寮居酒屋 (已結業)

作為本區街坊，一定要介紹呢間小店。今日去食晏，所以食得比較簡單，只叫了一個汁燒雞扒定食、以及一個雞肉親子定食。雖然只係幾十蚊一個晏，都有湯及沙律。唔好因為價錢平就覺得佢哋會hea做，個味道係相當唔錯的。我食嘅親子丼，不論雞蛋定雞肉都好滑，大家見到佢仲加埋紫菜絲，得兩三個人嘅小店嚟講，係好叻㗎。附近街坊多數係夜晚落去食下串燒飲下嘢，夜晚經過會聞到好香，之前有食過串燒係好食嘅。論性價比，係區內頭幾名，多數要等位，建議早啲去。

其實我地連西灣河既都未食哂，但真係好努力架啦～比起預想中好食，唯一就係我呢隻北極熊覺得好熱，唔夠冷氣XD 但可能因為我地去既時候人地岩岩開浦燒鰻魚飯 $68其實佢都大碗既，就無咩特別囉，同出面是旦一間日本小店叫既分別不大，都有差唔多成條，呢價算係咁啦～滑蛋親子丼 $45我覺得唔錯，仲幾好食，可能因為好少食，呢樣又係comfort food既其中一樣XD 間唔中食下會好開心XD老闆人好好，都有問我地岩唔岩口味，見佢都有唔少熟客仔，可以一試啊～

🔎寮居酒屋 (西灣河) 💛 #黃店系列📍西灣河海寧街8號地下2號舖-💛3/9罷工、文宣🔹滑蛋吉列豬扒丼 $48 套餐奉送前菜，麵豉湯豬扒幾厚 滑蛋夠多 仲有好多洋蔥 煮到入哂味整體我覺得唔錯嘅 有下次 同場仲食左牛肉飯 都係唔錯嘅 不過d汁可以多d就更好🔹 月見牛肉烏冬/拉麵 $58 可選豬骨湯/鏗魚湯/地獄湯 套餐送前菜鐘意食辣嘅我當然揀地獄湯 不過可惜一啲都唔辣😹牛肉份量就幾多嘅 烏冬唔算好特別好彈牙 正常水準 仲有其他配料同生蛋 都ok嘅 不過我覺得飯好食d

復活節假後，抽時間同男朋友幫襯呢間西灣河的良心串燒小店，寮居酒屋面積細細，但卻充滿人情味，串燒小食由店主親自料理，加分。今次係我第二次幫襯，一坐低，就即刻encore燒雞泡魚乾、蒲燒鰻魚石鍋飯、吉列蝦、牛油蒜蓉炒雜菇！好好味，果然無令我失望！雞泡魚乾攤凍d食，仲好味！另外，今次都試左其他食物，燒雞腎、茄子、雞皮、蠔、大板燒、雞串，味道還不錯！當然我最愛既都係雞泡魚乾和鰻魚飯🤤🤤小店價錢親民，係抵食既，兩個人叫左好多都係$300幾，抵過出去外面的大型餐廳食。雖然去唔到日本，但嚟呢度有去左日本的感覺同質素，值得一試！

