小島•澳門菜 (已結業)

臨時決定去睇返場戲，喺時代廣場搵嘢食，諗住求其喺戲院門口唔使走來走去，初頭以為佢會麻麻哋，點知原來有意外驚喜。淨係睇佢個餐牌都睇咗三個字。直到對家發炆憎先至的起心肝落單。最尾都係叫咗辣肉腸松露芝士豬扒包，原本想叫原味嗰個，因為驚佢好鹹，好彩有叫到呢個，因為佢個辣肉腸松露芝士醬真係做得好好食，辣肉腸味道又香辣，松露味唔會太過火，加埋芝士成醬又香又好味，豬扒好大塊，唔油，好林，Order嘅時候已經叫咗佢幫我地切開一半，諗住食起上嚟方便啲，結果都係因為佢大得滯，而我又唔肯用手食，結果都係要用一塊包食佢個肉醬，用另外一塊包食豬扒，10分滿足！令到我最驚喜嘅係，滋補藥膳牛肉湯米，事關我啱啱做完手術，成日都想食啲有湯嘅嘢，又係掙扎緊究竟叫雞定係叫牛肉，到最後因為唔想食骨，所以叫咗牛肉。個湯底清甜到不得了，配料有好多牛肉，蟲草花，同埋雪耳，基本上每一啖米粉都有料，個湯飲落好順口，藥材味唔會太濃，好似飲緊屋企啲湯咁。又叫咗個二人拼盤，我就負責食乾邑葡國辣肉腸，燒烤意大利青瓜，松露芝士包，對家就負責食，魷魚酥沙律，香辣豬耳沙律，芝士馬介休球。其實我未食豬扒包之前已經食咗松露芝士包，因為佢塊麵包上面個醬汁

同Honey講，我好想去澳門，點知佢即刻話好，仲話即時去...食澳門菜都好，因為好想食乳豬飯黎到Time Square 13樓嘅小島•澳門菜，個門口裝修確實係好有澳門Feel，入到店內D座位都好寬敞，坐得都幾舒服。由於隔離係戲院，點菜嘅任務就交比Honey，而我就去咗隔離買戲飛一陣食完飯去睇戲。買完飛返到餐廳，我問Honey點咗D咩，佢話點咗墨魚餅、你(即係我)想食嘅乳豬野菌牛油焗飯同埋咖喱羊架(吓，我唔食羊喎)我問佢點解點羊架，我都唔食...佢竟然話知我唔食，所以點比我試吓...呢個係咩邏輯??另外我地點咗嘅野飲有芒果柚子沙冰&Super Bock黑啤先上咗墨魚餅，佢地呢到嘅墨魚餅有少少唔同，外面有層好似炸咗唔知係粉絲粒還是米粉粒喺外層，個口感幾特別，而且墨魚味好濃；而且佢地有個辣醬配埋一齊，個辣醬幾好味。然後到我最唔想佢地送黎嘅羊架，羊架可以跟飯或者蒜蓉包，我開頭都只係用咖喱汁點個包黎食，點知Honey放咗件羊架去我碟到。佢同我講D脂肪就唔好食只係食D肉，喺咁環境下只能頂硬上...先切咗一小粒放入口，E...竟然唔覺羶，我以為切得太細粒，再切大舊少少，竟然同我之前食羊嘅感覺好唔同，

今日又同老公去銅鑼湾行街，行完揾地方食下野，見到時代廣場食通天個水牌有間小島·澳門菜，我地上次去咗澳門食過葡國菜，好懷念，所以就上去食，回味下。餐廳裝修富有葡式味道，座位寬濶，侍應見我倆就立即招呼我地去卡位同遞上餐牌我地唔太肚餓，又想試多幾款野食，所以祇係叫咗個小島拼盤同豬排包，同兩杯飲品，我地見到宣傳牌寫入會即送葡撻，當然唔放過啦，有得食，又有分儲🤭小島拼盤嘅芝士脆多士同芝士馬介休最好食，黑醋乳豬手都唔差，幾爽口，脆多士用沙律醬混合洋蔥粒、芝士同火腿粒，面層加咗D黑松露醬，烘得好香口，黑松露味濃😋,仲有兩片烤意瓜墊底，芝士馬介休有好香嘅鹹魚味，薯仔蓉同芝士好夾，炸得剛剛好，唔燶，點埋香草醬一齊食😋豬排包個包烘得好香脆，麵包外脆內軟，豬排肉又夠腍，咬落有肉汁，好入味👍🏻我地分別叫咗芒果柚子沙冰同芒果梳打，芒果梳打有驚喜，芒果味好出👍🏻，反而沙冰味道較淡🤔食埋葡撻，呢餐澳門菜，夠哂回味😋

