寢宮

營業中

休息中

I often go to grab a drink with friends after work. This bar & restaurant is very close to the heart of the city, so it's a good place for a group from all over the city to meet. We went there for a few drinks after several of us had a hard day at work. The drinks were great and they got some special drinks on the menu. The drink I had was balanced with sweetness but it still got some kick to it. I needed that anyway~ The food they served were awesome and the portion was quite large. 2-3 plates

星期五六週末假期當然要去諾士佛台輕鬆一下，今次去到帶有中國式氣味的「寢宮」吃西洋菜餐，胃口大開，心花怒放。香蒜辣椒檸檬汁炒蝦🍤味道刺激！而且蝦肉鮮甜美，帶出香草味道。.香煎芝麻吞拿魚🧜🏼‍♀️最喜歡這度菜式，但有日本及西方的味道！芝麻作點綴香脆可口。.楊貴妃特飲雞尾酒，有中國貴妃名稱，配上中國式的飲用茶具，承載着的是西方洋酒，中西合璧。

諾士佛臺咁多酒吧，點解係要揀呢間樓上酒吧呢？因為就係想試下佢嘅signature cocktail,同埋朋友推介話呢度嘅嘢食都值得一試。所以我地就無視一條街琳瑯滿目的酒吧，選擇直行轉左，搭Lift去呢間。我地都想試下佢四大美人cocktail，但因為當晚王昭君嘅材料差一樣，整唔到。所以我地四缺一，只有三大美人坐陣。我杯杯都試過飲，中式茶杯酒呢個真係好適合打卡！西施就最淡酒味，果汁味較濃，好啱一啲酒量低嘅女仔飲，我係果啲一飲酒塊面就好紅嘅人呢，但呢杯酒我全部飲完都完全無見面紅，可見酒精濃度唔高。我地叫咗幾款小食，蝦同雞翼都一般，強烈推介一口牛！口感好嫩滑，肉汁好豐富，煮得啱啱好，配埋啲醬汁和辣椒一齊食，好惹味！仲叫咗兩個set一齊share，一個係羊架，一個係慢煮豬扒，個人就比較喜愛羊架，感覺肉質比較鬆軟入味。每個set都會有沙律和餐湯，夠飽肚。吃飽喝足又可以去join下人玩遊戲，錠下飛鏢。我就覺得朋友無介紹錯了，的而且卻係幾值得一試嘅酒吧！

全男班一行七人出嚟食飯飲嘢Reunion，經朋友介紹book咗諾士佛台「寢宮」呢間 Bar & Restaurant。雖然係平日、但係啱啱去到好似我哋係第二枱客、咁靜嘅？！大家仲以為中伏！🤣🤣值得一題、佢哋個黑松露蘑菇湯和黑蒜辣椒炒牛柳粒真係一流。朋友話佢點嘅慢煮黑毛豬鞍只是合格、普通普通。但我點嗰個芥末燒羊鞍就非常正！非常Juicy!! 😋😋 另外有個朋友因為啱啱拗柴、費事食得咁肥膩所以點咗個卡邦尼意粉、想唔到都幾掂、有意外驚喜！佢哋啲酒水價錢都唔算好貴、在尖沙咀我覺得算好合理。叫得打卡熱點「寢宮」嗰度裝修都好靚、見到好多全女班喺度打卡。但我哋幾個戇男就淨係識得喺旁邊打pool、真係浪費機會。🤪🤪

