寿々乃

營業中

休息中

終於book到呢間omakase！多謝朋友介紹，整體呢間質素真係唔錯，魚生都好新鮮，而且都幾多元化！成個流程真係好豐富 好滿足❤️熱食湯 - 京都名物成個湯充滿柚子香，上面有一大塊鱧魚，用咗千刀刺嘅技術處理，所以骨都可吃，魚身好爽脆！天婦羅 - 用上北海道白粟米同黃粟米好少食粟米嘅天婦羅，時令嘅白粟米好清甜，以往粟米就有比較濃郁嘅粟米味，兩種都好好食！炸白海老小食用嚟送酒岩晒。海老真丈 係非常大粒嘅蝦餅，質感軟熟得黎又做到有啲Q彈，其實係因為用左雞蛋！刺身來自和歌山嘅真羽太 ，配上紫蘇花同檸檬醋食好清新。來自和歌山嘅甜蝦，甘海老，伊世，本身已經好甜，就咁點wasabi 都好好食！縞縿刺身來自北海道嘅北寄貝，可以點Wasabi或者豉油或者鹽，點少少就可，襯托出本身北寄貝嘅鮮甜。來自北海道嘅水八爪魚刺身 正！分別有八爪魚腳同八爪魚吸管，好爽口彈牙😂食得辣嘅朋友可以點多啲醬油漬Wasabi，同八爪魚吸管好夾！咁啱又係食海膽嘅季節，今次試到好幾款海膽！前菜沖繩海帶酸酸地，加啲 白海膽 味道好清新。配太刀魚加啲少少牛蒡香氣同松野露筍，前菜幾特別紫海膽師傅講 原來每隻海膽都唔同味，有啲偏清甜，有啲偏

性價比高嘅omakase❤️前菜我自己先食沖繩海帶，佢酸酸地好開胃，而且個質感滑捋捋好有層次。 之後食太刀魚，好香一啲都唔腥，再食白海膽好清新淡淡地打開左之後食刺身嘅味蕾！最後有粒甜甜地嘅黑豆，好甜好棉！師傅話係佢哋自己醃製！❤️湯-京都名物有豐富嘅柚子香，仲有一塊青檸好fresh 好清新。鱧魚已經處理咗啲骨，所以成舊食！魚肉爽脆小骨都可吃夠晒方便！ 熱食 天婦羅北海道白粟米 同黃粟米白粟米非常鮮甜而且咬口係念念地好似糯米，而黃色粟米就比較爽。熱食 海老真丈雞蛋有蝦味而且裏面用蛋白發，咬落去非常彈口亦都好香蝦味！刺身 真羽太淡淡魚香，配合紫蘇花檸檬醋，個魚味更加岀！刺身 甘海老 推介❤️同一般嘅甜蝦好唔同，佢嘅質感好黏稠，仲要好甜，所以食完之後係口裏面嗰浸甜味維持咗好耐💯北海道北寄貝 第二個鍾意食嘅刺身，師傅喺我哋面前拍一下個北寄貝仲識郁，非常新鮮！而且好爽好鮮甜！北海道 水八爪魚 刺身有八爪魚腳同八爪魚吸管，仲有自家製嘅醬油漬Wasabi！佢哋嘅口感各有不同，有啲就比較黏稠，有啲就比較爽。 佢嘅醬油漬Wasabi，鹹鹹地辣辣地落少少就夠。食完本身嗰個八爪魚個鮮味再岀左，一定要試個醬油漬Wa

