金銀滿屋有芒果汁作底，中間一球芒果雪糕，上面有龍眼肉、小丸子、芒果肉、水晶珠(本來以為會有芋圓)。唯一唔好就係小丸子唔夠熟，粉粉地。 炭燒咖啡果凍雪芭好有特色，咖啡味好夠，但又唔會濃到苦。overall，同FD一齊係度食，一定會留下美好回憶。

依家既甜品糖水店已經通街都係…不過好多都相差冇幾，想要突圍真的要有比其他特別同自己的特色……九龍城的小方糖算是跟其他有點不同…我應該已經第三次來了……芒果拿破侖……是招牌的其中一個……很奇怪的一個甜品……很香口……亦好脆……不過食入口就好似食吾到D咩……好奇妙呀……久不久食一個係ok……不會有每次都想食的感覺……以上的忘記什麼名堂……因為好幾個類的……主要都係椰汁，雪糕，紅豆等等……自己揀喜歡的……可以嘗試的一間……

今日係附近食完個遲午餐後想食甜品，去左小方糖。見到個餐牌有好多野想食，最終揀左一個宇治金時同一個芒果沙冰。首先廣下個宇治金時，初時食都有淡淡既綠茶味，之後就得個甜字。d冰得出面果層先有味，入面果d都好淡，顏色都無。旁邊既綠茶雪糕好香滑，好好食。紅豆同小丸子如果比多d會好食d。另外，芒果沙冰既冰同樓上既評價都一樣，下面有星星粟米片，芋圓，芒果汁，同煉奶。芋圓好煙un好好食。今次好似叫錯甜品，下次—定要試下其他。

甜品，重點係要花巧。唔介意天馬行空，最緊要外表吸引，內在有誠意。不是第一次來，今次寫食評全靠同區另一間甜品令我知道何謂不知所謂。環境:很迫很迫等候時間: 30分鐘服務: 沒特別, 正正常常味道: 很好, 士多啤梨蜜糖吐司,吐司很脆,士多啤梨糖漿酸酸的,配上士多啤梨雪糕的甜產生出一種鮮味, 還有蜜糖星星,藍妹及兩條餅, 大愛.心太軟很流心, 甜度剛剛好,配上那隻熊仔, 見到未食都已經開心, 連心太軟都配上士多啤梨雪糕就知我地好鐘意啦價錢: 不萛便宜, 但不重要, 最緊要食得開心回頭率: 100%補多句，必食士多啤梨雪糕

我真係有兩個胃嫁,食飽飯又想食甜品喇不過間間都要等位,所以就試下呢間小方糖,等左十幾分鐘就入得喇,首先叫左心太軟一路都好鍾意食心太軟嫁我,雖然有D膩不過真係好正嫁,不過要得好都唔易嫁,所以好考功夫,而依到都整得唔錯,當然整到流心喇,另外最緊要係個外面好食,加埋依個流心唔算太甜,好味道。另一個推介之作就係芒果拿破崙，見到真係想叫出黎,依個拿破崙既份量真係大得人驚，出面既絕對比唔上,因為依到有成三大塊咁多,真係可以當正餐食,可能仲飽,除左份量之外，當然味道都非常唔錯錯，個酥餅做得非常之鬆脆，再係表面有埋芒果同忌廉，酸酸甜甜咁,兩樣夾埋,非常之好味,好配合呀,其他甜品都應該唔錯,所以下次有機會再黎。