講起「寢宮」呢個詞就會令人聯想到係皇帝訓覺既地方。但原來「寢宮」都可以係一個俾你吃喝玩樂既好地方。今日同幾個同事收工上左黎「寢宮」Happy hour一下。可能時間尚早，所以酒吧內唔算多人~酒吧內有梳化位同埋高枱高櫈既座位，適合想私密地談心既情侶或者想高談闊論既一大班朋友。另外仲有桌球、掟鏢同埋BEER PONG等等既GAME俾客人互動。係大顯身手之前當然要醫左肚先啦酒吧設有SET DINNER，價位由$168-$328不等，豐儉由人。我就揀左慢煮西班牙黑毛豬鞍配鵝肝。西班牙黑毛豬幾出名就係人都知架啦~仲要係以慢煮手法去烹調，唔洗講都知會係勁鮮嫩果然如我所料，豬鞍好容易切開，肉質仍然呈非常誘人既粉紅色入口鬆化多汁，唔洗加太多調味料都好好食，不過醬汁都可以令佢錦上添花既鵝肝煎得剛剛好，唔會太老或太生，入口即溶，帶有豐富既甘香味道。食完之後成班友仔都衝哂出去玩，又真係幾開心既~

位於諾士佛台嘅寢宮，呢間係一間bar & restaurant，除左酒精飲品之外，仲有提供主菜同小食比客人。呢間餐廳入面嘅裝修特別，係用左睡房嘅主題，高櫈同沙發都用左藍色嘅質料，有睡房嘅格調。另外，餐廳有桌球，beer pong同埋飛標呢啲娛樂設施。講翻食物方面，當日就點左兩個主食，分別係美國肉眼牛扒配燒汁同埋慢煮西班牙黑毛豬鞍配鵝肝，小食就點左一客蒜辣雞翼條。兩個主食都係set meal，有跟到一個湯同沙律。蘑菇湯蘑菇味夠，又有拉花，幾有心思。凱撤沙律蔬菜份量夠，但略嫌沙律醬唔夠。美國肉眼牛扒配燒汁（＄328）肉眼扒order左5成熟，上枱個陣都係5成熟，而味道方面本身塊扒已經好有牛味，同埋塊扒好冧，鍾意食牛扒嘅人絕對喜歡。除左塊肉眼牛扒之外，有焗薯仔配松露醬、豆角、炸芋片、燒蕃茄、紫芋球同埋椰菜花，十分足料，而且大部分配料都係透過唔同烹調分法煮成，超有心思。其中我本人最愛嘅配菜係紫芋球，好少可以係街到食到。呢個牛扒非常抵食，值得推介。慢煮西班牙黑毛豬鞍配鵝肝（＄328）呢個都係set meal，同樣都有以上嘅配料。呢塊豬鞍厚身連骨，好有口感。黑毛豬鞍本身係嫰嘅部位，同埋煮得夠冧，豬

之前見到呢間酒吧 有吹波仔可以玩，夠一定既% 仲可以有折好得意，所以想黎試下D cocktail都好有特色，我地分別叫左皇帝同西施~西施呢一杯 其實就係橙汁加酒味D杯就好似古裝劇咁~即刻諗起步步驚心😂呢一隻就係皇帝 D杯都好靚 呢一杯酒味就比較重適合鐘意酒精重d既人另外，我地叫左一個Set,餐湯 係南瓜湯 整得有心思 面且味道都好好飲到中途 因為張枱唔夠位放 佢收走左個湯🤦🏻‍♀️但好好既係 佢換返一配全新既出黎 服務唔錯另外，仲有前菜沙律，千島醬少左d之外，其實都唔錯我地就叫左卡邦尼意粉，睇得出餐廳幾用心去煮同網飾，意粉軟硬適中，而且味道岩岩好，唔好太咸，幾好食跟餐仲加左個小食，係芝士雞肉丸雖然5粒 價錢唔平，但係真係幾好食，芝士味亦重唔跟餐散叫就貴一倍喇🙈個場唔會太嘈，仲有千秋位可以玩，傾多左陣就叫左第2 round, 試啤酒啤酒就一般啤酒，要嘗試呢就cocktail比較有特色另外就試左 黑松露芝士薯條黑松露醬係好食既，但芝士就少左d喇，整體其實係好送酒既，而且好食既！

