小伊甸 (已結業)

今次為大家介紹呢間係觀塘一間良心台式食店～呢間小店係港鐵觀塘站D4出口一落橋，行兩步入工廠大廈就搵到ge la～門外有支持港人的文宣扭卡機鹽酥大雞扒肉燥麵 $79一上枱個下.哇左出來，塊雞扒好大塊～雞皮炸得好香脆，仲滿滿鹽香味，d雞肉都好滑身，唔會炸得太乾身～麵質質感較為中等，唔太硬又唔算太軟身🙌古早味藥膳當歸鴨腿湯米粉$74呢個未食已經聞到好大陣藥膳味～飲落個湯偏清甜同有藥膳未～件鴨腿好似食緊鴨腿煲湯d肉咁,肉質偏粗糙，但勝在夠啖啖肉😋米粉就索哂d藥膳湯味😋餐飲另需另加18-26元～

店舖係官塘工業中心第四期1樓C室,店鋪雖然係工廈裹面,但非常方便去,係官塘地鐵D4出口,落天橋就見 到官塘工業中心，一上樓梯轉個彎就到。樓面潤落坐位多,係官塘區黎講算幾好坐,。叫左個皇牌套餐:台式肉燥飯+花枝丸+鹽酥炸豬扒,三道前菜有老蛋,芽菜,加醃製青瓜,好爽口。生菜有少少蝦米同肉燥，食落好有層次感。豬扒唔會乾身,好開胃, 兩粒花枝丸都勁彈牙，幾好味肉燥味道就比較淡同唔夠肥，有改善空間 另外仲有一杯賞茶既波霸奶茶,珍珠煙勒,茶味好濃好味,正

觀塘一帶工廈都隱藏左好多唔同種類既美食，好食得晒都可能要一年時間今次就揀左呢間 - 小伊甸，揀既時候純粹因為好耐冇食台灣野，所以就去食下喇!店舖好易搵，地鐵站行過去都只係5-8分鐘左右，路痴去食都唔會有問題!上到工廈，店舖既門外冇太大既裝修，望上去冇咩特別感，正正常常既門牌。開門入到內，即刻有店員會招呼，由於我第一次去呢度，所以穩度起建我都係會book左位先既，不過今晚人就唔算好多，可能始終疫症時期，對人流一定有影響。店員安排坐位之後，我就四圍望下，望望下估佢同宗教機構應該有少少關係，店內既牆身都畫上左畫，而且佢環境都幾大幾闊落，所以整體俾人感覺係舒服既🍽 鹽酥大雞排肉燥飯我揀左呢個雞排飯，雞排好大塊，夠厚身，而且炸得好鬆脆，食炸野最怕就係 1.太油 2.太乾身 3.翻炸有以上3點其中一點，應該會係我心目中大打節扣，呢度既炸雞排就唔錯喇，有肉汁，同埋雞排有經過調味，味道香口至於肉燥，味道都唔錯，唯獨是覺得可以再俾多少少都得。🍽 鹽酥三寶配台式肉燥飯女皇揀左呢個肉燥飯食，可以滿足佢食炸野既慾望女皇分左粒花姿丸同台灣腸我食，不過不失喇，冇咩可以挑剔既地方。炸雞都炸得好，一樣保持到外脆內多汁

放假嘅一日，下午時間黎到觀塘試吓推介好耐嘅小伊甸！雖然位處工業大廈入面，但係地鐵站一落去就會搵到，好方便！下午茶時間去到都好多人！環境光猛座位都好闊落，幾舒適👍🏻 下午茶選擇都幾多，台式小食粉麵同港式系列嘅都有。因為我比較餓就揀左個 All day breakfast喇🤣🤣All day breakfast ($46)內𥚃有炒蛋、煙肉、香腸、茄汁焗豆、牛油多士、薯餅😋 值得欣賞嘅係個炒蛋，食落唔會好油膩，另外就係每樣食材上碟都仲係熱，唔會整完一樣另一樣又凍咗。不過…薯餅就有啲油益味…腸仔都有啲咸🙈小伊甸一個好特別嘅地方，就係佢嘅台式飲品係賞茶嘅出品！而賞茶本身都係一間我好欣賞嘅台式飲品店😍 下午茶優惠+$5 可以升級飲品，我就揀左荔枝烏龍。茶味好香，加上淡淡荔枝味，味道好夾。重點係荔枝味唔係好假個種糖膠味，好飲😂👍🏻

小編今次叫左個外賣, 廢事成日出去食喇1) 台式肉燥飯拼醬汁魚肉春卷 ℍ𝕂𝔻 𝟠你無睇錯，真係 𝟠 蚊點解會係 𝟠 蚊呢，係因為小編用左e肚仔app既優惠，所以就咁平喇叫外賣都要食既黃店😤肉燥同飯好夾呀🥰好鍾意撈飯食春卷個醬汁好好食，送飯一流🤣好多春卷，呢個價錢無諗過佢咁足料🤔仲要加埋有半隻蛋係度，真係要多多去懲罰佢先得😂..小pop會繼續不停食食食，所以如果想得到更多似食資訊，請like & follow～😋

