小南灣食軒 (已結業)

小南灣絕對是我最喜愛的餐廳. 約朋友食飯的話絕對可以選擇小南灣, 因為幾乎你說得出的食物它都有提供. 而且物有所值, 價錢公道. 無論任何時段去, 都有無數食物選擇. 而且服務已有改善. 除了特飲太甜, 要order時叫他少甜外, 基本上是無得歎! 比起在同一個商場的八喜, 它價錢公道得多. 而且裝修後大部分是卡位, 十分好坐,又有電視.

上次同男朋友落去食野,1人叫左1碟飯食..我叫了豬頸肉飯,d豬頭肉烤得唔錯!!但冇咩汁..如果多少少汁會好味好多..^^價錢還可以~~~比出面平左d..

上次叫左個波羅炒飯,味道還可以!但d飯硬左少少..希望佢地會改善下!d餐包埋野飲會好d..

香芧豬扒凍檬一流!黎親都食呢個~哈!正中足料，份量好夠小食唔錯，唔算貴。不過佢D飯類就唔得喇!妹妹食過個西炒飯無味O既，媽媽食過個焗海鮮飯無海鮮得幾隻蝦仔同細細塊魚柳=.=

厚德邨分店.下午周圍都很多人, 便和薑餅人求其食一餐.雞絲凍檬+ 蒸粉包–料尚算足, 味道也不太差.芫荽皮蛋魚滑湯飯–很多飯, 湯清清地, 但魚滑真的只是滑, 毫無魚味.總覺得此店不是很乾淨, 坐得周身唔舒服.

服務差,有次個廿幾歲侍應明明遲左泥杯野飲,佢feel好麻煩,仲細細聲say粗口,太過分!味道普通,有d太油na,d fishball河,d要粉同湯底都好淡,要me自加spicy醬先有味、好味d.d魚片有d5 fresh.d野離得so slowly,d凍飲品只係是但將杯hot飲品加d冰就算,馬虎.環境5錯,有tv and air-conditioners.乾淨一般,我個fd eat 左之後肚痛!?

食過幾次,包括lunch and dinner.地方大,坐得都幾舒服;食物水準參差,勝在款式多,中式,越式,泰式,港式...各式其色價錢好平諗唔到食乜,都會過黎

i hv been to this restaurant for a few times already....their service is kinda bad...but their foods r great...espeically the chicken cold \'mung\'....i luv it~but then the rest of them r quite expensive...around 30-40 a dish wor.....and those expensive one doesn\'t taste gd at all

自從冇在藍田上學後已很少來小南灣了.今天回舊校後和朋友們第一時間滾落這兒吃飯..超warm的!!一行6人問侍應有冇"學生餐"..成功了= =v我叫了雞絲凍檬..[$22]um,,其實是幾好味的..不過總是覺得以前上學吃lunch最愛的嫩雞煨麵最好吃..嫩雞煨麵在冬天吃是一流的！懷念以前跟大家很趕很趕的吃lunch..然後跑斜路好趕咁趕返學校....回憶永遠是美麗的。大概是這原因令我喜歡這兒吧?

成個商場都冇乜食市，搵左一陣至係轉角位搵到呢間小南灣。可能我地早到，6:30食Dinner，間餐廳好大，只係得3台客人。越式炒河$32，味道不錯，但d 河粉就太過濕身，乾身番少少會好D 。春卷凍矇$20，甜左d，所以蓋左酸味，春卷係即炸既，所以好脆，不過"火農"左少少。可能因為大部份侍應都似做暑假工(應該唔夠廿歲)，所以個經理好緊張咁成日周圍巡。最緊要係地方乾淨(仲要勁多電視)，唔錯。

小南灣初初開張時, 我都時有幫襯, 食物質素算係普通, 但不知是否生意日差, 食物質素一落千丈. 那次我叫了一個咖哩牛腩飯, 嘩! 未試過甘難食, d咖哩汁燶既, 深啡色似米田共, 牛腩又難食,成碟飯可以食落肚得d飯, 簡直貼$買難受, 我亦從此不在此間吃啦! 食物差, 所以少人幫襯, 但如果想搵地方坐耐d, 此店是適合不過, 因店大客少, 無人會趕你走.

藍田無好野食,本身選擇少,更遑論食式種類.不知不覺呢度已經成為我同幾個小學同學聚舊的好地方.雖然apm的確為我地提供左不少選擇,但如果即興又想就腳兼價錢平的話,小南灣都算係咁. 推介呢度0既湯河,一定要飲埋佢ge湯.凍朦亦可以不試,大把地方都好過佢.咕嚕肉/魚塊不錯,sauce幾好,而且勝在肉仲有少少脆.越式炒河都ok,唔會過份油膩好好食又唔係,但貪佢方便,平,又坐得耐,一餐飯,四個人,唔覺唔覺又粒幾鐘.

好多時都係兩口子想快快攪貼就算, 所以好小係道食貴野.我通常都叫佢個香芧豬扒凍檬, 因為好正中. 檬粉爽, 有青瓜絲, 生菜絲, 乾碎, 羅白酸仲要有埋香口既油....咁多配料, 真係睇得出個師父好有心機...再加埋即煎既鬆化豬扒, 真係冇得頂.唯一係份量比較細, 男仔可能唔夠, 但我食野向來係貴精不貴多, 好食遠比大份黎得重要, 如果係唔好食你比大大碗又點? 呢個檬我面次都食到好滿足, 正!

簡直就係一個有人服侍0既food court不過服務差，因為d企堂做野超慢，通常得d經理急。食物都好ok，早餐係18蚊食到嘔，超飽。不過個蒜蓉包就唔掂，轉做白麪包好過。又可以邊飲奶茶邊吃中式點心。依家早,午好似唔駛茶錢，就抵食好多。餐廳仲有電視睇。d卡位超舒服，傾偈最好。(因為無伙記會理你)

1. Good eating environment compare to price2. No need to rush in weekday as there are many seats and enjoy after meal tea slowly3. No 10% charge but have to pay "tea money" without any notice, which is very frustrating, but you can just have water, but staff seems unhappy.4. Food is so so, set dish is rather small, maybe not enough for man5. Overall, ok, price is quite cheap, and rather good place to gather in lam tin, but not do business very honestly.