小伊甸 (已結業)

就朋友食飯去觀塘覓食 梗係搵新嘢試😋 開飯搵到基督教背景既小伊甸 食飯時間1點幾去到 都幾多人食 不過我地2個人好快就有位🥰 餐廳主打台灣菜 飲品menu選擇都幾多 望望餐牌雖然吾算特別平 但食落吾錯喎🤓咖哩鴨胸配飯 $54 咖喱第一啖有啲辣 配埋鴨胸原來好夾 鴨胸切片稍微煎過 都有10幾片 有啲仲好厚😛 傾下食下 好快就食曬成個飯🤤

晚市時order 炸雞排鹵肉飯，朋友叫咗鹵水拼盤配面 ，問題嚟啦1。 兩個set 調轉咗2。 個飯喺凍嘅3。 同事都好，肯幫我換個飯4。 最後嗰飯喺暖嘅,但個雞排已凍晒5。鋪面得3個人睇全場總結: 我以為我食緊冷盤啊大佬，因為人手不足，啲嘢食整好都送唔到，又要安排入座，又要拎嘢嘢食同嘢飲比客，又要執嘢，又要埋單。老細人唔喺咁用個喎，個場爛晒啦，睇住啲staff 以為拒玩緊overcook， 冧檔啦

近排同朋友玩懲罰餐廳嘅遊戲，呢間正正係懲罰對象之一，加上我又觀塘返工，啱哂！餐廳位於工廠大廈上面，超近觀塘站，喺一樓，唔好等𨋢行樓梯吧啦，唔算難揾的單位。晚餐時間，原來好多人同我哋一樣，都喜歡懲罰某類型餐廳，所以要等位，冇相干，我有的係朋友，佢一早攞咗位坐低左😎thank you very much.食物選擇唔算多，而且價錢都唔算特別平，不過喺度叫的飲品全部都係賞茶黎(賞茶當然係另一間要懲罰的店舖)，所以抵返黎數喺度，加上食物質素唔錯，希望今後食物種類會增加👍🏻

#支持良心餐廳台灣金牌高筋牛肉麵（小辣）配屏東櫻花蝦燙青菜 $74 （配加大台式飲品）午市過黎見到好多人幫襯！本身好期待 但食完有少少失落🙈首先等嘅時候會有啲耐 但都唔緊要明白嘅不過牛肉麵牛肉份量得好少 係牛腩位 但食落唔會覺得特別稔 反而有少少un 之後個麵佢粗幼不一 有啲係會明顯粗啲 不過食落都係欠左啲咬口 個人比較鍾意彈牙啲嘅之後蘿蔔嗰啲怪怪地酸酸地咁 唔知係調味問題定係咩🙈不過我就唔係咁鍾意咁樣調味最驚喜嗰樣嘢就係雖然佢個湯底話係小辣 但我呢啲唔係好食到辣嘅人都接受到 都覺得幾惹味 本身以為食完一定會好口渴 但竟然無 所以應該唔算重味精之後再分析下點解會咁多人嚟（除左黃店之外 因為好多黃店本身都唔多人😥）我諗應該有幾個原因 第一應該係佢有埋台式飲品 -叫咗冬瓜仙草 少甜少冰❗️呢個真係要注意因為我叫咗少甜都甜到不得了😂想像唔到如果全甜係點 定係其實佢根本冇少甜到？不過我朋友個杯都係叫咗少甜味道都係一樣 第二應該係佢都幾多選擇下 又有啲偏重口味嘅鹽酥雞嗰啲 所以都吸引啲人黎食🤔不過總括來講我自己就唔係話特別鍾意但就當係支持下黃店👻