平日放工後同朋友去試食 人流都唔算多環境好舒適 又有得玩擲鏢叫左個肉眼扒試 落單個陣員工無問我幾成熟 咁上菜大約6成熟左右肉質一般  都有牛肉既味道 味道尚可但同樣既價錢 我覺得可以做得更好 好彩 牛扒勝在夠大配菜都好足 食完都好飽酒就叫左佢地獨有既四大美人系列-楊貴妃味道有D似果汁酒 幾有趣 佢係一set上 大約可以飲到兩杯半左右以後有機會再試埋其他系列總結 食物質素唔錯 環境舒適 酒的款式值得一試 

Had a blast there. Recommend their cocktails like Classic Manhattan, Cosmopolitan, Daiquiri and Mojito. They have other fusion cocktails like their Beauty with King series. The drink I had wasn't too sweet and it went down easy. Also it didn't give me a hangover the day after~I wanna try the Beauty cocktail next time cos they look so interesting. I saw that they were served in a traditional Chinese tea cup.Must try the food there as well. The portion is more than generous and 3 people can share

小食叫左黑松露芝士薯條🧀黑松露醬係分開上，自己中意點幾多就點幾多❤️有好多溶左既芝士醬係薯條上面，熱辣辣🔥香煎芝麻吞拿魚柳，我估應該係吞拿魚刺身黎既🐟有啲咸味再加上好多芝麻係面，好香好重芝麻味👍🏻 主菜💐美國肉眼牛扒配燒肉汁🥩肉眼有啲肥，但係個燒肉汁係我好中意食甜甜地既果種味道🤩唔係度度既汁都好味架！側邊仲有一球紫薯薯蓉同埋一個迷你焗薯仔，紫薯偏甜，焗薯仔面頭有沙律醬，不過再多啲就更好🤩慢煮西班牙黑毛豬鞍配鵝肝🐷鵝肝真係好好味🤤個肥仔真係好唔識貨西班牙黑毛豬都好軟熟好好味呀💕慢煮既東西通常都好jeng gaaa❤️❤️❤️ 兩杯野飲都係好有特色🍹係staff揸主意揀比地一杯係牛油果，我唔知道叫咩名🤣但飲到粒粒同好creamy 既牛油果同Yogurt既味道，酸酸甜甜好清新架🍃另一杯應該係叫做Mango mule，我飲左兩啖，好香芒果味既梳打🍋肥仔飲到眼都突埋話好好飲🤤岩曬佢呢啲芒果迷🤪係一間酒吧餐廳，除左食物之外，仲有得打桌球、Beerpong、仲有幾個打卡位🙈個千秋影相好靚呀❤️

今日同朋友去呢間酒吧就係想睇下佢錠飛鏢，因為佢係飛鏢會嘅成員，之前仲攞過獎添。佢IG我就見得多佢錠飛鏢個樣啦，但今日可以見真人，真係開心！我因為收工遲咗，飯都未食，睇到呢度嘅MENU原來除咗酒類飲品都有好多嘢食，我就叫咗個慢煮西班牙豬鞍配鵝肝SET。包沙律同餐湯，食完沙拉同餐湯都飽飽地噶啦，主角登場都嚇我一跳，因為真係幾大份，又有好多配菜，包括秋葵，豆角，筍，菇，薯仔，番薯片等等……味道都唔錯，豬鞍肉質鬆軟，鵝肝口感細嫩柔滑。食完都真係好飽下，呢餐係我食過最飽嘅西餐啦，因為平時食嘅西餐都係細細碟，呢度嘅就真係一反常態。我因為少嚟酒吧，對酒類飲品唔太熟悉，嘢飲都係朋友幫我叫嘅，酒味唔濃，味道易入口。我地傾咗陣呢排嘅近況就開始我地嘅錠飛鏢環節啦！佢錠就幾乎次次正中，我就連錠到飛鏢盤都難上……真係笑死人啦……食個牛扒，飲杯酒，錠下飛鏢，感覺好chill~呢度環境都幾舒適，氛圍唔錯，我見隔離啲都係飲緊茶杯裝嘅野，以為有茶飲，問朋友先知原來係佢地啲特製雞尾酒嚟嘅，下次有機會嚟都會想試下。

