小伊甸 (已結業) 查看

觀塘道小伊甸今年1月16日起停業，一直期待重開，今日下午和朋友再去試新店，點了「古法印度咖喱燉牛肋條飯」$79，餐飲轉「手工竽頭牛奶」$15，結果來了一兜咖喱，隱若看見裡面有兩半，一個小孩子拳頭大的薯仔，對半開，匙羹撈到兩塊加起來才有1/2個薯仔大小的牛腩肉，其他什麼都沒有！還以為自己是叫了咖喱薯仔撈飯，真的非常欺客。照單全付後，將情况告知收銀的老板，回應是你下次來，多給你兩塊，只要你公道就好了，領教過了，以後不會再來！

觀塘出名多工廠，工廠都收埋唔少寶物食堂，今次我地去到小伊甸食佢地既午市！gogogo🤤入到店會有張餐牌寫曬當周既全部套餐，千祈唔好睇錯日期呀😂😂簡好食咩之後就出返收銀到落單比錢，之後就等食啦～餐牌大多都$60有找仲包埋珍珠奶茶等手調飲品，真係抵食。蒜泥白肉配白飯最底放左豬腩肉 上面再放一大堆蒜泥唔似我哋平時食開個啲 依款醬汁唔多 全靠蒜味道差啲 而且食物都比較凍 食落麻麻珍珠奶茶 小伊甸既台式手調飲品全部都係出於賞茶質素有保證 同平時出面飲一模一樣 珍珠夠曬彈

最近經常到觀塘工作，每次都錯過了午飯時間。在前往地鐵站的路途上，我留意到這間在工業中心開設的台式餐廳，便決定食完Late lunch才回家。我和同事各自點了不同的食物，他點了台式肉燥米粉配奶蓋(鹹味)綠茶，我點了All Day Breakfast配黑糖奶蓋咖啡，另外追加了一份鹽酥花枝丸。同事覺得他的台式肉燥米粉很正宗，而且搭配的雞扒充滿肉汁。All Day Breakfast的丹麥多士好鬆脆，香腸也很有台式風味，薯餅更是拍得住麥當勞。滑蛋熟度剛剛好，只是有點淡，中間的茄汁焗豆可以暖一些。花枝丸雖然經過油炸，不過裏面仍然很Juicy。台式茶飲是餐廳與賞茶聯乘推出，我們都同意兩杯飲品水平很高，奶蓋夠厚，我最喜歡芝士奶蓋的鹹香味。黑糖奶蓋咖啡奶蓋(鹹味)綠茶台式肉燥米粉All Day Breakfast🟡

《是日午餐》芝麻蔥油牛肉拼台式肉燥飯 $55追加咗個小食～酥炸番薯條（細）波霸奶茶🧋鹽酥雞排台式肉操飯拼鹽酥花枝丸（兩粒）、屏東櫻花蝦燙青菜🥬（細）、流心蛋 $72凍紅豆仙草芋圓

同朋友預約咗喺觀塘做facial，於是搜尋吓有咩好食。呢區工廈多穩世小店，不過有啲就名過其實、有啲就價錢貴。因為朋友想食台式所以最後就㨂咗小伊甸～午餐選擇好多仲有好抵嘅是日午餐。跟餐本身已經包大大杯賞茶嘅飲品，四款揀一款另可以加錢轉其他台式飲品。飲品選擇超多，啱晒又想食嘢又想飲台式飲品嘅朋友～藥膳排骨新竹米粉配屏東櫻花蝦燙青菜$73，另加$10改做蒟蒻麵。完全切合low carbs嘅朋友～一上枱已經聞到好大陣藥膳味，好似肉骨茶嘅香味。食落口更加係濃郁嘅藥材味，即刻覺得好補身用料十分充電，排骨好食又淋。食完忍唔住飲埋佢個湯，十足十食完一餐補品👍🏻台式肉燥飯拼三杯雞、流心蛋$64再另加$15要小食：蒜泥手拍青瓜。印象中三杯雞應該係辣？係呢碗就完全唔辣。不過味道惹味配飯食一流。流心蛋睇menu以為係瑭心蛋/滷水蛋，上枱先發現原來係好似溫泉蛋。雖然有少少失望但隻蛋都好好食～成碗飯超級大碗，朋友都食唔晒～呢間店唔似其他工廈店咁座位逼迫，反而好大地方好多位。而且整體性價比非常高。平時一杯波霸奶茶出面都要三、四十蚊，而家加多少少錢就有埋主食。食物份量用料都非常足夠，味道亦不錯。同朋友決定下次再enc