🔸台式肉燥飯 拼 醬炆一支骨 $56🔹醬油鴨胸台式手作湯麵 $54🔸波霸奶茶 跟餐同朋友一致認同抵食！好食！仲試到賞茶添！我第一次飲，珍珠奶茶性價比高，通常咁樣跟餐嘅多數冇乜特別，但跟餐係賞茶好ok！覺得賺咗😂肉燥可以嗌多肉燥多飯，多到浸晒碗飯，個汁唔好咁水會好啲，味係ok的，好有屋企嘅味道。一支骨都炆到入晒味，個味甜甜地似豆瓣醬，份量好足！鴨胸都有伴肉燥，醬汁夠惹味，手作麵唔會太腍有咬口。午餐超抵食呀，仲有分星期一至六唔同餐。有罷工捐錢，推！// #飲食黃國✄──────────────────✄小伊甸觀塘官塘道436-446號官塘工業中心第四期1樓C室

觀塘呢間小伊甸算係比較出名所以就同朋友一齊去食點知午市太多人要等位不過都唔洗等咁耐好似十分鐘度就入得menu紙 好多野揀提提大家寫好左係要出去比錢架常餐 Y2 沙嗲肥牛出前一丁 配雞翼炒蛋多士 $54首先份量真係好多所以最尾我係食唔哂同埋都幾好食 係有少少偏鹹野飲揀左波霸奶茶麵加珍奶真係勁飽朋友叫既午餐a $56小食 鹽穌小派對 $30有好多唔同既小食 薯條腸仔魚蛋鹽穌雞由於之前太飽 搞到食唔哂呢個小食同埋呢個小食偏鹹 好快就膩所以比較細食既大家可以唔洗揀小食以免浪費食物總括而言食物方面 味道偏鹹份量偏多環境方面 好大張枱偏細但都算坐得舒服服務方面 職員有禮會再食

收工好攰😪，咁啱又有私事要去觀塘搞，想食得簡單啲，見到附近啲工廈都幾多野食，去到呢間小伊甸門嗰陣口都幾多人等，不過好彩等咗一陣都入到去🙈入面地方都幾大，有好多位，但係度度都坐滿哂人，睇黎幾受歡迎🤭 ▫️鹽酥大雞排台式肉燥飯 （$79）▫️ 鹽酥大雞排台式手作湯麵 （$79）

餐廳：小伊甸 (觀塘)地址：觀塘官塘道436-446號官塘工業中心第四期1樓C室再一次黎到觀塘工業區嘅台式餐廳小伊甸，事隔大半年，小伊甸除左係一個教會聚會場地之外仲成為左一間不折不扣嘅黃店💛，佢地仲有同黃色茶飲店賞茶合作添今次同家姐黎，叫左個古早味藥膳當歸鴨腿湯飯($74)同一個醬炆豬軟骨台式手作湯麵($73)🍜，另外仲加多左個波霸奶茶🥤。藥膳當歸湯底好足料，一上枱就有好濃藥膳香😍，原隻鴨腿炆得好腍之餘仲帶有湯底嘅精華同味道，入味好食😋，而醬炆豬軟骨惹味香濃，湯麵入面仲有滷蛋同肉燥，夠哂豐富食完飯飲返杯波霸奶茶，滿足哂依家想去台灣但因為疫情關係去唔到嘅慾求☺️，希望餐廳除左繼續吸引食客之餘亦吸引更多人聽到來自神嘅福音

我相信今年情人節個個都唔會想出街食飯，因為驚人多，所以我哋都唔夠膽係正日去食大餐，我哋早左兩日提早咗慶祝。所以今年正日反而食簡簡單單就算，喺觀塘放工去咗成伊甸食台灣野。我哋嗌左兩個主食鹽酥大雞排台式肉燥飯雞扒好大塊，好Juicy，大大塊好多肉，而且炸粉唔厚，唔會成口粉，所以真係啖啖肉。另外，雖然肉燥份量唔多，但係都夠cover成個飯。而且成個餐都幾大份，所以我咁大食都覺得好夠食。古早味藥膳當歸鴨腿湯麵線藥膳湯超級好飲，好飲到可以飲晒成個湯。（不過默默一提，如果朋友仔唔鐘意當歸就可能會覺得好難食）另外，鴨腿一般，比較柴皮。同埋我地覺得呢個湯配麵線唔係太夾，我地覺得配湯飯應該會好食啲。再加配左兩個小食屏東櫻花蝦燙青菜 (大)普普通通，正常野！不過佢係套餐＋$35先有細細碟（已經大左架喇！）CP值唔係太高。黑松露醬薯條好好食嘅黑松露醬，不過薯條有啲太乾。不過又係要套餐＋$35，CP值唔係太高。