一年一度的生日飯當然要用心選擇，每年都以廚師發板作為訂餐目標，當然今年都不例外。OR上和社交平台上都做了大量的功課，看到這間當初已在澳門逸園中心開業的餐廳得到不少的支持和讚賞，而且沒有一個面。係咪真係咁高質就等我自己去發掘。約咗6:00pm準時6:00pm我哋就到達，準時到達係基本嘢，呢個係對於廚師同埋餐廳員工嘅尊重。去到我哋係第一台客人，師傅已經同我哋講佢盡快幫我哋安排要我哋稍稍耐心等待一下，因為啲食材啱啱都係到餐廳冇耐。由銅鑼灣時代廣場行去餐廳並唔遠，好快就搵到。有個重點嘅係戶外有屋仔煙灰缸，對於食煙嘅人嚟講真係相當方便。前菜嘅漬物，師傅做得相當好食，一共有四樣子薑，牛蒡，青瓜，同埋白蘿蔔，我冇影到相，但真係好好食，不過都係奉勸大家唔好食咁多，因為之後你真係會食到好飽好飽。當日貝類嘅選擇並唔係咁多，主要都係以魚類為主～當晚我哋點咗一支限定版嘅純米大吟釀，師傅的確冇介紹錯，而且佢呢度嘅清酒定價並唔算好高，唔會好似出邊取價進取。食咗啲乜嘢？其實大家可以睇圖片，因為有好多我都已經唔記得咗，但係印象最深刻嘅係炸銀魚苗，八爪魚吸盤，中拖羅，海膽x2款，當然仲有師傅自己整嘅子薑❤️。成餐飯，氣氛

寿々乃位於跑馬地，係銅鑼灣利舞臺附近，唔難搵🤗。雅 MIYABI $1,880先付🌟黑豆🌟官崎縣沢蟹🌟鯛魚昆布漬🌟太刀魚卷牛蒡🌟長夜蘆筍季節🌟京都名物 鱧魚清湯脂肪少，口感相對較為清淡爽口，師傅預先把魚骨細切，令魚肉更順滑。刺身五點🌟鱸魚 - 嚟自四國嘅鱸魚肉質結實，帶有少許甜味。🌟間八 - 嚟自鹿兒島嘅間八口感一流☺️，味道比真鯛還要淡🌟甘海老 - 嚟自三重縣嘅甘海老甜肉質細綿，味道清甜🥰。🌟水八爪魚(腳和吸盤) - 師傅係面前親手將約長1.2米八爪魚腳🦑嘅吸盤切下，保證新鮮。吸盤好爽口，中間放少少wasabi，非常好味😋。另外八爪魚腳新鮮煙韌，同樣好味🥰。🌟紫海瞻 - 嚟自岩手縣嘅紫海膽，師傅話即使是同一批海膽，亦有不同味道，但同樣口感幼滑，味道甘甜。季節料理二品🌟粟米天婦羅 -北海道白粟米和 長崎 黄粟米，炸衣薄身，味道清甜🌟海老吓丈海老真丈 - 即係炸蝦丸😆，師傅話入面係由大約4️⃣0️⃣隻白海老整成😳，唔怪得又大粒，口感又豐富啦🤤。壽司十貫🌟伊佐木 - 味道鮮甜脂肪豐盈、肉質白裡透紅🥰。師傅話當造的伊佐木肉身才會出現紅色🔴。🌟甘目鯛 - 嚟自伊豆熱海市嘅金目鯛🐟肉質Q嫩🤗，魚肉有甜香濃

寿々乃由銅鑼灣樓上舖做到跑馬地地舖🇯🇵師傅30年日本餐廳經驗👨🏻‍🍳係實力派既Omakase💪🏻由熟客仔朋友帶路今次黎食Lunch。午市只做一輪，平日都full house，Menu有兩款選擇，分別係$980「雪月花」刺身加壽司或者$680「風花」十二貫壽司🍣我哋揀左豐富啲既「雪月花」🍣師傅好親切、好健談👨🏻‍🍳令成個用餐體驗都加分💯🔸先付前菜有漬蔬菜、海藻蒸蛋🔸季節のスープ鱧魚清湯，京都名物之一，加入柚子、蒓菜，味道清新，第一次食鱧魚，本身好多骨，但係師傅將所有骨剪斷，變成細細條等客人可以容易啲食到，10分貼心。🔸刺身五點🐟四國愛媛縣鱸魚 配酸汁 紫蘇花🦐三重縣甘海老 配醬油Wasabi🐟大分關鯖魚🐚北海道北寄貝 🐙北海道水八爪最鍾意關鯖魚，好厚身，油脂感十足，口感好好😍其次係水八爪魚，🐙腳比較Q彈，而吸盤比較脆口，可以一次過食到兩種口感，附有漬Wasabi ，師傅建議可以放少少落去吸盤入面一齊食😛🔸季節のお料理呢個set有一道熱食「海老真丈」🦐其實姐係炸蝦丸，富山料理之一，啱啱炸好熱辣辣，咬開好軟嫩，有外脆內嫩的感覺🥰🔸握り寿司-八貫來自熱海的金目鯛🐟福岡槍魷魚🦑用左昆布漬的青森帆