體過評價話呢間廳不錯，我對葡式料理都很感興趣，於是便來看看，幸好下午不用等位，還坐到闊落的卡位。葡式香辣煙肉煮海蜆量很大份，蜆肉雖小，但每顆都飽滿，肉質挺幼細，拌上菇菇煙肉芫茜的微辛汁，調得帶滋味咸香，有清新彩椒茄香。香蒜黑醋豬手豬手是凍食，入口彈牙有力，有彈性。配合曾用黑醋烹調，所以吃下去不太感受到原本豬手的肥膩感，反而覺得口感有咬口，味道微酸，頗開胃。迷你木糠布甸口感綿滑，忌廉奶香，吃得愜意。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

這間餐廳很早已經想試，今日放工終於約了很久不見的朋友一試。餐廳環境舒適，座位闊絡，傾偈好地方。首先來一個小食拼盤。如果想一次個想食多款小食，呢個就啱喇。有芝士馬介休球，新鮮炸起，內藏芝士，薯蓉軟滑。黑松露芝士脆多士，餡料滿滿的，芝士邪惡，加上最愛黑松露，正呀。霹靂醃魷魚，冷盤，辣辣地挺醒胃，魷魚富嚼勁。黑醋乳豬手，凍食，爽口軟腍，和黑醋很夾。還有黑毛豬火腿卷，這個亦是凍食的。乳豬皮脆肉嫩，肉味濃郁，咬落啖啖肉，和我們平時吃開的廣東燒乳豬味道有點不同，挺不錯。飯粒粒分明，微濕，野菌味香濃，所以蓋過了牛油味，整體味道還不錯。

朋友話要去SOGO買嘢，趁今日放假，我哋就一齊去咗銅鑼灣shopping！下午就同朋友喺銅鑼灣時代廣場小島澳門菜食飯，貪呢度夠好坐，環境清靜舒服，最啱就係渡過一個悠閒的下午，今日仲喺呢度撞到朋友添，世界真係細。今日叫咗一個十月初五蝦籽松露意大利麵，個汁濃度剛剛好，好香，未食都聞到香味😋朋友好鍾意食魚，所以叫左個燒焗盲鰽魚伴檸檬牛油汁煮海蜆，有海鮮又有魚，一次過滿足曬兩個願望，魚都幾新鮮嫩滑，味道鮮甜。

又到星期日放假嘅日子，放假必做嘅兩件事梗係睇戲同食好西🤣今日又嚟Times Square睇戲，睇完戲之後餓餓地就喺隔離小島澳門菜食埋lunch🍴小島乳豬脆包配葡式甜辣醬($138):配沙律菜同薯角✌🏻脆包入面係滿滿嘅乳豬肉，乳豬皮脆肉嫩滑，配上juicy嘅蕃茄加少少甜辣醬食更加惹味😍小島拼盤:芝士馬介休球,芝士脆多士,霹靂醃魷魚,黑醋乳豬手,香草烤意瓜,黑毛豬火腿($172): 脆多士咸左少少，但多士真係好脆卜卜☺馬介休球好香鹹魚味，入面仲有流心芝士🤤魷魚夠辣好開胃🤭乳豬手凍冰冰好彈牙，淋上黑醋好好食👍🏻果香軟心多士伴Movenpick雲喱嗱雪糕($68):外層香脆，入面就勁軟心😋配埋Movenpick雪糕同拖肥醬一齊食，勁滿足❤埋單每人$200左右😊