約了好朋友吃早餐傾偈，朋友建議來這間在觀塘地鐵站D3、D4出口旁，觀塘工業中心四期一樓的Cafe，地點非常方便「就腳」。早上客人不算多(可能現在非常時期，大家都盡量減少出外)，餐廳很年青人風格，座位之間也不擠逼。看看早餐餐牌，選擇不少，而且價格很相宜，全日早餐(All Day Breakfast)也不到四十五元，大家幾乎不約而同都選了這個，我選了烘蛋餅，餡料選芝士和粟米粒，單、雙餡是同價。全日早餐份量很足，跟餐的多士是厚厚一片牛油多，如果能有果Jam就更好，香腸味道偏鹹，建議選質量好點的香腸，45元不到的全日早餐就算多幾元也可接受，最緊要食材好一些。烘蛋餅香脆，味道不錯，餐飲的Latte都及格，期待咖啡的選擇可以多一點。餐牌上還有很多台式風味的選擇，下次再來。

晚餐同男朋友選擇左去小伊甸食，餐廳都幾大，有足夠座位，唔洗等位就入座。座位都好寬闊，坐得好舒服。店內有大量文宣，亦有香港製造潤唇膏買，支持本土製作!男朋友叫左一個鹽酥大雞排台式肉燥飯 ($80)，雞排夠味，炸得好酥脆，唔會食到成口粉既感覺。白飯上面有少少肉燥撈黎食，但份量較少，如果可以多一d成個飯就好食好多。我叫左一個綜合滷水台式手作湯麵 ($74)，滷水食物好入味，不過麵條就比較軟身，唔夠彈牙。+$20就有其中幾款飲品，我地叫左賞茶既桂花烏龍波霸珍奶，入口有淡淡桂花香，最後有烏龍澀味，好飲!!

小伊甸是間良心小店，位於觀塘工業中心既台式餐廳，牆身有可愛壁畫，食物好食，服務有好。叫了午餐套餐，紅燒牛肉面，個湯有牛味夠香濃，牛肉夠淋，麵質好彈牙。飲品叫了珍珠波霸奶茶，另一個叫了台式叉燒手作面，面質彈牙，叉燒夠大塊。配了一杯胚芽奶茶。

今日專登黎到觀塘再食黃店小伊甸一入到餐廳，發現佢裝修過（一年多前有食過）可能正值肺炎時期，晚餐時段都唔會好多人仲見到四圍都貼咗啲同香港人打氣嘅文宣同祝賀嘅揮春，以下兩張我覺得好靚食物方面，我食咗個醬炆豬軟骨台式手作湯麵　(HK$73)  豬軟骨係另上嘅，麵入面搭咗啲肉醬、半隻蛋同一條菜，配料都算多個豬軟骨好大舊，一舨女仔可能會食唔曬啲軟骨晶瑩剔透，仲好有咬口，而且好好食，鹹鹹哋，配埋啲麵就啱曬～所以我比5/5分員工方面好有禮貌，埋單嗰時仲會祝福客人身體健康，認真唔話得晚餐都係$73一個人，like呀

今日約左朋友去觀塘區食飯行街, 因為唔係好熟路, 所以都係聽朋友講, 去邊就跟佢去邊。一直都有耳聞觀塘有好多隱世美食店, 今日就去左一間係工廈入面既樓上鋪「小伊甸」。本身無乜點留意個名, 但入到去餐廳之後就發現入面有好多壁畫, 上面畫住好多唔同既小動物, 而收據同埋杯上面亦都印有聖經金句, 店主應該係想打造一個好似伊甸園咁美好既地方, 好欣賞!餐廳入面四四方方, 都幾寬敞。中間位置主要係大長枱, 2人枱同4人枱就放係靠牆既位置。而呢度所有menu都係有個膠罩係出面既, 落單前只需係食物名稱隔離, 用marker (店員會提供) 將你想要既數量填上去, 然而行去門口既收銀處俾錢落單, 跟住坐係位等上菜就得架啦。台式肉燥飯拼鹽酥雞排配屏東櫻花蝦燙青菜、鹽酥花枝丸(兩粒) ($72)上菜時, 店員會用一個大盆裝住3碟送, 包括前菜, 飯同埋菜。先講前菜, 有三樣野: 青瓜粒, 芽菜, 同埋半隻魯蛋。青瓜好爽脆, 另外因為佢事先醃製過, 所以帶點微酸。但美中不足既係份量比較少, 得果3粒。芽菜既份量就多番D, 豆有咬口, 唔會煮到淋哂。至於隻蛋, 我就覺得麻麻地, 因為我唔中意食咁熟既蛋, 令