小店 (已結業)

位於侯王道的小店共有兩間，舖面較大的有 set dinner 供應，而較細的就是專賣甜品的，食過了清真牛肉餅，當然要順便食埋甜品滿足一下啦．．．小店的環境刻意營造歐陸風情，只是燈花略嫌不足，感覺令人昏昏欲睡的。選了兩道甜品，分別是朱古力軟心蛋榚 (即心太軟) 及夾餅配芝麻雪榚。先說夾餅配芝麻雪榚，以士多啤梨作伴碟，配上 cream & chocolate sauce，賣相豐富，可惜一刀切開頓覺不妙，夾餅質地甚為古怪，毫無脆口鬆化的質感，一邊咀嚼一邊無奈，口感跟咬口香糖沒兩樣，幸添上醬汁後味道尚可，至於那芝麻雪榚，味道也不太突出，對整體分數沒半點幫助。後上的是心太軟，不用多說，先看其朱古力漿湧出來的澎湃程度已可知質素確絕不失禮，喜歡慢慢的切開小件沾上漿汁食．．．入口慢慢溶化，那味道真的幸福到非筆墨能形容，近月食甜品的次數多了，當中心太軟是我最喜歡的，奇怪是一粒粒的朱古力我不太感興趣，但朱古力口味的東西卻正是我杯茶，人生就是這樣，沒有必然的定律呢！繼天機棧、小店後，下一次要寫的心太軟，應是灣仔 la bons 的了 ^~^

從食棧走出來，太座挑起了眾人的甜品神經，在樂富的甜品舖可說是跡近沒有的。要吃，當然是要走到龍城了....在龍城要吃西式甜品，這兒都差不多是必然的選擇了。剛巧舅仔未吃過這兒，也就順道帶他吃吃...Napoleon吃得太多次了，是次吃個經典的法式蘋果撻。酥皮焗得火喉"過了龍"，邊位有點焦，吃落有點苦不過酥皮本身質感很薄且脆，牛油味挺濃，算是打了個平手....新相識的朋友是太座的芝士撻。撻底是我倆最愛的牛油皮，味極香濃而且鬆化，頗見水準；帶點酸味的半溶的芝士伴上微甜的餅底，味道是出奇地夾且對路。這一個甜品小吃，美味.....這一個新朋友，結交得過呢

we tried the set lunch few weeks ago. it was weekday but still crowded.both the taste and portion of food were good. we also ordered 2 desserts. 1 lemon cake & 1 chocolate cake with filling. the cakes were just so so, not impressive, and a bit overpriced. it was just like the home make cake we would do at home. so can imagine the taste & quality.

Ordered three desserts: apple tart, napoleon and chocolate pudding with sauce.The apple tart was the best, thin flat tart with custart in the middle and topped with apple slices on top, and covered in icing sugar. The base of the tart was flaky filo pastry. I thought the ice-cream was optional, even without, it would still taste good.As for the napoleon, the pastry was a bit heavy, and the custard was a bit rich, not as light as the apple tart.Finally for the chocolate pudding, I expected it to

一行6人去完豪門睇樓，好，於是一行5人去小店食甜品。5人中有一個唔食甜，所以只叫了4個甜品。心太軟x2：個面有少少凹入去，即叫即焗，好熱。朱古力醬很多，用匙羹畢開蛋糕，朱古力醬一湧而出。朱古力醬不會太甜，加埋外層蛋糕一齊食，感覺良好。但太細個喇，唔夠喉。napoleon：酥皮非常鬆脆，充滿牛油香，新鮮。custard 醬好多，咇晒出黎；中層有酸酸地strawberry，又有好甜mango。a very good combination。American Cheesecake:芝士味不算是十分十分濃的那種。但芝士打得很幼滑，唔會食到粒粒。其實一點都不便宜，樣樣細細件，每件盛惠$35-40。全店只得我地五個人，店員非常健談，有禮貌，樂意推介食品。

知道呢度出名心太軟, 所以特登去到九龍城, 食完清真牛肉館之後就黎食返個甜品..下午茶時間得我地一檯客…叫左一個蘋果撻伴雪糕同埋心太軟加雪糕…首先黎左個心太軟先~個姐姐好攪笑~見到我地同0的甜品影相就好認真咁教我地邊個角度影先最靚~結果就最左好幾幅…跟住連蘋果撻伴雪糕都到啦…就再影多幾張…….心太軟真係好好味呢~0的朱古力就係湧出黎好澎湃…而且唔會太甜…真係無介紹錯~另外叫呢個蘋果撻伴雪糕係因為晌cafe le must食過好好味~想再試下其他食店既出品~味道係唔錯, 但係不及cafe le must咁好, 因為個酥皮爭左少少….同埋原來配朱古力雪糕唔係太好…..我見到其他人既晚餐相好似好吸引, 而且果個阿姐臨走都極力叫我地記得去試晚餐…所以一定要搵機會去試下呢~