寿々乃位於跑馬地，住附近嘅都係上流社會有消費力嘅食客，位於高尚地段餐廳嘅路線都係相對高檔，不過omakase 嚟講算性價比好高，有好多道菜食材超新鮮而且份量都夠飽～前菜係腐皮卷，白蘿蔔襯住比較鹹嘅唐墨，送酒一流～嚟自沖繩嘅海藻水雲酸酸地好開胃，加上白海膽味道好夾😋鱧魚清湯碗物屬於京都名物，魚肉好鮮甜，味道有啲似鰻魚或者鱔，但係唔好處就係多骨，所以家居係冇可能食到，好講究師傅嘅刀工，用「骨千切」嘅方法每一寸斬26刀而唔可以割斷魚皮，斬成可以食嘅細骨。鍾意柚子嘅味道可以用柚子浸耐啲湯，連住順菜湯都可以飲。suzuki本身聽到以為係車，原來係四國愛媛縣嘅鱸魚，蘸啲酸汁落少少紫蘇花，清香鮮甜魚肉又嫩滑～另一個魚縞鰺可以話係深海池魚王，厚切超香魚味，每日新鮮空運到港非常鮮甜，脂肪結實肉質肥嫩，刺身質地纖細柔軟，口感順滑鮮甜🤩三重縣嘅甘海老遠近馳名，sashimi生食最甘香鮮甜，大大隻口感有啲黏黏的，非常好吃😍餐廳另一個細心嘅地方係安排食物嘅次序，會照顧到食咗太耐刺身可能胃冷或者有啲膩，又會夾雜一啲熱食。上咗一道炸沙甸魚下酒一流，炸得香脆可口～緊接住北海道水八爪魚兩食，分別係腳同埋吸盤，有傳統芥末

在一星期前預訂了這間omakaze,想說在工作之前好好享受一個午餐然後在工作。所以在網上看這是很高評價的一間餐廳於是便預訂了。在lunch Menu入邊有兩個set可以揀一個是980以刺身為主的另一個680以壽司為主而我因為鍾意食刺身比較多所以就揀咗刺身MenuOrder咗之後見到師傅喺度開魚去皮平時啲Omakase 未必會見到呢個步驟因為有啲係隔夜買剩但係呢間證明咗食材好新鮮師傅係即開即劏，而且手勢都好專業去皮切骨成個步驟都好smooth套餐總共有兩款前菜第一款前菜係左手邊醃製左既間八魚 上面鋪咗一啲蘿蔔絲酸酸甜甜間八魚都係醃製左既令人特別開胃而右手邊係海藻茶碗蒸可能加咗海藻嘅關係令到成個茶碗蒸都好鮮甜呢個湯做得超級出色，無論鮮甜度同口感我都好鍾意，師傅用咗鱧魚做一個清湯然後配新鮮柚子成個感覺係好清新清甜，柚子唔會搶左湯既味道，啱啱好係有種好清新嘅感覺，二成碗湯都唔會覺得腥或者有魚味，係我覺得好好飲嘅魚湯跟住就開始上刺身啦第一款係Suzuki鱸魚 配酸汁 我個人覺得比較有咬口第二款係九州特產嘅間八原來冇醃製嘅樣係有啲似油甘魚但食落去同油甘魚嘅口感相似比油甘魚更加鮮甜第三款係北寄貝呢個