今日同同學去咗銅鑼灣圖書館溫書，因為要一齊交功課，溫書都溫到悶悶地，就一齊走咗去食下午茶，我哋想搵個舒服啲嘅地方食，朋友就提議去Times square小島澳門菜。呢度唔係太多人，而且有卡位坐，D位都好寬闊，環境衛生乾淨，坐得好舒服，好啱同朋友傾計。今日我哋就叫咗一個葡式香烤乳豬件配薯菜，份量都好多，乳豬皮好脆。芝士馬介休球伴香草沙律汁，其實我哋睇錯咗以為係沙律😂呢個我未試過，好似一粒粒薯仔丸都幾好食。

今日朋友請食飯，嚐試澳門菜，步入店舖時，發現裝修並不是傳統澳門裝修，反而帶点簡約的特色，讓人有輕鬆的感覺。澳門菜，通常都會叫馬介休及葡式乳豬。我們也不例外，有芝士馬介休球伴香草沙律汁，味道比較淡。葡式香烤乳豬件，乳豬皮香脆，味道不錯。烤焗盲鰽魚配檸檬牛油汁煮海蜆，這道菜味道非常清香，而帶有陣陣烤焗味，值得推薦。另外十月初五蝦籽松露意大利麵，這個汁非常香滑濃郁，而且美味可口，不過建議這道菜要熱食， 放涼了味道會有輕微影響。

來到銅鑼灣時代廣場的13樓，見到一間食澳門菜的餐廳，因為好少見到澳門菜，於是入去試吓。店面裝修簡潔乾淨，座位闊落幾舒適，侍應們很好客。叫咗個小島椰香葡國雞， 可以配飯或者蒜蓉包$138。不過始終覺得葡國汁配飯先至係絕配，所以就叫咗飯。入面有雞/薯仔/蛋/臘腸同埋橄欖，雞件無骨好嫩，椰香味重，用來送飯一流。另外叫咗海鮮番茄魚湯飯$178，飯的份量多，但蕃茄魚湯也不少。因為放咗好多蕃茄嘅關係，有少少酸酸甜甜的味道。而本身個湯係魚湯嘅關係，好鮮甜。而湯飯的飯粒又唔會太淋，送上蜆同埋青口，友人好欣賞，成個飯食晒。見到有一對情侶埋單時話個2人餐好抵食，仲送埋甜品，下次要來試下佢個2人餐。

下午與友人相聚，看過評價說這餐廳不錯，我們對葡式料理都很感興趣，於是便來看看，幸好下午不用等位，我們還坐到闊落的卡位。我們的飲料最先到，我點的凍泡沫咖啡很香，不過比較苦，加一些糖漿就剛剛好。朋友點了凍牛奶朱古力，說味道正常。主食部分，我點了小島椰香葡國雞飯，有大量椰絲舖面，還有半個裹著椰絲的雞蛋，葡汁非常香濃，雞和馬鈴薯塊都很入味，醬汁不會過鹹，配上飯吃剛剛好。朋友點的霹靂非洲雞配薯菜，雞很香嫩，表面也有椰絲，還有點花生的味道，薯角炸得外面微脆，很香口，配上辣醬和蕃茄醬來吃更添風味。飯後我們都想吃甜點，再點了果香軟心多士配Movenpick雲喱嗱雪糕，軟心多士裡面很香蛋味和奶味，很軟滑，像蛋撻餡的口感，配上雪糕吃，一冷一暖，很新奇美味。這裡座位舒適，尤其是卡位，適合朋友聚餐，邊吃邊聊。

今日在銅鑼灣開會，有個較長的午餐時間，當然要食好啲！一心諗住去隔離食店，因為朋友去過，推介推介！但見到這間都好多人，喜歡試新嘢嘅我，當然奉陪！最緊要有美食！一望個餐牌，就被「滋補藥膳雞湯米」所吸引，二話不說就決定這間！朋友喜歡香口嘢，所以揀了「香烤乳豬野菌牛油焗飯」，我地兩個人，一人揀一樣share食，可以一次過試兩樣食物，yummy!食物賣相好得，也很濃味。乳豬很香脆，份量就少啲，只有四件。午餐包飲品，這個就無咩特別！題外話：侍應好細心，搬多張椅子給我們放袋，太好了！