三杯雞飯 ($64) 🥃🥃🥃🐔雞柳幾嫩滑，味道主要係醬油味同小小九層塔味，酒味就唔係好食到。肉燥飯，肉燥嘅肉碎比較少同散，主要都係汁嚟…如果可以肉碎可以完整啲同大粒啲會更好。😬流心蛋唔錯，熟度剛好，蛋白凝固而蛋黃流心，有蛋香，撈飯食一流。😛珍珠奶茶 半糖 (跟餐免費) 🥤佢呢度嘅飲品係賞茶出品，而我本身都好鍾意飲賞茶，所以真係有驚喜！因為嗌咗半糖所以唔會好甜，飲得出奶茶茶香同奶香；珍珠有嚼勁唔軟爛，仲有淡淡黑糖味，好飲！😋呢度午餐整體嚟嘅質素講我覺得都OK，唔會話好驚艷但都唔會好失色。價錢方面我覺得算好抵，出面一杯珍珠奶茶都廿幾蚊，即係今日個飯其實都只係四十幾蚊，都算平㗎喇！🤑

觀塘工廈覓食🤣朋友介紹呢間係觀塘返工一定要食🥳今日叫咗個台灣肉燥豬扒飯拼花枝丸😍加咗個$15嘅小食木魚麻將豆腐❤️❤️聽朋友講呢度成日要排隊😱所以提早咗少少嚟好彩嘅係我同朋友都食1:30嚟到都係等咗兩張枱就入到去❤️豬扒好鬆脆👍🏻👍🏻👍🏻👍🏻肉質juicy 🤣🤣青菜加埋肉燥都好食👅

午餐。本人對米粉情有獨鍾。見到新竹米粉。就直叫。點知呢個都叫新竹米粉？ 我既認個台灣新竹米粉係幼身。一見到。就問工作人員。呢個叫新竹米粉？ 回應係： 我哋呢款係叫新竹米粉。冇廣東米粉咁嚡。但絕對不是新竹你冇新竹呢個字。我絕對不會叫呢碗嘢雞排粉厚。油浸。炸丸okay湯底正常。果啖肉燥醬好L油，污染成碗嘢。味道普通。生菜老。又係果款肉燥醬。又肥又油又唔好味。凍波霸奶茶。走冰。微甜。做得好足。但茶味還可。珍珠也不會死甜。剛好

約朋友食早餐，第一次黎到小伊甸。上樓，餐廳都幾大，好多位，而且好闊洛，檯同檯之間有幾大距離，坐得唔屈質。餐廳採用手機落單方式，落單後好快就會有waiter比單你。朋友推薦食沙爹牛麵，於是我幫朋友手機落單，自己都叫左個沙爹牛米。見到朋友既沙爹牛麵黎到之後，有d想轉返做麵，畢竟配麵好似正常d lol 不過已經落左單了～由於我有食過更好食既沙爹牛麵，所以呢個沙爹牛對我黎講係ok，而且呢個價錢仲包野飲，有煎蛋腸仔同麵包，算非常好既economic choice。味道 ★★★環境 ★★★★服務 ★★★★ 衛生 ★★★★★ 抵食 ★★★★

又發掘公司附近既餐廳先, 今次試下台式餐廳! 呢間餐廳係觀塘都幾出名~~ 佢係觀塘工業中心四期, 係地鐵站一落樓梯就到! 不過lunch時間都幾多人, 驚要等位所以今次叫左外賣番公司食! 鹽酥雞扒台式肉燥飯拼鹽酥花枝丸外賣紙盒十足台灣既便當, 分左3格個餐都幾足料, 鹽酥雞扒有4大舊, 外賣關係拎到番公司個皮都腍左, 但係味道好味, 雞件都好滑! 肉燥份量都好夠, 唔會食到最後得番白飯!! 花枝丸有2粒, 好彈牙勁好味😋 流心蛋就有d搞笑, 要自己剝殼, 有d唔方便.. 不過真係好流心.. 而右上角既係小食係屏東櫻花蝦燙青菜, 幾香口, 青菜爽口!凍極品賞奶茶加波霸套餐仲跟左杯野飲, 原來佢係賞茶黎架! 個人幾鍾意賞茶既茶底,好香口! 珍珠好彈牙好好趙!!