跑馬地新開咗間日本Omakase，門面精緻溫馨，食材喺天花板級，每日新鮮空運到港。店內座位唔算好多，但志在有賓至如歸的感覺，每位食客都係VIP咁招待。晚市只有一個Menu ，「廚師發辦菜單」每位$1880，成餐飯食足4個鐘，盡顯師傅誠意同功架！前菜🥢海膽配水雲海膽好鮮甜，水雲酸酸甜甜好開胃，非常爽口。🥢腐皮卷🥢蘿蔔配唐墨唐墨又叫烏魚子，同蘿蔔一齊食鹹鹹地有幾有口感。🥢鱧魚湯係京都名物，鱧魚用骨千切方式烹調，魚肉好滑，個湯清得嚟又酸酸甜甜，有柚子嘅味道，試下其他刺身之前順便清清個味蕾🤭刺身五點🥢鱸魚嚟至四國嘅食材，可以搭配酸汁入口，或者加啲紫蘇花進食，好爽口。🥢縞鰺入口回甘，好鮮美。🥢蝦嚟自山松懸嘅甜蝦，超級甜美。🥢水八爪魚有兩款食法，吸盤和八爪魚腳可配普通Wasabi或者醬油漬Wasabi。🥢海膽🥢沙甸魚食刺身中途，送上一道炸嘅沙甸魚，以「素揚」方式料理，炸到好香口，佐酒一流。炸物🥢粟米天婦羅白色粟米嚟自北海道，黃色粟米嚟自長崎，超級甜。🥢炸蝦丸好彈牙，食到食材嘅原汁原味。漬物🥢金目鯛🥢關鯖🥢凡立貝🥢槍魷魚🥢新秋多魚🥢中拖羅🥢大拖羅🥢天身🥢麵豉湯非常傳統，入邊有好多魚肉，又唔會太鹹，味

早幾日好有儀式感，去咗食omakase lunch~見呢間野評語都唔錯，門面比較低調，但入到去都有唔少其他客人～試咗$980嘅sashimi+sushi set前菜：筑前煮+海藻茶碗蒸吸い物：唔好睇啲湯望落係無乜色，用咗鰤魚去煮，超級鮮甜，而且加咗順菜（第一次試），有少少似啫喱的口感，飲落去好舒服刺身五点１）鱸魚SUZUKI 配搭酸汁＋辣蘿蔔同洋蔥＋紫蘇花２）縞鰺 SHIMA AJI ＋ 天草３）北海道北寄貝４）神奈川池魚５）北海道水八爪魚首先好欣賞每件sashimi嘅配搭都好特別，我特別鍾意北寄貝，好鮮甜，加上少少鹽更加顯出佢鮮味，水八爪魚都好唔錯，兩個部位，腳嘅位好軟滑，吸盤好爽脆，加埋醬油漬wasabi好正～Hot Dish:白蝦醬真丈，好香蝦味，係一粒類似魚蛋咁嘅丸子，炸到外脆內軟壽司：大分縣關鯖昆布漬帶子ー軟滑之餘昆布有提鮮作用岩手縣石垣貝福岡槍魷魚-非常滑又唔會難咬北海道新秋刀-師傅話新秋刀個新字係新鮮咁解，我一向都鍾意食硬身啲嘅魚，秋刀肉質firm得吸嚟又重魚味，師傅好細心幫我地𠝹刀痕方便我哋咀嚼吞拿魚3件大拖羅、中拖羅、瘦啲嘅吞拿魚-呢幾個就必食，食到好香嘅魚味都知新鮮