今日個朋友在銅鑼灣食飯，佢想食下呢間葡國菜，位置又方便，當然無所謂。 今次叫咗一個招牌香辣煙肉煮蜆，蜆肉細隻但完全冇沙，食落口辣辣地，超級好食，份量一點也不少鵝肝焗鴨飯，鵝肝煎得好香，沒有筋的，有些更溶合到炒飯裡炒飯入面有少少鴨肉，非常好食。甜品叫了奶黃流心葡撻，鹹蛋黃流心，第一次食好有驚喜，撻皮很鬆，脆我忍不住要吃多一件！果香軟心多士賣相好靚，口感似蛋糕。加埋有焦糖醬和雪糕一齊食，勁好味。另外我地仲叫左兩杯飲品，蜜桃沙冰和玫瑰堂，兩杯都好好飲。玫瑰堂有D似西班牙Sangria，好fruity呢間餐廳可以encore 再encore, 甜品又好食！

話說今日約咗朋友睇戲，所以約咗早d喺銅鑼灣食嘢。由於冇咩idea，所以決定喺時代廣場搵一間餐廳嚟食。咁啱好耐冇食葡國菜，所以大家都一致決定試吓呢間餐廳。結果所有食物都唔錯，夜媽媽仲有得食個葡撻，值得比笑哈哈。我地叫左香辣煙肉煮蜆，蜆肉冇沙但係好細隻，個汁辣辣地超級好食，可以當湯咁飲。至於鵝肝焗鴨飯，鴨飯個味道唔錯，有少少鴨肉，另外鵝肝煎得幾好食。咖喱牛坑腩，牛肉唔乾，但咖喱唔算好香，送飯幾好。甜品都幾好出色，奶黃流心葡撻好好食，中間係鹹蛋黃味，第一次食，有驚喜。木糠布甸係三個甜品中最普通嘅一個，但係味道都唔錯。 果香軟心多士最好食，其實食落嘅口感唔似一塊多士似蛋糕。加埋有焦糖醬，又有雪糕，超好食。

週三晚約咗幾位新相識嘅外藉舞友入場去啤酒園睇跑馬。因為預咗要同佢地隊啤，收工就先同靚女舞伴喺時代廣場食通天度覓食打底。有心由頂層起搵，但一行到去戲院隔離就見到間幾光鮮嘅「小島•澳門菜」，兩口子又對馬交菜好好奇喎，所以就擔粗粗咁行咗入去試吓。接待處擺有詳盡嘅餐牌供貴客參考。黃昏六點前未有太多客人，細佬可以放肆任影。餐店分開左右兩邊，右方為較光猛嘅半卡位式散座，牆身地上都可見不少歐陸式嘅花紋磚塊，設計師應該係想道出澳門與葡萄牙之密切關係。左邊嘅用餐大堂燈光較柔和，中間有一列合併式散枱。二人被安排入座拍牆最闊落舒適嘅四人卡位。餐桌上有任飲開水及自助餐具。刀、叉、匙羮及紙巾都擺得非常企理整齊，十分衛生。嘻嘻，話明打底當然係要食得飽肚啲啦，兩口子就每人點咗份有飯嘅晚市套餐，仲咁啱都揀食豬。香烤乳豬野菌牛油焗飯（$188）：眼見女伴所點嘅乳豬焗飯外表金黃亮麗，而且極之芳香，細佬就偷食咗件乳豬。真係冇諗到飯面嘅乳豬層皮會咁鬆脆，肉質亦香軟柔潤，超有水準！懷舊鮮茄焗豬扒飯（$98）：總愛懷舊嘅XO仔個人較感性，所以就揀咗個傳統啲嘅焗豬扒飯。論外觀，橙紅鮮艷嘅豬扒飯絕對不比乳豬焗飯遜色。新鮮出爐嘅焗豬扒