小伊甸 (觀塘).台灣金牌高筋牛肉麵.少少辣嘅牛肉湯底令我念念不忘(⁎⁍̴̛ᴗ⁍̴̛⁎) 已經唔知幫親過幾多次！唔食得辣都食到，好惹味！牛肉都好惗身， 飲左杯奶蓋烏龍茶，奶蓋香又濃厚，個人覺得呢到嘅飲品沖得比出面更好飲！.📍小伊甸 (觀塘)觀塘官塘道436-446號官塘工業中心第四期1樓C室—————————————————————-

一行六人去懲罰呢間小店加慶祝生日。可以預先訂位。食物價錢相宜，味道不錯。好鍾意飲佢杯芋頭鮮奶綠。叫正餐可加$15 換購甜品/小食/菜。另加$15可揀主餐牌飲品。最重要係坐得舒服，每個服務員都極好笑容和有禮貌。有switch、board games 同PS4 玩。觀塘地鐵站D3出口一出就係，勁易搵。服務員仲好貼心幫我地擺好生日牌同點好蠟燭先捧個蛋糕俾我地，好多謝你地呀！今晚食得好開心！香港人加油！受傷既人要盡快康復！尤其健仔要加油！

lunch 專程去懲罰佢雖然前排去完台灣無耐 都要食架 嬲呀🖤鹽酥排骨肉燥飯 送埋珍珠奶茶添呀 凍架 又大杯 飲到我地飽哂排骨份量多 炸得好好食 係乾左少少 肉燥個汁點都唔夠台灣咁正宗架喇 但係都係要罰！🖤魚腐台灣腸手打麵男友真係細胃口到咁魚腐看似平平無奇 食左一粒 點知好好食！！同埋佢每個餐都有小配菜半隻蛋 青瓜 芽菜🖤芋圓兩條友怕唔夠食 最後加左個糖水 $17好多粒芋圓 大大舊仙草台灣既回憶番哂黎香港人！加油！hkers!!!!

每個月都有不同的菜單寫了每個星期一到五的餐是甚麼最方便facebook就搵到佢既菜單價格含了一杯手搖飲料算是工廠大廈裡受歡迎的一家雖然說是台式的餐廳但是菜單內的選擇很多唔只得台灣野食咁少不過我每次叫都係叫台灣野感覺都幾岩香港人食既口味鹽酥雞炸粉不算厚味道跟嫩滑度也剛好值得推薦另一個套餐肉燥飯同前菜好吃肉燥既份量比之前少左一支骨就好一般好油但沒甚麼味飲品方面波霸奶茶飲咁多次都咁好味我同事甚麼會單點佢返office

雖然今次嚟食嘅時候，要等位，但都算快等到。在場有啲客人好嘈，不時尖叫同笑，但我地離開嘅時候，一位職員過嚟同我地講「唔好意思，今日好多人同埋好嘈」，服務態度幾好，起碼佢會顧下其他食客嘅感受。其實都明嘅，佢地成班人聚會，玩到興起，嘈係好正常。嘢食方面，上次試咗佢地嘅牛肉麵，唔錯唔錯，蘿蔔好入味，啲牛又好食。今次就試下蕃茄麵，雖然等咗陣，但上嚟嘅賣相唔錯。而味道又意外地好食，佢隻醬同其他餐廳嘅唔同，認真唔錯，不過食多幾啖就開始有啲飽。今次仲飲咗杯桂花烏龍蘆薈粒，味道好清新，啖啖蘆薈粒，仲有桂花茶味好濃，真材實料。同行嘅朋友點咗芋頭牛奶（唔記得個全名），都係好好飲，芋頭同奶味都好重。

雖然今日星期三，但仍有好多人幫襯，晚上8點鐘去到，都接近9成滿座。叫左鹽酥雞滷肉飯+古早牛肉麵，加$15就有賞茶的飲品～抵如果胃咁再好少少，可以再加$15配仙草芋丸做甜品。總括牛肉麵的湯底好濃好香，但絕對無味精；而鹽酥雞扒味道正常（味道偏啖，但個人覺得可接受），但勝在夠大份，而雞皮都炸到好「趣口」。餐廳內有遊戲機，Board game提供，亦適合一大班人gathering下次可以試試約朋友來聚一聚。