想吃甜品記得友人極力推介九龍城小店的心太軟所以就特地過去試一下這夜挑選了OR網友推介的CAT CAKE和友人推介的心太軟CAT CAKE沒什麼特別就跟一磚朱古力沒兩樣味道算是不錯 還好配的是雪巴要不然確實會把人吃滯= =到重點推介心太軟簡直好吃到沒話說友人確實沒推薦錯吃下去竟然有UA朱古力爆谷的味道搭上那朱古力醬噢賣尬 太棒!!!值得ENCORE!

再一次同好友食家"乜都放入窿"食晚飯, 而地點今次揀左九龍城, 而且仲要係呢間頗出名嘅小店, 閒日黎勝在冇咩人, 縱使冇訂位仍然唔使等位! 侍應安排入座, 入到去發覺環境都幾舒服, 坐底睇下有咩好食啦, 而師傅就喺是日晚餐同另一款食物上思想爭扎, 唔知食邊樣好, 最後都係揀左芝士煙肉洋蔥焗豬扒釀鮮磨菇伴蘋果沙律, 當然加多少少錢跟番個餐啦; 而好友食家"乜都放入窿"就食得比較清淡, 揀左鮮露筍海蝦扇貝磨菇墨汁麵(如果冇記錯), 同樣都跟餐啦!等左一陣頭盤先到, 師傅要左羅宋湯, 羅宋湯味道討好, d亦算足, 師傅覺得如果可以再辣多少少就仲正, 而餐包亦算鬆軟, 加上熱熱地, 味道唔錯, 掂喎; 而芝士煙肉洋蔥焗豬扒釀鮮磨菇伴蘋果沙律登場後, 亦令師傅甚為訝異, 皆因一眼望埋去發現有三塊豬扒, 再睇真d發現原來有四塊, 師傅當堂嚇親, 皆因一心諗住最多都係有兩塊豬扒啦; 師傅最後亦比左一塊豬扒好好友食家"乜都放入窿", 等佢一齊分享下!先講下豬扒嘅水準, 豬扒焗得一d都唔乾身, 肉質夠鬆, 肉汁鎖得住, 好野喎, 加上兩塊係用芝士煙肉洋蔥焗, 另外兩塊就冇, 所以變相有兩種食法, 有芝士

由於太鐘情食甜品 ~ 所以得閒都會約埋朋友一齊去食甜品 之前聽位同事講 位於九龍城o既小店 當中一定要試佢o既 --- 心太軟 ~~ 咁就去試下啦 ! ( 因為我都算係3分2 o既朱古力精 )叫o左 2 個唔同款既甜品 ~ 另一個唔記得左叫名 ~~ 另一個就梗係心太軟啦~~ 見到 d 朱古力衝出o黎 ~ 我同個朋友都好興奮 haha ... 因為之前食過有 d 心太軟 d 漿係 "瓊" 住o左 ....

今日我同男友特登走泥九龍城搵食.0係樂口福食飽飽行出門,男友話想食甜品,佢話對面間'小店'聽講都OK,便膽粗粗去試下,有個侍應出泥推介,以下係佢GE說話: ' 食左飯未啊,呢度食甜品架,你地知道呵,蘇施黃有介紹啊,D甜品未寫晒出黎架,跟我入黎,餐牌有多D.'侍應姐姐真係熱情,我地決定試下,店內只有2台客人,入去坐低,不到5分鐘,侍應姐姐走過泥,0係我地旁邊站住5秒,見我地仲未READY TO ORDER,佢又開口講野:' 可唔可以讓本MENU比我呢?' 原來有台新客入左黎.無問題,不過我心諗,甘大間鋪,唔係得2本MENU AR MA.其實佢本MENU得一頁,大概有十多樣甜品可以ORDER,後面幾頁有D相,我地叫左個CAT CAKE,仲有一個APPLE TART,兩樣都可以跟雪糕.男友問侍應姐姐D雪糕係自家打既,定你叫貨返黎.姐姐話係意大利雪糕,叫我地一定要試.我坐既位置對正佢個開放式廚房,只有2個20出頭的師傅在工作,過左15分鐘,我見師傅做好晒D甜品,放晒出黎有3碟,其中2碟都放左一段時間,全部等上台.全店只有一個侍應姐姐,而侍應姐姐只顧忙住沖咖啡,完全唔知道D甜品做好晒,而2個師傅