觀塘工廠其實真係好多美食，肯捐窿捐罅就會有好多驚喜！呢間台式餐廳我就第二次嚟，上次食晚飯今次就食Lunch。點餐係掃QR Code然後手機點，不過佢個System指示唔係咁清晰，揀好一個再揀另一個時，第一個又消失咗，再試多次先成功。Lunch Menu呢樣拼呢樣、嗰樣拼嗰樣咁，好似仲豐富過晚市喎！上次食咗鹽酥雞排覺得好正所以又要回味一吓，叫咗個有鹽酥雞排嘅Set。【台式肉操飯 拼 鹽酥雞排 鹽酥花枝丸（兩粒）、屏東櫻花蝦燙青菜（細）、流心蛋】Lunch Set嘅雞排就冇晚市咁大塊，換嚟嘅就係食多幾款嘢。雞排炸得好香脆，鹽酥個陣香味撲鼻而嚟，雞肉亦好嫩滑，正！肉操飯用嘅係珍珠米，撈埋味道濃厚嘅肉操真係好惹味！炸花枝丸就唔算好特別。而生菜就好鮮甜，配嚟櫻花蝦好好食！流心蛋正常發揮，正常會想撈飯，但有肉操嘅話又已經好夠，如果轉成滷水蛋成件事好似會夾啲。【鹽酥薯條（細）】跟餐加HKD12，呢嗰就一般般，炸得比較乾，亦唔夠脆有啲硬。呢度環境都算係幾舒服，地方都大，唔會好似觀塘其他地舖、商場舖咁，食完都唔好意思再坐，即係趕住走咁。食完飯又飲吓嘢再傾多陣計，係同朋友同事嘅Relax吓嘅好地方！

星期六諗住去觀塘行下街，搵地方食個早餐，揀左小伊甸，離D4出口只係一分鐘，方便！點左一份沙嗲牛肉通心粉，$33連野飲，有埋多士、餐肉同蛋，抵到無野講，沙嗲牛肉通最出色，份量大大碗👍🏻👍🏻👍🏻台式蛋餅就中規中矩，味道還可以，有點手抓餅既感覺😬All day breakfast 以價錢取勝，$4x連野飲，又係出面搵唔到，平時cafe既all day breakfast 肯定過$100，呢份份量、食物種類都不輸平時食開既，炒蛋同薯餅尤其出色

上禮拜同朋友去觀塘試吓台灣菜 最後揀左食小伊甸自己就揀咗一個$72 既lunch set 有肉躁飯+小菜+生菜+大杯珍奶評價：肉躁飯唔錯 炸墨丸同炸雞扒上菜仲係熱辣辣既 雞扒好脆口 真係幾唔錯😚😋仲有d小菜都好有水準 有半隻滷水蛋、涼拌芽菜 幾開胃 呢個lunch set仲有杯大杯珍奶 以$72嚟講都真係幾抵食！推薦推薦

最近幾年，觀塘有兩間喺工廈入面幾出名嘅台灣食店，兩間都係 “小” 字頭，不過質素就差得幾遠下。好食嗰間係觀中四期嘅小伊甸。今次幫襯，揀咗從未食過嘅鹽酥三寶沙茶醬撈烏冬拼紫菜貢丸湯。撈烏冬嘅沙茶醬係另上，想撈幾多就落幾多，啱哂我。一開始落多咗，鹹咗少少😂，呢個時候，碗入面嘅青瓜就即刻發揮解鹹生津嘅功能👍。鹽酥三寶分別係台灣腸，花枝丸同一口雞，三者都味濃香口，撈埋掛滿沙茶醬嘅烏冬一齊食，滋味無窮😋。至於碗貢丸湯都好豐富，貢丸同紫菜份量都多，反而係湯少咗啲啲，所以就略嫌鹹咗少少😂。不過，對於我嚟講，小伊甸最吸引嘅地方，係佢哋嘅飲品係由賞茶供應。幫襯當日都幾凍，我叫咗杯熱嘅波霸奶茶，呷一口，茶同奶嘅份量比例剛好，兩者各司其職，令到杯奶茶香濃幼滑，至於啲黑糖珍珠都好正，軟硬度適中，有嚼勁之餘，煮得亦非常入味，充滿黑糖嘅甜味，好食喎😍。

小伊甸出名抵食，今日去開觀塘終於可以試到。下午茶時段3點黎到，都幾多人。餐廳係暖色系裝修，感覺舒適。✨All Day Breakfast $46 (下午茶)作為英式早餐控，見到咁平，毫不猶豫揀左佢。$46有咁多料，真係好豐富: 炒雙蛋、煙肉、薯餅、香腸、焗豆、蕃茄、牛油厚多士。煎到熱辣辣，好香脆。最正係呢度台式飲品係賞茶出品，揀左胚芽奶茶，小麥胚芽同奶茶底好夾，但胚芽可以再重味D。除左指定飲品，仲可以加$5-10升級轉其他。平茶餐都可以食飽，再加埋賞茶真係覺得賺哂，咁佛心既餐廳真係要多多支持😆😆