少有去到筲箕灣覓食搵到間好好味嘅黃店串燒居酒屋💛大推大推大推呀！舖頭細細 又要隔離 又要限聚 相信都有影響不過staff依然好落力煮 食物超高質🤩三頁紙仔嘅餐牌密麻麻好多野食揀 重點係 真係好抵食😍-我同男朋友好大食 分兩輪叫左超多野食捧住個肚走😂實不相瞞 好味到第二輪再叫多一碟炒雜菇😋個飯一上枱我真係嘩左出聲$48大碟到難以置信！軟殼蟹幾好味絕對up to standard😚牛仔骨 牛舌 雞腎 雞翼 雞肉軟骨棒嗚呀我而家睇返都掛住佢地🤣牛舌係理所當然第二輪有encore!!!!!超回味 佢唔係薄切個款 而係好厚好入味!!❤️雞肉軟骨棒都好特別啖啖肉之餘咬落入面有啲雞軟骨好過癮😍原條茄子無得輸 味道好濃 岩晒我重口味🤣連皮食都得 好大份👏🏻第二輪嘅串燒絕對冇令我失望金菇肥牛 汁燒厚豚肉 雞肉 牛舌厚豚肉大推呀 我好怕勁多肥豬肉個種但佢完全唔係個種 啖啖豚肉好好味💕個蠔要讚入貨揀得好 鮮味十足😉翠肉瓜當然好味唔使多講☺️-總結超滿意呢一餐串燒❤️❤️❤️性價比好高！出面好少咁高質十幾蚊價位嘅串燒勁大力推呀！-ps1 一入去就問我地登記左做選民未 具公民責任👏🏻ps2 大門玻璃爛左我地估有人搞佢地

今日約埋家姐去試下黃色串燒店，訂坐時間係7:30，但前面客人未埋單所以8:15先可入座（不過唔緊要，餓下可以食多啲🤣🤣）燒烤店坐位並唔多，加上疫情限制入座人數，全間舖只坐到十幾個客。(都係嗰句記得要訂位）我地未坐低已經叫定嘢食，所以等咗陣就有得食啦睇圖就知我眼闊肚窄，但每款食物都唔錯，全部清哂碟😆😆。比較鐘意係炒雜菜，燒牛舌，金菇牛肉卷，沙嗲燒雞腎，燒牛肋條，泰式燒豬頸肉同炸軟殼蟹👍🏻👍🏻埋單時價錢仲嚇親我，叫埋清酒同茶都係六百幾😍😍，老闆訂價實在太有良心啦🥳會唔會再幫襯？答案係《一定會》

今日同女友去試食一間鋪因為女友聽佢朋友介紹話幾好食所以我哋特登過海去食一去到因為佢先啱啱開始夜市我哋係第一枱客我就睇下佢四圍嘅環境係一間黃店咁就放心幫襯之後職員都好快招呼我哋我哋問佢有咩好食佢都有推介一啲食物比我哋天婦羅炸蝦唔錯牛油菇我同女友都好中意食可能因為我哋都比較中意食菇好快就清晒石鍋鰻魚飯又係女友想食我覺得都幾好食幾特別因為佢有加到蛋撈埋食又幾夾呢啲串燒同蠔就係職員推介唔貴又幾好食係最左邊嘅雞皮無我之前食過嘅咁好食但中間嘅雞軟骨同蠔係正嘅大板燒係我想試因為掛住日本食過嘅大板燒但呢到就不過不失還可以接受之後叫埋職員推介嘅燒唔知咩豬肉我覺得都唔錯但因為開始飽已經唔想食太多肉大家黎到都唔好叫太多肉除非你哋多人啦燒茄子就比我係出要食嘅好味而且我之前食嘅就唔可以連皮食啲皮會好硬佢呢個可以連埋皮食最後雞泡魚乾就真係正超適合送酒但我哋今晚無叫酒大家都知咩事啦驚有親密行為吖嘛但我發覺大家可以試下好似我咁食佢一黎到係熱熱哋所以比較軟身之後攤凍左會硬好多會好食啲我覺得所以大家可以一黎到先試少少會有兩種風味最後我哋埋單先3百多啲叫左咁多野食又叫左3枝飲品真係抵食因為我哋最後係勉強清埋啲野食實在太飽大

星期五返完工終於有得透下氣, 黎到西灣河好多好野食，真係簡唔落手！ 一於和女朋友決定黎到寮居酒屋，入到去餐廳格局都幾有特色, 雖然餐廳沒有太多空間, 但係幾似日本既居酒屋, 幾熱鬧、好似真係去左日本咁! 時間為晚上6點,餐廳入面有約10個後生仔。 今餐一共食左$150，都算好抵食, 最滿意既都係餐廳既cp值同味道! 牛肉串燒有認真調味過，幾有火喉，芝士年糕芝士好暖好入味，殼蟹烏冬軟殼蟹可能放得比較耐，唔太脆。 今餐價錢個人認為好抵食, 唔包野飲同甜品每人都係食左大約150, 各位手足記住記住去食 !!!