呢排返工真係忙，約人食飯都無時間。所以同好友都好耐無見。今日終於約到出嚟，由於大家都各有心事，於是就揀咗呢間Pub，一邊食嘢，再飲返杯慢慢傾。呢間寢宮，身邊幾多人去試過，我都上網睇過下，我一直都想試佢嘅四大美人cocktail。四大美人cocktail分別用中國四大美人命名：貂蟬，西施，楊貴妃，王昭君。我就叫咗西施，用中式茶杯裝，好復古，好靚！酒味唔濃，較重果汁味，幾適合我飲。我一向就比較喜歡飲一啲重果汁味的cocktail，而且比較喜好酸甜酸甜的味道，飲起嚟易入口，感覺比較清新。朋友叫咗咩我唔記得咗，我飲咗啖都幾好飲。我地叫咗三樣食物。 美國肉眼牛扒 ：叫咗7成熟，味道唔錯，牛味濃郁。配菜有番茄，薯蓉，番薯脆片，都幾好食。香煎盲鰽魚柳保雲蘇：表面香脆，內裡滑嫩，味道都唔錯！紅波椒粉炒薯角配芫茜醬：呢個係叫嚟送酒，調味好味，醬汁都幾特別，特別得嚟都幾夾。我地對每一道酒品和餐品都頗滿意！同埋整個場空間好闊落開揚，坐得舒服，我地都坐咗好耐先走，在微醺且放鬆的狀態下互述心事，整理好思緒。我覺得完全可以再Encore幾次！

一聽到係去諾士佛臺，就知道應該會有得飲酒，因為閨蜜中有人係比較喜歡品嚐美酒。佢介紹得呢間酒吧餐廳，相信一定有番咁上下水準。入到去地方好大，裝修靚，尤其是精緻嘅壁畫同佈置，大家馬上雙眼blingbling，不斷影selfie。今晚飲咗杯簡單嘅Sangria，喺西班牙喝過後一直掛念佢嘅味道，紅酒加上水果，感覺好light好清新。加咗幾款小食，有雞翼、炸魚、薯角。雞翼係單骨，唔怕食到好論盡，炸到好脆，我地爭住食。炸魚個他他醬好夠酸味，點完即刻冇咗油膩嘅感覺。梳化非常舒服，好有一種relax的感覺，可以坐上整晚。下次再去要試下玩鏢機，成日覺得掟鏢係好型。

因為最近上網睇到呢間餐廳既裝修好靚 所以朋友生日就揀左去呢度慶祝 一入店感覺好逼夾 店員安排我地三個坐高檯 張檯超細張😑😑 我地三個人 點左兩份意粉 一份牛扒 等左超耐囉真係 入餐廳果陣有講明有時限 點知時限到份意粉都未到 野食質素我個人覺得都好一般 價錢唔值 朋友都話唔會再黎第二次 失望

Friday night收工最好既節目就係搵個朋友出黎食下飯吹下水本身打算同朋友去寢宮食住飯飲杯野，但佢地呢個時間爆哂場，唯有出去食完飯再返黎飲杯野繼續下半場啦寢宮個場內氣氛幾好，播既歌又好聽，唔會播啲勁老土既mk快歌remix版場入面設有桌球同其他game，但由於我今晚得兩個人，都係想坐埋一齊密密傾。由於已經食左飯既關係，無叫太多食物，只係叫左個薯條黎送下酒。我就叫左「王昭君」黎陪酒，朋友就叫左1664坐下傾下好快上齊野食同飲品。薯條係即叫即炸，芝士好香濃，份量剛好唔會落太多，因為芝士太多會好膩。而黑松露醬亦都好夾，散發住一種好誘人既香氣，令你忍唔住一條接一條咁食。「王昭君」以富有中國味道既茶具盛載，又幾得意喎入口有明顯果香味，烈酒部份唔會太濃，個人黎講覺得幾啱女仔飲餐廳其實仲有好多唔同既飲品揀，不過今晚同朋友志在吹水，唔係想買醉，所以飲一杯就收手啦