小南灣食軒 (已結業)

星期六日呢度好多人,可能屋d人週未唔煮飯.上星期特登6點就黎試,有好多位.坐底睇下menu,有京滬點心,又有越南野食,仲有茶餐廳食品如公仔麵之類,心當堂打個"特":通常呢d大包圍多數冇樣好食.既來之則安之,照叫.叫左:大鹵麵,蒸饅頭,小籠包,水餃,牛肉蝦片.1)大鹵麵唔錯,呢款麵好安全,好難整得難食.2)蒸饅頭夠熱又夠軟,好食.3)到小籠包,OK,起碼好食過上海坊.4)水餃唔得,竟然個餡係同小籠包一模一樣,淨肉冇菜.5)牛肉蝦片,唔夠炸蒜同蔥,d牛肉冇香茅味,唔似越南野.付上既魚露亦只得醋冇青檸,唔香.不過價錢真係好平,又大碟,可以一試.

我家姐結左婚, 搬黎藍田之後, 我間唔中都會黎探下佢, 而我亦發覺佢已成為"小南灣"的fans."小南灣"係主要食京川滬同越南菜, 但粥粉麵飯同小菜亦有供應, 選擇真係好多! 至於食物質素, 就只算中等. 沒有什麼食品係特別好食, 亦唔覺有乜野係特別難食, 所以我有一次都忍唔住問家姐, 點解咁鍾意幫襯呢度? 我家姐就話因為附近冇乜野好食, 加上呢度食物種類多, 所以佢就成日幫襯. 另外, 此餐館係有外賣服務, 作為"無飯主婦"的家姐, 就成日叫外賣, 咁就解決一餐.如果你嚮附近住, 或嚮工作的話, 我都會鼓勵你黎試下.