朋友搵到間無☹️既omakase帶埋我一齊去試吓～Menu 睇落都正正常常，點知由第一道菜驚艷到尾🤩-頭盤既蟹仔可以成舊擺落口，好脆好鮮甜，海膽同帶酸酸既海草都好開胃，無一樣野係唔好食-成個湯勁香西柚味，突出左魚既鮮甜，加埋魚有脆骨食果陣要忍住唔可以大大啖、食太快🤣-呢個刺生個酸汁係點睛，佢將鯛魚既鮮味係後段係完全帶到，一啲都無遮住，係好驚喜-八爪魚好爽糯，特別係個啜啜，好少見同食到，佢個感覺係好新穎，第一口咬係好清脆，但咬咬下又好軟糯，配埋芥末漬，係會上癮-紫海膽食清甜定礦物味重啲真係盲盒黎，食落口先知，果種礦物味係有層次，帶有香茅香，然後有啲甘甜淨係頭盤刺生都係👍🏻👍🏻，令到我好期待之後既野食🤩-粟米分白玉同黃，白既會好清甜、黃既粟米味好香濃，白粟米點醬油會更甜壽司環節，去到呢個環節開始有啲飽，但好食既野唔可以浪費！仲再要係主角大大片，飯係極細粒🤣好正！-最值得講係關鯖，呢隻魚本少係出面食到，佢既口感真係豐富，絕對係唔同一般食開，除左魚味好濃，佢魚肉好豐實，你同時會食到爽脆飽滿既魚肉，仲會食到魚肉既糯軟彈爽，係多重口感！！呢間絕對值得大家去試，性價比同菜式係香港絕對係頭幾位，同埋師傅

鱸魚刺身， 個酸醋汁好突出到白生魚嘅味道，好有魚味唔腥八爪魚吸盤好脆好好食！ 連埋Wasabi的漬物師傅預返數量嘅海膽。 我嗰隻海膽就偏向海水味，我朋友佢哋偏向清甜，兩隻都好好食。 白同黃粟米天婦羅 , 白嘅好清甜，點少少豉油，再甜啲！ 而黃嘅好重粟米味炸白蝦丸，同我想像中嘅炸蝦丸有啲唔同，唔係好彈牙嗰種。。 而係好多汁，好軟糯鯌鰺魚 鮮甜 濃味 肉彈金目鯛 連魚皮 關鯖 極濃味！ 一件魚近皮位置好彈性，另一邊好淋。是日最愛嘅壽司，出面都冇乜點食！ 石垣貝 鮮甜， 本身以為會好un , 點知都係好彈牙！ 鮮味蛇腹 用鹽黎調味 , 而唔係用鼓油 . 減低本身魚腩嘅油膩感！ 好食 炸沙甸魚 做小食 , 間唔中食完件壽司都可以食下 前菜仲有岩手原嘅海膽 , 醋汁水雲 , 蟹仔成隻食，好脆刺身都有五款， 鱸魚刺身， 個酸醋汁好突出到白生魚嘅味道，好有魚味唔腥 甘海老 好甜 軟糯池魚刺身 海膽原隻上！ 正呀！ 壽司方面仲有帶子昆布醃制 軟糯甘甜 , 槍魷魚喺度唔夠人生北寄貝 鮮甜 新秋刀 中拖羅 味鮮甘甜 回甘醬油漬天身 不過呢度淨係可以post 12張相 😂我就揀咗自己最鍾意食嗰12款嘅相po

😋柔和氣氛下享受豐富美食😍 💥💫壽々乃，位於香港跑馬地黃泥湧道163號地舖。坐港鐵銅鑼灣站時代廣場出口Exit A，步行大約五分鐘就到。 門面已經吸引人，室內用心設計，給客人溫暖感覺。設了一張10人壽司枱;近距離與師傅傾談，室內擺放綠色植物還有個細小花園，光線和氣氛都給人一種柔和。 餐廳主打新鮮的日式刺身，廚師發辦，為客人製作當日新鮮的刺身配搭。 前菜：精緻可愛拼盤： 沢蟹、水雲醋配海膽、太刀魚牛蒡卷、蘆筍、黑豆等😋入口沢蟹爽脆，蟹味豐富，水雲醋配海膽，水雲醋酸味令到海膽鮮甜，撈埋一齊食清新感覺。湯：鱧、蓴菜鱧（京都名物）本身多幼骨，師傅用功力刀切，切斷全條骨，放入口咬完全沒有魚⻣存在，肉質厚彈牙鮮甜，味道豐富。湯內有蓴菜，入口象似啫哩滑溜彈下，配塔合意😋刺身五點：鱸魚、縞參、甘海老、水八爪魚吸盤、紫海膽等。 鱸魚： 可以配上紫蘇花一起吃，肉質結實有彈性，配紫蘇花酸汁，令味道更突出。 縞 參：肉質厚咬入口嫩滑，鮮甜。 甘海老： 軟綿滑溜肉質豐富第一隻嘗試加入芥末，味道鮮甜第二隻加入芥末醬油，芥末的微辣加上醬油味，令蝦味更豐富。 水八爪魚吸盤：口感結實，爽口彈牙，配入芥末/醬油漬芥末，