星期六帶了老公去九龍城小店食晏,老公是一個非常有要求的人. 我們叫了鵝肝(凍食) :較淡口, 以80幾蚊價錢尚算好, 正所謂一分錢一分貨煎鵝肝: 較淡口, 但那個apple sauce幾好味鮮蝦濃湯 : ok, 較淡口青口 : 很新鮮, 很肥美, 用法包點個汁來食, 再配以咸牛油, 絕對一流 (老公讚不絕口)原隻龍蝦天使麵 : 龍蝦很新鮮, 味道很好薑汁梳乎厘 : 薑汁很香, 雖然裡面只是曖暖o地, 好過很多大酒店的甜品老公comment : 物有所值, 值得再去

嗌左2個lunch set~A同C~A係蒜茸燒汁雞扒 C係意式海鮮意大利闊麵(冇哂闊麵要左意粉)有個青豆忌廉湯 好好味的...跟埋凍飲 都係30$算係幾抵食順便提1提..餐廳環境好好呀..好有氣氛~食物都可以..不過咁岩落場時間冇哂侍應- -

太座近來工作繁忙，決定跟她吃豐富一點以作慰勞，也是人之常情累得很，不想走得太遠，就過來龍城吃吃西餐。新馬鞍已解甲歸田，那間以羊鞍作主打的水準不大好。剩下來的就只有這裏才叫吃得過....想不到平日晚上人也如此多。找到個二人座位，也算是頗幸運的。看來下次要打個電話訂座才行...見價錢不太昂貴，來個full-course --- 頭盤、湯、主菜、甜品及咖啡茶，應有盡有，這才對得住自己ma....在吃西餐的場合，只要有foie gras吃的，太太都不會錯過。這次也是吃煎的，看上去件頭十足，但吃上去卻是質感有點硬崩崩的，外脆內軟的口感全然感受不到；不夠肥美自是必然了。太太邊吃邊大皺眉頭，始終在這裏是不可以有太大要求的....見到menu上有個叫脆焗芒果扇貝雲吞看似頗特別，也試一下。扇貝不是很新鮮，是敗筆，但以甜甜酸酸的芒果肉配上貝類而吃，口感卻又頗fresh，再加上伴碟的那個salsa salad，吃完後頗開胃；表面的雲吞皮炸得脆卜卜的，很有吃零食的感覺....湯要了lobster bisque，有相當的蝦鮮味，湯底喝得出加入了蝦殼餚製。加入了細碎的龍蝦肉，更添美味....喝了個濃湯，主菜就來個

11Nov2007 1815病緊都要飲咖啡頂住，冇計。頭盤及小食為鵝肝及炸魚塊拼盤，鵝肝不是上乘的，煎得已經不錯，配合蘋果醬可以減少一點肥膩；炸魚除了主角外，還有春卷及薯塊，一般冇乜特別。主菜共點了3道，分別為香草焗乳鴿配香草意大利飯、parma ham燴意粉及芝士煙肉洋蔥焗豬扒釀鮮磨菇伴蘋果沙律。乳鴿焗得幾香及入味，意大利飯我覺得可以再硬一點；意粉原汁原味夠煙韌，不需整色整水，夠曬 keep it simple and stupid；這道豬扒菜式是這店的招牌菜，豬扒嫩滑及濃味，配合沙律一齊又係另一種味道，挺特別的有兩種食法。最後甜品就係3磅生日蛋糕，7人盡最後努力都食剩少少，不論如何，祝壽星女生日快樂。

重返小店，為本次的龍城半日游帶來完美尾聲。心太軟（$35）外皮薄脆，內里的濃濃朱古力流心更是自伊始就蠢蠢欲動，輕輕一叉落去，即刻洶涌澎湃，傾瀉而出。朱古力漿不算醇厚，卻甜美溫熱。是次覺得，勝過了天機棧。貓餅（$40）依然是濃郁實凈版的布朗尼，可是個頭卻變小了，有些遺憾。融化在碟內的豆腐雪糕帶來陣陣清涼香滑，中和了濃情朱古力的厚重。是次除了極佳的兩款甜品，侍應的熱忱更令人心存感激，不厭其煩的幫我們影了巨多靚相，我想過不了幾耐，就又會返來了。