咁啱去開西灣河 比我發現呢間隱世居酒屋🤪 唔單止嘢食高質 價錢亦十分親民 🤩 主打燒物 亦有石鍋飯烏冬選擇🥳 去西灣河必須懲罰🥰==============================日式霜降牛肉（$28）7.8/10牛肉肉質嫩滑 牛味香濃 一咬已經爆曬肉汁 😋 再飲一啖啤酒真係一流🥰 😍-鹽燒厚牛舌（$19）7.8/10牛舌夠厚身 食落相當有口感😛鹽燒令牛舌更惹味 食完勁想encore🤣-燒汁金菇肥牛卷（$18）7.5/10肥牛油香味好出 加上燒汁作配搭令肥牛冇咁肥膩🥰 😍-原塊香茅豬頸肉（$39）7.8/10 豬頸肉非常爽口彈牙🤪 再加埋泰式辣醬令豬頸肉相當惹味🥳食到停唔到🤣-沙嗲雞肉串（$14）6.5/10雞肉較為一般 唔夠嫩滑 🧐沙嗲醬唔夠濃郁🥴但價錢算平🤣-川味原條燒茄子（$32）7.8/10茄子勁重蒜香味🥰 燒得唔算太乾身 食落都幾juicy 😋 但食完一定要食返粒香口膠辟味🤣-日式汁燒雞髀菇（$13）7.8/10雞髀菇好煙韌爽口😆 食咗咁多肉一定要食返啲蔬菜平衡返🤣- 日本汁燒翠玉瓜（$13）9/10係小編食過最好食嘅燒翠玉瓜 😍一咬已經爆哂汁 🤪crazy !!!

6:30pm到，人客不多，有6個客左右叫了幾款小食，因為身體唔好，冇叫到酒枱上有水，唔叫野飲都可以飲免費水😂😂😂同朋友邊傾邊等，都唔覺時間過去野食逐樣送上，有種日本細居酒屋嘅感覺所有野都好日式，除了店內文宣，呢間真係一間好黃嘅店👍🏻芝士年糕：❤️外脆內軟❤️流心芝士揀左幾款串燒：❤️牛粒夠林，熟得剛剛好🧡沙嗲味道正常💛最下面果條好似魚蛋咁，幾得意大阪燒不過不失，味道正常驚唔飽，叫左個軟殼蟹烏冬❤️軟殼蟹新鮮炸，仲有膏，好正😕烏冬湯好似冇咩誠意，勝在夠平

雖然人比較多，等左陣，但d嘢食全部熱辣辣，又好味。特別係寮炒飯同鹽燒牛舌必食‼️一定會再黎食🤤🤤 員工服務態度好好，好有禮貌。上菜速度有d慢，但整體都好好，非常推薦各位試下👏🏻👏🏻

出街食飯唔想行太遠，又唔想去啲大商場/連鎖店，所以搵左間黃色小店試吓。見到OpenRice 資料話6點先開舖，於是6點3先出門口，結果6點半去到已經冇位啦🙃好彩等左半個鐘多啲有位，店員禮貌好好(o^^o)串燒方面食左燒牛舌，燒茄子，燒霜降牛肉，燒蜜糖芥末雞翼全部都好好食，肉類好厚身，調味唔會太鹹（我哋冇嗌到飲品）另外仲食左個大阪燒同泡菜豚肉鍋，大阪燒正正常常，泡菜鍋有驚喜，配上白飯一流，而且豚肉份量一啲都唔少！唯一缺點係泡菜鍋個賣相有待改善值得encore！