這間位於跑馬地的廚師發辦餐廳，裝潢簡約舒適，亦是我吃過以來的廚師發板餐廳中最印象深刻，加上師傅熱情好客，互動十足，感覺舒適親切🥰✨雅Omakase $1,880✨先付包括黑豆、沢蟹、水雲醋配海膽、太刀魚淮山卷及長野露荀，賣相精緻，特別喜歡太刀魚淮山卷，魚肉軟腍新鮮✨吸物- 鱧魚清湯以鱧魚及蒓菜煮成，味道清甜，師傅預先把魚骨細切，魚肉更順滑✨刺身五款- 鱸魚：來自四國的鱸魚，魚肉細緻，可另配上紫蘇花，香味濃郁😉- 間八：質地爽彈，魚味濃郁😽- 甘海老：來自三重縣的甘海老，味道鮮甜- 水八爪魚：相當長的八爪魚足，足足有十米之長，八爪魚片質地柔軟，可配上兩款靜岡芥末，包括醬油漬及生磨，更突出鮮味- 紫海膽：師傅把一整盤紫海膽展示出來，相當震撼的畫面，來自岩手縣產的紫海膽，即使是同一批海膽，亦有不同味道，海膽味道甘香，質地絲滑，入口即化✨季節料理二品- 粟米天婦羅：包括白粟米及黃粟米，炸衣薄身，味道清甜- 海老真丈：把蝦肉切碎起膠後炸起，炸至金黃香酥，口感爽彈多汁，味道甘甜✨壽司十貫- 伊佐木：爽脆清甜，味道偏淡😉- 金目鯛：油脂豐富，肉質细腻，肥而不膩😋- 昆布漬帆立貝：肉質柔軟，味道清新☺️

友人推介位於跑馬地的 寿々乃，是供應日本水準級Omakase. 菜單富有廚師精心挑選的季節性食材，能讓食客品嚐出各種菜式的滋味。餐廳是簡約的新式和風感裝修，有一種令人放鬆來享受食物的感覺。每一道菜都由廚師即席炮製，也會向我們解說一下食材運用和配搭，食材都是日本出產，很講求優質和新鮮度。前菜有「宮崎縣白海膽 配 水雲醋 太刀魚卷 沢蟹 長野露筍」，擺盤精緻。白海膽口感幼細香滑，帶酸味的水雲醋提升了鮮味，沢蟹香脆而鮮味充足。這晚有幸品嚐到京都名物 「鱧魚清湯」，很合時令，是夏季起至中秋的季節限定。此湯特別加入了梅醬和柚子作調味，鱧魚厚實多汁。刺身五點「三重的甘海老」，甘甜味出眾。來自「愛媛的鱸魚刺身」有通透感，沾上微微的帶小辣的酸汁，味道更有意思。「九州櫻島的間八刺身」也令人感受到啖啖鮮味。席間可享用小吃「炸沙甸魚魚苗」，脆口感和魚味的一流。原隻新鮮的生開「岩手縣紫海膽」，盛產於5-8月，口感濃郁軟滑，清甜而帶有礦物味，一嚐難忘。「八爪魚刺身」取自長度驚人的八爪魚爪，驚喜是吸盤圓圓的很可愛，而且脆脆感特別，可配醬油漬wasabi來吃。季節のお料理二品「富山鄉土料理 炸海老丸 配京都產青椒」