約了朋友 吃個午餐他想飲杯台式飲品 就來這家台式餐館午市以 快靚正 套餐 為主$49 至 $74 一個餐 不等可以加配小食台式飲品 可以自選 甜度 同 冰的多少order 了 2個套餐肉燥飯 拼 蒜泥腩肉同 欖菜肉鬆炒四季豆再加了 $10 三條小香腸肉燥飯 味道不是很好可能不夠油 同 熱辣辣蒜泥腩肉 的腩肉 像是滾熟後加上蒜泥 不夠入味欖菜肉鬆炒四季豆即叫即做 所以較遲上台香口好味 值得等待台灣小香腸 是正常 熟悉的台灣風味 不錯的選擇最開心 攞住杯 奶茶 邊行邊飲奶茶的味道 不過不失$60 以下 一個套餐 已經 食回票價環境舒適 有一邊牆 有可愛動物的彩繪 有機會 再黎 試食 早餐或下午茶看看能否 慢活一下

今日lunch，因為想飲台式飲品，就去左小伊甸食。地點好方便，因為真係一出地鐵站行幾分鐘就到。佢既午餐非常實惠，60幾元，有主食，小食再加一杯好大杯既台式飲品。我今次叫左沙茶撈烏冬，配台灣腸，花枝丸，紫菜湯，一口雞。店家好貼心，個沙茶醬係分開上既，想要怎樣的濃度就加多少👍👍👍飲品方面，我就揀左波霸奶茶，少甜，一開始都會擔心甜度，因為好多店，即使少甜都好甜，但飲到果下，發現衣家擔心多慮了，甜度適中☺️下次都會再嚟食🎉

前排同同事去左呢間食 一入到去個裝潢好文青 主要係木色家具 仲見到有得打 PS4 Switch個d遊戲機🎮 好正 可以邊食邊玩 好岩一大班朋友上去我地點左3個餐1. 牛肉麵 🍜2. 鹽酥雞排魯肉飯 🍚3. 青醬雞肉意粉 🍝佢送餐飲 我叫左個烏龍茶 再加左個多士甜品牛肉麵湯底幾香 足料 我地食唔哂 😳 雞排超大份 都唔錯幾香口 係魯肉汁少左d 多d撈飯更加正 青醬意粉好食 意粉唔會太林 有煙un既感覺 佢個茶好fresh 個甜品好特別 佢有小小似加央多個種味 值得一試

當日心情不佳，想食個飯都冇咩心機，機緣巧合下搵到哩間有得食有得玩嘅餐廳「小伊甸」，又近地鐵站，就諗住試下啦。鹽酥大雞排肉燥飯幾好味的鹽酥大雞排肉燥飯，出面好多食肆都會煮得太咸，哩度就剛剛好！而且價錢只係$73蚊，份量頗多，抵食！重點娛樂我見其他人叫野飲，原來係賞茶，真係幾抵，而且野食都由自可，哩度最正係有好多棋同switch玩!  重要唔洗入場費，你話抵唔抵？成晚餐廳都坐滿人，又冇人會趕你走，走嗰一刻個人都放鬆哂，值得再黎！

「小伊甸」係我啲同事飯堂之一，間唔中就會去果到食，聽講野食水準都唔差。抱歉冇影到佢每日有唔同選擇果個餐牌。😓—台式肉燥飯＋鹽酥雞台式肉燥飯其實好少難食，肉燥唔多，勉強撈到飯。😔不過汁有啲過多，飯比較濕，食落去口感麻麻。但整體味道尚算唔錯。🤔鹽酥雞有啲失望，雞炸得唔錯既，不過真係冇味。說好的鹽酥雞，但係完全冇鹽，一粒都冇。😡—價錢係OK既，之前藍妹都食過另一個餐，唔錯既，但如果單憑今次既經驗，真係唔太合格。😢