西灣河串燒，第一時間都係會諗起太安樓間炭爐沙嗲串燒，不過今日想搵間可以坐低慢慢食既，我搵到 - 寮居酒屋呢度除左串燒仲有石鍋飯，丼飯，烏冬選擇，唔洗驚食唔飽呀鵝肝石鍋飯鵝肝煎得岩岩好，薄薄的兩片，有點不夠喉，個石鍋好夠熱，加上甜甜地既醬汁，飯焦就係咁樣形成，真係好好味呀雞泡魚干食串燒必叫小食，但呢個有d燒得過火，好硬好乾，少d牙力都食唔晒鹽燒秋刀魚燒得脆身，肉質唔乾，不過秋刀魚本身好多骨，所以食得唔夠爽川味韮菜搽左一層醬汁再灑上辣椒粉，燒到燶燶地咁，好香好惹味唐揚餃子味道一般，不過炸得不錯燒粟米看似簡單，但要燒得外面有少少燶，但個粟米仲保持juicy係唔易，呢度完全燒到呢個效果整體既食物都不錯，又平又抵食，因為少位，建議大家留位先咁就唔洗係出面等咁耐

🇭🇰#香港捐窿捐罅記 #菠蘿王子經濟圈Instagram: foodkiller_dk真香港人開既串燒小店💛，價錢平有人情味😌環境雖然比較地道，而且要同其他人坐埋一齊🤔不過只要你有良心💛同好食，咩環境我都會照懲罰你😆小店由於地方唔太大，所以一人多就可能要等一下，不過佢地廚房又幾快手，唔洗等好耐就有得食☺️我唔介紹全部食物，太多啦😂揀幾樣正既比大家🤤-🐥#手打免治雞肉棒🐥（$16）正宗既要有肥肉同雞軟骨🐥佢兩樣都有🤤食落有咬口而且好香雞味(因為有肥肉）🤤就係差咁個蛋黃汁😂不過呢個價錢已經好抵😁.👅#鹽燒厚牛舌👅（$18）次次食串燒必叫既食物😛牛舌好食需要夠厚身，因為有口感🤪佢地個牛舌係一粒粒😆食落有口感🤤我講咁多野，都需要以形補形👅.🐤#燒雞皮🐤（$16）食落好脆口同香口🤤 可以當佢係香口既豬皮😂又係啤酒殺手😆 我覺得係必叫既串燒😗.🐡#雞泡魚乾🐡（$33）第二次食😛 好似食魷魚乾咁😛點埋個神醬🤪就係一個配酒既完美食物🤤有咬口😬食下佢飲下酒都幾夾💛.🐷#豬頸肉🐷佢特別幫我係等位果時落低😂應該好多人叫😀其實豬頸肉好難唔好食😂反而想講講佢個汁😂應該係泰式汁，酸酸地好開胃😛好特別😂總結來說 又黃

住附近朋友話想食得開心又好味唔洗就住就住，可以試下呢間串燒鋪。一開始叫左十串，等左十五分鐘左右。以全店滿座既情況黎睇都算快手。見到店員小哥全部做到無停手。我地2個人都叫左好多，*必食推介原條茄子🍆好味，食完想再order添燒冬菇，一d都唔乾，仲有赤豚荔枝串，鹹甜mix埋一齊真係好過癮。如果夜晚傾計我地就點埋雞泡魚干送酒，gooooood!第一round叫左肉，第二round叫左蔬菜。川味韭菜花好辣，但好惹味。而翠肉瓜好厚同fresh!多春魚真係燒得岩岩好———-去食日本放題鍾意點菠蘿的必試——-焦糖菠蘿🍍老闆話燒完等一陣再吃，焦糖涼了會變脆，口感仲得意！我同朋友試完一串要再encore一不小心傾傾下計坐左2個鐘下次都會再黎食！